Morgunblaðið - 11.06.2006, Side 34

34 SUNNUDAGUR 11. JÚNÍ 2006 MORGUNBLAÐIÐ
á morgun
Veiðimenn eru farnir að kasta í þær
laxveiðiár sem fyrstar voru opnaðar,
Norðurá og Blöndu, og á næstu vik-
um hefst veiði í öðrum ám. Langri bið
eftir nýju laxasumri, í kjölfar met-
veiðinnar í fyrra, er að ljúka.
Á dimmum vetrarkvöldum dunda
sífellt fleiri veiðimenn sér við að
hnýta veiðiflugur; endalaust er hægt
að velta fyrir sér stærðum, lögun og
efni og reyna að svara spurningunni
hvað fiskurinn taki.
Veiðiverslanir bjóða upp á fjöl-
breytilegt úrval flugna. Sumir láta
hnýta fyrir sig erlendis, eftir íslensk-
um uppskriftum, aðrir hnýta hér
heima. Og fjölbreytnin er mikil. Þótt
Frances-flugurnar og Snældur séu
líklega mest notaðar, þá skipta teg-
undirnar hundruðum, þekktar sem
óþekktar, og eru hnýttar í margskon-
ar útgáfum. Flestir veiðikaupmenn
bjóða upp á vinsælustu laxaflugurn-
ar, en sumir kynna jafnframt nýjung-
ar í sumar og vonast til að þar sé um
flugur að ræða sem laxinn falli fyrir.
Flugur eftir Kristján Gíslason
Stefán Kristjánsson rekur net-
verslunina krafla.is, sem eingöngu
selur flugur hannaðar af föður Stef-
áns, Kristjáni Gíslasyni heitnum.
Flugur Kristjáns voru áður fyrr með
vinsælustu flugum í íslenskum lax-
veiðiám, en hafa margar verið ófáan-
legar hin síðari ár.
„Flugurnar hans pabba höfðu ekk-
ert fengist í búðum í sex, sjö ár. Við
vildum halda nafni hans á lofti, vild-
um alls ekki að þessar flugur myndu
gleymast og stofnuðum því þennan
vef,“ segir Stefán. „Þetta hefur síðan
undið upp á sig og framboðið er alltaf
að aukast hjá okkur.“
Stefán sýnir blaðamanni inn í fulla
skápa af flugum. „Pabbi hannaði hátt
í hundrað flugur í gegnum tíðina.
Stefnan er að geta í framtíðinni boðið
þær allar til sölu og við erum því stöð-
ugt að bæta í úrvalið hjá okkur. Við
látum hnýta allt beint eftir forskrift
frá honum og erum mjög nákvæm á
öll smáatriði.“ Stefán sýnir Grýlu-
túbu og þríkrækjuna sem fylgir.
„Grýlutúbunum, Ólsen-ólsen og
Skröggi fylgja þríkrækjur sem búið
er að hnýta skott á,“ segir Stefán.
„Við höfum þó bætt við stærðum og
gert nokkrar nýjar útfærslur.“ Hann
bendir á Kröflutúbur með keiluhaus-
um.
„Þetta er nýtt hjá okkur í sumar.
Hingað til hafa Kröflurnar bara verið
til í fluguformi og sem þyngdar túbur.
Núna bættum við þessum keilutúp-
um við auk þess sem Kraflan fæst nú
allt niður í stærð 18 í þríkrækjum.“
Kristján hannaði einnig margar
lúrur, sem eru nokkurs konar for-
mæður túpanna sem eru nú afar vin-
sælar í laxveiði. „Margar af elstu
flugum pabba, Eldrössu, Lepp og
fleiri sem voru upphaflega lúrur, er-
um við að fá sem þríkrækjur í sumar.
Það væri spennandi að geta boðið upp
á lúrurnar aftur og við stefnum á það
í framtíðinni.“
Aðspurður hverjar séu mest
keyptu flugurnar segir Stefán það
vera Kröflurnar í rauðu, svörtu og
appelsínugulu, auk Iðu.
„Við erum búin að hafa opið í eitt
ár, höfum fengið frábærar viðtökur
og selt mikið af flugum. Það besta er
að við höfum ekki fengið eina einustu
kvörtun enda teljum við að þetta séu
sterkustu flugurnar á markaðnum,
bæði byggingarlega og veiðilega!“
segir Stefán stoltur á svip.
Leynivopn leiðsögumannsins
Ólafur Vigfússon í Veiðihorninu
segist bjóða upp á allt það algengasta
í flugunum, eins og Frances, Snældur
og Collie Dog. „Sunray Shadow hefur
verið á markaðinum álíka lengi og
Snældur en notuð af færri veiðimönn-
um þar til fyrir svona þremur árum,
þá varð sprenging í notkun á Sunray.
Oftast hefur hún verið veidd í yfir-
borðinu, verið látin reka með
straumnum eða strippuð. Í fyrra fékk
ég síðan laxa við Glitstaðabrú í Norð-
urá á Sunray á sökktaumi. Þessi fluga
hefur verið á markaði með keilu og nú
bjóðum við líka upp á hana þannig, ef
menn vilja ná henni niður, til dæmis
ef vatnið er kalt.“
STANGVEIÐI | NÝJUNGAR Í LAXAFLUGUM
Nú má laxinn vara sig
Eftir Einar Fal Ingólfsson
og Kjartan Þorbjörnsson
Fjórar Kröflur frá krafla.is. Hnýttar sem keilutúbur; appelsínugul, svört, gul og rauð. Neðst er
Grýla í túpuútgáfu, með blátt skott á þríkrækjunni.
Morgunblaðið/Golli
Nýtt í Veiðihorninu. Efst er Sunray Shado með keiluhaus og eftir sólarganginum kemur næst Scierra
Bullet, þá Black Boar, sólgul Frances-túba, Potbelly Pig fjólublá og loks Potbelly Pig gyllt.
Nýjungar úr smiðju frances.is. Efst er Black Eyed Prawn og þá, eftir sólargangi:
Tveir bomberar, Snælda og Frances, þá þrjár útgáfur af RT, tvær keilutúpur og
ein „longtail“. Loks er Snælda „Olís“.
Örsmáar en vandaðar úr smiðju
Kristjáns Gíslasonar. Appelsínugul
Krafla nr. 18 og Gríma blá nr. 16.
Allt um íþróttir
helgarinnar