Morgunblaðið - 09.09.2006, Blaðsíða 19

MORGUNBLAÐIÐ LAUGARDAGUR 9. SEPTEMBER 2006 19
ERLENT
Dolce & Gabbana
Chanel
Prada
Donna Karan
Lindberg
Versace
Roberto Cavalli
Bulgari
Tom Ford og fl.
Linsur - Gleraugu - Sjónmælingar
Gleraugu eru skart
Madrid, Brussel. AFP. | Metfjöldi ólöglegra innflytjenda
hefur komið á land á Kanaríeyjum, sem tilheyra Spáni,
undanfarna viku, en margir sigla þangað á bátum frá
vesturströnd Afríku og hafa veðurskilyrði til slíkrar
siglingar verið hagstæð síðustu daga. Öll skýli á eyj-
unum eru yfirfull af fólki en markmið þeirra er að kom-
ast frá Kanaríeyjum til Spánar og þaðan hugsanlega til
annarra landa Evrópusambandsins. Áætlað er að nú
hafi næstum 4.000 manns komið á land á Kanaríeyjum
það sem af er þessum mánuði, en heildartala fyrir allt
árið er komin yfir 23.000.
Spænsk stjórnvöld hafa miklar áhyggjur af þessari
þróun og á þriðjudag sögðu talsmenn þeirra að Spánn,
Frakkland og Ítalía myndu bera upp tillögur á næsta
fundi leiðtoga Evrópusambandsins, 20. október í Finn-
landi, um hvernig bregðast eigi við auknu flæði ólög-
legra innflytjenda.
Hefur Jose Manuel Barroso, forseti framkvæmda-
stjórnar ESB, skrifað leiðtogum allra 25 aðildarríkj-
anna bréf þar sem hann fer fram á samstöðu allra ríkja
í þessum málaflokki. Leggur hann þar áherslu á að all-
ar aðildarþjóðirnar verði að taka þátt í mögulegum að-
gerðum, jafnvel þó að það séu ríki eins og Spánn, Ítalía
og Malta sem hvað mest finna fyrir vandanum, enda
eru þessi lönd oft fyrsti viðkomustaður ólöglegra inn-
flytjenda og sumir setjast þar raunar að. Sagði Barroso
að vandinn væri samevrópskur og að Evrópa öll þyrfti
að bregðast við honum.
AP
Brostnir draumar Fólk sem kemur með bátum frá Vestur-Afríku til Kanaríeyja er í leit að betra lífi í Evrópu.
Metfjöldi ólöglegra innflytjenda
Eftir Svein Sigurðsson
svs@mbl.is
DÓMSTÓLL í Óðinsvéum í Dan-
mörku úrskurðaði í gær, að hafa
skyldi áfram í haldi fimm menn,
sem grunaðir eru um að hafa lagt á
ráðin um hryðjuverk í Danmörku.
Eru þá alls sjö í haldi en tveimur af
þeim níu, sem upphaflega voru
handteknir, hefur verið sleppt.
Danski leyniþjónustumaðurinn
Troels Ørting Jørgensen segir, að
lagt hafi verið hald á ýmis efni, sem
unnt sé að nota til sprengjugerðar,
á tölvur, síma og tölvudiska en alls
hefur verið gerð húsleit á 12 stöð-
um, aðallega í Vollmose, einu hverfi
Óðinsvéa, en þar býr mikið af inn-
flytjendum, ekki síst múslímum.
Haft er eftir íslömskum klerki í
Vollmose, að hinir handteknu séu af
palestínskum, íröskum og kúrdísk-
um uppruna fyrir utan einn, Dana,
sem snerist til íslams.
Handtökurnar áttu sér stað að-
eins viku fyrir fimm ára afmæli
hryðjuverkanna í Bandaríkjunum
og eru hinir grunuðu sagðir minna
mjög á þá, sem frömdu hryðjuverk-
in í London. Um er að ræða menn,
sem eru fæddir eða hafa alið mest-
an sinn aldur í Danmörku en virð-
ast tilbúnir til hryðjuverka þar.
Danskir múslímar eru áhyggju-
fullir. Sumir vilja trúa því, að
mennirnir hafi verið handteknir
fyrir það að vera múslímar en flest-
ir óttast, að andúð Dana á múslím-
um muni aukast. Svo er líka um
aðra Dani.
„Danir eru að loka að sér,“ segir
Nanna Müller, leikkona, sem kennt
hefur lögreglumönnum hvernig róa
skuli grunaða menn. „Nú verður
fólk hrætt í hvert sinn sem það sér
mann, sem virðist vera af arab-
ískum uppruna eða múslími.“
Fallist á gögn
um samsæri
Danskir múslímar hafa áhyggjur af
aukinni andúð eftir handtökurnar
»Múslímar í Danmörku eruhátt í 200.000 en aðlögun
þeirra að samfélaginu og vest-
rænum háttum hefur ekki
gengið vel.
» Sumir danskir múslímarsetja hugsanlegar áætlanir
um hryðjuverk í Danmörku í
samband við skopteikningar af
Múhameð spámanni í Jyllands-
Posten en aðrir vísa því á bug.
»Múslímar óttast aukna and-úð í Danmörku og Danski
þjóðarflokkurinn lagði til strax
eftir handtökurnar, að komið
yrði upp eftirlitsmyndavélum í
hverfum þeirra.
Í HNOTSKURN