Fréttablaðið - 04.04.2009, Qupperneq 74

matur SÉRBLAÐ FRÉTTABLAÐSINS UM MAT
VIÐ MÆLUM MEÐ…
...GÖNGUTÚR OG ÚTIVERU
um páskana. Í stað þess að gráta
hina árlegu skíðaferð til Austur ríkis
sem hætt var við í ár ætti fólk að
líta sér nær. Útivistarmöguleikar
eru ótæmandi hvort sem er í ná-
grenni höfuðborgarinnar eða í kring-
um bæi á landsbyggðinni. Hvernig
væri að skella kakó á brúsa, smyrja
samlokur með laxi og eggi, smella
bakpoka á öxlina og arka út í nátt-
úruna til að fíla grasið þar sem það
mun gróa með vorinu.
...EGGJUM í öllum stærðum og
gerðum. Þó að súkkulaðieggin séu
vissulega vinsælust eru náttúrulegu
hænueggin ekki síður girnileg. Enda
passa þau vel í ýmsa rétti, með beik-
oni, steikt í brauði eða bara ein og
sér, harð- eða linsoðin. Eggin gera
góðan morgunmat betri.
...PÁSKAGREINUM. Skemmti-
legur siður er að klippa greinar af
runnum og setja í vatn á þessum
lauflausa tíma. Þó þarf að hafa tím-
ann fyrir sér og taka greinarnar inn
tímanlega til að brumið hafi tíma til
að opna sig. Gaman er að skreyta
greinarnar með lituðum eggjum og
gulum ungum. Einnig er hægt að
stinga með greinunum blómum eins
og páskaliljum eða túlípönum. Bæði
má nota greinar af trjám úr garðin-
um en svo má einnig kaupa greinar
í blómabúðum sem verða fallega
gular.