Morgunblaðið - 02.01.2007, Blaðsíða 18

18 ÞRIÐJUDAGUR 2. JANÚAR 2007 MORGUNBLAÐIÐ
MENNING
LEIKSTJÓRINN George Lucas
segir að tökur muni hefjast á fjórðu
Indiana Jones myndinni á næsta ári.
Lucas og Steven Spielberg hafa
nýlega gengið frá handritinu að
myndinni og lofar Lucas því að þetta
verði besta myndin um fornleifa-
fræðinginn knáa til þessa.
Harrison Ford mun leika aðal-
hlutverkið sem fyrr og er myndin
væntanleg í kvikmyndahús í maí árið
2008.
Fyrsta myndin um ævintýrakapp-
ann Indiana Jones kom út árið 1981
(Raiders of the lost Ark) og síðan
komu tvær í viðbót á árunum 1984
(Indiana Jones and the Temple of
Doom ) og 1989 (Indiana Jones and
the Last Crusade).
Fréttavefur BBC skýrir frá því að
í mörg ár hafi orðrómur um gerð
fjórðu myndarinnar verið á kreiki en
þar sem aðstandendur myndarinnar
eru allir komnir af léttasta skeiði
hafa þeir sagt að þeir myndu ekki
taka þátt í henni nema að handritið
væri nægilega gott.
Harrison Ford tilkynnti í október
að hann væri í góðu formi og gæti vel
hugsað sér að leika Indiana Jones á
ný og lofaði hinn 64 ára gamli leikari
að hann myndi setja sama kraft í
fjórðu myndina og hinar þrjár.
Hugsanlegt er að Sean Connery
snúi aftur í hlutverki föður Jones en
það hefur ekki verið staðfest.
Skeggjaðir töffarar Sean Connery
og Harrison Ford.
Indiana
Jones
Fjórða myndin
frumsýnd 2008
LJÓÐSKÁLDIÐ
John Heath-
Stubbs, sem er
m.a. handhafi
Gullverðlauna
drottningar
(Queen’s Gold
Medal) fyrir ljóð-
list, og frægur
fyrir að vera ögr-
andi klassískt
ljóðskáld innan kynslóða móderism-
ans, lést á sjúkrahúsi í London milli
jóla og nýárs af völdum krabba-
meins. Hann var 88 ára að aldri.
Frægustu ljóð hans eru „The
Divided Ways“ og söguljóðið „Art-
orius“ sem hann ritaði árið 1973.
T.S. Eliot taldi Stubbs meðal
fremstu gagnrýnanda og ljóðskálda
af hans kynslóð.
„Það er eins og nútímalegur arki-
tekt hafi skyndilega hannað full-
komið barokkmusteri,“ skrifaði
skáldið og gagnrýnandinn Herbert
Read um ljóðlist Heath-Stubbs.
Heath-Stubbs var áberandi í
breskri ljóðlist á fimmta og sjötta
áratugnum. Hann ritstýrði ljóða-
safninu Images of Tomorrow árið
1953, en í því eru ljóð eftir öll
helstu ljóðskáld Breta á því skeiði.
Þrátt fyrir að hafa misst sjón að
miklu leyti á sjötta áratugnum og
verið alblindur frá árinu 1978 hélt
Heath-Stubbs áfram að skrifa nán-
ast til dauðadags. Leikstjórinn
Carlos Klein gerði heimildarmynd
um hann árið 1997 sem hlaut nafnið
Ibycus: A Poem by John Heath-
Stubbs.
Heath-Stubbs fæddist í London
og hlaut menntun í Queen’s College
í Oxford.
Ljóðskáld
fallið frá
John Stubbs
Á MORGUN, miðvikudaginn
3. janúar, mun tónsmíðafélagið
S.L.Á.T.U.R. (Samtök listrænt
ágengra tónsmiða umhverfis
Reykjavík) halda lúðratónleika
í Fríkirkjunni klukkan 20.00.
Um er að ræða 6 manna hóp
flytjenda er leika á lúðra en
tveir af þeim eiga einnig verk á
tónleikunum. Tónlistin er bæði
framsækin og ómfögur, ágeng
en vinaleg.
Flytjendur eru Áki Ásgeirsson, Eiríkur Orri
Ólafsson, Helgi Hrafn Jónsson, Ingi Garðar Er-
lendsson, Sigurður Már Valsson og Sturlaugur
Björnsson.
Tónleikar
Lúðratónleikar
í Fríkirkjunni
Tónsmíðafélagið
S.L.Á.T.U.R.
LESTUR nýrrar útvarpssögu
hefst á Rás 1 í dag kl. 14.03.
Lesin verður Slóð fiðrildanna
eftir Ólaf Jóhann Ólafsson.
Anna Kristín Arngrímsdóttir
les söguna.
Sagan kom út árið 1999 og er
eitt þekktasta verk höfundar.
Söguna segir kona á miðjum
aldri sem hefur um árabil rekið
sveitahótel í Englandi. Líf
hennar virðist slétt og fellt á
yfirborðinu. Fyrir tveimur áratugum yfirgaf hún
Ísland og hefur forðast að koma þangað aftur en
hún kemst ekki hjá því að fara til æskustöðvanna
og horfast í augu við fortíð sína.
Útvarp
Slóð fiðrildanna er
ný útvarpssaga
Ólafur Jóhann
Ólafsson
Á MORGUN, miðvikudag,
verður fyrirlestur á vegum
Tungutækniseturs sem er rek-
ið í samstarfi Stofnunar Árna
Magnússonar í íslenskum
fræðum, Málvísindastofnunar
HÍ og tækni- og verk-
fræðideildar HR.
Arnar Þór Jensson mun
fjalla um gerð íslensks tal-
greinikerfis sem hann bjó til, rannsóknir sem
gerðar hafa verið á kerfinu og hvernig hægt er að
smíða talgreinikerfi þegar takmarkaðar upplýs-
ingar liggja fyrir til þjálfunar. Fyrirlesturinn
hefst kl. 12.00 og fer fram í stofu 201 í Háskól-
anum í Reykjavík.
Fyrirlestur
Talgreinikerfi
fyrir íslensku
RITHÖFUNDURINN Jón Kalman
Stefánsson hlaut hina árlegu við-
urkenningu Rithöfundasjóðs Rík-
isútvarpsins sem var afhent á gaml-
ársdag.
Afhendingin fór fram í beinni út-
sendingu Rásar 1 í Útvarpshúsinu
við Efstaleiti að viðstöddum Ólafi
Ragnari Grímssyni forseta Íslands,
Þorgerði Katrínu Gunnarsdóttur
menntamálaráðherra og öðrum góð-
um gestum.
Þetta var í 50. sinn sem þessi við-
urkenning var veitt en henni fylgdi í
ár 600.000 kr. styrkur frá Rithöf-
undasjóðnum.
Jón Kalman fékk íslensku bók-
menntaverðlaunin árið 2006 fyrir
skáldsöguna Sumarljós og svo kem-
ur nóttin og er nú tilnefndur fyrir
sömu bók til Bókmenntaverðlauna
Norðurlandaráðs 2007 sem verða
veitt í byrjun mars.
Stjórn Rithöfundasjóðs Rík-
isútvarpsins er skipuð þeim Mar-
gréti Oddsdóttur og Eiríki Guð-
mundssyni af hálfu Ríkisútvarpsins,
Braga Ólafssyni og Kristínu Helgu
Gunnarsdóttur af hálfu Rithöfunda-
sambands Íslands og Skafta Hall-
dórssyni, formanni stjórnar sem
skipaður er af menntamálaráðherra.
Jón Kalman hlaut
600.000 kr. styrk
Morgunblaðið/Einar Falur
Viðurkenning Skafti Halldórsson afhendir Jóni Kalman styrk úr Rithöf-
undasjóði Ríkisútvarpsins á gamlársdag.
Eftir Bergþóru Jónsdóttur
begga@mbl.is
GUILDHALL School of Music and
Drama er einn virtasti tónlistarskóli
á Vesturlöndum, og ásamt Royal
Academy of Music, besti tónlist-
arskóli Breta. Mist Þorkelsdóttir er
deildarforseti tónlistardeildar
Listaháskóla Íslands.
„Þetta er súrrealísk lífsreynsla,“
segir Mist spurð um þá atburðarás
sem hófst í október, þegar Barry Ife
rektor Guildhall sagði henni í veislu,
að skólinn væri einmitt að leita að
manneskju eins og henni til að
stjórna tónlistarskólanum.
En byrjum á byrjuninni – í Hol-
landi. Í októberlok var boðað til
fundar stjórnenda nokkurra evr-
ópskra tónlistarháskóla, vegna und-
irbúnings að fyrstu sameiginlegu
meistaragráðunni í tónlist, sem
þessir skólar munu standa að. Tón-
listarháskólinn í Gronigen í Hollandi
átti frumkvæði að því að koma þessu
samvinnuverkefni að stað og bauð til
samstarfsins Guildhall-skólanum,
Jyväskylä-háskólanum í Finnlandi,
Konunglegu tónlistarakademíunni í
Englandi, Eastman-tónlistarskól-
anum í New York – og Listaháskóla
Íslands. „Það er stórfengleg við-
urkenning fyrir Listaháskólann að
vera metinn til jafns við þessa skóla
og vera með í að stofna til sameig-
inlegrar prófgráðu, í fyrsta sinn sem
það er gert í Evrópu.“
Ég brosti og sagði jájá
Á fyrsta vinnufund tónlistar-
skólastjóranna sem haldinn var
vegna þessa verkefnis, kom Barry
Ife, fjármálalegur skólastjóri Guild-
hall. „Hollendingarnir, sem héldu
fundinn, buðu okkur út að borða eitt
kvöldið, og þá gerðist það að þessi
maður hallaði sér að mér og spurði
hvort ég hefði ekki verið mér með-
vituð um það að Guildhall-tónlist-
arskólinn hefði verið að leita deild-
arforseta tónlistardeildarinnar sem
er með 650 nemendur. Ég kvaðst
ekkert hafa heyrt af því og spurði
hvort þeir væru þá komnir með nýj-
an. Hann sagði nei og bætti því við
að af öllum umsækjendunum hefðu
hundrað hugsanlega komið til greina
en eftir nánari athugun hefðu þeir
ákveðið að ráða engan þeirra. Þá
sagði hann: „Við erum að leita að
einhverjum eins og þér.““ Mist segir
að sér hafi þótt þetta eins og hvert
annað hjal yfir kampavíni í góðra
vina hópi, þar sem alls konar samtöl
voru í gangi. „Ég brosti bara og
sagði: „jájá“.“
Í nóvember var svo árlegt þing
Evrópusamtaka tónlistarháskóla,
AEC, haldið í Salzburg í Austurríki.
Mist var kosin í stjórn samtakanna á
þinginu. En þar var auðvitað líka
Barry Ife frá Guildhall. „Hann bað
um formlegan fund með mér og ég
hitti hann. Hann sagði að staðan
væri sú að þeir hefðu hafnað öllum
umsækjendum og væru nú að leita
logandi ljósi að réttu manneskjunni.
Margt spennandi væri framundan í
skólanum, meðal annars rekstrarleg
sameining við Barbican-lista-
miðstöðina. Tilfinningin innan skól-
ans væri sú að þótt hann væri í for-
ystu, gætti þar stöðnunar, og að nú
vildu þeir fá ferskar hugmyndir frá
einhverjum sem hefði sýnt sig í að
gera spennandi hluti. Þetta var mik-
ið hrós. Hann sagði að tveir aðrir
væru í sigtinu sem stjórnin væri að
biðla til og bað um að fá að senda
mér nánari upplýsingar.“
Meira en flatterandi komment
Mist var vart komin heim til Ís-
lands þegar tölvupóstur fór að
streyma inn frá Guildhall með öllum
mögulegum upplýsingum um skól-
ann og starfið. Þar var líka persónu-
legt bréf frá skólastjóranum, þar
sem hann gaf henni farsímanúmer
sitt og bað hana að hringja með
hvaða fyrirspurnir sem væri eða
ákvarðanir. „Ég varð svolítið trufluð
af þessu þegar ég sá að þetta var
meira en bara flatterandi komment.
Ég svaraði: „Ef ég er spennt, hvað
geri ég þá?““ Misti var sendur flug-
miði til London, og innan örfárra
daga var hún komin á fund með
stjórnendum skólans. Hún var spurð
í þaula. Búið var að ræða kaup og
kjör. „Þá spurði einn þessara gömlu
karla hvort ég væri tilbúin að flytja
til London, og ef svo, hvers vegna ég
væri tilbúin að yfirgefa það sem ég
hefði verið að byggja upp í Listahá-
skólanum á Íslandi. Á þessu augna-
bliki þyrmdi yfir mig. Ég var ekki
tilbúin að flytja til London. Ég gat
engu svarað. Á endanum sagði ég að
hjarta mitt væri á Íslandi þótt þetta
væri stórkostlegt tækifæri og mikil
ögrun sem erfitt væri að horfa
framhjá.“ Misti var létt, að hafa get-
að sagt hug sinn upphátt og tekið
ákvörðunina sem kraumaði undir
niðri. Ég á heima á Íslandi, segir í
jólavísunni, og þangað hélt Mist, æv-
intýralegri reynslu ríkari og full af
stolti fyrir hönd skólans síns.
Hjartað var á Íslandi
Sóst var eftir Mist Þorkelsdóttur í starf deildarforseta Guildhall-skólans í
London, eftir að öllum umsækjendum hafði verið hafnað. Mist sótti ekki um.
Morgunblaðið/Árni Sæberg
Eftirsótt „Á þessu augnabliki þyrmdi yfir mig. Ég var ekki tilbúin að flytja
til London. Ég gat engu svarað. “ Mist við Listaháskólann á Sölvhólsgötu.
♦♦♦