Morgunblaðið - 19.05.2006, Blaðsíða 29
MORGUNBLAÐIÐ FÖSTUDAGUR 19. MAÍ 2006 29
UMRÆÐAN
ÉG OG nágranni
minn tókum spjall
saman einn fagran
apríldag. Við stóð-
um úti og dásöm-
uðum hið fagra út-
sýni sem við
höfðum yfir Viðey,
með Snæfellsjökul í
fjarska og fjalla-
hringinn í norðrinu.
En Adam var ekki
lengi í paradís því
nágranni minn
sagði mér frá heim-
sókn sinni inn á lóð
Áburðarverksmiðjunnar sálugu yfir
páskana og lýsti því sem hann sá
þar. Ég trúði vart mínum eigin
eyrum því hann átti ekki nógu
sterk lýsingarorð yfir allan sóða-
skapinn sem viðgengst á þessu
svæði sem er í eigu Reykvíkinga.
Þarna ægir öllu saman, járnadrasli,
bílhræjum og umbúðum alls konar.
Án alls vafa leka þarna spilliefni út
í jarðveginn. Annað og verra er
fjallhár haugur undir berum himni
af kurluðu timbri og spýtnabraki,
gjörsamlega óvarið fyrir gestum og
gangandi. Þarna þarf lítinn neista
til að úr verði mikið bál.
Í niðurníddum verk-
smiðjuhúsunum fer fram
alls kyns atvinnustarf-
semi þar sem notuð er
bæði raf- og logsuða rétt
við timburhauginn. Einn
brunahani er ekki fjarri
haugnum en hann hafði
verið keyrður niður og lá
brotinn á jörðinni. Þarna
á svæðinu eru margar ef
ekki allar reglur um at-
vinnustarfsemi þver-
brotnar og allar eftirlits-
stofnanir borgarinnar
eitt fúafen. Þetta er allt gert með
leyfi R-listaflokkanna; Samfylk-
ingar, Framsóknarflokks og
Vinstri grænna. Ég nefni þessa
flokka hér í Reykjavík sem mestu
umhverfissóða landsins. Ég átta
mig síst á að Vinstri-græni flokk-
urinn skuli láta þetta viðgangast
því þar á bæ eru sorgarrendur
undir nöglum talinn hinn mesti
sóðaskapur. Hrein torg, fögur
borg, gala fulltrúar þessara flokka
standandi efst á eigin fjóshaug. Ég
hvet fólk og fjölmiðla til að skoða
og sannreyna þetta áður en borg-
aryfirvöldum tekst að klóra yfir
skítinn.
Það muna eflaust einhverjir eftir
sprengingu sem varð í Áburð-
arverksmiðjunni fyrir nokkru.
Strax og nágrannar verksmiðj-
unnar fóru að viðra áhyggjur sínar
var snarlega snúið á þá með þeim
orðum að verksmiðjan væri að fara
og yrði fljótlega rifin. Hún stendur,
enn þá ljótari og sóðalegri en áður.
Að efna það sem sagt er eða lofað
er virðist mjög framandi fyrir R-
listaflokkana.
Umhverfissóðar
Björgvin Arngrímsson fjallar
um sóðaskap í borgarlandinu ’Hún stendur, enn þáljótari og sóðalegri en áð-
ur. Að efna það sem sagt
er eða lofað er virðist
mjög framandi fyrir R-
listaflokkana.‘
Björgvin Arngrímsson
Höfundur er framkvæmdastjóri
og býr í Grafarvogi.
Í ÁR fagna nemendur Mennta-
skólans á Akureyri glæstum sigri í
Gettu betur. Þó svo að keppnin
hafi verið skemmtileg
og spennandi, eins og
fyrri ár, urðum við
fyrir miklum von-
brigðum með fram-
kvæmd hennar. Síð-
ustu ár hefur RÚV
komið út á land og
sent út keppnina það-
an ef skóli úti á landi
hefur komist áfram í
keppni í Sjónvarpinu.
Sérstakur stýri-
hópur skipulagði
keppnina í ár. Þar
sátu nemendur fimm
skóla, þar af einn úr
MA. Á fundum stýrihóps og RÚV
var rætt um að hafa sama fyr-
irkomulag og áður, það stóð svart
á hvítu í skilmálum RÚV að ferða-
styrkur yrði greiddur þeim skóla
sem þyrfti að ferðast á milli lands-
hluta, jafnt frá Reykjavík út á
land og þaðan til Reykjavíkur.
Þegar leið á keppnina tilkynntu
sjónvarpsmenn að ef við kæmumst
í Sjónvarpið myndi RÚV ekki
senda keppnina út frá Akureyri.
Núna yrðu allar sjónvarpsumferð-
irnar háðar í húsnæði sem RÚV
hefði á leigu við Fiskislóð í
Reykjavík. Búið væri að betr-
umbæta sviðsmyndina svo ekki
væri hægt að fara með hana út á
land. Það var undarleg betrumbót!
Þetta var einhliða ákvörðun Sjón-
varpsins. Hún var tekin án þess að
nokkurt samráð væri haft við
stýrihópinn eða nem-
endur skólanna.
Eru slík vinnu-
brögð í lagi?
Við héldum suður og
öttum kappi við MR.
Að sjálfsögðu varð
skólafélagið Huginn að
bjóða nemendum MA
ókeypis rútuferð svo
nógir áhorfendur yrðu
í sal. Sjónvarpið út-
hlutaði sætum, en
styrkurinn sem fékkst
frá RÚV til þessarar
ferðar var einn fjórði
af ferðakostnaði. Ef við hefðum
einungis borgað undir þann fjölda
sem styrkurinn frá RÚV dugði til
hefðum við komið með sjötíu
manns. Það hefði verið sér-
kennilegt ef aðeins hefði verið set-
ið í 20% okkar sæta.
Eftir sigurinn á MR sendum við
kvörtunarbréf til RÚV og sögð-
umst ekki geta mætt aftur með
fólk í sal ef styrkur yrði ekki stór-
aukinn eða, sem réttara væri, að
næsta umferð yrði fyrir norðan.
Þá var styrkurinn þrefaldaður.
Ekki vildi RÚV hálftóman sal, það
kemur víst ekki vel út í Sjónvarpi.
Við urðum að rukka nemendur
sem fóru þessa ferð um þúsund
krónur á mann, enda styrkurinn
enn ekki nægur. Skólafélagið Hug-
inn borgaði það sem upp á vantaði.
Þegar leit út fyrir að við kæmumst
ekki suður vegna veðurs sögðu
sjónvarpsmenn að það gerði ekk-
ert til, bara ef liðið kæmist!!!
Við komumst í úrslit og fórum
þriðju og síðustu ferðina suður.
Rúmlega fjögur hundruð manns
skráðu sig í ferðina og fannst okk-
ur nauðsynlegt að bjóða öllum
þeim sem vildu fara suður. Því
miður gátum við það ekki þar sem
RÚV vildi ekki koma frekar til
móts við okkur. Við báðum RÚV
að útvega okkur sal nálægt keppn-
isstað, þar sem þeir sem ekki
fengju sæti í sal gætu fylgst með
keppninni. Það eina sem þeir buðu
voru ölstofur í Reykjavík! Það
kom auðvitað ekki til greina af
okkar hálfu. Við urðum að neita
100 manns um að sjá úrslitakeppn-
ina. Þar á meðal fólki sem hafði
stutt liðið dyggilega í fyrri um-
ferðum.
Fargjaldakostnaður skólafélags-
ins Hugins af þessum suðurferðum
er á aðra milljón króna og nem-
endur hafa sjálfir borgað einhver
hundruð þúsunda til viðbótar.
Sjóður skólafélags er félagsgjöld
nemenda. Hver eyrir er skipulagð-
ur í byrjun árs. Að sjálfsögðu var
aldrei búist við útgjöldum sem
þessum. Félagsstarf skólans er
miklu meira en Gettu betur. Sumt
sækjum við suður: Söngkeppni
framhaldsskólanna, Morfís, Gettu
betur, margvíslega keppni í ýms-
um íþróttum og öðrum greinum.
Það kostar peninga. Það má vera
ljóst að óvænt útgjöld vegna Gettu
betur, fáránlega lágir styrkir frá
RÚV og einhliða ákvörðun RÚV
að keppa ekki á heimaslóð, hafa
haft mjög mikil áhrif á annað fé-
lagsstarf í skólanum og raskað því
sem fyrirfram hafði verið skipu-
lagt og ýmislegt verður að fella
niður.
Kostnaðurinn er eitt, en röskun
á skólastarfi er mun alvarlegri.
Þrisvar hafa þrjú til fjögur hundr-
uð manns farið suður á fimmtu-
degi (Sjónvarpið ákvað að hafa
keppnina þá). Komið var heim að
lokinni keppni milli þrjú og fjögur
aðfaranótt föstudags. 4–5 tíma
svefn dugar ekki unglingum Því
raskaðist skólastarf á föstudög-
unum líka. Þrisvar hafa hluti
fimmtudags og föstudags farið í
súginn í þessum skóla, hinir skól-
arnir kepptu allir heima.
Er Ríkisútvarpið ekki lengur út-
varp allra landsmanna? Á það ekki
að koma eins fram við alla óháð
búsetu? Ætti sviðsmynd ekki að
vera þannig að hægt sé að ferðast
með hana um landið? Er rétt að
láta nemendur eins skóla missa af
kennslu aftur og aftur vegna Gettu
betur? Er eðlilegt að nemendur
MA þurfi að borga talsvert á aðra
milljón króna í fargjöld til þess að
geta tekið þátt í Gettu betur?
Snýst Gettu betur ekki lengur um
keppni og þátttöku skólanna?
Okkar krafa er sú að allir skólar
sem taka þátt í Gettu betur sitji
við sama borð hvað varðar kostnað
og vinnutap nemenda. Samningar
um keppnina sem í upphafi eru
gerðir eiga að standa og þeim á
ekki að breyta án samráðs allra
sem að þeim standa. Það er sárt
að geta ekki notið af heilum hug
glæsilegs sigurs í Gettu betur í
þetta sinn vegna mismununar af
hálfu Ríkisútvarpsins. Það á að
taka meira tillit til okkar nemenda
á landsbyggðinni og hafa það í
huga að ungt fólk lætur ekki bjóða
sér hvað sem er.
Útvarp allra landsmanna?
Edda Hermannsdóttir fjallar
um Gettu betur og þátttöku MA ’Okkar krafa er sú að all-ir skólar sem taka þátt í
Gettu betur sitji við sama
borð hvað varðar kostnað
og vinnutap nemenda.‘
Edda
Hermannsdóttir
Höfundur er formaður
skólafélags MA.
MEÐ nýgengnum hæstaréttar-
dómi í þjóðlendumálum í Öræfasveit
er fram komið það sem margir höfðu
óttast en enginn viljað
trúa. Lögverndaður
þjófnaður á þing-
lýstum eignum er orðin
að veruleika. Hvað
segja nú þingmenn og
ráðherrar sem farið
hafa hér um sveitir og
sagt mönnum að ekk-
ert slíkt myndi nokk-
urn tíma gerast? Þegar
kvartað hefur verið við
þá undan þessum stef-
nivargi sem þeir hafa
sent okkur lands-
byggðarfólki hafa þeir
jafnan verið í bland pirraðir en um
leið skömmustulegir og viðkvæðið
alltaf það sama: „Verið alveg rólegir,
þetta fer allt vel og þegar þessu lýk-
ur verða menn alveg öruggir um sín-
ar eignarheimildir til allrar fram-
tíðar“.
Auðséð er nú eins og reyndar allt-
af var vitað að þessi huggunarorð
hafa aldrei verið annað en marklaust
blaður.
Og hver getur verið
öruggur með sitt eftir
þetta? Hvenær spretta
næst upp sprenglærðir
snillingar úr lagadeild
Háskóla Íslands með
ennþá nýrri lögfræði-
kenningar um eign-
arrétt manna sem
ganga enn lengra en
þær sem nú eru not-
aðar til að réttlæta
þessar gjörðir? Og ætli
alþingismenn setji ekki
þá eins og nú kíkinn
fyrir blinda augað? Alveg eins og
stjórnarherrarnir og stuðningslið
þeirra gerir varðandi skattpíningu
láglaunafólks, öryrkja og gamal-
menna. Já, hann er mikið notaður
þessi kíkir og þetta blinda auga nú
um stundir. En þetta hefur þjóðin
kosið yfir sig og þangað leitar jafnan
klárinn þar sem hann er kvaldastur.
Eftir stríðsyfirlýsingar á hendur
öðrum þjóðum ásamt því sem að
framan er getið er fátt eitt sem kem-
ur manni orðið á óvart úr þessum
herbúðum. En ótrúlega er það nú lít-
ilmannlegt að íslenska ríkið skuli
vera að rýja þá Kvískerjabræður
eigum sínum.
Þjóðlendumál í Öræfasveit
Þórir N. Kjartansson fjallar
um nýgenginn þjóðlendudóm ’En ótrúlega er það núlítilmannlegt að íslenska
ríkið skuli vera að rýja þá
Kvískerjabræður eigum
sínum.‘
Þórir N. Kjartansson
Höfundur er framkvæmdastjóri
og búsettur í Vík.
VELFERÐ UMHVERFI NÝSKÖPUN
Margrét K. Sverrisdóttir,
framkvæmdastjóri og
varaborgarfulltrúi
2 sæti
„Björgum 19. aldar
götumynd
Laugavegarins.“
Lloret de Mar
í maí og júní
frá kr. 49.990
Munið Mastercard
ferðaávísunina
Heimsferðir bjóða einstakt
tilboð á einn vinsælasta
áfangastað Costa Brava
strandarinnar við
Barcelona, Lloret de Mar.
Gott hótel með góðri
aðstöðu, fallegum garði,
sundlaug og
veitingastöðum. Örstutt í
golf og á ströndina. Öll
herbergi með baði,
sjónvarpi og síma.
Skógarhlíð 18 • sími 595 1000 • Akureyri sími 461 1099 • www.heimsferdir.is
5 nætur - allt innifalið
Verð kr. 49.990
allt innifalið
Netverð á mann. Flug, skattar og gisting
í tvíbýli með allt innifalið á Hotel Sunrise
í 5 nætur. 25. maí, 8. júní og 15. júní.