Morgunblaðið - 09.09.2006, Blaðsíða 32

lifun
32 LAUGARDAGUR 9. SEPTEMBER 2006 MORGUNBLAÐIÐ
S
tundum þarf ekki að gera stór-
kostlegar breytingar til þess að
íbúð fái algjörlega nýtt yfirbragð
og þá getur oft verið gott að fá
ráðgjöf frá fagaðilum til þess að
vel takist til. Finnur Björgvinsson arkitekt
aðstoðaði nýlega son sinn, Alfreð Finnsson,
og konu hans, Evu Björk Hlöðversdóttur,
með slíkum hætti þegar þau fluttu frá Vest-
mannaeyjum í sumar.
Hjónin ungu höfðu fest kaup á íbúð í
vesturbænum, í blokk sem var hönnuð af
Gunnari Hanssyni og byggð 1960. Finnur
var þeim innan handar varðandi valið á
íbúðinni, en hann hafði einmitt unnið fyrir
Gunnar á sínum tíma. Að mati Finns var
þetta rétta íbúðin fyrir Alfreð og Evu
Björk.
„Ég sá strax að þessi íbúð bjó yfir mikl-
um möguleikum á að verða glæsileg með
ekki svo miklum breytingum. Hún hentaði
Alfreð og Evu Björk mjög vel og eitt af því
sem mér fannst mjög gott var að birtan
kemur inn í hana á þrjá vegu, þ.e. gluggar
eru á þremur veggjum og þannig gat hún
orðið mjög björt,“ segir Finnur.
Hjónin eyddu nokkrum mánuðum í að
undirbúa íbúðina áður en þau fluttu inn.
„Íbúðin var frekar þung og dökk þegar við
tókum við henni. Það var mikið um dökkan
panel, teppi á gólfum, þrönga ganga, skil-
rúm og alstaðar hurðir sem lokuðu af rým-
in,“ segir Eva Björk.
Með ráðgjöf frá arkitektinum var því
ákveðið að skipta um gólfefni á allri íbúð-
inni og setja þar parket. Nokkrir veggir
voru síðan teknir niður, sem og skilrúm
milli stofu og eldhúss. Um leið opnaðist
íbúðin og birtan fékk að flæða á milli rýma.
Finnur sá þá líka hvernig hægt væri að
gera skynsamlegar breytingar á her-
bergjaskipan svo að íbúðin nýttist betur.
„Við færðum innganginn inn í barna-
herbergið og þó að íbúðin hafi verið ágæt-
lega teiknuð, tel ég að breytingarnar hafi
bætt hana,“ segir Finnur.
Dökki panellinn í anddyrinu var sömuleið-
is tekinn niður og öll íbúðin máluð í hvítum
lit, fyrir utan part af vegg í stofunni sem er
málaður í fallegum gráum lit. Eva Björk seg-
ir þetta hugmynd arkitektsins og viðurkennir
að hún hafi verið örlítið tortryggin í garð
gráa litarins í byrjun. Núna sé hún hins veg-
ar alsæl og sjái vel hvað þetta gerir mikið
fyrir stofuna. Grái liturinn skapar einnig
tengingu milli stofu og eldhússins þar sem
hann teygir sig yfir í aðra hluti tengda eld-
húsinu. Rimlagardínurnar í eldhúsgluggunum
eru þannig til að mynda silfurgráar og end-
urspegla litina í kring – eru ljósari upp við
hvíta vegginn og grárri upp við gráa vegg-
inn – og smellpassa fyrir vikið inn í rýmið.
Þær mynda þá sömuleiðis tengingu við eld-
hússtólana sem eru úr málmi og viði.
Hluta gömlu eldhúsinnréttingarinnar gátu
þau Alfreð og Eva Björk nýtt sér og sparað
þannig það fé sem hefði farið í að kaupa
nýja skápa og skúffur í allt. Í eldhúsinu er
innréttingin þannig sumstaðar glæný í gegn
á meðan að annars staðar var bara sett ný
framhlið á eldri innréttingu. Ákveðið var að
taka niður efri skápana í eldhúsinu til þess
að létta yfirbragð eldhússins og var hluti
þeirra skápa færður yfir í ganginn við
barnaherbergið og betra skápapláss þannig
skapað í íbúðinni.
Hluta baðherbergisins var búið að gera
upp fyrir, svo lítið þurfti að gera þar. Gólfið
og einn veggur var þó flísalagt og stórum
spegli síðan komið fyrir á baðherberginu
ásamt ljósi fyrir ofan spegilinn, sem gefur
rýminu glænýjan svip.
Stofuskart með sögu
Stofan á Kaplaskjólsveginum hefur tekið
algerum stakkaskiptum eftir að skilrúmið
sem skildi milli hennar og eldhússins var
tekið niður. Nú er hún björt og glæsileg og
við gráa vegginn sómir sér vel glæsilegur
gamall skápur sem tilheyrði ömmu Alfreðs,
Vigdísi Jakobsdóttur sem var eiginkona Al-
freðs Gíslasonar, þáverandi bæjarstjóra í
Keflavík. Gamli skápurinn gefur stofunni
aukið vægi og nýtur sín vel í birtunni sem
flæðir inn um stóra gluggana. „Safarístól-
arnir“ sem Finnur fann í Danmörku, þegar
hann var þar í arkitektanámi, og eru dönsk
hönnun frá því fyrir 1940 sóma sér þá ekki
síður vel þar.
Íbúðin sem áður var dökk og drungaleg
er nú björt og opin. Birta flæðir um þar
sem áður voru hurðir og veggir og stórir
speglar stækka smærri rými eins og and-
dyri og baðherbergi. Finnur er líka, ekki
síður en ungu hjónin, mjög sáttur við út-
komuna.
„Ég tel að mjög margt megi gera fyrir
húsnæði án þess að öllu sé mokað út eins og
svo margir gera í dag. Ég er ánægður með
að Alfreð og Eva Björk fóru ekki út í neina
vitleysu og bruðl við endurbætur á íbúðinni.
Það eru til margar sniðugar og fallegar
lausnir sem má framkvæma án þess að fara
út í of mikinn tilkostnað. Það sem er mik-
ilvægt er að nýta það sem er heilt og stend-
ur fyrir sínu og hanna síðan lausnir í kring-
um það.“
Hlutur með sögu Gamli skápurinn sómir sér vel í stofunni.Andrými Með því að fjarlægja efri skápana fékk eldhúsið léttara yfirbragð og var hluti gömlu skápanna endurnýttur á ganginum.
Jafnvægi Rimlagardínurnar tóna vel við veggi og stóla í eldhúsi.
Nýtt rými Flísarnar og spegillinn gera mikið.
Eftir Sigrúnu Söndru Ólafsdóttur
Gamalt og nýtt Fortíð og nútíð eiga vel saman.
Með því að taka niður
skilrúm nær birtan að flæða
óhindrað um þessa blokkar-
íbúð í Vesturbænum.
Dökkt og þungt verður ljóst