Morgunblaðið - 01.11.2006, Side 4

4 MIÐVIKUDAGUR 1. NÓVEMBER 2006 MORGUNBLAÐIÐ
FRÉTTIR
GÍSLI Freyr Valdórsson, sem starfaði á kosn-
ingaskrifstofu Sjálfstæðisflokksins fyrir borg-
arstjórnarkosningarnar í vor, segir að stuðnings-
menn Guðlaugs Þórs Þórðarsonar hafi fengið
uppfærða skrá yfir félaga í flokknum sem aðrir
frambjóðendur í prófkjörinu í Reykjavík um liðna
helgi höfðu ekki aðgang að. Skráin hafi einnig bor-
ist stuðningsmönnum Guðfinnu S. Bjarnadóttur.
Gísli Freyr greindi frá þessu í Kastljósi Rík-
issjónvarpsins í gærkvöldi. Í samtali við Morg-
unblaðið sagði hann að honum og öðrum á kosn-
ingaskrifstofunni hefði verið tjáð að mikilvægt
væri að færa rétt símanúmer inn í flokksskrána því
hún væri ekki sérlega nákvæm að þessu leyti.
Grunsemdir hefðu vaknað hjá honum þegar hann
heyrði stuðningsmann Guðlaugs sem jafnframt sá
um tölvukerfið segja að menn ættu að passa upp á
númerin „því við ætlum að nota hana í haust“. Í
ljósi fyrri viðskipta við stuðningsmenn Guðlaugs
hefði hann strax grunað að halda ætti uppfærðu
skránni fyrir Guðlaug. Því hefði hann og nokkrir
aðrir ákveðið að leggja gildrur sem fólust í því að
Gísli Freyr setti númerið sitt við nöfn tveggja
kunningja sinna. Þetta hefðu fleiri gert. Í próf-
kjörsbaráttunni hefði síðan verið hringt í númer
hans frá kosningaskrifstofu Guðlaugs og spurt eft-
ir þessu kunningjum og sama hefði gerst hjá öðr-
um. Aðeins hefði verið hringt frá skrifstofu Guð-
laugs og sagði Gísli Freyr að þetta sýndi fram á að
stuðningsmenn Guðlaugs hefðu ráðið yfir hinni
uppfærðu flokksskrá. Hann hefði síðan séð tölvu-
póst frá skrifstofu Guðlaugs til stuðningsmanna
Guðfinnu S. Bjarnadóttur sem innihélt uppfærðu
flokksskrána. Gísli Freyr sagði mjög óeðlilegt að
aðeins stuðningsmenn Guðlaugs hefðu haft aðgang
að skránni og hann telur að athugun Valhallar á
málinu hefði átt að fara fram um leið og upplýs-
ingar um málið bárust þangað, 20. október, en ekki
tveimur sólarhringum síðar.
Guðlaugur Þór Þórðarson vildi ekki veita Morg-
unblaðinu viðtal í gær en sendi svohljóðandi yf-
irlýsingu: „Ávirðingar Gísla Freys Valdórssonar
hafa komið fram áður. Að beiðni þeirra sem stjórn-
uðu úthringingum fyrir framboð mitt, voru þessar
ávirðingar rannsakaðar af starfsfólki Valhallar.
Niðurstaðan var afgerandi á þá leið að enginn
grunur væri uppi um misnotkun.
Sú niðurstaða var rædd á fundi með fulltrúum
allra frambjóðenda og komu engar athugasemdir
fram þar. Þess má geta að Gísli Freyr var kosn-
ingastjóri Birgis Ármannssonar og er stuðnings-
maður Björns Bjarnasonar og hafði alla möguleika
á að koma fram með athugasemdir og tilmæli á
umræddum fundi ef hann hefði kosið svo.“
Ekki náðist í Andra Óttarsson sem brátt tekur
við sem framkvæmdastjóri Sjálfstæðisflokksins.
Deilur í Sjálfstæðisflokknum
um uppfærða flokksskrá
Í HNOTSKURN
» Gísli Freyr Valdórsson segir að stuðn-ingsmenn Guðlaugs Þórs Þórðarsonar
hafi einir haft aðgang að uppfærðri skrá.
Þeir hafi síðan veitt Guðfinnu Bjarnadóttur
aðgang að henni.
» Guðlaugur Þór Þórðarson segir að nið-urstaða athugunar flokksins hafi verið
sú að enginn grunur væri um misnotkun.
NÚ þegar nóvember er runninn upp og veðrið tekið
að versna veitir ekki af að þvo glugga í verslunum
enda sest á þá af saltinu sem borið er á götur bæj-
arins. Það má því segja að það mæði mikið á auglýs-
ingum og öðrum límmiðum í gluggum verslana um
þessar mundir enda hefur verið bæði kalt og blautt í
veðri að undanförnu. Þegar ljósmyndari Morgunblaðs-
ins átti leið um Austurstrætið var þessi starfsmaður
að taka til hendinni og þvo glugga verslunarinnar.
Einbeitingin skein úr andliti starfsmannsins og svo
virðist sem andlitið á auglýsingunni fylgist vel með
hvað er að gerast.
Morgunblaðið/Ásdís
Gluggaþvottur í miðbænum
EFTIR fráfall Sólveigar Pálsdóttur
sl. helgi, sem náði því að verða elst
allra Íslendinga, 109 ára og 68
daga gömul, eru elstu núlifandi Ís-
lendingar nokkrum árum yngri.
Elsta konan hérlendis er nú
Kristín Guðmundsdóttir í Hafn-
arfirði sem er 104 ára, en Frey-
steinn Jónsson í Mývatnssveit er
elstur karla, 103 ára. Þetta kemur
fram á vef Jónasar Ragnarssonar,
www.jr.is/langlifi.
Nýjustu tölur sýna að alls séu 34
Íslendingar á lífi á aldrinum frá
100 til 104 ára. Það sem eftir er
ársins gætu fjórir bæst við og allt
að sextán á næsta ári. Horfur eru á
að árið 2008 ætti nokkur fjöldi að
ná þeim áfanga að verða 100 ára.
Ekki hefur tekist að sanna að
nokkur Íslendingur hafi náð hundr-
að ára aldri fyrr en árið 1907. Síð-
an hafa 444 náð þessum áfanga hér
á landi og fimmtán erlendis.
Einnig kemur fram að líkurnar á
því að ná hundrað ára aldri hafa
margfaldast á sl. 150 árum, farið úr
0,1% í 0,74%.
Elsti Íslend-
ingurinn
er 104 ára
Alls 34 Íslendingar
eru 100–104 ára
HJÓN sem lentu
í átökum á
skemmtistaðn-
um Café Victor
um liðna helgi
hafa lagt fram
kæru til lögregl-
unnar í Reykja-
vík vegna þáttar
fjögurra manna
í málinu. Máls-
aðila greinir á
um hvað þeim fór á milli.
Eins og fram kom í Morgunblað-
inu í gær lentu hjónin í átökum á
salerni skemmtistaðarins. Þar var
læsing biluð og svo virðist sem
mennirnir fjórir hafi gengið inn á
konuna. Eiginmaður hennar kom
að skömmu síðar og upp hófust
átök. Að sögn lögreglu er að svo
stöddu ekki hægt að staðfesta hver
málsupptök voru en átökin enduðu
með að mennirnir fjórir gengu í
skrokk á eiginmanninum. Salernið
sem um ræðir er notað af báðum
kynjum.
Lögðu fram kæru
vegna átaka
við fjóra menn
Vettvangur átak-
anna á Café Victor.
LÖGREGLUNNI í Reykjavík hefur
ekki enn tekist að hafa uppi á
manni sem bauð ungri stúlku upp í
bifreið sína í Árbæjarhverfi,
skammt frá Rauðavatni, á sunnu-
dag. Málið er litið alvarlegum aug-
um og rannsókn heldur áfram.
Vigdís Erlendsdóttir, forstöðu-
maður Barnahúss, segir slík tilfelli
afar sjaldgæf, en þau hafi vissulega
borist inn á borð Barnahúss. „Al-
mennt geta flest börn varað sig á
svona plati og ég held að gagnvart
ókunnugum séu mörg börn mjög
vel á verði,“ segir Vigdís sem telur
foreldra sér afar meðvitandi um
hvar hætturnar leynast og duglega
við að fræða börn sín.
Vel á verði gagn-
vart ókunnugum
MAÐURINN sem slasaðist alvar-
lega þegar hann varð fyrir bifreið á
Suðurlandsvegi á sunnudagskvöld
er laus úr öndunarvél, samkvæmt
upplýsingum frá gjörgæsludeild
Landspítalans í Fossvogi.
Slysið varð þegar verið var að
flytja fé af vagni dráttarvélar yfir á
fjárflutningabíl. Ökumaður bíla-
leigubíls varð traktorsins var of
seint og ók fyrst utan í dráttarvél-
ina og síðan á manninn sem stóð
fyrir utan dráttarvélina.
Laus úr öndunar-
vél eftir slys
ANDRÉS Ásmunds-
son læknir lést á
Landspítala – háskóla-
sjúkrahúsi í Fossvogi
30. október sl. Andrés
var níræður, fæddur
30. júní 1916 í Stykk-
ishólmi.
Faðir Andrésar var
Ásmundur Guðmunds-
son, skólastjóri Al-
þýðuskólans á Eiðum,
prófessor við Háskóla
Íslands og síðar biskup
Íslands. Móðir Andrés-
ar var Steinunn Sigríð-
ur Magnúsdóttir, hús-
freyja.
Andrés varð stúdent frá Mennta-
skólanum í Reykjavík árið 1935 og
lauk BA-prófi í þýsku, ensku og
frönsku frá Háskóla Íslands árið
1945. Hann lauk læknisprófi frá
Karolinska Mediko-Kirurgiska In-
stitutet í Stokkhólmi í apríl 1952 og
hlaut síðar sérfræðingsleyfi í hand-
lækningum, kvensjúk-
dómum og fæðingar-
hjálp.
Andrés var starfs-
maðurÚtvegsbanka
Íslands á árunum
1935–1945 og á árun-
ujm 1952–1961 vann
hann sem læknir í Sví-
þjóð. Frá 1961–1989
var hann starfandi
læknir í Reykjavík og
Kópavogi, m.a. á Fæð-
ingarheimili Reykja-
víkur frá 1961-1986.
Þá var hann trúnaðar-
læknir ýmissa fyrir-
tækja m.a. Sambands íslenskra
samvinnufélaga og Samvinnutrygg-
inga.
Andrés kvæntist eftirlifandi eig-
inkonu sinni, Þorbjörgu Guðrúnu
Pálsdóttur myndhöggvara, árið
1945. Andrés og Þorbjörg eignuð-
ust fimm börn og tvö kjörbörn en
þrjú barna þeirra eru látin.
Andrés Ásmundsson
Andlát
TÓLF Pólverjar sem störfuðu við
Kárahnjúkavirkjun hafa unnið dóms-
mál gegn starfsmannaleigunni 2b
ehf. fyrir Héraðsdómi Austurlands
sem dæmdi starfsmannaleiguna til að
greiða mönnunum vangoldin laun og
andvirði flugfarseðla til Póllands. Að
mati dómsins var starfsmannaleig-
unni ekki heimilt að draga ýmsan út-
lagðan kostnað frá skuld mannanna
auk þess sem hún var ekki talin hafa
fært sönnur á hluta kostnaðarins.
Vangoldin laun námu á fjórðu milljón
króna og málskostnaður á aðra millj-
ón króna sem 2b var gert að greiða.
Meðal óumdeildra atriða málanna
var að laun mannanna skyldu fara
eftir svokölluðum virkjunarsamningi
sem gilti um kaup og kjör við virkj-
unarframkvæmdir á vegum Lands-
virkjunar. Deilt var um hvort 2b ehf.
hefði verið heimilt að draga ýmsan
útlagðan kostnað frá launum og hvort
mennirnir ættu rétt á launum út
ráðningartíma samkvæmt ráðning-
arsamningi. Einnig var deilt um
hvort mennirnir gætu krafið stefnda
um andvirði flugfarseðla til Póllands.
Forsvarsmaður 2b sagði fyrir dómi
að bók þar sem starfsmenn kvittuðu
fyrir fyrirframgreiðslum hefði týnst
og þá hefðu fyrirframgreidd laun
stundum verið skilgreind sem útlagð-
ur kostnaður á launaseðlum. Þessar
skýringar þóttu ótrúverðugar að
mati dómsins.
Óheimilt að greiða kaup
með skuldajöfnuði
Dómurinn tilgreindi að skv. lögum
um greiðslu verkkaups mætti ekki
greiða kaup með skuldajöfnuði nema
um það hefði áður verið sérstaklega
samið. Gegn mótmælum mannanna
varð ekki talið að svo hefði um samist
með málsaðilum að 2b væri heimilt að
draga fyrrgreindan útlagðan kostnað
frá launum. Krafa 2b um endur-
greiðslu á ferðakostnaði til Póllands
þótti vera í andstöðu við ákvæði ráðn-
ingarsamningsins þar sem fram kom
að atvinnurekandi greiddi heimflutn-
ing mannanna til Póllands að starfs-
tíma loknum. Sömuleiðis væri krafa
2b um endurgreiðslu kostnaðar
vegna slysatryggingar í andstöðu við
svokallaðan virkjunarsamning, en
þar kom fram að vinnuveitanda væri
skylt að slysatryggja starfsmenn
sína. Þá þótti 2b ekki hafa sýnt fram á
með framlögðum gögnum að útlagð-
ur kostnaður vegna þýðingar rétt-
indabréfa og vottorða eða gistingar
og fæðis hefði verið inntur af hendi.
Ragnheiður Bragadóttir dómstjóri
dæmdi málin. Lögmaður Pólverj-
anna var Jón Jónsson hdl. og fyrir 2b
var Vilhjálmur Hans Vilhjálmsson
hrl.
12 útlendingar unnu mál
gegn starfsmannaleigu