Morgunblaðið - 02.01.2007, Blaðsíða 11
MORGUNBLAÐIÐ ÞRIÐJUDAGUR 2. JANÚAR 2007 11
isins. Kannski endar með því að Al-
þingishúsið verður selt og einhver
utanaðkomandi aðili fenginn til að
reka það. Og ef hann vill reka það
fyrir verð sem er of hátt fyrir ríkið
endar Alþingi ef til vill bara í leigu-
húsnæði uppi í Grafarvogi.“
Læknisfræðileg
mæðravernd á LSH
Reynir Tómas segir að eftir söl-
una og ákvörðunina um að flytja
starfsemina í Mjódd hafi verið skip-
uð samræðunefnd um framtíðarfyr-
irkomulag í málunum en deildar
meiningar hafi verið um það. „Við
sögðum að læknisfræðileg mæðra-
vernd þyrfti að flytjast á LSH,“ seg-
ir Reynir Tómas og bætir við að allt
sem þurft hafi af tæknilegum hjálp-
arbúnaði hafi verið á LSH en ekki í
Mjódd. Í viðræðunum við heilsu-
gæsluna hafi komið fram tillaga um
að byggja upp „vissa tvöföldun á
greiningartækni og öðrum skyldum
þáttum uppi í Mjódd, sem okkur
fannst ekki skynsamlegt.“ M.a. hafi
verið stungið upp á því að sónartæki
yrðu einnig til staðar í Mjódd en
Reynir Tómas bendir á að slík tæki
séu dýr og kosti upp undir 10 millj-
ónir króna ef þau eigi að vera góð.
„Svo þarf að þjálfa fólk til að nota
þessi tæki rétt og það er ekki alveg
vandalaust. Það þarf langan og ít-
arlegan þjálfunartíma til þess að
gera sónarskoðanir,“ segir Reynir.
Um miðjan júní hafi verið haldinn
fundur um málið á LSH. „Þar var
bæði fólkið úr Heilsuverndarstöð-
inni, yfirmenn hjúkrunar og lækn-
inga, og svo við á kvennadeildinni og
okkar yfirmenn, auk ráðherra og
skrifstofustjóra ráðuneytisins. Þar
tjáðum við ráðherranum að við gæt-
um ekki flutt upp í Mjódd, það væri
ekki hægt. Ráðherrann sagði að við
yrðum að leysa þetta okkar á milli,
Heilsugæslan og LSH,“ segir Reyn-
ir Tómas. Á þessum tíma hafi sum-
arleyfi verið að hefjast. „Í ágúst fór-
um við að óska eftir fundum en það
gerðist ósköp lítið,“ segir hann. Á
kvennasviði LSH hafi menn þá farið
að búa sig undir breyttar aðstæður
og á svipuðum tíma hafi frést af því
að byrjað væri að innrétta húsnæði í
Mjóddinni.
Reynir Tómas óskaði eftir því í
byrjun september við yfirlækninn í
MM að fá að skoða húsnæðið uppi í
Mjódd og gafst þá, að eigin sögn,
kostur á að skoða það sem þar hafði
verið skipulagt án þess að samráð
væri haft við LSH.
„Þó að margt gott sé um húsnæðið
að segja er til dæmis ekki hægt að
opna einn einasta glugga. Það eru
engir gluggar yfirhöfuð á einni hlið-
inni og á tveimur hliðum opnast
gluggar inn í gang á verslunarmið-
stöð. Vegna hávaða og fyrst og
fremst hita frá verslunarganginum í
húsasamstæðunni er ekki hægt að
hafa gluggana þar opna því það er
svo heitt fyrir utan,“ segir Reynir
Tómas. Á fjórðu hliðinni sé heldur
ekki alveg hægt að opna glugga því
þar fyrir utan sé stórt bílaplan sem
talsverð mengun sé af. Þetta séu allt
gallar þótt LSH telji fjarlægðina við
háskólasjúkrahúsið megingallann
við flutninginn.
„Það var ekki fyrr en um miðjan
október sem tókst að ná saman á
fund um málið,“ segir hann. Þá hafi
fulltrúar heilsugæslunnar spurt
hvort ekki væri orðið of seint fyrir
LSH að taka við mæðravernd
kvenna í áhættumeðgöngu, þar sem
það hefði ekki verið undirbúið. „Við
sögðum að það stæði að við vildum
ekki rjúfa tengsl mæðravernd-
arinnar og spítalans með þessum
hætti. Við hefðum ekki tök á að
koma þarna og sinna þessu sam-
kvæmt samningum og samningurinn
væri því fallinn um sjálfan sig. Þau
litu frekar svo á að við værum að
segja upp samningnum einhliða en
við töldum að forsendurnar fyrir
samningnum væru einfaldlega
brostnar. Við þurftum að manna
nánast heila læknisstöðu í hverri
viku og það bara gekk ekki að halda
því uppi. Það tæki okkur læknana
frá LSH um það bil hálfan vinnudag
í viku bara að fara á milli staða, upp í
Mjódd og til baka, og við getum það
ekki. Og kennsla fyrir næstu kyn-
slóð ljósmæðra og fæðingarlækna,
hún myndi líða fyrir það vegna þess
að við erum ekki nógu nálægt.“
Konan og fjölskylda hennar í
fyrirrúmi hjá öllum
Eftir þetta hafi fólk, þar á meðal
þingmenn, komið fram í fjölmiðlum
og sagt að með breytingunum væri
verið að gera hag kvenna í Reykja-
vík verri og sjúkdómsvæða með-
göngu. „Það er algengur gamaldags
hugsunarháttur að læknar sem
sinna fæðinga- og kvensjúkdóma-
fræði séu talsmenn tækni- og sjúk-
dómsvæðingar og líti á meðgönguna
sem sjúklegt ástand, en að ljós-
mæður séu talsmenn hins eðlilega.
Þetta er löngu liðin tíð,“ segir Reyn-
ir Tómas. „Hjá okkur öllum er kon-
an og fjölskylda hennar í fyrirrúmi.“
Hann segir að vel hafi gengið á
LSH að undirbúa aðstöðu sem upp-
fylli kröfur vegna sérhæfðrar
mæðraverndar. „Fyrst var tekinn
tími í að skoða allt húsnæðið á einu
eftirmiðdegi og hvernig væri hægt
að koma þessu fyrir. Svo fór arkitekt
spítalans í að teikna upp aðstöðuna.
Í millitíðinni var hafist handa við að
skipuleggja. Svo var kallað á heilsu-
gæsluna og mjög vel heppnaður
fundur var haldinn fyrir fullum
hundrað manna sal þar sem var
kynnt hvernig við vildum hafa
þetta,“ segir hann. Sérhæfða
mæðraverndin hafi farið ágætlega af
stað, en rúmar fimm vikur eru liðnar
frá því LSH tók að fullu við henni
eftir að MM fluttist í Mjódd.
Ákveðnir byrjunarhnökrar hafi þó
gert vart við sig og ljóst sé að það
vanti fæðinga- og kvensjúkdóma-
lækna á landinu.
„Við höfum notið velvildar und-
anfarin ár eftir að menn áttuðu sig á
þessu, að við værum ekki vel sett. Þá
höfum við fengið að ráða fleira ungt
fólk til að læra hérna á LSH. Svo er
hópur af ungu fólki sem er að bæta
við sig í sérnámi erlendis og annar
hópur hér heima að læra, þannig að
við verðum miklu betur sett eftir
kannski fjögur til fimm ár. Þá verð-
um við með meira af fólki til þess að
vinna þessi verk hér heima.“
Morgunblaðið/Jim Smart
Ekki sjúkdómavæðing Reynir Tómas Geirsson, sviðsstjóri kvennasviðs
LSH, segir að þrátt fyrir að LSH hafi nú tekið við eftirliti mæðra í áhættu-
meðgöngu sé ekki verið að sjúkdómsvæða meðgönguna.
REYNIR Tómas segir að skortur sé
á góðri aðstöðu á kvennadeild LSH
og brýnt sé að bæta úr henni. Hann
nefnir sem dæmi að fæðing-
araðstaðan á LSH sé byggð á hugs-
un sem sé a.m.k. 35–40 ára gömul.
Þegar byggja hafi átt við fæðing-
ardeildina árið 1974 hafi fulltrúar
kvennahreyfingarinnar fjölmennt á
þingpalla þegar málið var rætt á
þingi og myndað ákveðinn þrýsti-
hóp. Þá hafi verið ráðist í að byggja
nýja kvennadeild og hún hafi verið
miðuð við að þar ættu sér stað um
2.000 fæðingar á ári. „Nú erum við
að fara yfir 3.000 fæðingar á LSH í
ár, en þetta er í þriðja sinn sem það
gerist. Aðstaðan er orðin of lítil og
of ófullkomin,“ segir Reynir Tóm-
as. Sem dæmi um bágborna aðstöðu
megi nefna að eitt almennt salerni
þjóni sex fæðingarstofum. „Það
þótti einu sinni fínt þegar ekki var
einu sinni gert ráð fyrir að feðurnir
væri viðstaddir fæðingar barna
sinna en núna er þetta bara ekki
eins og það á vera.“
Spurður hvort aðstaðan hér sé
lakari en í þeim löndum sem Íslend-
ingar bera sig saman við segir
Reynir Tómas ljóst að hún jafnist
ekki á við það besta sem gerist á
Norðurlöndunum, þar sem ýmist
hafi verið byggð ný fæðing-
araðstaða eða eldri aðstaða löguð
að kröfum nútímans.
Reynir Tómas segir að gert sé
ráð fyrir því að kvennadeild nýja
háskólasjúkrahússins verði tekin í
notkun í fyrsta lagi árið 2012, en
hún sé hluti af þriðja áfanga bygg-
ingar sjúkrahússins. „Við vildum
gjarnan að þessi hluti nýja spítalans
færi í meiri forgang heldur en hann
hefur verið settur í núna,“ segir
hann. Þá skipti miklu að hugsað
yrði til framtíðar við bygginguna
og að nýja aðstaðan yrði ekki útbú-
in þannig að hún yrði orðin of lítil
innan skamms tíma.
Aðstaða kvenna-
deildar verði bætt
Eitt salerni þjónar sex fæðingarstofum
elva@mbl.is
Nýlega varði
Stefán Ingi
Valdimarsson
doktorsritgerð
sína í stærðfræði
við Edinborg-
arháskóla. Rit-
gerðin er á sviði
stærðfræðigrein-
ingar og nefnist
Two Geometric
Inequalities in
Harmonic Analysis. Leiðbeinendur
Stefáns voru Tony Carbery og
James Wright og andmælendur við
doktorsvörnina voru Keith Ball og
Allan Sinclair.
Meginhluti ritgerðarinnar fjallar
um ójöfnu Brascamps og Liebs.
Þessi ójafna er alhæfing á ýmsum
grundvallarójöfnum í stærð-
fræðigreiningu, þar á meðal ójöfnum
kenndum við Cauchy og Schwarz,
Hölder, Young og Loomis og Whit-
ney. Nýlega hefur verið gefin lýsing
á þeim skilyrðum sem þurfa að gilda
til að ójafnan sé sönn. Í ritgerðinni
er lýsing þessara skilyrða einfölduð
og sett fram reiknirit til að finna
skilyrðin. Einnig er ójafnan sett
fram og sönnuð fyrir endanleg svið
og gefin er lýsing á þeim föllum þar
sem jafnaðarmerki gildir í ójöfnunni
í evklíðsku rúmi. Lokakafli ritgerð-
arinnar fjallar um marglínulega al-
hæfingu á Hilbert-ummynduninni
og ójöfnu Hardys, Littlewoods og
Sobolevs. Sett eru fram nauðsynleg
og nægjanleg skilyrði fyrir því að
ójafna sem tengist marglínulegu
Hilbert-ummynduninni sé sönn og
fundin eru öll föll þar sem jafn-
aðarmerki gildir í marglínulegri út-
gáfu af ójöfnu Hardys, Littelwoods
og Sobolevs.
Stefán Ingi er sonur Valborgar
Stefánsdóttur bókasafnfræðings og
Valdimars Kristinssonar ritstjóra.
Hann er stúdent frá Mennta-
skólanum í Reykjavík og lauk B.S.
prófi í stærðfræði frá Háskóla Ís-
lands 2003. Stefán Ingi er giftur El-
ínborgu Ingunni Ólafsdóttur stærð-
fræðingi.
Doktor í
stærðfræði
Stefán Ingi
Valdimarsson
EIGENDUR sjö einbýlis- og fjöl-
býlishúsa allt frá Akranesi suður í
Garðabæ fengu viðurkenningu
Orkuveitu Reykjavíkur fyrir snotr-
ar jólaskreytingar á aðventunni
2006. Í Reykjavík féll viðurkenn-
ingin í skaut samhentum íbúum
sex íbúða fjölbýlishúss við Rósa-
rima 1 en í Kópavoginum voru það
nágrannarnir í Jörfalind 6 og 8
sem hlutu viðurkenninguna en
annar íbúinn hafði skreytt bæði
húsin með sama hætti.
Orkuveitan hefur frá aldamót-
um verðlaunað smekkvísa húseig-
endur í þeim sex sveitarfélögum
þar sem fyrirtækið sér um dreif-
ingu rafmagns. Þau hús sem dóm-
nefnd Orkuveitunnar þótti jafn-
framt skara fram úr eru Dalsflöt
10 á Akranesi, Arnartangi 22 í
Mosfellsbæ, Tjaldanes 15 í Garða-
bæ og Fornaströnd 1 á Seltjarn-
arnesi.
Morgunblaðið/Sverrir
Verðlaun Húseigendurnir fengu afhentan viðurkenningarvott í höf-
uðstöðvum Orkuveitu Reykjavíkur síðastliðinn fimmtudag ásamt inn-
römmuðum myndum af ljósum prýddum húsum þeirra.
Setti upp verðlauna-
skreytingu fyrir nágranna
JÓNÍNA Bjartmarz umhverf-
isráðherra bauð öllum þeim sem
komu að aðgerðum á strandstað
flutningaskipsins Wilson Muuga
til móttöku í ráðherrabústaðnum
við Tjarnargötu á laugardag. Á
fimmtudag var lokið við að tæma
olíu úr tönkum flutningaskipsins
á strandstað við Hvalsnes á
Reykjanesi. Þar með lauk bráða-
aðgerðum til að forða meng-
unarslysi en þær stóðu sleitulaust
í nær 30 klukkustundir. Á þessum
tíma tókst að dæla um 95 tonnum
af olíu í land en 10 til 15 tonn af
olíu eru eftir í lestarrými skips-
ins.
Jónína hefur lýst yfir ánægju
sinni með það hversu vel gekk að
koma í veg fyrir umhverfisslys á
strandstað og kann hún starfs-
fólki Umhverfisstofnunar, Olíu-
dreifingar, þyrlusveita Landhelg-
isgæslunnar, Heilbrigðiseftirlits
Suðurnesja, Framtaks, sýslu-
mannsins í Keflavík og björg-
unarsveitarfólki Landsbjargar
bestu þakkir fyrir vel unnin störf.
Morgunblaðið/Golli
Bráðahreinsun úr
Wilson Muuga fagnað