Morgunblaðið - 01.11.2006, Blaðsíða 16

16 MIÐVIKUDAGUR 1. NÓVEMBER 2006 MORGUNBLAÐIÐ
MENNING
BLÁSIÐ verður til
þriggja afmælistón-
leika í tilefni 40 ára
afmælis Samkórs
Kópavogs. Í kvöld, á
fimmtudagskvöld og
á sunnudag verða
tónleikar í Salnum í
Kópavogi. Auk kórsins koma fram einsöngv-
ararnir Guðrún Gunnarsdóttir og Bergþór Páls-
son. Píanóleikari er Aðalheiður Þorsteinsdóttir og
auk hennar leikur þriggja manna hljómsveit und-
ir. Stjórnandi er Björn Thorarensen.
Tónleikarnir í kvöld hefjast klukkan 20 og er
miðaverð 2000 krónur.
Nánari upplýsingar á www.salurinn.is.
Afmælistónleikar
Samkór Kópavogs
fagnar 40 árum
Samkór Kópavogs.
NÆSTKOMANDI fimmtudag
hefja göngu sína nýir útvarps-
þættir á Rás 2 sem nefnast
Tímaflakk. Um er að ræða
leikna útvarpsþætti „þar sem
sprell og vitleysa eru í aðal-
hlutverki,“ eins og segir í
fréttatilkynningu. Umsjón-
armenn Tímaflakks eru Bjarni
„töframaður“ Baldvinsson, Ey-
vindur Karlsson og Þórhallur
Þórhallsson, en þeir skrifa
handrit þáttanna auk þess að fara með öll hlut-
verkin. Tímaflakk verður fluttur í tvennu lagi á
hverjum fimmtudegi, klukkan 8.15 í Morg-
unútvarpi Rásar 2 og klukkan 9.15 í Broti úr degi.
Útvarpsþáttur
Þremenningar
flakka um tímann
Bjarni „töframað-
ur“ Baldvinsson
KONUNGSBÓK eftir Arnald
Indriðason kemur út í dag hjá
Vöku Helgafelli. Konungsbók
gerist að mestu í Kaupmanna-
höfn árið 1955 og tengist
leyndarmáli sem snertir helsta
dýrgrip Íslands, Konungsbók
Eddukvæða.
Konungsbók er tíunda
skáldsaga Arnaldar Indr-
iðasonar, en bækur hans hafa
selst í um það bil þremur millj-
ónum eintaka. Enginn íslenskur rithöfundur hef-
ur nokkru sinni náð slíkri útbreiðslu. Jafnframt
hefur Arnaldur hlotið fjölda viðurkenninga fyrir
bækur sínar.
Bækur
Ný bók eftir Arnald
kemur út í dag
Arnaldur
Indriðason
TVEIR þættir úr barnasjónvarps-
þáttaröðinni Latabæ verða sýndir í
Sjónvarpinu um jólin. Á aðfangadag
kl. 15.05 verður sérstakur jólaþáttur
sýndur, og á jóladagsmorgun kl. 9.30
verður einn hefðbundinn þáttur
sýndur, sem ekki hefur verið sýndur
hérlendis áður.
Eiga enn endursýningarrétt
Þættirnir um fólkið í Latabæ nutu
mikilla vinsælda hjá íslenskum börn-
um þegar þeir voru sýndir í Rík-
issjónvarpinu síðasta vetur og bíða
mörg þeirra eflaust spennt eftir því
að þeir snúi aftur á skjáinn. Ný
þáttaröð er hins vegar enn í fram-
leiðslu, og hefur RÚV því ekki enn
fest kaup á henni.
Að sögn Guðrúnar Helgu Jón-
asdóttur, varadagskrárstjóra hjá
RÚV, er þó líklegt að Sjónvarpið
muni festa kaup á nýju þáttaröðinni
og sýna hana þegar þar að kemur.
„Auk þess eigum við ennþá nokkra
endursýningarrétti af fyrri þátta-
röðinni sem við gætum nýtt okkur,“
sagði hún í samtali við Morg-
unblaðið, en þættirnir voru end-
ursýndir tvisvar í viku síðasta vetur;
frumsýndir á föstudagskvöldum og
endursýndir á laugardagsmorgnum
og fimmtudögum.
Sjónvarpsþættirnir um Latabæ
voru nýverið tilnefndir til BAFTA-
verðlaunanna í Bretlandi, og til
Emmy-verðlaunanna síðastliðið vor.
Væntanleg Nýjasta þáttaröð
Latabæjar er enn í framleiðslu.
Latabæjar-
þættir um
jólin á RÚV
Nýjasta þáttaröðin
enn í framleiðslu
TILKYNNT hef-
ur verið hverjir
séu tilnefndir til
inntöku í Frægð-
arhöll rokksins,
en sú höll er safn
og stofnun í Cle-
veland í Ohio í
Bandaríkjunum.
Árlega eru tekn-
ir inn listamenn
og þykir mikill heiður að vera
þeirra á meðal. Safninu er ætlað að
gera rokksögunni skil og hlotnast
þeim einum heiðurinn sem þykja
hafa haft afgerandi áhrif á fram-
gang þeirrar sögu.
R.E.M., Van Halen, Ronettes og
Patti Smith eru meðal þeirra sem
hljóta tilnefningu í ár, en aðrir eru
Dave Clark Five, Grandmaster
Flash, Chic, Stooges, Joe Tex og
Furious Five.
Yfir fimm hundruð kjósendur –
úr röðum tónlistarmanna og ann-
arra áhrifamanna í rokkheiminum
– munu svo skera úr um hvaða
fimm sveitir verða teknar inn í
Frægðarhöllina á árlegri hátíð sem
haldin verður þann 12. mars á
næsta ári á Waldorf-Astoria lúx-
ushótelinu á Manhattan-eyju.
Hljómsveitir eða tónlistarmenn
eru aðeins gjaldgengir til inntöku í
Frægðarhöll rokksins 25 árum eftir
útkomu fyrstu breiðskífu þeirra.
Fyrst var tekið inn í höllina í jan-
úar 1963 þegar m.a. sjálfur kóng-
urinn, Elvis Presley, fékk inni.
Tilnefningar í
Frægðarhöllina
Patti Smith
Eftir Ingveldi Geirsdóttur
ingveldur@mbl.is
NÝTT LEIKSVIÐ verður tekið í notkun í Þjóð-
leikhúsinu á laugardaginn. Leiksviðið, sem ber
nafnið Kúlan, er staðsett undir Kassanum, þar
sem var áður Litla svið Þjóðleikhússins á Lind-
argötu 7.
„Kúlan er hugsuð sem tilraunasvið, helgað
minni sýningum og þá fyrst og fremst sýningum
fyrir börn, en líka og jafnframt nýrri leik-
húsreynslu óháð aldri,“ segir Tinna Gunnlaugs-
dóttir þjóðleikhússtjóri. Kúlan verður opnuð með
sýningunni Umbreyting – Ljóð á hreyfingu sem
hefur verið kynnt sem brúðusýning fyrir full-
orðna. „Við leggjum þó áherslu á að sýningin er
fyrir alla aldurshópa en hún kallar á ákveðna
kyrrð og einbeitingu og hentar því ekki mjög ung-
um börnum.
Sýningin var frumsýnd í Kassanum á listahátíð
í vor. „Viðtökurnar voru frábærar en nú flytjum
við hana niður til að gefa henni lengra líf. Með því
að setja þessa sýningu þarna inn erum við svolítið
að marka upphaf þess sem koma skal. Þarna
verður sannkölluð töfraveröld.
Í anda þess að rýmið uppi fékk nafnið Kassinn
ákváðum við að nefna þetta Kúluna. Rýmið er
ekki kúlulaga en fyrir okkur er þetta kúlan sem
töfrarnir birtast inni í, þetta er leikur að orðum
en um leið er þetta yfirlýsing um aukinn þunga á
leiklistaruppeldi Þjóðleikhússins.“
Auka barnastarfið
Barnastarfið mun þó vera mest áberandi í Kúl-
unni en Tinna segir Þjóðleikhúsið leggja aukna
áherslu á barnastarf og leiklistaruppeldi í fram-
tíðinni.
„Þjóðleikhúsið á að þjóna öllum aldurshópum.
Þórhallur Sigurðsson, leikstjóri og verkefnastjóri
fræðsludeildar, mun sjá um barnastarfið í Kúl-
unni. Leikhúsið hefur alltaf sýnt eina stóra barna-
leiksýningu á ári en með Kúlunni færum við út
kvíarnar og festum í sessi það ferli sem hófst með
sýningunni Leitin að jólunum í fyrra.
Við stefnum að því að geta reglulega boðið upp
á smærri sýningar fyrir börn, samhliða öðru
starfi. Umbreytingin verður aðeins sýnd í nóv-
ember, en eftir áramót verður brúðuleiksýningin
Pétur og úlfurinn í Kúlunni fyrir börn auk þess
sem við frumsýnum eina smábarnasýningu þar
með vorinu,“ segir Tinna.
„Reynslan frá því í fyrra segir okkur að það sé
mikil þörf fyrir fjölbreyttara úrval á leiksýn-
ingum fyrir börn og það allt niður í mjög ung
börn, eins og aðsóknin á Skoppu og Skrítlu núna í
haust staðfestir, en sú sýning hefur verið sýnd
fyrir fullum sal á Leikhúsloftinu á laugardags- og
sunnudagsmorgnum í haust. Ég held að það sé al-
veg ljóst að foreldrar á Íslandi vilja að börn þeirra
fái að upplifa leikhús og það er frábært. Þessari
þörf viljum við mæta.“
Viðbygging á teikniborðinu
Framtíðaruppbygging Þjóðleikhússins hefur
mikið verið í umræðunni en húsið þykir hafa
sprengt utan af sér fyrir löngu. Tinna segir sam-
þykkt deiliskipulag liggja fyrir um að það megi
reisa 4.200 fermetra viðbyggingu við leikhúsið til
austurs. „Það er búið að vera vitað og viðurkennt í
áratugi að það þurfi að byggja við leikhúsið. Fyrr-
verandi húsameistari ríkisins, Garðar Hall-
dórsson, er búinn að setja fram útlitshugmyndir
en nákvæm útfærsla eða teikning á húsinu hefur
ekki átt sér stað. Það liggur fyrir hvað þarf að
gera til að bæta aðstöðuna í húsinu en það er bara
spurning um opinberan vilja.“
Tinna segir viðbygginguna aðallega verða til að
bæta aðstöðu þeirra sem vinna við húsið. „Það er
ekkert hliðarsvið sem tilheyrir Þjóðleikhúsinu svo
allur rekstur á sviðinu er mjög erfiður. Með þess-
ari viðbyggingu í austur fengjum við hliðarsvið
fyrir leikmyndir sem myndi auðvelda okkur
reksturinn, auk þess að losa okkur við að leigja
skemmur og geymslur úti um allt undir starfsem-
ina.“
Spurð af hverju ekki hafi verið ráðist í það fyrr
að byggja við húsið og halda því við segir Tinna að
þetta sé allt spurning um pólitískan vilja. „Þetta
hús var reist af miklum myndarbrag en síðan hef-
ur ekki tekist að halda því við. Nú er verið að taka
á þessum sýnilega þætti með að laga ytra byrði
hússins en með sama stórhug þarf að líta til þess
að nú þarf að stækka og tæknivæða leikhúsið. Ég
er að vona að það sé pólitískur vilji til að setja
fjármagn í viðbygginguna, ég held að ráðamenn
skilji að það megi ekki láta staðar numið við ytra
byrðið heldur þurfi að klára dæmið, að nútíma-
væða Þjóðleikhúsið,“ segir Tinna og bætir við að
hún voni að eftir kosningar í vor verði hægt að ná
samstöðu um uppbygginu Þjóðleikhússins. „Okk-
ur ber að varðveita húsið og sjá til þess að það
geti starfað við bestu aðstæður og gegnt hlutverki
sínu,“ segir þjóðleikhússtjóri að lokum.
Nútímavæða þarf Þjóðleikhúsið, segir Tinna Gunnlaugsdóttur leikhússtjóri
Treystir á opinberan vilja
Deiliskipulag Á reitnum sem afmarkast af Kjallarasundi, Lindargötu, Smiðjustíg og Hverfisgötu má
reisa allt að 4.500 fm viðbyggingu skv. samþykktu deiliskipulagi. Rauði reiturinn fyrir miðri mynd
markar svæði nýbyggingar. Dökkgulu reitirnir eru einnig hugsanleg viðbót.
Morgunblaðið/Kristinn
Veröldin Þórhallur Sigurðsson leikstjóri og
Tinna Gunnlaugsdóttir þjóðleikhússtjóri með
heiminn að baki sér í Kúlunni, nýju sviði Þjóðleik-
hússins sem tekið verður í notkun á laugardaginn
með brúðusýningunni Umbreyting.
Kúlan opnuð um næstu helgi
með brúðuleiksýningu
♦♦♦