Morgunblaðið - 19.05.2006, Blaðsíða 6

SILVÍA Nótt verður ekki í Evró-
visjónkeppninni á laugardag. Það
kom í ljós eftir forkeppnina í Ól-
ympíuhöllinni í Aþenu í gærkvöldi.
Það var púað og baulað á hana
bæði fyrir og eftir flutning hennar
á laginu Congratulations eftir Þor-
vald Bjarna Þorvaldsson. Þegar
baulinu linnti eftir söng hennar
heyrðust hins vegar mikil fagn-
aðarlæti.
Silvía Nótt kom síðust fram í röð
tuttugu og þriggja keppenda í for-
keppninni, en tíu efstu lögin kom-
ust áfram. Skoðanir fólks á ís-
lenska framlaginu til keppninnar
hafa verið mjög tvískiptar og Silvía
umdeild, – annaðhvort virðist fólki
líka mjög vel við hana, eða mjög
illa.
Löndin sem komust áfram voru
Rússland, Makedónía, Bosnía og
Hersegóvína, Litháen, Finnland,
Úkraína, Írland, Svíþjóð, Tyrkland
og Armenía.
„Það er hluti af leiknum sem
heitir Evróvisjón að geta tapað,“
sagði Jónatan Garðarsson, hóp-
stjóri íslenska liðsins, eftir að úr-
slitin lágu fyrir í gærkvöldi. „Atrið-
ið okkar hefur vakið mjög misjöfn
viðbrögð, en hópurinn stóð sig
mjög vel á sviðinu og það var mikill
kraftur í þeim. Þau gerðu sitt besta
og skiluðu sínu vel.“
Selma Björnsdóttir hefur tekið
þátt í Evróvisjón fjórum sinnum,
þar af tvisvar sem söngvari. Hún
söng í keppninni í fyrra, en var
danshöfundur hópsins nú. „Það er
ljóst að Austur-Evrópa er í tísku
núna,“ sagði Selma í gærkvöldi.
„Mörg lög þaðan komast í gegn án
þess að eiga það skilið, því þau eru
ekki góð. Þetta eru svo margar
þjóðir, að við hérna megin í Evrópu
eigum hreinlega erfitt uppdráttar.
Það er ekki mikil hvatning fyrir ís-
lenska lagahöfunda að taka þátt í
keppninni við þessar aðstæður.“
Ýmist fagnað eða baulað í Aþenu
Morgunblaðið/Eggert
Silvía Nótt með lífvörðum sínum allt annað en ánægð að lokinni keppninni í Aþenu í gærkvöldi.
6 FÖSTUDAGUR 19. MAÍ 2006 MORGUNBLAÐIÐ
FRÉTTIR
Lagadeild
Allar upplýsingar í síma 525 4386 og á www.hi.is.
Umsóknarfrestur er til 6. júní.
Laganám í Háskóla Íslands:
Metnaður, gæði og árangur.
FYRSTA skóflustungan var tekin að
byggingu nýs þjónustukjarna ásamt
hjúkrunaríbúðum og rýmum fyrir
aldraðra við Boðaþing í Kópavogi í
gær, en hana tók Jóhanna Arnórs-
dóttir, heiðursfélagi í Félagi eldri
borgara í Kópavogi (FEBK) og fyrr-
verandi formaður samtakanna.
Áætlað er að fyrsti áfangi verksins
verði tilbúinn þegar á næsta ári, en
um er að ræða samstarfsverkefni
Kópavogsbæjar og Hrafnistuheimil-
anna. Viðræður standa nú yfir við
heilbrigðisráðuneytið um að rekstur
heimilisins verði með öðru sniði en
nú tíðkast hér og að sjálfstæði og
fjárræði heimilisfólks verði í fyrir-
rúmi.
Hugmyndin að baki hinu nýja
rekstrarformi byggist m.a. á vilja
bæjaryfirvalda að heimilisfólkið
haldi tekjum sínum og greiði sjálft
hefðbundin útgjöld, s.s. húsaleigu og
fæði, en að hið opinbera greiði fyrir
hjúkrun og aðhlynningu. Fyrir vikið
verði greiðslur og útgjöld heimilis-
manna mun sýnilegri en nú er þegar
allar greiðslur fara gegnum trygg-
ingakerfið og heimilisfólk sér hvorki
tekjur sínar né í hvað þær fara. Út-
hlutanir í hjúkrunaríbúðirnar og
rýmin verða óháð efnahag og fara í
gegnum hefðbundið vistunarmat.
Meira sjálfstæði og vellíðan
Hugmyndin byggist einnig á fé-
lagslegu sjónarhorni umönnunar,
þ.e. að gamla fólkið er ekki sjúkling-
ar í hefðbundnum skilningi, heldur
býr það við skerta færni. Hjúkrunar-
íbúðirnar verða því heimili gamla
fólksins og tekur umönnun og
menntun starfsfólks mið af því. Veik-
ist hinn aldraði getur hann þurft
tímabundna þjónustu á sérhæfðu
sjúkrahúsi eins og aðrir, en að því
loknu getur hann snúið til síns heima.
„Það er lykilatriði að einstakling-
urinn hefur fjárhagslegt sjálfstæði
fram á hið síðasta,“ segir Gunnar
Birgisson, bæjarstjóri Kópavogs, um
hið nýja fyrirkomulag. „Það er ólíkt
því sem er í dag, ef fólk er í hjúkr-
unarrými eru fjárráðin tekin af því
og ríkið tekur greiðslur frá Trygg-
ingastofnun og séreignarlífeyrissjóði
allt upp í 180.000 krónur á mánuði og
viðkomandi fær vasapeninga upp á
30–40.000 krónur á mánuði.“
Gunnar segir þetta kerfi hafa verið
reynt m.a. í Danmörku, Hollandi og
Finnlandi undanfarin tíu til fimmtán
ár og fólki líði mun betur innan þess.
„Þetta er ekki dýrara úrræði heldur
en hjúkrunarrými heldur í raun
ódýrara og minni skriffinnska sem
fylgir.“ „Þetta er mannúðlegt og við
erum að hugsa um það að gera þjón-
ustuna virkari og betri og heimilis-
legri. Við erum að hugsa um þetta
sem heimili og ekki sem stofnun.
Þarna verður umönnun fyrir einstak-
lingana en þeir halda sínum heimilis-
læknum, svo þeir geta kallað á
hann.“
Íbúðirnar og rýmin verða 88 tals-
ins og er hver íbúð 36 fermetrar með
baði auk sameignar sem er 28 fer-
metrar á hverja íbúð. Ellefu íbúðir
verða saman í einingu en lögð verður
áhersla á litlar og heimilislegar
kjarnaeiningar. Í sameign verður
þvottaaðstaða, eldhús og borðstofa.
Hjúkrunaríbúðirnar munu tengjast
þjónustukjarna sem er með sund-
laug, sjúkraþjálfun, dagvistun, net-
kaffihúsi og félagsmiðstöð sem ætluð
verður öllum eldri borgurum í hverf-
inu.
Aldraðir eru um 10,9% af íbúum
Kópavogs og er biðtími eftir plássi á
hjúkrunarheimili í bænum lengri en
hjá öðrum bæjarfélögum. Ástæður
þessa eru fjölbreyttar, en Gunnar
kveður nauðsynlegt að ríkið taki þátt
í kostnaði og rekstri.
Nýstárlegur þjónustukjarni fyrir aldraða rís í Kópavogi
Sjálfstæði og fjárræði
heimilisfólks í fyrirrúmi
Morgunblaðið/RAX
Fyrsta skóflustungan var tekin að byggingu nýs þjónustukjarna ásamt
hjúkrunaríbúðum og rýmum fyrir aldraðra við Boðaþing í Kópavogi í gær.
ÉG lít svo á að forkeppnin hér
heima sé aðalatriðið og við höldum
henni ótrauðir áfram. Síðan verður
það að koma í ljós hvort smekkur
Íslendinga fellur að smekk annarra
í Evrópu. Kannski kemur einhvern
tíma að því en það hefur ekki gerst
hingað til,“ sagði Páll Magnússon
útvarpsstjóri að lokinni undan-
keppni Evróvisjón í gærkvöldi þar
sem Silvía Nótt komst ekki áfram
með framlag Íslendinga, Til ham-
ingju Ísland. Er þetta í annað skipt-
ið í röð sem Íslendingar komast
ekki áfram í keppninni.
Brugðið getur til beggja vona
„Sem áhorfandi vonaðist ég til
þess að hún kæmist áfram í úrslitin.
En meginávinningurinn af þessu
fyrir okkur er auðvitað keppnin hér
heima á Íslandi. Síðan kemur loka-
keppnin sem rökréttur lokapunktur
og þar getur brugðið til beggja
vona. En þetta rýrir ekkert gildi
keppninnar hér heima sem er mjög
skemmtilegt fyrirbæri. Raunar er
þannig litið á þetta víðast annars
staðar, t.d. telja
flestar sjónvarps-
stöðvarnar á
Norðurlöndunum
að kjötið á bein-
unum sé keppnin
í hverju heima-
landi,“ sagði Páll.
„Að þessu
sinni byrjuðum
við aftur í formi
forkeppni, en
lagið með Selmu Björnsdóttur í
fyrra, sem komst heldur ekki
áfram, var ekki valið í neinni for-
keppni, heldur beinlínis fenginn
höfundur til að semja og útsetja
lagið og listamaður fenginn til að
flytja það. Ég held að hvor aðferðin
sem notuð er tryggi engan árangur
í þessari lokakeppni. Aðalatriðið er
keppnin hér heima.“
Forkeppnin hér
heima aðalatriðið
Páll Magnússon
VARLA var maður á ferli á höf-
uðborgarsvæðinu þegar und-
ankeppni í Söngvakeppni evr-
ópskra sjónvarpsstöðva fór fram í
gærkvöldi. Lögreglan í Kópavogi
sagði göturnar hafa verið tómar,
símann varla hafa hringt og því
hefði verið vægast sagt mjög rólegt
á vaktinni. Svipaða sögu hafði lög-
reglan í Hafnarfirði að segja. Þar
var „dauður tími“ og varla að sím-
inn hringdi á lögreglustöðinni. Og
hjá Reykjavíkurlögreglunni þagn-
aði síminn nánast á meðan keppnin
stóð yfir og mjög rólegt var yfir
mannlífinu.
Varla nokkur maður á ferli
ÞAÐ var eins og einhver þeirra
áhorfenda sem bauluðu á Silvíu
Nótt í Aþenu í gærkvöldi hefði
komist í rafmagnið á Hvolsvelli
og í nærsveitum, því rafmagnið
þar sló út skömmu áður en
Silvía Nótt átti að flytja lag sitt
og komst ekki á aftur fyrr en
um 20 sekúndur voru eftir af
laginu.
Ekki nóg með það því Hvols-
vellingar og nærsveitamenn,
sem voru að vonum óhressir
með þetta, hugsuðu sér gott til
glóðarinnar og ætluðu sér að
horfa á Silvíu á RÚV+ sem
send er út með klukkutíma
seinkun. Þá vildi ekki betur til
en svo að rafmagnið fór aftur af
58 mínútum eftir að því sló út í
fyrra sinnið, þannig að sú ráða-
gerð fór líka út um þúfur.
Samkvæmt upplýsingum
Rafmagnsveitna ríkisins var
það spennir sem sló út í bæði
skiptin. Ekki er vitað hvað olli
og átti eftir að rannsaka það
betur í gærkvöldi. Hins vegar
er ljóst að það átti ekki fyrir
Hvolsvellingum og nærsveita-
mönnum að liggja að sjá Silvíu
Nótt flytja framlag Íslands í
Söngvakeppni evrópskra sjón-
varpsstöðva í gærkvöldi, hvort
sem það voru máttarvöldin eða
einhver önnur öfl sem þar voru
að verki.
Hvolsvell-
ingar sáu
ekki Silvíu
Eftir Bergþóru Jónsdóttur
begga@mbl.is