Morgunblaðið - 11.12.2006, Síða 44

44 MÁNUDAGUR 11. DESEMBER 2006 MORGUNBLAÐIÐ
Hver er maðurinn?
ÉG HEF í fórum
mínum ljósmynd
af manni sem hét
Árni Jónsson.
Myndin er tekin í
Edinborg ein-
hvern tímann á
árunum 1904–
1908. Annað veit
ég ekki um við-
komandi Árna, en þekkir þú hann?
Þá leita ég einnig að upplýsingum
um mann sem hét Jón Gíslason.
Hann er í heimildum sagður Ísfirð-
ingur, fæddur 13.9. 1879 og bjó í
Kaupmannahöfn í kring um 1900.
Loks vil ég benda Dalamönnum,
Borgfirðingum, Strandamönnum og
öðrum sem gætu þekkt einstaklinga
á gömlum ljósmyndum að líta inn á
ljósmyndavef minn: www.fellsendi.-
bloggar.is.
Sigríður H. Jörundsdóttir,
sagnfræðingur.
sigridur.hjordis@internet.is.
Hver er tilgangur jólanna?
NÚ STYTTIST í jólin og fólk fer á
stjá, flestir í þeim eina tilgangi að
eyða eins miklum peningum í jóla-
gjafir og þeir mögulega geta, gefa
allt það stærsta og flottasta sem völ
er á. Með hverju árinu sem líður
keppast fyrirtækin við að bjóða allt-
af aðeins meiri, betri og dýrari vöru.
Markaðurinn er alltaf að reyna að
flýta jólunum. Það er stundum eins
og hinn raunverulegi tilgangur
jólanna sé gleymdur.
Þessi hátíð snýst ekki bara um
gjafir. Við megum stundum til með
að gleyma okkur í allri þessari efn-
ishyggju sem ríkir svo sterkt í heim-
inum í dag. En það er einnig til fólk
sem hefur það ekki svo gott, því mið-
ur lifum við ekki í þannig þjóðfélagi.
Hér á Íslandi er líka til fólk sem ekki
á neina peninga, hvorki fyrir mat,
hvað þá gjöfum, gleymum því ekki.
Hér áður fyrr var gleðin svo
ríkjandi hjá börnunum, jólin hafa
misst svolítið mark sitt, nú snúast
gjafirnar, bæði frá jólasveininum og
fjölskyldum, allt of mikið um það
hver gefi dýrustu gjöfina.
En kæri lesandi, ef við snúum
okkur að hinum raunverulega til-
gangi jólanna: Erum við ekki að
halda upp á það að sonur Guðs, Jes-
ús Kristur, kom í heiminn á þessum
degi? Þetta er líka tími fyrir fjöl-
skylduna að koma saman og njóta
samverunnar. Við þurfum að gefa
okkur tíma til þess að sinna henni,
fjölskyldunni, líka, taka sér jólafrí.
Það er svo oft sem við hugsum um að
vinna eins og skepnur til þess eins að
eiga fyrir Visa-reikningnum sem
bíður okkar eftir jólin. Hvernig væri
nú að vinna aðeins minna og láta það
eftir sér frekar að gefa aðeins minni
gjafir en eiga þá meiri og dýrmætari
stundir í faðmi fjölskyldunnar? Því
að þetta eru stundir sem við fáum
ekki aftur, en það er gott að eiga
góðar minningar. Þreyta og stress
er ekkert sem við kjósum að minnast
þegar við hugsum um jólin.
Gleðileg jól!
Guðjón Gestsson,
námsmaður í Háskólanum á Bifröst.
Steinsteypt ljón hvarf í
Reykjanesbæ
AÐFARANÓTT laugardagsins 2.
september sl., á ljósanótt í Reykja-
nesbæ, var steinsteypt ljón, sem var
málað grátt og stóð á stalli fyrir utan
útidyrahurðina okkar, tekið. Það er
steinsteypt í gegn og því mjög
þungt. Ljónið var afmælisgjöf til
mín. Bróðir minn átti mótin þannig
að ég þekki það hvar sem er. Þeir
sem tóku ljónið hafa þurft að koma á
bíl því það burðast enginn með
svona lagað í burtu. Þeir sem tóku
ljónið – eða vita hvar það er – eru
beðnir að skila því aftur að Greniteig
31 í Keflavík.
velvakandi
Svarað í síma 5691100 frá 10–12 og 13–15 | velvakandi@mbl.is
Víkverja þótti greinJóns Baldvins
Hannibalssonar, fyrr-
verandi formanns Al-
þýðuflokksins, í Les-
bókinni um nýút-
komna ævisögu
stjórnmálamanns at-
hyglisverð. Stjórn-
málamaðurinn sem
um ræðir heitir Mar-
grét Frímannsdóttir
og er nefndur Salka
Valka af höfundi.
Grípum niður í frá-
sögninni: „Margrét
skefur ekki utan af
því. Hún segir það
hafa verið „heilt hel-
víti“ að sitja þingflokksfundi. Van-
virðan, sem Steingrímur J. Sigfús-
son hafi sýnt henni, „var yfirgengi-
leg“.“ Jón Baldvin heldur áfram og
skrifar: „Þetta hljómar óneitanlega
eins og sannfærandi lýsing á póli-
tísku heimilisofbeldi.“
Víkverji hefur löngum staðið í
þeirri trú, að Steingrímur J. geymi
annan mann en þann sem hann flík-
ar þegar sjónvarpslinsan beinist að
honum. Eitthvað hlýtur að falla á
ímynd fróðleiksfúsa og gönguglaða
sveitamannsins – sem fer fyrir eina
umhverfisflokki veraldarinnar sem
ekki þorir að taka á landeyðingu –
eftir þessa lýsingu. En pópúlistar
hafa þann eiginleika á stundum að
ekkert festist við þá.
Líklega snýr hann sig
út úr þessu með lýð-
skrumi. Þar á upp-
eldisfræðingurinn frá
Þistilfirði engan sinn
líka.
x x x
Sögur um hræringarí dagblaðaútgáfu
fara um eins og eldur í
sinu í netheimum.
Beinast þessar vanga-
veltur einkum að
tvennu: Útgáfu tíma-
rits sem sérhæfir sig í
lengri fréttaskýringum
annars vegar og dag-
blaði með líka nálgun hins vegar.
Þetta er Víkverja sumpart fagn-
aðarefni. Víkverji hefur lengi staðið
í þeirri meiningu að fríblöð séu
plága. Þau eru miðlar hannaðir á
auglýsingastofum til að selja fyrir-
tækjum aðgang að neytendum sem
gera litlar kröfur. Þeim er ekki ætl-
að að vera framlag til menningar-
innar og bera keim af þeim nýhil-
isma sem svo einkennir lífsviðhorf
mannsins sem nú er að mistakast
að sigra Danmörku.
Kominn er tími til þess, að neyt-
endur ranki við sér og geri sér
grein fyrir því, að það er þegn-
skylda að taka þátt í að halda uppi
fjölmiðlum.
| vikverji@mbl.is



 
 





dagbók
MORGUNBLAÐIÐ, Hádegismóum 2, 110 Reykjavík. SÍMI: 569 1100. SÍMBRÉF:
ritstjórn: 569 1181, auglýsingar 569 1110, skrifstofa 569 1118, gjaldkeri 569 1115.
NETFANG: ritstjorn@mbl.is, / Áskriftargjald 2.800 kr. á mánuði innanlands.
Í lausasölu 220 kr. eintakið mánudaga til laugardaga. Sunnudaga 350 kr.
Í dag er mánudagur
11. desember, 345. dagur
ársins 2006
Orð dagsins: En ég mun sakir réttlætisins skoða
auglit þitt, þá er ég vakna, mun ég mettast af
mynd þinni. (Sálm. 17, 15.)
/ KEFLAVÍK
THE HOLIDAY kl. 8 - 10:30 LEYFÐ
SANTA CLAUSE 3 kl. 8 LEYFÐ
THE GRUDGE kl. 10 B.I. 16
/ AKUREYRI
DEAD OR ALIVE kl. 8 - 10 B.I. 12
THE NATIVITY STORY kl. 6 B.I. 7
STURTAÐ NIÐUR m/ísl. tali kl. 6 LEYFÐ
FLUSHED AWAY m/ensku tali kl. 8 LEYFÐ
THE LAST KISS kl. 10 LEYFÐ
WWW.HASKOLABIO.ISHAGATORGI • S. 530 1919
BOSS OF IT ALL kl. 5:50 - 8 - 10:10
THE U.S. VS. JOHN LENNON kl. 5:50 - 8 - 10:10 B.i. 12 ára
SANTA CLAUSE 3 kl. 5:50 - 8 LEYFÐ
THE NATIVITY STORY kl. 5:50 - 8 - 10:10 B.i. 7.ára
MÝRIN kl. 6 - 8 - 10:10 B.i. 12.ára
THE DEPARTED kl. 10:10 B.i. 16.ára
FRÁFÖLLNUHINIR
KVIKMYND EFTIR BALTASAR KORMÁK
eeeee
Jón Viðar – Ísafoldeee
SV, MBL
ÓBORGANLEG GRÍNMYND EFTIR LARS VON TRIER UM
ÁREKSTRA ÍSLENDINGA OG DANA, ÞAR SEM FRIÐRIK
ÞÓR OG BENEDIKT ERLINGS STELA SENUNNI.
BYGGÐ Á TÖLVULEIKNUM VINSÆLA DEAD OR ALIVE
ÞESSAR HASARSKUTLUR HAFA
ÚTLIT TIL AÐ DEYJA FYRIR.
HEIMSFRUMSÝNING
TÓNLISTARMAÐUR.
MANNÚÐARVINUR.
ÞJÓÐARÓGN.
FORSTJÓRI HEILA KLABBSINS
BNA GEGN JOHN LENNON
THE U.S. VS.
JOHN LENNON
2MoggaBíó á mánudögum
NEMA Á MÝRINAMoggaBíó á mánudögum
í bíó1fyrir2 í bíó1fyrir2
TÓNAÐ var inn í aðventu í Nes-
kirkju á sunnudag fyrir viku við
ljómandi aðsókn, enda dagskráin
ólíkt forvitnilegri en gengur og ger-
ist á venjulegustu aðventutónleik-
um. Einkanlega hvað síðasta atriði
varðaði, því kirkjukantötur Bachs
eru sorglega langt frá því að vera
daglegt brauð hér um slóðir, þrátt
fyrir að ótrúlega margar jafnist á við
fremstu meistaraverk síðbarokk-
tímans.
En vafalaust er kostnaðurinn við
a.m.k. 10–12 manna hljómsveit auk
háþjálfaðra einsöngvara flestum
kirkjukórum landsins ofviða, úr því
ekki einu sinni hinir stærstu virðast
ráða við hann oftar en raun ber vitni.
Mátti og hér sjá merki um ýtrastan
sparnað. T.a.m. voru strengir aðeins
8 (2+2+2+2 – án kontrabassa sem
hefði verið ákjósanlegri í stað ann-
ars sellósins), og „svindlað“ var í
kantötunni með aðeins einni flautu
af tveim fyrirskrifuðum þar sem
hvort blásaradúó átti að skiptast á
við hitt í inngangskórnum.
Það bar engu að síður vott um
eftirtektarverðan metnað að Kór
Neskirkju skyldi færast 45. kantötu
Bachs í fang á sunnudaginn var, til
viðbótar við hina fallegu litlu Missa
brevis St. Joannis de Deo eftir
Joseph Haydn, og í sjálfu sér mynd-
arleg ferilsrós í hnappagat jafnt
kórsins sem hins atorkumikla organ-
ista Steingríms Þórhallssonar. Hefði
sannarlega verið óspjölluð unun að
geta greint frá sambærilegum flutn-
ingsgæðum. En því miður benti
undarlega lúinn hljómur hins tæp-
lega 30 manna kórs varla til að hann
væri í bezta formi – hafi of fáar æf-
ingar ekki bætt gráu ofan á svart.
Hljómsveitin náði né heldur alltaf að
smella nógu sannfærandi saman, og
sólósellópartur kantöturesítatífanna
var sjaldnast nógu öruggur. Það var
því mesta furða hvað hinn magnaði
upphafskór BWV 45 slapp samt
þokkalega fyrir horn, og má það
helzt þakka ómótstæðilegri glað-
værð Fimmta guðspjallamannsins,
enda þarf fleira en of hægt tempóval
til að spilla slíkum dýrðardansi boð-
orðsins.
Sami þreytti tónn var upp á ten-
ingi í kórþáttum Haydn-messunnar,
þó að kórinn næði sér tímabundið á
strik í hinu alkunna jólalagi Engla-
kór frá himnahöll. Á hinn bóginn
stóð Hallveig Rúnarsdóttir sig með
prýði í Sanctus og Á jólanótt Jóns
Ásgeirssonar, og sama gilti um ein-
söng alts, tenórs og bassa í kantöt-
unni. Hljómmikil bassaaría Hrólfs
Sæmundssonar fór þar fremst meðal
jafningja, en einnig gustaði víða að
sönglesum og aríum Jóhönnu Óskar
Valsdóttur og Ólafs Rúnarssonar.
Dýrðardans boðorðsinsTÓNLISTNeskirkja
Haydn: Missa brevis. Bach: „Es ist dir
gesagt“, kantata BWV 45. Hallveig
Rúnarsdóttir , Jóhanna Ósk Valsdóttir,
Ólafur Rúnarsson og Hrólfur Sæmunds-
son ásamt Kór Neskirkju og kammer-
sveit. Stjórnandi: Steingrímur Þórhalls-
son. Sunnudaginn 3. desember kl. 17.
Kammertónleikar
Ríkarður Ö. Pálsson