Morgunblaðið - 22.11.2006, Síða 10

10 MIÐVIKUDAGUR 22. NÓVEMBER 2006 MORGUNBLAÐIÐ
FRÉTTIR
Eftir Örnu Schram
arna@mbl.is
VALGERÐUR Sverrisdóttir utanríkisráðherra
sagði á Alþingi í gær að sér þætti leitt að tjón
skyldi hafa orðið á íbúðarhúsum á gamla varn-
arsvæðinu á Keflavíkurflugvelli um liðna helgi,
eftir að vatnsrör höfðu sprungið sökum frost-
hörku. Hún baðst jafnframt afsökunar á því. Hún
sagði að tjónið næmi tugum milljóna og að ís-
lenska ríkið myndi bera kostnaðinn af því. Eign-
irnar voru ekki tryggðar.
Jón Gunnarsson, þingmaður Samfylkingarinn-
ar, vakti máls á þessu í upphafi þingfundar. Fram
kom í máli ráðherra að rör hefðu sprungið í nítján
fjölbýlishúsum á athafnasvæði Þróunarfélags
Keflavíkurflugvallar ehf. Vatn rann um húsin, með
þeim afleiðingum að þrettán hús eru mjög
skemmd, að sögn ráðherra, en sex eru minna
skemmd. Hún sagði að hiti hefði verið á húsunum,
en að þau rör sem hefðu sprungið hefðu einkum
verið kaldavatnsleiðslur. Valgerður sagði aðspurð
að sýslumannsembættið á svæðinu hefði aðallega
fylgst með mannaferðum á staðnum, en vissulega
væri hægt að halda því fram að þarna hefði líka átt
að vera eitthvert viðhaldseftirlit. Það hefði hins
vegar kostað peninga. Síðan sagði hún: „Ég ætla
bara að taka fram að mér þykir mjög leitt að þetta
skuli hafa gerst og biðst afsökunar á því.“
Jón Gunnarsson og aðrir þingmenn stjórnar-
andstöðu gagnrýndu að ekkert eftirlit hefði verið
haft innandyra í húsunum, gríðarleg verðmæti
hefðu því farið í súginn. Þeir sögðu það m.a. víta-
vert kæruleysi.
Drífa Hjartardóttir, þingmaður Sjálfstæðis-
flokks, tók hins vegar upp hanskann fyrir ráð-
herra, og sagði að þarna hefðu átt sér stað mann-
leg mistök. Össur Skarphéðinsson, þingmaður
Samfylkingarinnar, kallaði þá úr sæti sínu og
spurði hvort mistökin hefðu verið tæknileg. Drífa
ítrekaði þá að þetta hefðu verið mistök. Tjónið
hefði auk þess getað orðið miklu meira en varð.
Magnús Þór Hafsteinsson, þingmaður Frjáls-
lynda flokksins, vildi að lögreglan rannsakaði hvað
hefði farið úrskeiðis, en Hjálmar Árnason, þing-
maður Framsóknarflokks, hafði efasemdir um
slíka rannsókn. Orsakir tjónsins væru fyrst og
fremst kuldi, hátt vindstig og sú staðreynd að
byggingarnar væru mannlausar. Hugsanlega
hefði eftirlit þó mátt vera meira.
Valgerður kvaðst, undir lok umræðunnar, taka
undir með þingmönnum: „Mér finnst mjög slæmt
að þetta skuli hafa gerst — en það er svo auðvelt
að vera vitur eftir á.“
Ráðherra harmar vatnstjón
Stjórnarliðar tala um mannleg mistök á gamla varnarsvæðinu en þingmenn úr
stjórnarandstöðuflokkunum spyrja hvort mistökin hafi verið tæknileg
LAGT hefur verið fram á Alþingi
frumvarp um að ökuleyfisaldur
hækki í 18 ár. Fyrsti flutnings-
maður er Kolbrún Baldursdóttir,
varaþingmaður Sjálfstæðisflokks-
ins. Meðflutningsmenn eru Pétur
H. Blöndal, Sjálfstæðisflokki, og
Þuríður Backman, Vinstri græn-
um.
Í greinargerð frumvarpsins
segir m.a. að 17 ára unglingar
eigi ekkert erindi undir stýri og
eru færð fyrir því margvísleg rök.
Meðal annars er bent á að öku-
menn á aldrinum 17 til 18 ára
hafi undanfarin ár átt hlut að
mörgum umferðarslysum vegna
glæfralegs aksturslags. Þó er tek-
ið fram að ekki sé verið að dæma
alla unga ökumenn sem ábyrgð-
arlausa.
Í greinargerðinni segir m.a. að
út frá sjónarmiðum þroskasál-
fræðinnar sé auðvelt að leiða lík-
um að því að 18 ára unglingar séu
mun hæfari til að taka ábyrgð á
sér og sínu lífi en þegar þeir voru
17 ára. Hvert ár á þessu tíma-
skeiði geti þannig skipt sköpum.
Morgunblaðið/Eyþór
Íhugull Sigurjón Þórðarson, þingmaður Frjálslynda flokksins, fylgist einbeittur með umræðum á Alþingi.
Fái ökuleyfi
átján ára
ÞINGMENN
stjórnarandstöð-
unnar sögðu á Al-
þingi í gær að
einkavæðing
Símans hefði
skaðað neytendur
á landsbyggðinni;
þeir sætu ekki við
sama borð og íbú-
ar þéttbýlisins
hvað varðar þjónustu, verð og gæði.
Þetta kom fram í utandagskrár-
umræðu um þróun fjarskiptaþjón-
ustu eftir einkavæðingu Símans. Jón
Bjarnason, þingmaður Vinstri
grænna, var málshefjandi umræð-
unnar. Hann sagði m.a. að eitt af
yfirlýstum markmiðum stjórnvalda
með einkavæðingu Símans hefði ver-
ið að lækka notendagjöld og hækka
þjónustustig. Það hefði ekki gengið
eftir. „Ekkert er mikilvægara til að
jafna búsetuskilyrði í landinu en
jafnt aðgengi að fjarskiptum. Þar
þurfa að vera jöfn gæði og sama verð
en svo er ekki. Bilið virðist aftur far-
ið að breikka milli íbúanna eftir því
hvar þeir búa,“ sagði þingmaðurinn
m.a. Aðrir stjórnarandstæðingar
tóku í sama streng.
Guðjón A. Kristjánsson, formaður
Frjálslynda flokksins, sagði m.a. að
draumur ríkisstjórnarinnar um
hraða einkavæðingu og aukna sam-
keppni hefði því miður snúist upp í
martröð þeirra sem ættu að njóta.
„Það er öðruvísi verðlag á lands-
byggðinni en á höfuðborgarsvæðinu,
þar er slakari þjónusta og starfs-
stöðvar lagðar niður.“
Sturla Böðvarsson samgöngu-
ráðherra vísaði þessu á bug og sagði
m.a. að uppbyggingin á sviði fjar-
skipta hefði verið mikil á undanförn-
um árum. Hann sagði ennfremur að
halda mætti að þingmenn hefðu ekki
komið í kjördæmi sitt lengi. „Ég
velti því fyrir mér hvort þessi óskap-
lega neikvæði málflutningur í garð
þjónustu við landsbyggðina og söng-
ur um að allt sé að fara í kalda kol
birtist síðan í prófkjörsárangri þing-
manna,“ sagði hann og kvaðst vísa
sérstaklega til þingmanna Samfylk-
ingarinnar.
Einkavæð-
ingin skaði
neytendur
Jón Bjarnason
FJÁRFRAMLÖGUM til Sunda-
brautar verður frestað um eitt ár,
samkvæmt frumvarpi til laga, sem
Geir H. Haarde forsætisráðherra
hefur lagt fram á Alþingi. Með frum-
varpinu eru lagðar til breytingar á
tímasetningu á tilteknum ráðstöfun-
um vegna söluandvirðis Símans.
Yfir heildina er lagt til að samtals
2,4 milljarða ráðstöfun verði færð af
árinu 2007 til ársins 2008. Á sama
tíma er lagt til að samtals eins millj-
arðs ráðstöfun verði færð af árinu
2007 til ársins 2006.
Í frumvarpinu eru m.a. lagðar til
breytingar á fjárframlögum til vega-
gerðar. Í fyrsta lagi er lagt til að til
Sundabrautar verði varið 100 millj-
ónum kr. árið 2007 og 3,9 milljörðum
árið 2008, í stað 1,5 milljarða og 2,5
milljarða.
Í öðru lagi er lagt til að áður
ákveðnu 600 milljóna kr. heildar-
framlagi til gatnamóta við Nesbraut,
sem átti að falla til árið 2007, verði
skipt á tvö ár, þ.e. 400 milljónir kr.
árið 2007 og 200 milljónir kr. árið
2008. Í þriðja lagi er lagt til að til
Tröllatunguvegar um Arnkötludal
verði varið 200 milljónum kr. árið
2007 og 600 milljónum kr. árið 2008, í
stað 400 milljóna kr. og 400 milljóna
kr.
Í fjórða lagi er lagt til að áður
ákveðið 300 milljóna kr. framlag til
Norðausturvegar fyrir árið 2007
verði fært yfir á árið 2008 og verður
framlag þess árs þá 700 milljónir kr.
Að auki eru m.a. lagðar til breyt-
ingar á framlagi til Fjarskiptasjóðs,
þ.e. í stað 500 milljóna á árinu 2007,
verði þær færðar fram til ársins í ár.
Framlögum til
Sundabrautar
frestað um ár
Í HNOTSKURN
» Alþingi samþykkti árið 2005lög um ráðstöfun á sölu-
andvirði Símans.
» Í lögunum var m.a. gert ráðfyrir 15 milljarða fjárveit-
ingu til vegamála á árunum 2007
til 2010.
» Nú hefur forsætisráðherralagt fram á Alþingi frumvarp
um breytingar á þessum lögum.
» Samkvæmt frumvarpinuverður fjárveitingum til
Sundabrautar frestað um eitt ár.