Morgunblaðið - 09.09.2006, Page 59

MORGUNBLAÐIÐ LAUGARDAGUR 9. SEPTEMBER 2006 59
menning
MIÐASALA
HAFIN!
Eftir Arnar Eggert Thoroddsen
arnart@mbl.is
FJÓRÐA breiðskífa rokksveit-
arinnar Brain Police kemur út á
þriðjudaginn kemur. Kallast verkið
Beyond the Wasteland, og er sú
fyrsta sem út kemur eftir að gítar-
leikaraskipti urðu í sveitinni,
snemma á árinu 2005. Þá gekk
Gunnlaugur Lárusson úr sveitinni
en í hans stað kom Búi Bendtsen,
sem áður hafði verið í sveitunum
Fídel og Manhattan. Búi er einnig
að góðu kunnur fyrir útvarps-
mennsku. Aðrir meðlimir eru sem
fyrr þeir Jens „Jenni“ Ólafsson,
söngvari, Hörður „Höddi“ Stef-
ánsson, bassaleikari og Jón Björn
Ríkharðsson, eða Jónbi, trommu-
leikari. Þá var í fyrsta skipti í sögu
sveitarinnar leitað út fyrir landstein-
anna eftir upptökustjóra, en verkið
var í höndum Svíans Chips K., eða
Chips Kiesbye, sem unnið hefur með
sveitum á borð við Hellacopters,
Sahara Hotnights og Kent.
Rokk og rólegheit
Í samtali við blaðamann segir
Jónbi að platan nýja sé akkúrat eins
og þeir vildu hafa hana.
„Svíarnir stóðu sig vonum fram-
ar,“ segir hann en með Chips í för
var einnig upptökumaðurinn Stefan
Boman. „Þeir sköpuðu okkur mjög
gott vinnuumhverfi og andrúms-
loftið í hljóðverinu var mjög þægi-
legt.“
Jónbi rifjar upp að einhverju sinni
hafi hann og félagar hans verið að
ræða upptökumál á æfingu. Þeir hafi
svo farið að kasta á milli sín nöfnum.
„Einhverjir Íslendingar voru
nefndir en svo fórum við ræða um
uppáhalds hljómsveitirnar okkar og
hverjir hefðu tekið þær upp. Við
duttum niður á tvo aðila, annars veg-
ar Chips K. og svo Scott Reeder,
bassaleikara Kyuss [sú sveit er
áhrifaríkasta eyðimerkurrokksveit
sögunnar, og einn meðlima var Josh
Homme, nú leiðtogi Queens of the
Stone Age]. Lendingin varð síðan sú
að fá Chips hingað yfir. Það var auð-
veldarara en ég hélt að fá Chips til
verksins, við slógum einfaldlega
nafnið hans inn á Google og fundum
heimasíðu þar sem netfangið hans
var. Við sendum honum tölvupóst og
spurðum hvort hann væri til og það
var ekki málið. Hann reyndist
einkar liðlegur, t.d. kom babb í bát-
inn áður en hann kom hingað, við
þurftum að fresta upptökum og þá
breytti hann sínum áætlunum í sam-
ræmi við það. Við vorum svo búnir
að senda Chips prufuupptökur áður
en hann kom til landsins. Við rennd-
um svo í gegnum lögin fyrir hann er
hann var hingað kominn og hann
kom með smávægilegar ábendingar
hér og þar. Við vissum ekkert við
hverju mátti búast og því er ég af-
skaplega sáttur með það hvernig til
tókst. Chips reyndist hinn mesti
öðlingur og var yfirvegaður og ró-
legur allt ferlið. Aldrei fát eða æs-
ingur í gangi og ég held að við höfum
aldrei rifist í hljóðverinu og þá er nú
mikið sagt.“
Á plötunni nýju halda Brain
Police ótrauðir áfram eyðimerk-
urveginn og ef einhver breyting hef-
ur orðið er það einfaldlega vegna til-
komu hins nýja hljóðfæraleikara,
segir Jónbi.
„Búi kemur auðvitað með sinn
hljóm inn í sveitina. Svo er t.d. meira
af gítarsólóum núna og ég myndi
segja að þetta væri meira gítarrokk
en áður. Það heyrist meira í gít-
arnum og það er betra að greina á
milli gítars og bassa t.d.“
Jónbi segir þetta einfaldlega vera
orðið fullorðins.
„Á fyrstu plötunni (Glacier Sun,
2000) vorum við að slíta barns-
skónum, svo komumst við á tánings-
aldurinn með annarri plötunni
(Brain Police, 2003) og á Electric
Fungus (2004) vorum við á milli tví-
tugs og þrítugs. Núna erum við hins
vegar að detta inn í fertugsaldurinn.
Þetta er „pro“ dæmi í dag.“
Gulls ígildi
Drög að plötunni voru lögð strax
eftir áramótin.
„Við fórum í jólafrí eins og við
gerum nú yfirleitt,“ útskýrir Jónbi.
„Við tókum svo eina tónleika í byrj-
un janúar en hættum svo að spila op-
inberlega og hófum að einbeita okk-
ur að plötugerðinni. Fórum að æfa á
fullu, sömdum lög o.s.frv. Ég held að
við höfum aldrei verið jafnvel æfðir
áður og fyrir þessa plötu. Við æfðum
eins og brjálæðingar og lögin voru
fullkláruð áður en við fórum inn í
hljóðverið. Áður fyrr voru lögin
stundum að mótast í hljóðverinu en
ekki í þetta skiptið. Við vissum ná-
kvæmlega hvað við vildum þannig að
upptökum og hljóðblöndunum var
lokið á sautján dögum sem telst
harla gott í dag.“
Þórir Baldursson leikur á Rhodes
hljómborð á plötunni og spurður um
hans þátt segir Jónbi: „Ja … við höf-
um mjög einfaldan smekk. Við vilj-
um aðeins það besta (brosir).“
Hann segir það hafa verið meiri-
háttar að fá snillinginn Þóri til liðs
við sveitina og segir að Búi hafi
kippt í spotta þarna.
„Þórir og pabbi hans Búa, Troels
Bendtsen, voru auðvitað saman í
Savanna tríóinu á árum áður. Búi sló
á þráðinn og fékk hann til að kíkja á
okkur. Það var ævintýri líkast að
fylgjast með honum. Hann hlustaði á
lagið einu sinni og svo var mottan
bara spiluð yfir.“
Jónbi segir að plötunni verði fylgt
rækilega eftir í haust. Farið verður í
stuttan túr um Þýskaland í október,
og meðal annars spilað á hinum
magnaða rokkstað Wild at Heart í
Berlín, en þar lék sveitin og í fyrra-
haust.
„En áður en við förum út ætlum
við að taka nokkra tónleika vítt og
breitt um landið og það verður í
þessum mánuði. Svo þegar heim er
komið frá Þýskalandi spilum við á
Airwaves. Og svo í nóvember ætlum
við að reyna að taka annan Íslands-
túr. Við reynum að ná inn einhverri
jólaplötusölu og svona ... dúndra
þessari plötu í gull! Það þýðir ekkert
annað. Maður er búinn að vera allt of
lengi í þessu og ég vil fara að sjá ein-
hvern afrakstur (hlær).“
Tónlist | Nýjasta breiðskífa Brain Police heitir Beyond the Wasteland
Algjört dúndur!
Ljósmynd/Gúndi
Ötulir Brain Police heldur til Þýskalands í tónleikaferðalag í haust og leikur síðan á Airwaves í Reykjavík.
NÝJASTA mynd danska leikstjór-
ans Lars von Trier, Direktøren for
det hele, verður sýnd við hátíðlega
athöfn á undan lokahófi og verð-
launaafhendingu Alþjóðlegrar
kvikmyndahátíðar í Reykjavík,
laugardaginn 7. október næstkom-
andi.
Trier ferðast ekki með flugi og
getur því ekki sjálfur verið við-
staddur frumsýningu myndarinnar
hér á landi. Ein sýning verður á
myndinni áður; í Kaupmannahöfn
viku fyrr, svo sýningin hérlendis
mun verða önnur sýning mynd-
arinnar á heimsvísu.
Friðrik Þór Friðriksson og Bene-
dikt Erlingsson leika báðir stórt
hlutverk í myndinni, en því hefur
verið fleygt að myndin sé táknræn
frásögn af „innrás“ Íslendinga í
danskt samfélag, t.d. með kaupum
á stórum fyrirtækjum, útgáfu dag-
blaða o.s.frv. Auk þeirra koma Jens
Albinus (Örninn, Króníkan), Casper
Christensen og Iben Hjejle (Strings,
High Fidelity, Mifunes sidste sang,
Blinkende lygter) fram í myndinni.
Morgunblaðið/Halldór Kolbeins
Leikstjóri Lars von Trier.
Nýjasta mynd Lars
von Trier á RIFF