Morgunblaðið - 11.06.2006, Page 4

4 SUNNUDAGUR 11. JÚNÍ 2006 MORGUNBLAÐIÐ
FRÉTTIR
FÉLAGSMIÐSTÖÐIN H88 sem
rekin er af Reykjanesbæ stendur
um 100 metra frá byggingunum
sem brunnu, fyrir sunnan lóð Að-
alstöðvarinnar. Að sögn Hafþórs
Barða Birgissonar forstöðumanns
barst tilkynning frá lögreglu um
að hætta væri á reykeitrun vegna
brunans og að rýma þyrfti húsið.
„Það var þarna slatti af krökk-
um á hjólabrettum, en það var
stutt í lokunartíma þegar lög-
reglan hringdi. Það gekk því auð-
veldlega að koma krökkunum út“,
sagði Hafþór. Að sögn Hafþórs
var reykur ekki mikill í húsnæði
H88 en betra var að hafa vaðið
fyrir neðan sig í öryggismálunum
og rýma húsið.
Greiðlega
gekk að rýma
félagsmiðstöð
ELDURINN logaði í tveimur byggingum
sem standa norðvestarlega á lóð Aðal-
stöðvarinnar við Hafnargötu 86. Húsi
smurstöðvarinnar og húsi hjólbarðaþjón-
ustu Gunna Gunn.
„Það eina sem slapp var vörubílaplássið.
Fólksbílaplássið er ónýtt en í því eru tvær
lyftur sem þakið hefur hrunið ofan á, auk
þess eru kaffistofan mín og klósettið, sem
voru uppi, að mér sýnist brunnin,“ sagði
Árni Gunnlaugsson eigandi smurstöðv-
arinnar. Hann segir fólksbílapláss stöðv-
arinnar vera stærri part af rekstrinum.
„Ég geri ráð fyrir að þessar lyftur séu
ónýtar. Annars er ég nýbúinn að fá að
fara hérna inn. Lögreglan er búin að vera
hér inni og taka myndir. Núna bíð ég eftir
mínum mönnum frá tryggingafélaginu.
Eftir minni bestu vitund er ég mjög vel
tryggður, maður hefur lagt sig fram við
það. Þetta á þó eftir að koma betur í ljós.
Þetta er samt alltaf tjón og tap,“ sagði
Árni sem hefur rekið smurstöðina frá
árinu 2002 en smur- og dekkjaþjónusta
hefur verið á lóð Aðalstöðvarinnar í yfir
50 ár.
Inntur eftir því hvort hann hyggist
halda áfram rekstri á sama stað segir Árni
of snemmt að segja til um það. „Ég er
bara leikmaður í þessu, en frá mínum bæj-
ardyrum séð er þetta ónýtt,“ sagði Árni.
Gunnar Gunnarsson, eigandi hjólbarða-
þjónustu Gunna Gunn, treysti sér ekki til
að tjá sig um eldsvoðann þegar blaðið
hafði samband við hann. Hann sagðist
hafa fengið visst áfall við að horfa upp á
brunann. Líklegt má telja að dekkjaverk-
stæðið sé að mestu ónýtt en veggirnir
standa þó enn. „Það er ekki heil skrúfa
eftir þarna inni,“ var mat Árna Gunn-
laugssonar, eiganda smurstöðvarinnar, er
hann var spurður um ástand dekkjaverk-
stæðisins.
Engan sakaði er stórbruni varð í smurstöð og dekkjaverkstæði við Aðalstöðina í Keflavík í fyrrakvöld
„Ekki heil skrúfa eftir þarna inni“
Eftir Berg Ebba Benediktsson
bergur@mbl.is
Morgunblaðið/Brynjar Gauti
Bruninn eyðilagði innviði dekkjaverkstæðisins algerlega. Langan tíma tók að slökkva eldinn þar sem það logaði mikið í gúmmíi.
STÓRBRUNI varð í húsum Smur-
stöðvarinnar og Hjólbarðaþjónustu
Gunna Gunn sem standa á lóð Að-
alstöðvarinnar við Hafnargötu 86 í
Keflavík í fyrrinótt. Eldurinn kom
upp á ellefta tímanum og var allt til-
tækt slökkvilið staðarins kallað á
vettvang auk þess sem fengnir voru
bílar frá Sandgerði, Keflavíkurflug-
velli og höfuðborgarsvæðinu.
Slökkviliði tókst að ná tökum á eld-
inum nálægt miðnætti og að sögn
Brunavarna Suðurnesja skiluðu
flestir slökkvibílanna sér í hús um
þrjúleytið um nóttina en þá hafði tek-
ist að slökkva eldinn.
Fólk var ekki í bráðri hættu vegna
eldsins enda voru bæði húsin sem
logaði í atvinnuhúsnæði. Húsin
standa á norðvesturhluta lóðar Að-
alstöðvarinnar og þurfti lögregla að
rýma hús sem standa vestan megin
við lóðina og voru mjög nærri brun-
anum. Samkvæmt upplýsingum lög-
reglu voru fimm til tíu hús rýmd og
gekk starfið greiðlega. Flest
húsanna eru fjölbýlishús, allt að
þriggja hæða há.
Dekkjaverkstæðið
gjörónýtt
Líklegt má telja að eldurinn hafi
komið upp í dekkjaverkstæðinu, en
þar var mesti eldurinn. Samkvæmt
upplýsingum frá slökkviliðinu er
samt erfitt að átta sig á þessu þar
sem eldurinn logaði upp úr þökum
beggja húsanna. Hús smurstöðvar-
innar virðist eyðilagt að hálfu en sú
starfsemi sem snýr að fólksbílum er
aðskilin frá vörubílaþjónustunni.
Fólksbílahluti hússins virðist ónýtur
en þar hrundi þakið niður. Hús
dekkjaverkstæðisins er gjörónýtt að
sögn lögreglu en veggir standa þó
enn uppi.
Lögregla aðstoðaði slökkvilið frá
því að tilkynning barst um brunann.
Starf lögreglu var einkum fólgið í að
rýma hús og halda uppi reglu á svæð-
inu. Nærliggjandi götur voru afgirt-
ar. Stór hópur fólks safnaðist að til að
fylgjast með brunanum en allt fór
friðsamlega fram að sögn lögreglu.
Mikinn hita lagði frá eldinum og
hefði hann getað læst sig í nærliggj-
andi hús. Að minnsta kosti fjögur hús
standa mjög nálægt smurstöðinni og
dekkjaverkstæðinu. Slökkviliðið tel-
ur þó að ekki hafi verið hætta á að
eldurinn næði að breiðast yfir í olíu-
tanka sem eru á lóðinni undir bens-
ínstöðinni.
Ekki er vitað hvað olli eldinum.
Lögreglan í Keflavík rannsakar mál-
ið. Rannsóknir sem þessar hefjast við
fyrsta útkall en þá er reynt að kalla
eftir upplýsingum á vettvangi. Þegar
búið er að slökkva eldinn er leitað að
vísbendingum í rústum. Lögregla
kallar svo eftir aðstoð vitna eftir því
sem þörf er. Lögreglan í Keflavík tel-
ur sig ekki reiðubúna til að tjá sig
neitt um rannsókn sína á þessu stigi.
Mikill reykur
Seinlega gekk að slökkva eldinn en
það tók um það bil þrjá tíma eftir að
slökkviliðsmönnum tókst að ná tök-
um á honum. Ástæðuna má rekja til
þess hversu seigur bruni verður þeg-
ar eldsmaturinn er gúmmí eins og
var í tilfelli dekkjaverkstæðisins.
Slökkvistarf er þó talið hafa verið til
fyrirmyndar og mestu munaði um
það hversu fljótt slökkviliðið náði yf-
irhöndinni.
Mikinn reyk lagði frá brunanum
og stóð hann til suðvesturs. Nokkur
hús voru rýmd vegn hættu á reyk-
eitrun íbúa. Þurfti meðal annars að
rýma húsnæði félagsmiðstöðvarinn-
ar H88, en þar stunduðu unglingar
hjólabrettaiðkun þegar eldurinn kom
upp.
Um fimm og hálfan tíma
tók að slökkva eldinn
Morgunblaðið/Brynjar Gauti
Eyðilegging blasti við á dekkjaverkstæðinu við Aðalstöðina í Keflavík í gærmorgun.