Fréttablaðið - 04.04.2009, Blaðsíða 8

8 4. apríl 2009 LAUGARDAGUR
Heilbrigðisþjónusta á tímamótum:
Ný viðhorf - nýjar lausnir – aukinn jöfnuður
Vinnudagur á Hótel Nordica, þriðjudaginn, 7. apríl kl. 15-18
Heilbrigðisráðherra, í samstarfi við félög fagstétta í heilbrigðisþjónustu,
boðar starfsfólk heilbrigðisþjónustunnar til opins vinnudags 7. apríl 2009,
á alþjóðlega heilbrigðisdeginum. Heilbrigðisþjónustan stendur frammi fyrir
mörgum áskorunum á komandi misserum og tilgangurinn með vinnudegi-
num er að gefa öllu heilbrigðisstarfsfólki færi á að tjá skoðanir sínar á því
sem framundan er. Til að tryggja megi góða heilbrigðisþjónustu á erfi ðum
tímum þurfa allar fagstéttir, jafnt sem heilbrigðisráðuneytið, að ganga í takt.
Dagskrá
15:00 Ögmundur Jónasson, heilbrigðisráðherra, opnar fundinn
15:10 Halla Gunnarsdóttir, aðstoðarmaður heilbrigðisráðherra, gerir grein
fyrir vinnunni sem að baki liggur og markmiðum með vinnudeginum
15:30 Almennar umræður – hámarksræðutími 3 mínútur
16:10 Málstofur
Handleggsbrot og mæðravernd: Forgangsröðun í heilbrigðisþjónustunni
Málstofustjóri: Guðrún Sigurjónsdóttir, verkefnisstjóri í heilbrigðisráðuneyti
Samráð og samstaða: Krafan um lýðræðisleg vinnubrögð
Málstofustjóri: Valgerður Halldórsdóttir, félagsráðgjafi
Með verk fyrir hjarta: Samspil hins andlega og hins líkamlega
Málstofustjóri: Andrés Magnússon, geðlæknir
Gengur kapallinn upp? Heilbrigðisþjónusta á krepputímum
Málstofustjóri: Sigurður Guðmundsson, forseti heilbrigðisvísindasviðs
Háskóla Íslands
17:30 Samantekt
18:00 Vinnudagsslit og léttar veitingar
Vinnudagurinn er öllu heilbrigðisstarfsfólki opinn en nauðsynlegt er að skrá
sig til þátttöku hjá Guðrúnu Gunnarsdóttur: gudrun.gunnarsdottir@hbr.stjr.is
Félag
geislafræðinga
Auglýsingasími
– Mest lesið
MENNTUN Samræmdu prófin falla
niður í tíunda bekk í vor, sem þýðir
að nemendur sem eru að ljúka
tíunda bekk taka engin samræmd
próf. Fyrstu samræmdu prófin
í tíunda bekk verða lögð fyrir í
haust. Þetta liggur fyrir eftir að
Alþingi samþykkti nýlega að fella
brott bráðabirgðaákvæði í lögum
sem heimilaði fyrstu samræmdu
prófin samkvæmt nýja kerfinu í
tíunda bekk í
vor.
Jú l íu s K .
Björnsson, for-
stöðumaður
Námsmatsstofn-
unar, segir að í
fyrra hafi fyrir-
komulagi sam-
ræmdra prófa
verið breytt
þannig að þau
séu ekki lengur
lokapróf held-
ur svokölluð
könnunarpróf.
Samkvæmt því
eigi ekki lengur
að halda próf-
in í lok tíunda
bekkjar að vori
heldur strax að
hausti þannig
að nemendur
fái stöðumat á því sem þeir eigi að
hafa lært fyrstu níu árin og þeim
gefist ráðrúm til að bæta sig með
aðstoð kennara.
Í lögunum, sem voru samþykkt
í fyrra, var bráðabirgðaákvæði
um það að könnunarprófin yrðu
í fyrsta skipti haldin vorið 2009.
„Það voru heilmiklar efasemd-
ir um hvort það væri skynsam-
legt því þá væri ekki ráðrúm til að
laga neitt og engin efni til að nota
þessi próf eins og gömlu prófin.
Þess vegna var ákveðið á þingi í
síðustu viku að fella brott þetta
bráðabirgðaákvæði sem þýðir að
það verða engin samræmd próf í
vor,“ segir Júlíus.
Krakkarnir sem ljúka tíunda
bekk í vor sleppa við samræmd
próf en krakkarnir sem byrja í
tíunda bekk í haust taka samræmd
próf um miðjan september. Búið
er að fækka samræmdu prófunum
úr sex í þrjú þannig að þau taka
aðeins samræmt próf í íslensku,
ensku og stærðfræði.
Framhaldsskólarnir geta ekki
lengur farið eftir einkunnum úr
samræmdum prófum við val inn
í skólana. Ingi Ólafsson, skóla-
meistari Verzlunarskólans, segir
að nemendur verði teknir inn eftir
skólaeinkunnum í íslensku, stærð-
fræði, ensku og dönsku. Meðal-
tal verði reiknað en íslenska og
stærðfræði fái tvöfalt vægi.
Megin þorri nemenda verði tekinn
inn á þessum forsendum. Nefnd
fari síðan yfir hinar umsóknirn-
ar og skoði aðra þætti, til dæmis
mætingu.
Námsmatsstofnun er tilbúin
með samræmd könnunarpróf fyrir
tíunda bekk og ætlaði að prufu-
keyra þau á rafrænu formi í vor.
Aðstæður hafa hins vegar gjör-
breyst þannig að samræmd könn-
unarpróf verða ekki prufukeyrð og
nýtt fyrr en í haust.
ghs@frettabladid.is
JÚLÍUS K.
BJÖRNSSON
INGI ÓLAFSSON
Sleppa við að taka
samræmdu prófin
Samræmd próf verða ekki haldin í tíunda bekk í vor og sleppur því árgangur-
inn sem nú er í tíunda bekk alfarið við samræmd próf. Framhaldsskólarnir
hafa ekki lengur samræmdar einkunnir til að fara eftir við val inn í skólana.
FLESTIR FARA EFTIR SKÓLAEINKUNN Framhaldsskólarnir geta ekki lengur farið eftir
samræmdum einkunnum þegar þeir velja inn í skólana fyrir næsta vetur. Verzlunar-
skólinn ætlar að velja meginþorra nemenda eftir skólaeinkunn.
VEÐURFAR Sigurður Þ. Ragnars-
son veðurfræðingur segir von á
hæglátu páskaveðri en þó ekki
sérlega hlýju þar sem við siglum
í næstu viku í kaldara loft eftir
að hafa notið vorviðrisdaga. „En
hér sunnanlands verður meira að
segja hægt að næla sér í sólbrúnku
ef einlægur vilji er fyrir hendi,“
segir hann kankvís. Aðeins dregur
fyrir sólu á suðurhluta landsins á
laugardag fyrir páska en páska-
vikan verður nokkuð þungbúnari
norðanlands. Á suðurhluta lands-
ins ætti hitastigið, að sögn Sigurð-
ar, að haldast fyrir ofan frostmark
en fer líklegast lítillega undir það
norðanlands.
„Það verður sem sagt hæglætis-
veður en það mikilvægasta er að
geðslag landsmanna verður með
afbrigðum gott,“ segir hann.
„Þannig er mál með vexti að
loftþrýstingurinn verður hár eða
yfir þúsund millibörum.“ Sigurð-
ur hefur safnað upplýsingum um
þetta og segir það alveg ljóst að
bein tengsl séu á milli loftþrýstings
og lundarfars fólks. „Þegar loft-
þrýstingur er fallandi líður fólki
verst, þá er dumbungur í veðri
og lundarfari. Fólk fær þá jafnvel
hausverk og önnur óskemmtileg-
heit. En þegar hann er hár er stutt
í brosið og góða skapið. Það verð-
ur því brosað breitt þessa helgina.
Geðvísitalan er há, og ekki veitir
af í þessu ástandi,“ segir hann.
- jse
Hár loftþrýstingur um páskana sem þýðir að sögn veðurfræðings létt lundarfar:
Léttskýjað og létt lund um páska
SIGURÐUR Þ. RAGNARSSON
FRIÐARMÁLÞING
VINSTRI GRÆNNA
Í tilefni af 60 ára veru Íslands í hernaðarbanda-
laginu NATO efna Vinstri græn til málþings um
friðarstefnu, andstöðu við hernaðarbandalög
og tækifæri Íslendinga í utanríkismálum.
Málþingið verður haldið í Tryggvagötu 11 í Reykjavík,
kl. 13.00 í dag, laugardag.
Stefán Pálsson, sagnfræðingur og formaður Samtaka
hernaðarandstæðinga:
Ísland og „seinni“ inngangan í Atlantshafsbandalagið
Ásta María Sverrisdóttir, alþjóðastjórnmálafræðingur:
Hernaðarbandalag í tilvistarkreppu
Árni Þór Sigurðsson, formaður utanríkismálanefndar:
Ný sýn í öryggis- og friðarmálum
Fundarstjóri: Guðfríður Lilja Grétarsdóttir,
oddviti VG í Suðvesturkjördæmi
SAMFÉLAGSMÁL Tveir Pólverjar
greiddu séreignarsparnað í lífeyris-
sjóðinn Vista í sex mánuði. Þau ætl-
uðu aldrei að greiða í séreignar-
lífeyrissjóð á Íslandi og snarhættu
þegar þau uppgötvuðu mistökin.
Hugsanlegt er að þau tapi pening-
unum.
Eva Margrét Einarsdóttir var að
gera skattframtal fyrir Pólverjana
þegar hún rak augun í þetta. „Þau
vissu ekki betur, mállaus og nýkom-
in til landsins,“ segir hún. „Þau
hættu um leið og þeim var bent á
að greiðslurnar væru óskynsamleg-
ar. Þau gerðu sér enga grein fyrir
því hvað þau voru að gera.“
Eva Margrét fékk það svar hjá
Vista að fyrstu tveir mánuðirnir
færu í bónusgreiðslu sem fengist
út við sextugt ef áfram yrði greitt
í sjóðinn. Næstu fjórir mánuðir
færu í kostnað. „Þau ættu því ekk-
ert inni hjá sjóðnum,“ segir hún og
óttast að fleiri geti verið í svipuð-
um sporum.
Eva Margrét bendir atvinnurek-
endum á að sjá til þess að farand-
verkamenn greiði ekki í séreignar-
lífeyrissjóð og starfsmönnum
lífeyrissjóða að hafa samband við
viðskiptavini þegar þeir sjá erlent
nafn og kennitölu.
Arnaldur Loftsson, starfsmaður
hjá Kaupþingi, segir um misskiln-
ing að ræða. Greiðslur í bónussjóð-
inn greiðist út við sextugt óháð því
hvað greitt sé síðar. Sjóðurinn taki
inngreiðslur næstu sex mánuði í
kostnað fyrir sölu og ráðgjöf. Sjóð-
félagar skrifi undir staðfestingu á
pólsku um að þeir geri sér grein
fyrir kostnaðinum. Pólskur starfs-
maður hringi í alla og fari yfir regl-
urnar. Ef mistök hafi átt sér stað sé
sjálfsagt að skoða málið. - ghs
Pólverjar greiddu séreignasparnað án þess að vita hvað þau voru að borga:
Tapa séreignasparnaðinum
VISSU EKKI BETUR „Þau vissu ekki
betur,“ segir Eva Margrét Einarsdóttir um
pólska vini sína.