Morgunblaðið - 22.11.2006, Blaðsíða 16

16 MIÐVIKUDAGUR 22. NÓVEMBER 2006 MORGUNBLAÐIÐ
ERLENT
Eftir Davíð Loga Sigurðsson
david@mbl.is
KOFI Annan, framkvæmdastjóri Sameinuðu þjóð-
anna, sagði í gær að Bandaríkjamenn sætu „fastir“
í Írak. Bandaríkjastjórn ætti enga góða kosti í stöð-
unni, hún gæti hvorki haft her sinn í Írak til lang-
frama né gæti hún kallað herinn heim. „Tímasetn-
ing heimkvaðningar hersins verður að vera
hárrétt,“ sagði Annan. Brotthvarf Bandaríkjahers,
sem án efa kemur til á einhverjum tímapunkti,
megi ekki leiða til þess að ástandið í Írak versni enn
frekar.
Ummæli Annans koma á sama tíma og mikil um-
ræða fer fram um það í Bandaríkjunum hvað
Bandaríkjamenn eigi til bragðs að taka í Írak. Dag-
blaðið The Washington Post greindi frá því á mánu-
dag að innan varnarmálaráðuneytisins væru þrír
möguleikar nú einkum taldir vera í stöðunni:
 Einn kostur er sagður vera að fjölga verulega í
hernum í Írak (e. Go big), þ.e. um nokkur hundruð
þúsund, þannig að hægt verði að heyja hefðbundinn
skæruhernað við uppreisnarmenn hvar sem er í
landinu. Þessum kosti hefur í reynd verið hafnað,
að sögn Washington Post, m.a. vegna þess að ekki
séu nægilega margir hermenn tiltækir.
 Annar kostur er að kalla einfaldlega herinn
heim (e. Go home). Honum hefur ráðgjafarnefnd
varnarmálaráðuneytisins í reynd hafnað nú þegar,
á þeirri forsendu að allsherjar borgarastríð myndi
brjótast út þegar í kjölfarið.
 Þriðji möguleikinn, sem menn eru sagðir velta
fyrir sér, er að horfa til langs tíma (e. Go long), en
það fæli í sér að fækka í herliðinu í Írak, í stað hefð-
bundinna hersveita yrðu sendar til landsins ráð-
gjafarsveitir sem fá myndu það verkefni næstu árin
að þjálfa upp íraskar öryggissveitir.
Sagði í frétt Washington Post að innan Banda-
ríkjahers hölluðust menn að einhverri blöndu
fyrsta og þriðja möguleikans; þ.e. að fjölga her-
mönnum um 20–30.000 – en nú eru um 144.000
bandarískir hermenn í Írak – á meðan verið er að
víkka út þá þjálfunaráætlun sem nú er haldið úti og
ná tökum á ástandinu. Þegar þeirri aðlögun væri
lokið yrði hermönnum í Írak fækkað í um 60.000.
Annan segir Bandaríkja-
menn sitja fasta í Írak
Reuters
Miður sín Óöldin í Írak virðist engan enda ætla
að taka, öryggisleysi þjakar fólk dag hvern.
Mikil umræða fer nú fram í Washington um það hvað til bragðs skuli taka í Írak
STUÐNINGSMENN Jean-Pierre Bemba, sem var í
kjöri í forsetakosningunum í Lýðveldinu Kongó nýver-
ið, gera hróp að óeirðalögreglunni í Kinshasa í gær.
Bemba hefur neitað að viðurkenna ósigur í kosning-
unum – sem úrslit sýna að Joseph Kabila vann – og til
óeirða kom í miðborg Kinshasa í gær þegar stuðnings-
menn hans komu þar saman í mótmælaskyni. Þá báru
þeir eld að hæstarétti landsins um það leyti sem vitna-
leiðslur voru að hefjast þar vegna ásakana um svindl í
kosningunum. Þurfti að rýma bygginguna um tíma.
Reuters
Götuóeirðir í Kinshasa
RERU al-Qaeda-hryðjuverkasamtökin að
því öllum árum, að Bandaríkjamenn réðust
inn í Írak og þá vegna þess, að þau töldu
það þjóna hagsmunum sínum best? Er því
haldið fram í nýrri bók, „Liðsmanni heilags
stríðs“, „Inside the Jihad“, en bandaríska
sjónvarpsstöðin CNN átti viðtal við höfund-
inn.
Höfundur bókarinnar notar dulnefnið Om-
ar Nasiri og í viðtali við CNN viðurkenndi
hann, að „næstum allt“, sem hann segði um
það hver hann væri, væri tilbúningur.
Nasiri sagði, að hann hefði verið njósnari
á vegum bresku, frönsku og þýsku leyni-
þjónustunnar og vegna þess hefði hann farið
í þjálfunarbúðir al-Qaeda í Afganistan. Það
var fyrir 10 árum en þá stýrði CIA-
foringinn Michael Scheuer leitinni að Osama
bin Laden. Scheuer, sem er nú sérfræðingur
CBS-sjónvarpsstöðvarinnar í hryðjuverka-
málum, var beðinn að lesa bók Nasiris yfir
fyrir útgáfu og hann segist viss um, að höf-
undur hennar fari með rétt mál. Upplýsing-
arnar séu oft svo nákvæmar, að útilokað sé,
að þær séu uppdiktaðar.
„Þetta er besta frásögn af al-Qaeda, sem
ég hef séð, og ég vildi, að ég hefði haft hana
þegar ég var hjá CIA,“ sagði Scheuer í við-
tali við CNN. Bætti hann við, að bókin
skýrði að nokkru leyti innrás Bandaríkja-
manna í Írak.
Laug til um gereyðingarvopn
Nasiri segir, að al-Qaeda hafi viljað, að
Bandaríkjamenn réðust inn í Írak til að
færa þannig út hið heilaga stríð. Þegar
bandarískir hermenn hefðu handtekið yf-
irmann hans í al-Qaeda-búðunum í Afganist-
an, Ibn Sheikh al Libi, hefði hann einmitt
gert það, sem hann hafði kennt Nasiri og
öðrum, að ljúga því að Saddam Hussein ætti
mikið af gereyðingavopnum, sem al-Qaeda
vildi komast yfir. Í viðtalinu sagði Nasiri, að
al Libi hefði sagt Bandaríkjamönnum það,
sem þeir vildu sjálfir heyra.
Þótt Nasiri hefði verið njósnari á vegum
vestrænna leyniþjónustna þá virðist hann
hafa gengið al-Qaeda á hönd og hann barðist
með skæruliðum í Tétsníu gegn Rússum.
Síðar var hann sendur til Evrópu til að
vinna hinu heilaga stríði áhangendur þar og
létu Frakkar sér það vel líka því að þeir
töldu, að þá gæti dulargervi hans ekki verið
betra.
Nasiri segist hafa fengið fé hjá bresku
leyniþjónustunni, sem hann kvaðst ætla að
senda háttsettum al-Qaeda-manni í Pak-
istan, en það ótrúlega hafi gerst, að engin
leyniþjónustnanna hafi fylgt peningaslóðinni
eftir. Maðurinn, sem fékk peningana, hafi
átt aðild að hryðjuverkunum í Bandaríkj-
unum 11. sept. 2001. Vegna þessa hafi Nas-
iri ákveðið að draga sig í hlé.
Heilagt stríð um allan heim
Scheuer segir, að frásögn Nasiris sé ekki
bara liðin saga, heldur vegvísir fyrir fram-
tíðina. Segir hann, að eins og Nasiri bendi á,
þá snúist barátta al-Qaeda ekki um yfirráð í
einu landi eða tveimur, heldur um heilagt
stríð um allan heim. Þess vegna sé rétt að
taka mark á Nasiri.
Í nýrri bók er því haldið fram, að skipulega hafi verið logið um gereyðingarvopn Saddam Husseins
Kyntu al-Qaeda undir Íraksinnrás?
AP
Hryðjuverk Árásirnar í Bandaríkjunum 11.
september 2001. Höfundur segir, að al-Qaeda
vilji heilagt stríð um allan heim.
Jerúsalem. AFP. | Um 40% af landi,
sem Ísraelar hafa tekið búsetu á
Vesturbakkanum, er í einkaeign Pal-
estínumanna. Kemur það fram í
skjölum, sem ísraelska friðarhreyf-
ingin „Friður nú“ hefur komist yfir.
„Ísrael kemur fram eins og maf-
íuríki með því að taka þátt í að stela
landi, sem er löglega í annarra eigu,
og brýtur með því ekki aðeins gegn
alþjóðalögum, heldur líka ísr-
aelskum lögum og úrskurðum
hæstaréttar,“ sagði Dror Etkes hjá
friðarsamtökunum.
Ísraelskir embættismenn hafa
haldið því fram, að einkaeignarrétt-
ur hafi ávallt verið virtur og gyðinga-
byggðirnar séu á svæði, sem hafi
verið í opinberri eigu. Samkvæmt
skjölunum er hins vegar Maale Ad-
umim, langstærsta gyðingabyggðin,
að 86% á landi í einkaeigu Palest-
ínumanna. Alls eigi það sama við um
61 ferkílómetra stórt svæði á Vest-
urbakkanum.
Talsmaður helstu samtaka ísr-
aelskra landtökumanna sagði um
upplýsingarnar, að þær væru „lyga-
þvættingur“ en samkvæmt alþjóða-
lögum eru allar byggðir Ísraela á
hernumdu svæðunum ólöglegar.
Virða ekki
einkaeign-
arréttinn
Kigali. AFP. |
Stjórnvöld í Rú-
anda höfnuðu í
gær með öllu
kröfum fransks
dómara þess efnis
að Paul Kagame,
forseti Rúanda,
verði ákærður
fyrir meinta aðild
að morðinu á þá-
verandi forseta
Rúanda, Juvelan Habyarimana, árið
1994 en það hratt af stað þjóðar-
morði hútúa á tútsum.
Dómarinn, Jean-Louis Bruguiere,
vill að Kagame verði ákærður fyrir
stríðsglæpi og leiddur fyrir sérstak-
an stríðsglæpadómstól Sameinuðu
þjóðanna vegna atburðanna í Rú-
anda sem starfræktur hefur verið í
Tanzaníu. Tharcisse Karugarama,
dómsmálaráðherra Rúanda, segir
hins vegar allsendis ósannar ásak-
anir Bruguiere þess efnis að Ka-
game, sem fór fyrir sveitum tútsa
sem stöðvuðu þjóðarmorðið í júlí
1994 og tóku völdin í Rúanda, hefði
verið aðalhvatamaður þess að flugvél
Habyarimana var skotin niður yfir
Kigali í apríl 1994.
Talið er að um 800.000 manns hafi
verið drepin þegar hútúar hefndu
morðsins á Habyarimana. Yfirvöld í
Rúanda hafa sakað Frakka um að
hafa stutt hútúa og samskipti
ríkjanna hafa verið slæm sl. ár.
Kagame
verði
ákærður
Paul Kagame
Stjórnvöld í Rúanda
hafna kröfunni alfarið
Jakarta. AFP. | Stjórnvöld í Indónesíu
leita nú leiða til að auka skilvirkni í
stjórnkerfinu og hafa í því skyni í
hyggju að fækka opinberum starfs-
mönnum um helming frá því sem nú
er fram til ársins 2014. Um verulega
uppstokkun er að ræða enda nemur
fjöldi opinberra starfsmanna nú fjór-
um milljónum.
Fréttavefsíðan Detikcom hafði
þetta eftir Taufik Effendi, ráðherra
sem fer málefni opinberra starfs-
manna, í gær. Til að ná þessu mark-
miði fram hyggst stjórnin ekki ráða í
stöður þeirra sem láta af störfum
fyrir aldurs sakir, auk þess sem sér-
stök landspróf sem hafa veitt aðgang
að slíkum stöðum verða aflögð.
Uppstokkun
í Indónesíu
♦♦♦