Morgunblaðið - 06.10.2006, Qupperneq 53

MORGUNBLAÐIÐ FÖSTUDAGUR 6. OKTÓBER 2006 53
menning
Pearl Jam er ein af mínumuppáhaldshljómsveitum,þótt ég geri mér ekki al-
mennilega grein fyrir af hverju.
Það er ekki beint „kúl“ að fíla Pearl
Jam, og margir myndu segja alls
ekki, en það er eitthvað í
þessari hljómsveit sem hefur á
mér tak. Aðdáun mín snýst líka oft
og iðulega upp í einslags ástar/
haturssamband, sem nánast er per-
vertískt.
Á sama tíma og ég elska sum lög-
in út af lífinu, hampa No Code sem
meistaraverki sveitarinnar, nenni
endalaust að rekja mig í gegnum
þróun sveitarinnar og dáist að Ed-
die Vedder fer mannúðarstarf
sveitarinnar í taugarnar á mér og
þessi botnlausa hræsni meðlima er
þeir þykjast vera „einir af okkur“ á
meðan þeir eru milljónamæringar
og þurfa ekki að lyfta litla fingri
frekar en þeir nenna. Langþráður
draumur rættist svo hinn 23. sept-
ember síðastliðinn. Pearl Jam hélt
tónleika í Berlín, í hringleikahúsinu
Wuhlheide, fyrir framan 15.000
gesti. Ég var þar á meðal. Þetta
voru einu tónleikarnir sem ég var
staðráðinn í að sækja á meðan ég
dvaldi í Berlín þennan sept-
embermánuð en svo fór að þetta
voru þeir tónleikar sem ég sá hvað
mest eftir að hafa farið á. Hvers
vegna?
Fyrir það fyrsta er ég nú kominn
með leiða á svona stórtónleikum.
Ég meina, hver er tilgangurinn?
Þessir tilteknu tónleikar voru, að
ég get ímyndað mér, ábyggilega
eins og Rolling Stones-tónleikar.
Fólk fer til að „sjá“ Stones, en ekki
til að „hlusta“. Og það þrátt fyrir að
það glitti rétt í þá uppi á sviði. Ná-
lægð sveitar og áhorfenda er afar
takmörkuð og þetta virðist snúast
um það að berja goðsagnir augum,
líkt og að horfa á Mónu Lísu í gegn-
um glerrammann.
  
Þá var hljómurinn lélegur og al-veg furðulega lágvær. Vedder-
inn, maðurinn sem innlimaði Ramo-
nes í Frægðarhöll rokksins, ætti að
skilja það manna best að rokk og
ról snýst um að hafa það nógu hel-
víti hátt.
Það skringilegasta af öllu var þó
að Pearl Jam er annáluð fyrir frá-
bæra tónleika, þar sem hverjir tón-
leikar eru spilaðir líkt og þeir væru
þeir síðustu. Ekki upplifði ég það,
heldur miklu frekar band sem er al-
gerlega farið að rúlla á sjálfstýr-
ingunni, komin í þá stöðu að það er
einfaldlega verið að stimpla sig inn
í vinnuna. Það var líkt og menn
væru að berjast við að hoppa sig í
stuð þegar „Animal“ var spilað í
milljónasta skipti og svo var þetta
sama gamla rútínan sem öll þessi
leikvangabönd afrita hvert frá
öðru. Á ákveðnum stað fer Vedder
út til hliðanna á sviðinu, eftir nokk-
ur lög í viðbót hoppar hann niður á
öryggissvæðið og fer upp að áhorf-
endum og svo er það rúsínan í
pylsuendanum, þegar okkur er sagt
að við séum „bestu áhorfendurnir
til þessa“. Og við lepjum þetta upp,
eins og sauðir.
  
Þar sem meðlimir Pearl Jam erumeð það á heilanum hversu
miklir menn fólksins þeir eru, og
láta sig dreyma um það að selja
plöturnar sínar í nokkrum þús-
undum en ekki milljónum, væri
heillavænlegast fyrir þá að fara að
spila í litlum klúbbum, segjum 500
manna. En við vitum öll að það mun
ekki gerast. Skepnan er farin að
dansa sjálf og innst inni vitum við
líka að á endanum vilja meðlimir
ekki hafa þetta neitt öðruvísi.
Ég hafði ætlað mér að skrifa heil-
síðugrein um þessa tónleika og lof-
sama Pearl Jam til hægri og vinstri
en þess í stað kemur þessi stutti
tuðpistill. Og það er mátulegt á þá.
Auðvitað ætla ég ekkert að snúa
baki við mínum mönnum. En
þetta er að sönnu „tough love“.
arnart@mbl.is
Perlur fyrir svín
Pearl Jam „Animal“ var spilað í milljónasta skipti og svo var þetta sama
gamla rútínan sem öll þessi leikvangabönd afrita hvert frá öðru.
AF LISTUM
Arnar Eggert Thoroddsen
» Þetta voru einu tón-leikarnir sem ég var
staðráðinn í að sækja á
meðan ég dvaldi í Berlín
þennan septembermán-
uð en svo fór að þetta
voru þeir tónleikar sem
ég sá hvað mest eftir að
hafa farið á. Hvers
vegna?
Staðalbúnaður:
• Hátt og lágt drif
• Álfelgur
• Stigbretti
• Vindskeið
• Skyggðar rúður
• ABS hemlalæsivörn
Pajero sport
Sjálfskiptur með V6 bensínvél, 177 hestöfl 3.395.000 kr.
Aflmeiri 136 hestafla dísilvél 3.595.000 kr.
3.395.000 kr.
Fullbúinn alvörujeppi
á einstöku verði
Umboðsmenn um land allt: Höldur hf., Akureyri, sími 461 6020 · HEKLA, Borgarnesi, sími 437 2100 · HEKLA, Ísafirði, sími 456 4666
HEKLA, Reyðarfirði, sími 470 5100 · HEKLA, Reykjanesbæ, sími 420 5000 · HEKLA, Selfossi, sími 482 1416
HEKLA, Laugavegi 174, sími 590 5000
www.hekla.is, hekla@hekla.is
35.539 kr. á mánuði
H
V
ÍT
A
H
Ú
S
IÐ
/
S
ÍA
Miðað við 30% útborgun og gengistryggðan bílasamning SP til 84 mánaða.