Morgunblaðið - 22.09.2006, Síða 20

20 FÖSTUDAGUR 22. SEPTEMBER 2006 MORGUNBLAÐIÐ
HÖFUÐBORGARSVÆÐIÐ
ÞAÐ er líklega fullsnemmt að
draga fram skíði og snjóþotur en
Akureyringar voru minntir á það í
gærmorgun hvar í heiminum þeir
búa. Aðeins var 6 stiga hiti klukkan
sjö að morgni og hvítt niður í miðj-
ar hlíðar en snjó festi ekki á lág-
lendi og þegar líða tók á morguninn
minnkaði hvíta slikjan verulega. Og
þegar enn lengra leið á daginn og
hlýnaði aðeins í veðri var eins og
aldrei hefði snjóað; í besta falli að
Guðmundur og hans fólk í fjallinu
hefði prófað snjóbyssurnar og skot-
ið svolítið í brekkurnar.
Morgunblaðið/Skapti Hallgrímsson
Hvítt niður í miðjar hlíðar árla dags
BÆJARSTJÓRN Dalvíkurbyggðar
samþykkti í gær að greiða kostnað
nemenda sem eiga lögheimili í sveit-
arfélaginu og stunda tónlistarnám
utan þess, á yfirstandandi skólaári;
þeirra sem stunda nám í framhalds-
skólum og skráð hafa sig í reglu-
bundið tónlistarnám.
Nemendur sem stunda framhalds-
skólanám í öðru sveitarfélagi fá ekki
inngöngu í tónlistarskóla þess nema
til komi greiðsla frá sveitarfélaginu
þar sem viðkomandi á lögheimili. Á
fjárhagsáætlun Dalvíkurbyggðar
2006 er áætlaður kostnaður vegna
greiðslu á kostnaði nemenda í tón-
listarskólum kr. 1.560.000.
Greiða tón-
listarnám
utanbæjar
Kostnaður Dalvíkur
1,5 milljónir á árinu
„ÉG HEF horft upp á máv éta egg mófugla í
stórum stíl í inndölum Eyjafjarðar síðustu ár og
það hafa fleiri refaskyttur hér á svæðinu gert.
Þetta er alveg klárt mál,“ segir Björn Stefánsson á
Akureyri við Morgunblaðið í gær, en Ævar Pet-
ersen fuglafræðingur sagði í blaðinu í gær að máv-
ar í móum væru yfirleitt í skordýraleit.
Haft var eftir Birni í Morgunblaðinu á þriðju-
daginn að mávur væri nánast búinn að útrýma mó-
fugli úr dölum inn af Eyjafirði, en Ævar dró það í
efa í blaðinu í gær, en sagðist þó ekkert geta full-
yrt því málið hefði ekki verið rannsakað.
„Þetta er aðallega stormmávur en þó eitthvað
um sílamáv. Þeir koma saman í stórum hópum og
þess vegna finnst mér líklegt að þetta séu allt
geldfuglar. Og þetta er ekki bara í sumar heldur
höfum við séð þetta síðustu þrjú til fimm ár,“ segir
Björn. Hann segir, í framhaldi orða Ævars, að
vitaskuld þurfi að rannsaka þetta mál og komast
að niðurstöðu en breytingin sé augljós því mófugl
sjáist varla lengur. „Ég held að helsta skýringin á
fækkun mófugla sé hvað mávurinn étur mikið en
auðvitað eru fleiri vargar sem hafa áhrif; fálki,
smyrill, refur, minkur og ugla – uglu hefur t.d.
fjölgað mikið í Eyjafirði síðustu ár. Hér eru nokk-
ur ugluhreiður núna,“ segir Björn Stefánsson.
Refaskyttur horfa upp á máv
éta egg mófugla í stórum stíl
Þetta er aðallega stormmávur en eitthvað er um sílamáv, segir Björn Stefánsson
Í HNOTSKURN
»Helsta skýring á fækkun mófugla erhve mávurinn étur mikið en fleiri varg-
ar hafa líka áhrif, segir refaskytta.
»Það er aðallega stormmávur sem herj-ar á mófuglahreiður í inndölum Eyja-
fjarðar.
SPARISJÓÐUR Norðlendinga hef-
ur ákveðið að styrkja Félag stúd-
enta við Háskólann á Akureyri
(FSHA) á komandi skólavetri.
Í tilkynningu frá FSHA segir að
félagið geti þar með „sinnt hags-
munastarfi sínu af meiri krafti en
áður og lagt ríkari áherslu á bætta
stöðu háskólanema um allt land.“
Stjórn FSHA telur að samning-
urinn muni hjálpa mikið til við að
kynna og efla háskólanám á Íslandi
og að með styrknum sýni Sparisjóð-
ur Norðlendinga það í verki að
hagsmunir námsmanna séu honum
mikilvægir. „Vonast báðir samn-
ingsaðilar eftir að hér sé á ferðinni
upphafið á löngu samstarfi. Spari-
sjóður Norðlendinga mun einnig
bjóða nemendum Háskólans á Ak-
ureyri upp á ýmis sérkjör svo sem
fjármálanámskeið og ráðgjöf, þeim
að kostnaðarlausu.“
FSHA í samstarf
við Sparisjóðinn
AKUREYRI
Ljósmynd/Ellert Borgar Þorvaldsson
Fjallganga Hluti hreystiátaksins var fjölskyldufjallgönguferð á Úlfarsfell og gengu um 150 manns saman á fjallið.
Eftir Steinþór Guðbjartsson
steinthor@mbl.is
Reykjavík | Nú stendur yfir hreysti-
átak í Ártúnsskóla og er það liður í
lífsleikniþemanu hreysti. Áhersla er
lögð á að tengja verkefni sérstaklega
viðfangsefnum í íþróttum og heim-
ilisfræði og samstarfi heimila og
skóla. „Við höfum að leiðarljósi að
gera skólann líflegri og auka sam-
starfið við heimilin,“ segir Guðrún
Kristinsdóttir, náms- og starfsráð-
gjafi Ártúnsskóla.
Hluti hreystiátaksins var fjöl-
skyldufjallganga á Úlfarsfell á frí-
degi og gengu um 150 manns saman
á fjallið. „Þetta var mjög skemmti-
legt og frábær hugmynd,“ segir
Hildur Helga Jónsdóttir í 6 GÞ.
Hluti af átakinu er keppni milli
hópa og einstaklinga. Hildur Helga
segir að átakið í heild hafi gengið
mjög vel og hún sé ánægð með ár-
angur sinn og bekkjarins. Öll hreyf-
ing sé skráð samviskusamlega niður
í sérstaka hreystibók og einnig mat-
aræðið en forráðamenn staðfesti
með undirskrift að rétt sé greint frá.
Átakinu lýkur 28. september og þá
keppa nemendur í hreysti á sér-
stakri hreystibraut sem Andrés
Guðmundsson hefur hannað.
„Ég held að þessi braut verði mjög
skemmtileg,“ segir Hildur Helga og
bætir við að hún bíði spennt eftir
lokadeginum. „Mér finnst gaman að
vera úti og mér finnst allt skemmti-
legt í sambandi við hreysti.“
„Mér finnst allt skemmti-
legt í sambandi við hreysti“
Í HNOTSKURN
» Um 150 nemendur eru í1.–10. bekk Ártúnsskóla.
» Ártúnsskóli er með fjög-ur átaksverkefni á skóla-
árinu, hreysti, frelsi, nám og
störf og umhverfi.
Hafnarfjörður | Undanfarna daga
hefur Sjóvá verið með forvarna-
fræðslu í Áslandsskóla fyrir 5., 6.
og 7. bekk. Fræðslan er liður í sam-
starfi Sjóvá og Hafnarfjarðarbæjar
um forvarnir og öryggi hafnfirskra
skólabarna.
Auðun Helgason hjá Sjóvá segir
að í þessu átaki hafi verið lögð
áhersla á skyldubúnað reiðhjóla,
notkun hjálma, endurskinsmerki og
umferðarreglur. „Börnin hafa ver-
ið alveg frábær, þau hafa tekið þátt
í umræðunni með spurningum og
öll fengið endurskinsmerki og reið-
hjólabækling með sér heim.“
Krakkarnir æfðu sig m.a. í hjóla-
þrautum. Tímataka fór fram í
hjólabraut og þar reyndi mikið á
jafnvægi og öryggi, en síðan fengu
börnin að fara í veltibílinn. „Þetta
hefur verið mjög jákvæð og
skemmtileg vika,“ segir Auðun en
verkefninu lýkur með forvarnadegi
Sjóvá í Firðinum kl. 11 til 16 á
morgun.
Morgunblaðið/Eyþór
Hjólaþrautir Í forvarnafræðslu Sjóvár er lögð áhersla á skyldubúnað reið-
hjóla. Í tímatöku í hjólabraut reynir á jafnvægi og öryggi.
Forvarnafræðsla
fyrir skólabörn
PÓSTSENDUM
www.simnet.is/heilsuhorn
Glerártorgi, Akureyri, sími 462 1889,
fæst m.a. í
Lífsins Lind í Hagkaupum,
Maður Lifandi Borgartúni 24,
Árnesapóteki Selfossi,
Yggdrasil Skólavörðustíg 16, Fjarðarkaupum,
Lyfjaval Hæðasmára og Þönglabakka,
Lífslind Mosfellsbæ, Stúdíó Dan Ísafirði
Glucosamine 1000 mg í hverri töflu
Sodium- og skelfiskfrítt
Glucosamine