Morgunblaðið - 11.12.2006, Blaðsíða 22

gæludýr
22 MÁNUDAGUR 11. DESEMBER 2006 MORGUNBLAÐIÐ
Það er ekki alltaf einfalt að vera köttur. Kettir hafa jú,sjálfstæðan vilja og fara sínar eigin leiðir. KötturinnChico hefur þó komist að því fullkeyptu því hannvildi ekki vera innikisi og eigendur hans leyfðu hon-
um því að hafa það eins og hann vildi. Hann hefði þurft að fara
varlega til að feldurinn flæktist ekki en hann hafði engan
skilning á því og það endaði með að feldurinn var orðinn veru-
lega flæktur. Eigendurnir, Guðjón Guðmundsson og Hulda
Ásgeirsdóttir, brugðu því á það ráð að fara með hann í klipp-
ingu. Klipping er þó varla rétta orðið því vaxandi flækjan í
feldinum var víða orðin að kúlum og kisi kveinkaði sér jafnvel
ef hann var tekinn upp. Á endanum þurfti víða að raka af hon-
um feldinn, þó að sums staðar væri nóg að klippa kúlurnar í
burtu.
Guðríður Vestars, hundasnyrtidama í Dýrabæ í Hlíða-
smára, upplýsti að þegar svona væri komið fyrir köttum væri
oft ekki hægt að klippa þá á stofu, heldur þyrfti að fara með þá
til dýralæknis og svæfa þá til að hægt væri að framkvæma
klippinguna og raksturinn. Sérstaklega á þetta við um ketti
sem eru erfiðir í skapi og fella sig ekki við að vera meðhöndl-
aðir á þennan hátt. Chico reyndist vera afskaplega ljúfur og
næsta auðvelt að klippa hann og raka, þrátt fyrir ungan aldur,
en hann er rétt um eins árs gamall.
„Það á sérstaklega við um persaketti; að feldurinn á þeim
flækist,“ segir Guðríður. „Það þarf að greiða þeim, bæði með
bursta og greiðu og þetta er verra fyrir útiketti. Þeir fara í alls
konar drullu og gróður sest í feldinn sem svo vefur utan á sig.“
Guðríður bendir á að ef köttum er kembt reglulega sé minni
hætta á svona slæmum flóka. „Þessi flóki hér hefur verið
nokkra mánuði að myndast,“ segir hún. „Það hefði líka verið
mjög slæmt ef hann hefði verið baðaður með allan flókann í
sér, þá þéttist hann ennþá meira og ennþá erfiðara hefði verið
að eiga við hann.“
Guðríður segir að ekki sé gefið að hægt sé að klippa ketti á
þennan hátt. „Hefði þetta verið óþekkur köttur, hann sýnt
klærnar og tennurnar og eins ef hann hefði verið með meiri
flóka hefði þurft að fara með hann í svæfingu til að hægt væri
að klippa hann. Það er þá gert hjá dýralækni þar sem honum
er gefin létt svæfing og þá rakaður alveg niður. Kötturinn má
nefnilega ekki hreyfa sig neitt rétt á meðan.“ Það segir hún
vera vegna þess að hætta getur verið á að klippt sé í hann.
„Við fáum nokkuð mörg svona tilfelli,“ segir hún aðspurð.
„Suma sendum við beint til dýralækna, gefumst bara upp
strax. Það hefur líka gerst að við höfum byrjað en það ekki
gengið.“ Chico segir hún vera einstakan kött að þessu leyti.
„Hann er bara einstakt gæðablóð,“ segir Guðríður og hlær við.
Morgunblaðið/G.Rúnar
Klærnar klipptar Það var ekki fyrr en í lokin sem Chico sýndi klærnar. Þá var ekki annað til ráða en klippa þær.
Köttur í flókabendu
Ekki gaman Chico var ekki hrifinn af baðinu, þó að hann sætti sig við það.
Kúlur Chico var orðinn svo flæktur að kúlur voru farnar að myndast uppi við skinnið. Allt í flækju Guðríður Vestars skoðar flókann á Chico.
Chico er hárprúður persi og ekki innikisi.
Hann hefði þurft að fara varlega úti til að
feldurinn fíni flæktist ekki. Hann hafði engan
skilning á því og auðvitað endaði með því að
feldurinn á honum var orðinn ægilega flækt-
ur. Sigrún Ásmundar fór með eigendunum
þegar farið var með Chico í klippingu.
Enginn köttur Það var ekkert smáræði sem var
klippt og rakað af Chico.