Morgunblaðið - 01.11.2006, Blaðsíða 33

MORGUNBLAÐIÐ MIÐVIKUDAGUR 1. NÓVEMBER 2006 33
menning
Suðurlandsbraut 20 – 108 Reykjavík – Sími 588 0200 –www.eirvik.is
-hágæðaheimilistæki
Ef þú kaupir Miele þvottavél færðu kaupverðið
endurgreitt með betri meðferð á þvottinum þínum
Miele þvottavélar erumeð nýrri tromlumeð
vaxkökumynstri semferbeturmeðþvottinn.
Einkaleyfi Miele.
Miele þvottavélar eru byggðar á stálgrind
og eru með ytri þvottabelg úr ryðfríu stáli
ólíkt flestum öðrum þvottavélum.
Miele þvottavélar endast lengur en aðrar
þvottavélar.
Íslenskt stjórnborð
AFSLÁTTUR
30%
ALLT AÐ
1. VERÐLAUN
í Þýskalandi
W2241WPS
Gerð Listaverð TILBOÐ
ÞvottavélW2241 kr. 160.000 kr. 114.800
1400sn/mín/5 kg.
Þurrkari T223 kr. 112.200 kr. 78.540
útblástur/5 kg.
Þurrkari T233C kr. 131.000 kr. 91.700
rakaþéttir/5 kg.
MIELE ÞVOTTAVÉL
- fjárfesting sem borgar sig
Hreinn sparnaður
Ég hefði ekki verið í vand-ræðum með að svara al-ræmdri spurningu sem
var hluti af inntökuprófi inn í
Læknadeild HÍ fyrir nokkrum ár-
um: Hvernig er Barbapabbi á lit-
inn? Hann er auðvitað bleikur.
Ég hefði meira að segja staðist
miklu þyngra próf um þennan
bleika og perulaga fír. Ég er
nefnilega af þeirri kynslóð sem
ólst upp í félagsskap við Barba-
pabba og síðar Barbamömmu og
barbabarnanna sjö.
  
JPV útgáfa hefur nú endur-útgefið fyrstu bókina um
Barbapabba. Þetta er auðvitað al-
veg rakið því foreldrar barna á
leikskólaaldri í dag voru þau
börn sem lásu Barbapabba spjald-
anna á milli á sínum tíma. Þau
fagna nú tækifærinu til að end-
urnýja gömul kynni og lesa bók-
ina fyrir börn sín.
Reyndar virðast Barbapabbi og
fjölskylda vera mikið tískufyr-
irbrigði um þessar mundir. Í ýms-
um löndum Evrópu má finna alls
kyns Barbapabbavarning (t.d.
Barbapabbasvuntur og -púða) í
jafnvel þar til gerðum Barba-
pabbaverslunum. Ein slík er
meira að segja á Laugaveginum.
Sá bleiki á augljóslega upp á pall-
borðið í dag.
  
Smá sagnfræði. Fyrsta bókinum Barbapabba kom út árið
1970 í Frakklandi og þremur ár-
um síðar á Íslandi í þýðingu Jónu
Hrannar Elsudóttur. Höfundarnir
eru tveir, hin franska Annette Ti-
son og hinn bandaríski Talus
Taylor. Samvinna þeirra tókst
svo vel að þau giftust fljótlega
eftir að hafa komið Barbapabba í
heiminn.
Hugarfóstri þeirra var strax
tekið opnum örmum og óhætt að
fullyrða að Barbapabbi hafi lagt
heiminn að fótum sér. Hann hef-
ur verið þýddur á yfir 30 tungu-
mál og eftir bókunum hafa verið
gerðar styttri og lengri teikni-
myndir sem sýndar hafa verið um
víða veröld.
  
Bækurnar um Barbapabbaurðu nokkrar. Í fyrstu bók-
inni – þeirri sem nú er verið að
endurútgefa – segir frá óvenju-
legri fæðingu söguhetjunnar;
hann sprettur upp úti í garði.
Fylgst er með tilraunum hans til
að fóta sig í heimi mannfólksins,
sem ganga vægast sagt brösug-
lega uns óvenjulegir hæfileikar
hans til að breyta um lögun (hann
breytir sér í stiga og síðar búr)
verða til þess að hann er hylltur
sem hetja.
Í seinni bókunum kemur svo til
skjalanna kvendýr af sömu teg-
und og Barbapabbi, þó svart og
meira keilulaga. Saman eignast
þau sjö börn í öllum regnbogans
litum sem sökkva sér hvert ofan í
sitt áhugamálið.
  
Á frummálinu nefnist Barba-pabbi Barbapapa. Mun það
myndað úr orðunum barbe à
papa sem er franska fyrir ullar-
brjóstsykur (e. candy floss), þetta
dísæta, bleika og ullarkennda
sælgæti sem skýtur ávallt upp
kollinum á tyllidögum.
Mér fannst ullar-
brjóstsykur ljúffengur
sem krakki en
komst að því nú í
sumar að hann
er í raun óætur,
þegar ég gerði
tilraun til að
endurlifa
þjóðhátíð-
ardagsstemm-
ingu æsku
minnar í
gegnum bragð-
laukana. Það er
þannig með margt. Það stendur
ekki undir þeim væntingum sem
byggja á bernskuminningunum.
Þar sem ég fletti í Barbapabba í
bókabúð um helgina virðist mér
hann hins vegar alltaf standa fyr-
ir sínu.
Hin bleika hetja snýr aftur
Breytt um lögun Hinir óvenjulegu hæfileikar Barbapabba koma sér vel þegar bjarga þarf fólki úr eldsvoða.
Slökkviliðsmennirnir verða honum svo þakklátir að þeir skála fyrir honum í víni.
AF LISTUM
Flóki Guðmundsson
» Í seinni bókunumkemur svo til skjal-
ana kvendýr af sömu
tegund og Barbapabbi,
þó svart og meira keilu-
laga. Saman eignast þau
sjö börn í öllum regn-
bogans litum sem
sökkva sér hvert ofan í
sitt áhugamálið.
floki@mbl.is
MIKIÐ var um dýrðir í Mosfellsbæ
þegar tónlistarskóli staðarins fagn-
aði 40 ára afmæli sínu á laugardag.
Auk Skólahljómsveitar Mosfells-
bæjar tóku hvorki fleiri né færri en
sjö kórar sveitarfélagsins (upp undir
300 manns) þátt í flutningnum með
Sinfóníuhljómsveit Íslands.
Eftir ávarp frumkvöðulsins Birgis
D. Sveinssonar hóf SÍ tarantellusóp-
andi „Rómverska kjötkveðjuforleik-
inn“ eftir Berlioz. Fljótt á litið sló
íþróttamusterið að Varmá mann
sem furðugott tónlistarhús. Flest er
hvort eð er skárra en Háskólabíó, og
þóttist ég m.a.s. geta greint óvenju-
skýrt á milli hljóðfærahópa í tutti-
köflum. Þegar lúðrarnir bættust í
leikinn raskaðist þó samvægið veru-
lega strengjum í óhag. Sama gilti um
kórinn þegar hann kom inn í næsta
atriði, syrpu fimm íslenzkra laga í
útsetningu Páls P. Pálssonar, að
þrátt fyrir ríflegan söngmannafjölda
léði handboltahljómburðurinn
hvergi nærri kórnum þá fyllingu
sem góður tónlistarsalur hefði gert.
Auk þess virtist sem hvorki söngv-
arar né spilendur heyrðu nógu vel í
sjálfum sér né hinum, og varð það,
ásamt mikilli fjarlægð á milli út-
horna, þess valdandi að sumt lét
ekki jafn samtaka í eyrum og skyldi
– t.a.m. í „Hvert örstutt spor“ (Jón
Nordal) og síðast í „Hjá lygnri
móðu“ (Jón Ásgeirsson). Þegar SÍ
lék ein í upphafi og í lokaatriðinu,
1812 forleik Tsjækovskíjs, gekk hins
vegar betur, enda aðal reyndra fag-
manna að treysta fremur stjórnand-
anum en eyranu í erfiðum sal.
Engu að síður var gaman að ís-
lenzku syrpunni, er auk nefndra höf-
unda flíkaði lögum eftir Jón Þór-
arinsson („Íslenzkt vögguljóð á
hörpu“), Gunnar Reyni Sveinsson
(„Haldið ún Gróa hafi skó“) og Atli
Heimir Sveinsson („Maríukvæði“).
Efstgreindir einsöngvarar sungu
inngangshlutann í Lokakór úr
Þrymskviðu Jóns Ásgeirssonar með
stakri prýði. Slavneskur glæsibrag-
ur kórónaði síðan lokaatriðið við
hæfi, jafnvel þótt aðstandendur
spöruðu sér valfrjálsu falls-
tykkjadrunurnar í síferskum kons-
ertforleik Tsjækovskíjs. Var flestu
bráðvel fagnað, enda lögðu jafnt
staðarbúar sem SÍ sig alla fram und-
ir snarpri stjórn Kurts Kopeckys.
Sjö kóra ljóð
TÓNLIST
Íþróttahúsið að Varmá
Afmælistónleikar Tónlistarskóla Mos-
fellsbæjar. Álafosskórinn (stjórnandi
Helgi R. Einarsson), Kammerkór Mos-
felssbæjar (stj. Símon Ívarsson), Karla-
kórinn Stefnir (stj. Atli Guðlaugsson),
Kirkjukór Lágafellssóknar (stj. Jónas
Þórir), Kvennakórinn Heklurnar (stj.
Björk Jónsdóttir), Reykjalundarkórinn
(stj. Íris Erlingsdóttir), Skólakór Var-
márskóla (stj. Guðmundur Ómar Ósk-
arsson) og Skólahljómsveit Mosfells-
bæjar (stj. Daði Þór Einarsson).
Einsöngvarar: Guðlaugur Atlason og
Bjarni Atlason. Sinfóníuhljómsveit Ís-
lands undir stjórn Kurts Kopeckys. Laug-
ardaginn 21. október kl. 15.
Sinfóníutónleikar
Ríkarður Ö. Pálsson