Morgunblaðið - 12.10.2006, Qupperneq 18

18 FIMMTUDAGUR 12. OKTÓBER 2006 MORGUNBLAÐIÐ
ERLENT
Bogota. AP. | Vísindamenn hafa
fundið áður óþekkta fuglategund
í regnskógi í Andesfjöllum í Kól-
umbíu.
Tegundin fannst á mjög heppi-
legum tíma fyrir umhverfisvernd-
arsinna. Hún stuðlaði að því að
ríkisstjórn Kólumbíu samþykkti
að vernda um það bil 200 hektara
af afskekktum skógi þar sem
fuglinn fannst.
„Það hefur mikla þýðingu að
finna nýjar fuglategundir þar
sem það beinir athyglinni að
óvernduðum svæðum,“ sagði Yves
De Soye, talsmaður alþjóðlegu
fuglaverndarsamtakanna Birdlife
International. „Talið er að á þess-
um slóðum séu margar dýra- og
jurtategundir sem vísindamenn
hafa ekki enn fundið og rann-
sakað.“
    
 !"#
$#!%

            

 !  "#  
 
$%
 
 %  &
  
'  ( )   *+ 
,#   ", &
$+ (

           
  !  "   #$
%   &    ' ( )#
& *  ( +, & -."&$
- . 

/

'  
/  (  
    (  
0   +
"1)    
 2  .
! 1 . ,  
 2
  33 1 
*3  )$
45)   (    +
 ! .&  
 )   2&
 1  6   
 " 
!  &
( 3   )$

 
! 0 1 2 3 4 5 -
78'*9:;'
7!!
6   
<=8>





  
  
 


  

!"
Fundu nýjan fugl
Seoul. AP. | Kim Jong-Il, leiðtogi
kommúnistastjórnarinnar í Norður-
Kóreu, er einn af dularfyllstu
stjórnmálamönnum heimsins,
kubbslegur einfari með sólgleraugu
og hár sem stendur út í loftið. Í
huga margra minnir hann á erki-
óvininn í annars flokks spennu-
myndum, brjálaða snillinginn sem
er staðráðinn í að hleypa öllu í bál
og brand í heiminum.
Kim Jong-Il er þó álitinn slægur
leiðtogi og gerðir hans falla inn í
tiltölulega einfalt mynstur sem
snýst aðeins um eitt markmið: að
halda völdunum í þessu fátæka
landi þar sem hann og þeir, sem
vernda hann, lifa munaðarlífi sem
flestir landar þeirra geta ekki
ímyndað sér.
Kynt undir stríðsótta
Tilkynning Norður-Kóreu-
stjórnar um að hún hafi sprengt
kjarnorkusprengju neðanjarðar í
tilraunaskyni er enn einn liðurinn í
þeirri stefnu Kim að stugga við
óvinum sínum og halda þeim í
skefjum með því að auka spennuna
á Kóreuskaga og kynda undir ótta
um stríð í Austur-Asíu.
Tilkynningin er rakin til þess að
Kim sé fullviss um að stjórn
George W. Bush Bandaríkjaforseta
hafi í hyggju að steypa komm-
únistastjórninni af stóli. Í huga
Kim er kjarnorkusprengja fyrst og
fremst tæki til að tryggja að stytt-
unum af honum verði ekki steypt af
stalli í Pyongyang eins og stytt-
urnar af Saddam Hussein í
Bagdad.
Kim vill einnig að stjórn sín njóti
viðurkenningar sem lögmæt stjórn
á alþjóðavettvangi og honum er
mikið kappsmál að tryggja samn-
inga um fjárhagsaðstoð og viðskipti
til að binda enda á hörmung-
arástandið í Norður-Kóreu og af-
stýra því að þjóðin rísi upp gegn al-
ræðisstjórninni.
„Þeir eru fullvissir um að beiti
þeir ekki hörku verði þeir ekki að-
eins sniðgengnir, heldur verði að
lokum ráðist inn í landið,“ sagði
Michael Breen, höfundur bókar um
ævi Kim.
Dyntóttur einfari
Kim er um 160 sentímetrar á
hæð og Vesturlandabúar hafa oft
hæðst að honum fyrir að nota skó
með þykkum sólum og láta hárið
standa út í loftið til að virðast
stærri en hann er.
Þótt Kim leitist við að vera áber-
andi í fasi og klæðaburði þykir
hann sérlega einförull. Hann hefur
sjaldan farið frá heimalandi sínu,
vill ekki ferðast með flugvélum og
notar því sérstaka lúxuslest með öll
nútímaþægindi á borð við gervi-
hnattanetaðgang.
Kim stjórnar með harðri hendi
og talið er að þúsundum pólitískra
fanga sé haldið í fangabúðum í
landinu við skelfilegar aðstæður.
Heilu fjölskyldurnar, jafnvel börn,
eru fangelsaðar vegna meints
glæps ættingja.
Stjórnin ýtir einnig undir taum-
lausa persónudýrkun. Myndir af
Kim sjást á byggingum og inni á
heimilum hvarvetna í landinu og
ríkisfjölmiðlarnir tíunda skrif hans
á hverjum degi.
Kim er sagður hafa miklar mæt-
ur á kvikmyndahetjunni Rambó,
James Bond og fleiri spennumynd-
um frá Hollywood. Utanríkisstefna
hans þykir draga dám af þessu
áhugamáli: þegar vandamál steðja
að teflir hann á tæpasta vað og
leggur allt að veði til að fá and-
stæðinginn til að láta undan.
Ráðamennirnir í Norður-Kóreu
samþykktu eftir viðræður við
stjórn Bandaríkjanna árið 1994, í
forsetatíð Bills Clintons, að loka
kjarnakljúfi sínum gegn því að
Bandaríkjamenn aðstoðuðu þá í
orkumálum og tækju upp stjórn-
málasamband við landið. Sam-
komulagið náðist eftir nokkrar
spennuþrungnar rimmur og hótanir
Norður-Kóreustjórnar um að
breyta Seoul, höfuðborg Suður-
Kóreu, í „logandi eldhaf“.
Stjórnin í Pyongyang sakar
Bandaríkjamenn um að hafa svikið
þetta samkomulag og hefur nú aft-
ur í hótunum til að knýja þá að
samningaborðinu.
Kim er tamt að tefla á tæpasta vað
Leiðtogi Norður-Kóreu er sannfærður um að Bush Bandaríkjaforseti vilji steypa honum af stóli
AP
„Rambó Norður-Kóreu“ Kim Jong-Il með norður-kóreskum hermönnum.
Hermt er að hann hafi miklar mætur á kvikmyndahetjunni Rambó.
Í HNOTSKURN
» Kim Jong-Il er 64 ára ogkomst til valda árið 1994.
» Bush Bandaríkjaforsetisagði í stefnuræðu sinni árið
2002 að Norður-Kórea væri
hluti af „öxli hins illa“.
» „Það að stimpla Norður-Kóreu þannig er eins og að
reyna að tala við konu með því
að kalla hana skækju,“ sagði
Paik Hak-soon, sérfræðingur í
málefnum N-Kóreu í Seoul.
Eftir Davíð Loga Sigurðsson
david@mbl.is
MEIRA en 650.000 óbreyttir borg-
arar hafa beðið bana af völdum
stríðsátaka í Írak frá því að Banda-
ríkjamenn og Bretar réðust inn í
landið í mars 2003. Þetta er a.m.k.
niðurstaða rannsóknar sem íraskir
læknar og bandarískir vísindamenn
hafa gert og sem gerð er grein fyrir í
nýjasta hefti læknaritsins Lancet.
Um er að ræða uppfærslu á rann-
sókn sem vakti mikla athygli í októ-
ber 2004, en þá giskuðu vísinda-
mennirnir á að allt að 100.000 manns
hefðu týnt lífi í Írak frá því í mars
2003. Sú tala var mun hærri en hafði
heyrst annars staðar og víst er að
mat bandarísku vísindamannanna
nú ætti ekki síður að vekja athygli.
Má nefna sem dæmi að George W.
Bush Bandaríkjaforseti giskaði í
ræðu í desember sl. á að 30.000
óbreyttir borgarar hefðu týnt lífi í
Írak á undanförnum tveimur og
hálfu ári og bresku samtökin Iraq
Body Count hafa talað um 50.000
látna.
Samanburður á dánartíðni
fyrir innrás í Írak
Rannsóknin fór þannig fram að
tæplega tvö þúsund heimili á 47 stöð-
um í Írak voru heimsótt og var rætt
við samtals 12.801 Íraka. Var fólk
spurt spurninga um það hversu
margir byggju á heimilinu og hversu
mörg dauðsföll og hversu margar
fæðingar hefðu átt sér stað í fjöl-
skyldunni síðan í janúar 2002.
Vísindamennirnir báru síðan sam-
an tölfræðilegar upplýsingar um
ástandið árið fyrir innrásina í Írak
og þau misseri sem liðið hafa síðan
ráðist var á landið. Er niðurstaðan
sú að 655.000 hafi látist á þessu tíma-
bili sem ekki hefðu dáið ella.
Dánartíðni á ári fyrir innrásina í
Írak var skv. greininni í Lancet 5,5
fyrir hverja 1.000 íbúa; þessi sama
tala frá því í mars 2003 er hins vegar
13,3 fyrir hverja 1.000 íbúa. Var
munurinn á þessum tölum notaður
til að reikna út „aukaleg dauðsföll“.
Vísindamennirnir sem fram-
kvæmdu rannsóknina viðurkenna
vandamál er tengjast söfnun upplýs-
inga, en þeir segja „rosalegt óör-
yggi“ hafa valdið því að ekki var
hægt að stoppa lengi við á sama stað.
Þetta geti hins vegar alveg þýtt að
fleiri hafi látist heldur en færri
Átta íraskir læknar framkvæmdu
rannsóknina en sérfræðingar við
Bloomberg-heilbrigðisdeildina við
Johns Hopkins-háskólann í Banda-
ríkjunum höfðu yfirumsjón með
henni og unnu úr gögnunum.
Telja 650.000 manns hafa
fallið frá upphafi innrásar
Miklu hærri tölur um mannfall í Írak en áður hafa heyrst
Reuters
Blóðbað Ekkert lát er á vargöldinni í Írak en á myndinni sést írösk kona
ganga framhjá bíl sem sprengdur var í loft upp í Bagdad. Tveir týndu lífi.