Morgunblaðið - 22.09.2006, Qupperneq 28

vísindi
28 FÖSTUDAGUR 22. SEPTEMBER 2006 MORGUNBLAÐIÐ
Ég hef verið að stunda rannsóknir ífjölþátta gervigreind, það er greindsem hermir eftir hæfileikummanna til að tala, hreyfa sig og
skilja umhverfi sitt. Þetta eru kerfi sem gera
okkur kleift að búa til greindari vitverur en við
höfum getað hingað til. Ég var að leita að ein-
hverri áskorun sem var stærri en við höfðum
tekist á við áður og datt þá í hug að búa til
gervigreindan útvarpsmann og sjá með því
hversu langt við erum í raun komin í að skilja
mannlega greind,“ segir Kristinn R. Þórisson,
dósent við Háskólann í Reykjavík og doktor í
gervigreind frá M.I.T. í Bandaríkjunum. „Þótt
þetta verkefni sé í raun í startholunum höfum
við þó verið að vinna við það í allt sumar og er-
um mjög bjartsýn á framhaldið. Markmiðið
hjá okkur er að eftir ár verði gervigreindi út-
varpsmaðurinn með sinn eigin útvarpsþátt á
reglulegum tímum og sjái algerlega um út-
varpsgerðina sjálfur. Það er mikil vinna í
svona kerfi og er ég núna með þrjá meist-
aranema í fullu starfi í þessu, þau Ársæl Jó-
hannsson, Vigni Hafsteinsson, Guðnýju R.
Jónsdóttur og fjórða nemann, Ágúst Hólm-
geirsson,“ segir Kristinn og auglýsir hér með
eftir fleiru dugmiklu fólki til að vinna við verk-
efnið.
Talgervlarnir takmarka
Stefnt er að því að útvarpsmannslíkið verði
betra en starfandi útvarpsmaður. Aðspurður
hvernig í ósköpunum það eigi að vera mögu-
legt svarar Kristinn að það séu til margar leið-
ir til að mæla það. „Við setjum okkur það
markmið að ef okkar útvarpsvitvera verður
með útvarpsþætti sem almenningi finnst betri
en meðalútvarpsþáttur þá sé það alvöru mæli-
kvarði á greindina sem við höfum þróað. Við
erum að vissu leyti takmörkuð af þróun tal-
greina og talgervla. Talgervlarnir eru enn of
skammt á veg komnir með að líkja eftir
mannsrödd, maður heyrir alltaf að þetta er
gervirödd. Hins vegar kemur það á móti að
mannleg rödd er ekki nauðsynleg forsenda
þess að gera góðan útvarpsþátt. Það á eftir að
koma í ljós hversu mikið útvarpshlustendur
geta fyrirgefið í þeim efnum.“
Sá fyrsti í heiminum
Kristinn segir það eiga eftir að koma í ljós á
hvaða útvarpsstöð þetta útvarpsmannslíki eigi
heima. „Það er hægt að búa til uppskrift sem
tölvan getur fylgt í útvarpsþáttagerð en við
viljum stíga skrefinu lengra og láta hana
spinna sjálfa þannig að við vitum í raun ekki
fyrirfram hvernig útvarpsþátturinn kemur út.
Við vitum að það verða spiluð lög og tekin við-
töl en meira vitum við ekki þegar við setjum
útvarpsmanninn í gang. Við gerum okkur von-
ir um að einhver útvarpsstöð hafi áhuga á
þessu þar sem þetta yrði fyrsti útvarpsmað-
urinn með gervigreind í heiminum, að því er
við best vitum.“
Ekki hefur verið lagður steinn í götu rann-
sóknarhópsins ennþá af útvarpsmönnum sem
óttast um starf sitt. „Það er ekki lokamark-
miðið að tölvuvæða útvarpsstéttina og gera
fólk atvinnulaust. En um leið og við brosum út
í annað þá hugsum við með okkur að það væri
skemmtileg hliðarafurð af verkefninu ef við
hækkuðum staðalinn á gæðum útvarpsþátta.“
Hefur ekki sálarlíf
Þeir lesendur sem sjá fyrir sér vélmenni
sem situr við hljóðnema og stjórnar útsend-
ingu með tökkum eins og mannvera eru á villi-
götum því þessi útvarpsmaður verður í tölvu-
líki. „Markmiðið er að frá því að
útvarpssending hefst verði ekki hreyft við
tölvunni, þá verði hún algjörlega sjálfvirk. Ef
fyrsti útvarpsþátturinn verður klukkustund-
arlöng þögn þá verður bara að hafa það.“
Kristinn segir gervigreinda útvarpsmanninn
ekki hugsa eins og manneskju. „Við reynum að
endurspegla mannlega greind í gervigreindinni
sem við smíðum. Reginmunurinn á tölvu og
manneskju liggur í því að tölvan upplifir ekki
neitt, hefur ekkert sálarlíf. Hins vegar er um að
ræða vél sem getur eitthvað sem aðeins mann-
eskjur gátu áður, og því verður að viðurkenna
að vélin er að einhverju leyti greind þótt greind-
in sé ekki að öllu leyti sú sama og í mönnum.“
ingveldur@mbl.is
Gervigreindur útvarpsmaður
Morgunblaðið/Kristinn
Gervigreind Kristinn segir markmiðið ekki að gera mannlega útvarpsmenn atvinnulausa.
Gervigreindur útvarpsmaður
sem tekur viðtöl og velur lög í
sinn eigin útvarpsþátt er nú í
smíðum við Háskólann í Reykja-
vík. Ingveldur Geirsdóttir
spjallaði við Kristin R. Þóris-
son, doktor í gervigreind, um
þetta verkefni.
Gervigreindi útvarpsmaðurinn verður kynnt-
ur ásamt mörgu öðru á Vísindavöku í Hafnar-
húsinu í Tryggvagötu kl. 18 til 21 í dag.
Sérfræðingar
í saltfiski
Þjónustum verslanir, veitingahús o.fl.
Fyrir verslanir:
Til suðu:
saltfiskbitar blandaðir
gellur
gollaraþunnildi
Til steikingar:
saltfiskbitar blandaðir
saltfiskkurl
saltfiskhnakkar tvær stærðir (lomos)
gellur
Fyrir veitingahús – hótel – mötuneyti:
saltfiskhnakkar tvær stærðir (lomos)
saltfiskbitar blandaðir til suðu og steikingar
saltfiskkurl
Fyrir utan saltfiskinn þjónustum við sitthvað fleira, svo sem:
ýsuhnakka
rækjur
þorskhnakka
steinbítskinnar og bita
Sími: 466 1016
ektafiskur@emax.is
Suðurlandsbraut 20 – 108 Reykjavík – Sími 588 0200 – www.eirvik.is
-hágæðaheimilistæki
Magimix safapressan er afar handhæg og einföld í notkun.
Á örskotsstund má töfra fram með henni vítamínríka og
kaloríusnauða ávaxta- og grænmetisdrykki sem hressa
bæta og kæta. Magimix safapressuna er auðvelt að þrífa,
hún er stílhrein, krafmikil og endingargott töfratæki.
Safapressa
fyrir heilsuna og línurnarvilb
or
ga
@
ce
nt
ru
m
.is
Fæst með
berjapressu
Með Magimix safapressunni má töfra fram girnilega
og heilsusamlega drykki með lágmarks fyrirhöfn.
Verð frá kr.: 23.500
LITAREFNIÐ sem gefur t.d. galla-
buxum sitt klassíska bláa yfirbragð
mun e.t.v. gagnast í meðferð gegn
krabbameini er fram líða stundir.
Þetta er niðurstaða vísindamanna
við Austur-Anglíu-háskólann í Eng-
landi sem hefur tekist að fá frumur
til að taka upp litarefnið. Í netút-
gáfu Berlingske tidende kemur
fram að þegar fruman hafi tekið við
efninu séu dagar hennar taldir
komi hún nálægt rauðu ljósi. Upp-
lýsingarnar telja vísindamennirnir
að muni e.t.v. síðar nýtast í krabba-
meinsmeðferð. Ef að líkum lætur
munu fyrstu þátttakendur í þessari
rannsókn fá litarefninu sprautað í
krabbameinsæxli á næstu 5 árum.
Gallabuxnablár drepur
krabbameinsfrumur
Morgunblaðið/Golli
Blár Góður gegn krabbameini?