Morgunblaðið - 22.09.2006, Blaðsíða 11

MORGUNBLAÐIÐ FÖSTUDAGUR 22. SEPTEMBER 2006 11
FRÉTTIR
Eftir Rúnar Pálmason
runarp@mbl.is
ÓMAR Ragnarsson, fréttamaður hjá
Ríkissjónvarpsinu, boðaði í gær til
blaðamannafundar þar sem hann
lýsti opinberlega yfir andstöðu við
Kárahnjúkavirkjun og stóriðjustefn-
una og greindi jafnframt frá því að
hann stendur að útgáfu á átta síðna
blaði um Kárahnjúkavirkjun og um-
hverfismál sem dreift verður með
Morgunblaðinu á sunnudaginn.
Í upphafi fundarins líkti Ómar sér
við hnefaleikamann sem væri að
stíga inn í hringinn og honum til full-
tingis væri Bubbi Morthens sem á
fundinum flutti lag sem innihélt
harða ádeilu á Kárahnjúkavirkjun.
Bubbi væri þó ekki sá eini sem væri
með honum í anda í hnefaleika-
hringnum „því Vigdís Finnbogadótt-
ir, fyrrverandi forseti Íslands er á
ferð erlendis og gat því ekki verið
viðstödd hérna. En hún bað mig um
að skila því að hún styddi mig heils-
hugar í því sem ég er að gera og væri
kunnugt um það sem ég væri að
gera,“ sagði Ómar.
Aðspurður sagðist hann reiðubú-
inn til að taka við höggum frá mót-
herjum en tók jafnframt fram að
hann vildi ekki standa í óþarfa slags-
málum eða róta málum upp að
ástæðulausu. En nú væri nauðsyn-
legt að taka slaginn og sagðist hann
tilbúinn til að leggja allt í sölurnar.
Aðspurður sagðist hann ekkert
útiloka, þ. á m. framboð til Alþingis.
Dauðadómnum ekki fullnægt
Vatnssöfnun í Hálslón mun hefjast
innan skamms en á fundinum í gær
lagði Ómar lagði ríka áherslu á að
enn væri ekki of seint að hætta við,
enn mætti þyrma Hjalladal og þar
með koma í veg fyrir mestu mögu-
legu umhverfisspjöll á Íslandi.
Ómar lagði til þjóðarsátt um að
virkjunin yrði fullgerð án þess að
dalnum yrði sökkt en þess í stað
fengi álver á Reyðarfirði orku frá
Norðausturlandi innan fárra ára.
Hann minnti á að á sínum tíma
hefði hann vakið athygli á þeim
möguleika að a.m.k. hluti af orkunni
til álversins á Reyðarfirði yrði feng-
inn með virkjun á háhitasvæðum á
Norðausturlandi en þeirri hugmynd
hefði verið hafnað. Nú væri hins veg-
ar komið í ljós að menn treystu sér til
að virkja háhita á þessum stað fyrir
álver á Húsavík.
„Dauðadómnum yfir Hjalladal
hefur ekki enn verið fullnægt og
raunar er hægt að snúa við allt til
næsta sumars,“ sagði Ómar. Annars
vegar að gangsetja virkjun með stífl-
um og göngum á jarðhita- og
sprungusvæði sem síðar komi í ljós
að verði ekki arðbær vegna hækkaðs
kostnaðar. Hins vegar að fresta fyll-
ingu Hálslóns og geyma Kára-
hnjúkavirkjun ógangsetta og fá í
fyllingu tímans meiri tekjur af þessu
svæði. Það yrði þá minnisvarði um
hugrekki þjóðar sem hefði leitað
sátta við kynslóðir framtíðarinnar og
sína eigin samvisku.
Ómar sagði að ómögulegt væri að
ná þjóðarsátt um annað en að halda
hvorutveggja, álveri og Hjalladal.
Vilji og hugrekki væri allt sem
þyrfti. Þau fimm ár sem álverið
myndi tefjast myndu kosta 2% af
þjóðarframleiðslu landsins og heild-
arkostnaðurinn gæti numið 15–20
milljörðum sem væri álíka kostnaður
og þjóðin greiddi beint til landbún-
aðar og helmingur þess sem talið
væri að færi beint og óbeint til mála-
flokksins á hverju ári.
Áhrif á störf fyrir fréttastofu
Ómar bar stöðuna nú saman við
baráttu Sigríðar í Brattholti gegn
því að Gullfoss yrði virkjaður. „Þjóð-
in þarf því að spyrja sjálfa sig hvern-
ig hún geti staðið að framkvæmd á
borð við Kárahnjúkavirkjun en jafn-
framt dáð Sigríði í Brattholti.“
Þessi ákvörðun Ómars, að taka op-
inberlega afstöðu til svo stórs og um-
deilds máls, varð til þess að hann
ræddi við útvarpsstjóra og fleiri yf-
irmenn Sjónvarpsins um að breyting
yrði gerð á störfum hans fyrir frétta-
stofu Sjónvarpsins. Að sögn Ómars
felst breytingin í því að hann mun
ekki framar fjalla um virkjana- og
stóriðjumál heldur einbeita sér að
annarri dagskrárgerð sem og öðrum
verkefnum fyrir fréttastofuna. „Ef
það verður Kötlugos eða hvað sem er
þá er ég að sjálfsögðu tilbúinn.
Traust þessarar fréttastofu, sem
hefur mesta traustið sem nokkur
fréttastofa hefur á landinu er mér of-
ar öllu í mínum samskiptum við hana
og það er fullur vilji til að leysa það
af beggja hálfu,“ sagði Ómar.
Lýsir yfir andstöðu sinni
við Kárahnjúkavirkjun
Morgunblaðið/ÞÖK
Afdráttarlaus Ómar Ragnarsson mun hér eftir taka afdráttarlausa afstöðu í umhverfismálum.
Á BLAÐAMANNAFUNDINUM í gær dreifði Ómar
Ragnarsson textanum sem mun birtast í heild sinni í
aukablaðinu á sunnudag. Þar ræðir hann m.a. um við-
leitni til að hindra birtingu upplýsinga og kæfa umræðu
um stærstu framkvæmd Íslandssögunnar, Kárahnjúka-
virkjun. Fjölmiðlar hafi einnig verið vanbúnir til að fjalla
um virkjana- og stóriðjumál og bendir hann m.a. á að
þegar fjallað var um Norðlingaölduveitu hafi komið í ljós
að einu kvikmyndirnar sem hægt hefði verið að birta af
svæðinu hefði hann tekið sem einstaklingur og á eigin
kostnað. Þá hefði reynst þrautin þyngri að fá sérfræð-
inga og kunnáttumenn til að fjalla um framkvæmdirnar
og sumir borið því við að þeir yrðu kæfðir fjárhagslega
og faglega ef þeir væru ekki „þægir“.
Reyndu að hindra birtingu upplýsinga
Ómar Ragnarsson lýsti í
gær opinberlega yfir and-
stöðu við Kárahnjúka-
virkjun og kynnti hug-
myndir um að álverið á
Reyðarfirði fengi orku
frá háhitasvæðum á
Norðausturlandi.
SJÖ innbrot og þjófnaðir voru til-
kynntir lögreglunni í Reykjavík í
gærdag og var m.a. brotist inn í fyr-
irtæki, vinnuskúra og bifreiðar og
talsverðu af verðmætum stolið.
Tveir bensínþjófnaðir voru tilkynnt-
ir lögreglu daginn áður en þjófarnir
keyrðu á brott án þess að greiða fyr-
ir bensín. Einnig var maður gripinn í
verslun sem sérhæfir sig í hjálpar-
tækjum ástarlífsins. Reyndist hann
hafa undir höndum erótíska kvik-
mynd og ætlaði ekki að greiða fyrir.
Mikið um
þjófnaði
♦♦♦
SIGRÍÐUR Á. Andersen
lögfræðingur hefur ákveðið
að sækjast eftir 5.–7. sæti í
prófkjöri Sjálfstæðisflokks-
ins í Reykjavík sem haldið
er vegna alþingiskosning-
anna í vor.
Sigríður er 35 ára Reyk-
víkingur. Hún varð lög-
fræðingur frá Háskóla Ís-
lands árið 1999 og hlaut réttindi til
málflutnings fyrir héraðsdómi árið 2001. Sig-
ríður var lögfræðingur Verslunarráðs Íslands
og síðar Viðskiptaráðs Íslands frá 1999 til
2006. Þar var hún m.a. framkvæmdastjóri
Spánsk-íslenska og Sænsk-íslenska viðskipta-
ráðsins. Hún hefur starfað með Sjálfstæð-
isflokknum frá unga aldri, sat m.a. í stjórn
Heimdallar á námsárum. Sigríður er formað-
ur Félags sjálfstæðismanna í Vestur- og
Miðbæ, situr í flokksráði, í stjórn Varðar, full-
trúaráðs sjálfstæðisfélaganna í Reykjavík og
var kjörin í miðstjórn Sjálfstæðisflokksins á
síðasta landsfundi. Eiginmaður Sigríðar er
Glúmur Jón Björnsson og eiga þau eina dótt-
ur.
Um ákvörðun sína um þátttöku í prófkjöri
segir Sigríður í yfirlýsingu að hún markist af
„áhuga mínum á að vinna að framgangi sjálf-
stæðisstefnunnar. Með drifkraft einstaklinga,
frelsi í atvinnulífi og ráðdeild í ríkisrekstri að
leiðarljósi, samhliða samstöðu um þéttriðið
öryggisnet handa þeim sem á þurfa að halda,
tel ég að Íslendingum farnist best, sem sjálf-
stæðri þjóð og í samkeppni við aðrar þjóðir.
Ég mun beita mér fyrir lækkun, jöfnun og
fækkun skatta, tolla og annarra opinberra
gjalda. Tollakerfið er afar flókið og skilar rík-
issjóði litlum tekjum eða einungis um 1% af
heildartekjum ríkissjóðs,“ segir Sigríður. Hún
vill gera átak í því að gera alla skatta og gjöld
sem menn greiða einföld og sýnileg.
Sigríður sækist eftir
5.–7. sæti í Reykjavík
KATRÍN Júlíusdóttir sæk-
ist eftir 2. sæti á lista Sam-
fylkingarinnar í suðvestur-
kjördæmi fyrir alþingis-
kosningar næsta vor.
Í tilkynningu frá Katr-
ínu segir að ákveðið hafi
verið að velja á framboðs-
listann með stuðnings-
mannaprófkjöri 4. nóvem-
ber nk. Fyrirsjáanlegar séu þó nokkrar
mannabreytingar þar sem leiðtogar jafnaðar-
manna til margra ára í kjördæminu, þau Guð-
mundur Árni Stefánsson og Rannveig Guð-
mundsdóttir, gefa ekki kost á sér til setu á
Alþingi að nýju.
„Ég hef því ákveðið að gefa kost á mér í 2.
sæti framboðslistans fyrir næstu alþingis-
kosningar. Ég hef setið á Alþingi síðan 2003.
Fram að þeim tíma hafði ég sinnt fjölmörgum
trúnaðarstörfum innan jafnaðarmannahreyf-
ingarinnar. Sat m.a. í framkvæmdastjórn
Samfylkingarinnar á árunum 2000–2003 þar
af sem varaformaður frá 2001–2003 og var
formaður Ungra jafnaðarmanna – ungliða-
hreyfingar Samfylkingarinnar 2000–2001.
Auk þessa sat ég í stjórn Evrópusamtakanna
um nokkurra ára skeið, sat í háskóla- og
stúdentaráði fyrir Röskvu frá 1997 til 1999 og
starfaði sem framkvæmdastjóri stúdentaráðs
1998–1999. Áður en ég hóf störf á Alþingi
starfaði ég sem verkefnastjóri og ráðgjafi hjá
hugbúnaðarhúsinu Innn hf. um þriggja ára
skeið. Áður hafði ég starfað sem innkaupa-
stjóri og síðar framkvæmdastjóri hjá heild-
verslun í verslunarrekstri.
Í störfum mínum á Alþingi hef ég barist
fyrir bættum lífskjörum barnafjölskyldna
sem núverandi ríkisstjórn hefur markvisst
rýrt á undanförnum árum. Ég hef barist fyrir
bættum kjörum eldri borgara, námsmanna
og öryrkja,“ segir í yfirlýsingu Katrínar.
Katrín vill í 2. sætið í
suðvesturkjördæmi
EFTIRFARANDI athugasemd hef-
ur borist frá Eiríki Bogasyni, fram-
kvæmdastjóra Samorku:
Í Morgunblaðinu 20. september
birtist umfjöllun um hugsanlegan
heimsfaraldur inflúensu, þar sem
vitnað er til skýrslu starfshóps á veg-
um forsætisráðuneytisins. Þar er sér-
staklega dregið fram í dagsljósið að
ekki sé til viðbragðsáætlun á vegum
orkufyrirtækja. Þessi ummæli má
lesa á þann hátt að orkufyrirtækin
séu ekki að standa sig sem skyldi.
Vegna þessarar fréttar vill Sam-
orka, samtök veitufyrirtækja á Ís-
landi, gera eftirfarandi athugasemd.
Samstarfshópur Samorku hefur
unnið með heilbrigðisyfirvöldum að
hugsanlegum viðbrögðum veitufyrir-
tækja ef til faraldurs vegna inflúensu
kemur. Fyrst við gerð mannafla- og
aðfangakönnunar, þar sem rannsak-
að var hver væri lágmarksþörf
mannafla til þess að halda veitukerf-
um gangandi og hver áhrif takmörk-
un á ferðafrelsi og aðflutningsleiðum
yrðu á rekstur veitnanna. Skýrsla um
þetta var gefin út og send heilbrigð-
isyfirvöldum í júlí 2005.
Að beiðni hagvarnarráðs hefur
Samorka unnið að gerð viðbragðs-
áætlunar og sendi nefndinni bréf um
framvindu verksins 13. júlí sl. Þar
kemur fram m.a. að unnið sé að gerð
áætlunarinnar sem verði send til
veitufyrirtækja til umsagnar í lok
ágúst og muni liggja fyrir í endanlegri
mynd fyrir áramót.
Gerð svona áætlunar er ótrúlega
umfangsmikil og tímafrek og er unnin
sem rammi sem öll veitufyrirtæki,
hitaveitur, rafveitur, vatnsveitur og
fráveitur geta notað við gerð eigin
viðbragsáætlunar. Þess má einnig
geta að Landsvirkjun hefur þegar
innleitt áætlun um viðbrögð og önnur
veitufyrirtæki munu gera svo á næstu
mánuðum.“
Unnið með
yfirvöldum
að áætlun