Morgunblaðið - 22.11.2006, Side 4

4 MIÐVIKUDAGUR 22. NÓVEMBER 2006 MORGUNBLAÐIÐ
FRÉTTIR
Borðaði ég kvöldmat í gær?
Frásagnargáfa og húmor
eins og Íslendingar vilja
hafa hann
„Þetta er þaulhugsaður
texti, hverfist um skýra
fléttu hverrar sögu án
útúrdúra. Og um allt
leikur elskuleg hæðni
sem veldur hlátri hjá
grandalausum lesanda
sem veit varla hvers er
von.“
Páll Baldvin Baldvinsson,
Fréttablaðinu 13. nóvember
Nýtt íslenskt skáld
Óskar Magnússon
MAGNÚS Stefánsson, félagsmálaráðherra, Kristín
Ingólfsdóttir, háskólarektor og Stefán J. Hreiðars-
son, forstöðumaður Greiningar- og ráðgjafastöðvar
ríkisins (GRR), undirrituðu í gær samstarfssamning
sem GRR og HÍ hafa gert með sér um kennslu og
rannsóknir. Tilgangur samningsins er að efla sam-
starf stofnananna með það fyrir augum að nýta sem
best sérþekkingu, kunnáttu, efnivið og aðstöðu sem
samningsaðilar búa yfir. Samningurinn þykir ný-
lunda en með honum er styrkt með formlegum
hætti miðlun, þróun og rannsóknir á sérfræðilegri
þekkingu á sviði fötlunar og þroskafrávika barna.
Markmið samningsins mun m.a. vera að styrkja ný-
liðun fagfólks í starfi með fötluðum börnum,
tryggja gagnkvæman aðgang starfsfólk við grein-
ingu, ráðgjöf og og framkvæmd úrræða á fagsvið-
um GRR sem og nemenda og starfsfólks HÍ að sér-
þekkingu og að stuðla að framgangi vísindarann-
sókna faggreina tengdum greiningu, ráðgjöf og
framkvæmd.
Stórt skref í rannsóknum á fötlun
HÉRAÐSDÓMUR Reykjavíkur
hefur dómtekið mál Guðjóns St.
Marteinssonar héraðsdómara gegn
íslenska ríkinu vegna afnáms úr-
skurðar Kjaradóms frá í desember
2005 um hækkun launa embættis-
manna og þjóðkjörinna fulltrúa.
Þegar Alþingi samþykkti lög þann
20. janúar sl. þar sem úrskurði
Kjaradóms var hnekkt, brást Dóm-
arafélag Íslands hart við og taldi það
algjörlega óviðunandi að aðrir en
Kjaradómur hefðu afskipti af laun-
um dómara. Guðjón ákvað að höfða
mál gegn ríkinu þegar ljóst var að
dómarafélagið myndi ekki standa að
málsókn. Fyrir dóm í gær kom Garð-
ar Garðarsson þáverandi formaður
Kjardóms og gaf skýrslu. Að lokinni
aðalmeðferð og flutningi var málið
tekið til dóms og má vænta niður-
stöðu fyrir jól.
Guðjón krefst þess að fyrrnefnd
lög verði ekki skuldbindandi og er
krafan í fyrsta lagi byggð á því að
lögin feli í sér slíka skerðingu á sjálf-
stæði dómsvaldsins að þau standist
ekki stjórnarskrána og Mannrétt-
indasáttmála Evrópu. Í öðru lagi er
byggt á því að lögin standist ekki
jafnræðisreglu stjórnarskrárinnar
með því að laun svo fárra einstak-
linga í samfélaginu séu tekin út úr og
skert. Í þriðja lagi byggist krafan á
eignarréttarákvæðum stjórnar-
skrárinnar.
Þar sem málið snertir dómara
sjálfa eru þeir vanhæfir til dómsetu.
Dóminn skipa því þrír lögfræðingar,
dómsformaðurinn Þórður S. Gunn-
arsson forstöðumaður lagadeildar
HR, Ragnhildur Helgadóttir
lagaprófessor við HR og Róbert
Spanó lagadósent við HÍ.
Niðurstöðu í máli dómara
gegn ríkinu vænst fyrir jól
Morgunblaðið/Kristinn
Gengið úr dómsal Gestur Jónsson hrl. ásamt Guðjóni St. Marteinssyni.
Í HNOTSKURN
»Stjórnarfrumvarp um afnámúrskurðar Kjaradóms frá
20. jan sl. gerði ráð fyrir því að
úrskurður Kjaradóms um
hækkun launa æðstu embættis-
manna og þjóðkjörinna fulltrúa
um u.þ.b. 8% félli úr gildi frá
og með 1. febrúar sl. Þess í stað
áttu laun þessara aðila að
hækka um 2,5% frá sama tíma.
»Um prófmál er að ræða ogflytur Gestur Jónsson
hæstaréttarlögmaður mál Guð-
jóns St. Marteinssonar gegn
ríkinu.
ÞAÐ eru Norðurlandaþjóðir sem
standa sig best í heiminum hvað
varðar jafnrétti kynjanna en ekkert
land heims hefur náð því algjörlega,
samkvæmt niðurstöðum Alþjóða
efnahagsstofnunarinnar, World
Economic Forum (WEF). Mestar
framfarir í jafnréttismálum hafa orð-
ið á Íslandi, í Svíþjóð, Noregi og
Finnlandi en Þýskaland er í fimmta
sæti.
„Niðurstaða okkar er að ekkert
land hefur útrýmt kynjamisrétti al-
gjörlega,“ segir í skýrslunni. Kynja-
misrétti er mikið í fimm Evrópusam-
bandsríkjum: Grikklandi, Frakk-
landi, Möltu, Ítalíu og Kýpur. Í
skýrslunni er farið fögrum orðum
um fjölda kvenna í stjórnmálum á
Norðurlöndunum, en í Svíþjóð eru
jafnmargar konur og karlar í stjórn-
málastöðum. Í Svíþjóð og Noregi eru
fæðingarorlof hvað lengst og
greiðslur úr þeim sjóðum hærri en
nokkurs annars staðar í heiminum.
Mestar
framfarir í
jafnréttisátt
Ísland í hópi ríkja
með mest jafnrétti
ÍSLENDINGURINN sem ráðist var
á í Lundúnum að morgni sunnudags
er enn í lífshættu og er haldið á gjör-
gæslu. Hann hlaut alvarlega höfuð-
áverka í árásinni og gekkst undir
sex klukkustunda langa aðgerð. Þrír
hettuklæddir menn réðust að til-
efnislausu á manninn, sem heitir
Haraldur Hannes Guðmundsson og
er ljósmyndari búsettur í Lundún-
um. Í fréttatilkynningu frá aðstand-
endum hans segir m.a.: „Aðstand-
endur Haraldar Hannesar vilja
koma á framfæri kæru þakklæti til
alls þess fjölda fólks sem hefur haft
samband, komið á framfæri kveðj-
um og beðið fyrir góðum bata hans. Í
tilefni af fyrirspurnum þess efnis
hefur verið stofnaður reikningur í
nafni Haraldar Hannesar hjá Spari-
sjóði Reykjavíkur og nágrennis, nr.
1150-26-26600, kt. 070970-4229.“
Enn í lífshættu
eftir árás í
Lundúnum
ÁFORM borgar-
stjóra um að
semja beint við
sjálfseignar-
stofnunina Eiri
um byggingu
menningarmið-
stöðvar í Grafar-
vogi stangast á
við fyrirliggjandi
álit lögmanna
Reykjavíkur-
borgar frá 2005 um að framkvæmd-
in sé útboðsskyld á Evrópska efna-
hagssvæðinu.
Þetta segir Stefán Jón Hafstein,
borgarfulltrúi Samfylkingarinnar,
sem hyggst láta kanna hvort tilefni
sé til að beina kvörtun til Eftirlits-
stofnunar EFTA, á vinnubrögðum
meirihlutans, þegar fyrir liggur
viljayfirlýsing um það að borgin
semji beint við Eiri um byggingu og
rekstur menningarmiðstöðvar án
auglýsingar og útboðs.
Útboðsskyld
framkvæmd
Stefán Jón
Hafstein
TEKIST hefur að minnka út-
streymi gróðurhúsalofttegunda frá
álveri Alcan á Íslandi um 70% fyrir
hvert framleitt tonn áls frá 1990.
Þetta kom fram á fundi á vegum
Samtaka atvinnulífsins (SA) um út-
streymi frá álverum á Íslandi. Beitt
hefur verið umhverfisstjórnun til
að lágmarka áhrif á umhverfið og
hámarka um leið rekstrarlegan ár-
angur, samkvæmt upplýsingum SA.
Útstreymi 70%
minna frá 1990
KONUR sem lokið hafa sveinsprófi
eða meira í rafiðnaðargreinum eru
með rúmlega 18% hærri dagvinnu-
laun en karlar með sömu menntun.
Þetta kemur fram í könnun sem
Gallup gerði fyrir Rafiðnaðarsam-
bandið í september um laun fé-
lagsmanna. Þegar litið er á daglaun
þeirra sem aðeins hafa lokið iðnnámi
eða minna þá er 6,5% munur á dag-
vinnulaunum körlum í hag.
Að sögn Guðmundar Gunnarsson-
ar, formanns og framkvæmdastjóra
Rafiðnaðarsambands Íslands (RSÍ),
hafa fyrri launakannanir starfs-
manna RSÍ gefið til kynna að engin
launamunur sé milli rafiðnaðar-
kvenna með sveinspróf eða meiri
menntun og rafiðnaðarkarla með
sömu menntun. Spurður hvort hann
kunni einhverja skýringu á launa-
muninum sem nú
birtist svarar
Guðmundur því
neitandi. Bendir
hann þó á að kon-
ur með rafiðnar-
menntun vinni
fremur ýmis
þjónustustörf,
hafi t.d. umsjón
með tölvum og
viðhaldi á vélum
og búnaði. Þær séu síður í ákvæð-
isvinnu sem fylgi t.d. byggingar-
vinnu en dagvinnutaxtar í ákvæðis-
vinnu eru yfirleitt frekar í lægri
kantinum, að sögn Guðmundar.
„Við höfum oft verið undrandi á
því að konur sæki ekki í meira mæli
inn í rafiðnaðargreinarnar, vegna
þess að arðsemi náms í rafiðnaðar-
greinum er töluvert meiri en í flest-
um öðrum háskólagreinum. Þannig
er arðsemi náms í rafiðnaðargrein-
um 16%, meðan hún er aðeins 12% í
viðskiptafræði og lögfræði.“ Að sögn
Guðmundar eru konur aðeins 12%
félagsmanna RSÍ.
Guðmundur segir Rafiðnaðarsam-
bandið á síðustu misserum hafa lagt
sig fram um að kynna rafiðnaðar-
greinar fyrir 10. bekkingum grunn-
skólans. „Því við þurfum að fjölga í
stéttinni um 5% á ári á næstu árum
til þess að anna þeirri eftirspurn sem
er eftir rafiðnarmenntuðu fólki. Við
þurfum hæft fólk, bæði konur og
karla,“ segir Guðmundur og bendir á
að mörg rafiðnaðarstörf henti kon-
um jafnvel og körlum, ef ekki betur.
Könnunina má nálgast í heild sinni
á vef RSÍ á vefslóðinni: www.rafis.is.
Undrast að ekki séu
fleiri konur í greininni
Rafiðnaðarkonur með 18% hærri dagvinnulaun en karlar
Guðmundur
Gunnarsson