Morgunblaðið - 04.06.2006, Blaðsíða 72

Marilyn Monroe hefði fagnaðáttræðisafmæli sínu síðast-liðinn fimmtudag, ef hún
væri á lífi. En eins og flestir vita lést
þessi þekkta kvikmyndastjarna af
ofneyslu svefnlyfja, fyrir meira en
fjörutíu árum, 5. ágúst 1962. Hún
náði aðeins 36 ára aldri og lifir því
síung í hugum aðdáenda eins og aðr-
ar táknmyndir þessa tíma á borð við
James Dean.
Orð eins og „kynbomba“ og
„ljóska“ eru nátengd Marilyn og það
sem hún er þekktust fyrir. Nafn
hennar er víðfrægt og líka það sem
henni var gefið eftir fæðingu,
Norma Jean, en Paramount-
kvikmyndaverið breytti nafni henn-
ar á fimmta áratugnum. Hún er eitt
helsta tákn glamúrs og tælingar á
20. öldinni. Andlit hennar er vöru-
merki út af fyrir sig en líkt og með
Che Guevara vita ekki allir hvað
liggur að baki. Það þekkja allir
Marilyn en það þýðir ekki að þeir
sömu hafi endilega séð hana í bíó-
mynd.
Fyrsta myndin sem ég sá með
Monroe var Some Like It Hot.
Marilyn er ómótstæðileg í myndinni,
þrátt fyrir að hafa séð óteljandi ljós-
myndir af henni, kemur það manni á
óvart hversu töfrandi hún er á
skjánum. Hún heimtar alla athyglina
og hreinlega geislar.
Some Like It Hot er líka ein uppá-
halds mynd mín ef undan er skilin
Breakfast at Tiffany’s með Audrey
Hepburn í aðalhlutverki. Reyndar
var það svo að rithöfundurinn
Truman Capote, höfundur sög-
unnar, vildi alls ekki fá Audrey í
hlutverkið heldur fannst honum
Marilyn fullkomin í það. Þessar tvær
konur voru andstæður, Marilyn
hafði sínar mjúku línur með áherslu
á mittið meðan beinar línur hæfðu
hinni tággrönnu Audrey betur, sem
var á þessum tíma tákn nýrrar tísku.
Svo fór þó að Audrey túlkaði hina
léttgeggjuðu en sjarmerandi Holly
Golightly, og varð þetta eitt þekkt-
asta hlutverk hennar.
  
Þeir sem vilja kynnast leikkon-unni Marilyn betur hafa tæki-
færi til að gleðjast því í tilefni afmæl-
isins er komið út sex diska safn, sem
ber nafnið Marilyn Monroe – 80th
Anniversary Collection. Í safninu
eru fimm myndir leikkonunnar,
Seven Year Itch, Gentlemen Prefer
Blondes, Niagara, River of No Re-
turn og Let’s Make Love. Einnig er
þarna myndin Marilyn: The Final
Days, sem er heimildarmynd um síð-
ustu mánuðina í lífi kvikmynda-
stjörnunnar. Fjallað er um storma-
söm sambönd hennar, eiturlyfja- og
áfengisfíknina og sagt frá því þegar
hún var rekin úr síðustu mynd sinni,
Something’s Got to Give. Í myndinni
eru viðtöl við fólkið sem umkringdi
hana þessar síðustu vikur og ýmsar
upptökur frá þessum tíma, bæði
bakvið tjöldin-senur og úr myndinni
en hún lék á móti Dean Martin og
Cyd Charisse.
  
Samkvæmt frétt á BBC er ímyndMonroe virði tæpra 700 milljóna
króna á ári. Það kemur því ekki á
óvart að einhverjir reyni að græða á
þessum vinsældum hennar. Nú lítur
út fyrir að brögð hafi verið í tafli
hvað varðar sýningu um borð í
skemmtiferðaskipinu Queen Mary,
sem tileinkuð er Marilyn. Mál hefur
verið höfðað gegn skipuleggjendum
sýningarinnar, þar sem haldið er
fram að flestir sýningargripirnir
hafi ekki haft nein tengsl við þessa
goðsagnakenndu kynbombu.
Frá því að sýningin var opnuð fyr-
ir sex mánuðum hafa þúsundir
manna borgað tæpar 1.700 kr. í að-
gangseyri að sýningunni. Til sýnis
voru 350 munir, m.a. töskur, vara-
litabox og kjóll en allt átti þetta að
tengjast Monroe á einn eða annan
hátt. Lögfræðingurinn George
Braunstein fer með málið fyrir rétti
í Los Angeles fyrir hönd tveggja
sýningargesta, Ernest Cunningham,
höfundar The Ultimate Marilyn og
Emily Sadjady.
„The Queen Mary hefði átt að
vinna heimavinnuna sína betur,“ var
haft eftir Braunstein í Los Angeles
Times en aðstandendur sýning-
arinnar létu ekki hafa neitt eftir sér.
  
Núna þegar allir virðast getaorðið sjónvarpsstjörnur, með
því að taka sér eitthvað bjánalegt
fyrir hendur í veruleikaþætti, verð-
ur glamúrinn ennþá meiri yfir
gömlu kvikmyndastjörnunum. Fáar
eru eins glæsilegar og Marilyn
Monroe. Til hamingju með afmælið.
Táknmynd tælingar
’Þrátt fyrir að hafa séðóteljandi ljósmyndir af
henni kemur það manni
á óvart hversu töfrandi
hún er á skjánum.‘
ingarun@mbl.is
AF LISTUM
Inga Rún Sigurðardóttir
AP
Algjör bomba: Við tökur á The Prince and the Showgirl frá 1957 en mynd-
inni er leikstýrt af Laurence Olivier.
Ímynd Marilyn Monroe er virði tæpra
700 milljóna króna á ári.
72 SUNNUDAGUR 4. JÚNÍ 2006 MORGUNBLAÐIÐ
Reiknifræði
Lífupplýsingafræði
Hugbúnaðarþróun
Forritunarmál
Gagnvirkni manns og tölvu
Reiknirit
Gæðastjórnun
Tölvugrafík
www.verk.hi.is
Umsóknarfrestur er til 6. júní
TÖLVUNARFRÆÐI
HUGBÚNAÐAR
VERKFRÆÐI
E
N
N
E
M
M
/
S
IA
/
N
M
22
10
2
Tónlistarmaðurinn illa rakaði,sem gengur undir nafninu
Mugison, fær þann heiður að
verða sá fyrsti til að prýða „Hafn-
arsviðið“ í Kaupmannahöfn eftir
vetrarfrí. Sviðið er flotprammi
sem vígður var í ágúst í fyrra og
getur hýst hljómsveitir af flestum
stærðum og breytir þannig hvers
kyns hafnarbökkum í tónleikasali.
Danir eru ekki alls ókunnugir
Mugison, því hann hefur áður
leikið á Hróarskelduhátíðinni og í
tónleikasalnum Vega við góðan
orðstír. Aðstandendur tónleikanna
eru einmitt eigendur Vega og
hafnaryfirvöld á N-Atlantshafs-
bryggju þar sem tónleikarnir
verða haldnir.
Fólk folk@mbl.is