Morgunblaðið - 02.01.2007, Qupperneq 4

4 ÞRIÐJUDAGUR 2. JANÚAR 2007 MORGUNBLAÐIÐ
FRÉTTIR
ÞRÁTT fyrir að áhugasamir borgarbúar væru
sumir hverjir enn að skjóta upp flugeldum virð-
ist sem þessir fuglar á Tjörninni hafi látið sig
það litlu varða. Að minnsta kosti var rólegt yfir
þeim þegar ljósmyndara Morgunblaðsins bar þar
að garði í gærkvöldi.
Þrátt fyrir að dýr geti skelfst þegar miklar
sprengingar kveða við er ekki vitað til þess að
dýr hafi meiðst af þeim sökum um þessi áramót.
Morgunblaðið/Golli
Rökkurstemning við Tjörnina
YFIRBORÐ Hálslóns var í gær
komið í 565,7 metra hæð yfir sjávar-
máli. Þegar lónið verður fullt á
vatnsyfirborðið að ná 625 m.y.s.
Vantar því tæpa 60 metra á að yfir-
borð lónsins nái fullri hæð.
Sigurður Arnalds, upplýsinga-
fulltrúi Kárahnjúkavirkjunar, sagði
að vatnssöfnun hefði gengið hægt í
kuldunum í nóvember og yfirborðið
hækkað um u.þ.b. hálfan metra á
viku. Svo voru mikil hlýindi rétt fyrir
jól og frá 20. desember og til ára-
móta hefur vatnsyfirborðið hækkað
um eina fjóra metra, eða um rúma
tvo metra á viku. Mikil hlýindi og
vatnavextir voru rétt fyrir jólin og
það hélt áfram yfir hátíðarnar.
Væntanlega hægir á vatnssöfnuninni
þegar kólnar, að sögn Sigurðar.
Yfirborð Hálslóns er nú um 10
metrum hærra en ef vatnsrennslið
hefði verið eins og við meðalaðstæð-
ur undanfarin 20 ár á sama árstíma.
Sigurður sagði að allar mælingar
sýndu að steypt mannvirki hreyfðust
afskaplega lítið og hreyfingar á
steypuskilum hefðu verið einhverjir
millimetrar til eða frá, jarðskorpu-
hreyfingar væru engar og leki úr
lóninu væri hverfandi.
Yfirborð
Hálslóns
566 m.y.s.
Tæpa 60 metra vant-
ar á að lónið fyllist
NÝTT lögregluembætti á höfuð-
borgarsvæðinu tók til starfa á mið-
nætti aðfaranótt nýársdags, en þá
voru lögregluembættin í Reykjavík,
Kópavogi og Hafnarfirði sameinuð.
Yfirmaður hins nýja embættis er
Stefán Eiríksson. Svipaðar breyting-
ar hafa verið gerðar í öðrum lands-
hlutum, en alls mun lögregluliðum
fækka úr 26 í 15.
Stefán segir breytingarnar aðal-
lega skipulagslegar, en þær hafi í för
með sér ýmsa möguleika á hagræð-
ingu og betri nýtingu á mannafla.
„Gagnvart almenningi verða engar
sýnilegar áberandi breytingar. Lög-
gæslan verður áfram sterk og áber-
andi en þetta verður eitt lið.“
Mælast vel fyrir
Stefán segir breytingarnar eiga að
hafa í för með sér margvíslegan
ávinning. „Markmiðið er að efla og
styrkja löggæsluna á öllum sviðum,
auka sýnilega löggæslu, grenndar-
löggæslu og hverfalöggæslu, en um-
fram allt að auka öryggi og öryggis-
tilfinningu þeirra sem búa hérna á
höfuðborgarsvæðinu.“
Stefán segir breytinguna hafa
mælst vel fyrir, einkum meðal lög-
reglumannanna sjálfra. „Þeir hafa í
gegnum árin rætt það að það þyrfti
að gera skipulagsbreytingar á lög-
reglunni til þess að auka styrk henn-
ar og getu til að takast á við þá hluti
sem við blasa og umræðan hefur ver-
ið í gangi um nokkurt skeið. Það var
síðan þegar Björn Bjarnason tók
þetta mál upp á sína arma árið 2003
að farið var að undirbúa þessar
breytingar sem nú taka gildi.“
Sameinað lögreglulið
á höfuðborgarsvæði
Morgunblaðið/Júlíus
Yfirstjórn Stefán Eiríksson, lögreglustjóri höfuðborgarsvæðisins, með
yfirstjórn embættisins við Hafnarfjarðarstöð lögreglunnar á nýársnótt.
Möguleikar á betri
nýtingu mannafla
HINN kunni breski gamanleikari
John Cleese lék í íslenskri sjón-
varpsauglýsingu fyrir Kaupþing
sem sýnd var í Ríkissjónvarpinu á
gamlárskvöld. Cleese lék í tveimur
sjónvarpsauglýsingum til viðbótar
sem sýndar verða á næstunni auk
auglýsinga í dagblöðum. Björn Bald-
vinsson og Shepherd Stevenson leik-
stýrðu auglýsingunum, sem gerðar
voru á vegum auglýsingastofunnar
Ennemm, en upptökur fóru fram
þann 20. desember síðastliðinn í húsi
sem Frank Sinatra lét reisa í Los
Angeles. Fyrirtæki Björns og Shep-
herds, PapaBear, hafði milligöngu
um að fá Cleese til verksins í sam-
vinnu við fyrirtækið GoFilm.
„Það tók um þrjár vikur að ná
samningum en okkur var neitað fjór-
um sinnum áður en samningar náð-
ust. Á þessu tímabili vorum við í
sambandi við marga aðila þrátt fyrir
að Cleese væri efstur á óskalistan-
um. Þannig höfðum við samband við
David Schwimmer og svo hafði
Pamela Anderson allt í einu áhuga á
þessu,“ segir Björn og bætir því við
að hún hefði að líkindum ekki passað
í hlutverkið.
Cleese lét vel af
handritum Þorsteins
Björn og félagar gáfust hins vegar
ekki upp og eftir að samningar tók-
ust hófst Cleese þegar handa og átti
gott samstarf við Björn og handrits-
höfundinn Þorstein Guðmundsson.
Björn segir að Cleese hafi líkað vel
við handrit Þorsteins enda hafi þau
verið í hans anda. Tíminn var hins
vegar af skornum skammti en sjón-
varpsauglýsingarnar þrjár átti að
taka upp á einum degi auk auglýs-
inga fyrir dagblöð.
„Það var erfitt að láta þetta ganga
upp á svo skömmum tíma en við
fengum gott fólk í lið með okkur. Við
vorum mjög ánægðir með útkomuna
og ég held að við höfum náð gríð-
arlegum áfanga með þessu og að
hafa náð að gera þetta á svo skömm-
um tíma. Það var jafnframt afar
ánægjulegt að fá slíkt tækifæri.“
Björn segir að auðveldasti hlutinn
í ferlinu hafi í raun verið að leikstýra
Cleese, sem sé mikill fagmaður.
Hann æfi vel áður en upptökur hefj-
ist og sé ekki mikið fyrir það að gera
sama hlutinn tvisvar.
Auðvelt að leikstýra John Cleese
Glaðir Leikstjórarnir Björn Baldvinsson og Shepherd Stevenson á góðri
stund ásamt leikaranum John Cleese á tökustað í Los Angeles.
LÁTINN er í Reykja-
vík Magnús E. Bald-
vinsson, úrsmíða-
meistari, fæddur 12.
desember 1923 á Ísa-
firði. Hann var sonur
Baldvins S. Sigurðs-
sonar, stýrimanns þar,
og eiginkonu hans,
Þuríðar Magnúsdótt-
ur.
Magnús lauk sveins-
prófi í úrsmíði 1947 og
hlaut meistararéttindi
1951. Hann rak úr-
smíðaverkstæði og
skartgripaverslun í
Reykjavík frá 1947, fyrst á Lauga-
vegi 82, þá á Laugavegi 12 og síðan
á Laugavegi 8. Árið 1979 tók hann
þátt í stofnun úrsmíðafyrirtækisins
MEBA, Magnús E. Baldvinsson
ehf. í Kringlunni. Einnig rak
Magnús um skeið úra- og skart-
gripaverslun bæði á Akranesi og í
Keflavík.
Magnús var formaður Úrsmiða-
félags Íslands á tíma-
bilinu 1955–1971 og
var fulltrúi þess á
Iðnþingi í mörg ár.
Hann sat í stjórn
Norðurlandasam-
bands úrsmiða í 16 ár
og var gerður að heið-
ursfélaga Úrsmiða-
félags Íslands árið
1995.
Magnús stundaði
frjálsar íþróttir á sín-
um yngri árum, eink-
um langstökk, og var
heiðursfélagi ÍR.
Hann var félagi í
Lionsklúbbnum Nirði frá 1962 og í
Oddfellowreglunni, í stúkunni Þor-
keli Mána. Þá var hann félagi í
Stangveiðifélagi Reykjavíkur og
Akraness og var mikill áhugamað-
ur um stangveiði.
Eftirlifandi maki Magnúsar er
Unnur H. Benediktsdóttir, f. 10.
júní 1924 í Reykjavík. Þau eign-
uðust þrjár dætur.
Andlát
Magnús E.
Baldvinsson