Morgunblaðið - 02.01.2007, Blaðsíða 6

LANDSMENN fögnuðu nýju ári á
hefðbundinn hátt og almennt gengu
áramótin vel fyrir sig.
Nokkur hálka var á höfuðborg-
arsvæðinu og var tilkynnt um 10
umferðaróhöpp en ekkert þeirra
var alvarlegt, að sögn lögreglu.
Eitthvað var um líkamsárásir og
þar af var ein alvarleg í Garð-
arstræti um klukkan hálf fimm í
gærmorgun. Þar var ráðist á tvo
menn og liggur annar þeirra höf-
uðkúpubrotinn á heila- og tauga-
skurðdeild. Hann er ekki í lífs-
hættu.
Margar tilkynningar bárust til
lögreglu vegna óláta og töluvert var
um ýmis skemmdarverk.
Fjögur alvarleg brunaslys
Um áttatíu manns leituðu til
slysadeildar Landspítalans Há-
skólasjúkrahúss í Fossvogi í
Reykjavík í fyrrinótt og gærmorg-
un. Að sögn vakthafandi læknis var
þema kvöldsins og næturinnar of-
beldi og slagsmál.
Fjögur alvarleg brunaslys vegna
flugelda voru skráð á slysadeildinni
að þessu sinni. Sjúklingur með
augnskaða var fluttur á augndeild
og tveir voru lagðir inn vegna and-
litsbruna en auk þess skaddaðist
einn á hendi.
Nýju ári fagnað á hefðbundinn hátt
Ein alvarleg
líkamsárás í
Reykjavík
Morgunblaðið/Kristinn
Birta Flugeldasala hefur aldrei verið meiri en fyrir nýliðin áramót. Harpa Kristinsdóttir lagði
sitt af mörkum þegar hún kvaddi gamla árið með viðeigandi hætti.
Morgunblaðið/Kristinn
Brenna Gott veður var á höfuðborgarsvæðinu á gamlárskvöld og fólk fjölmennti að brenn-
um. Við brennuna í Gufunesi var margt um manninn eins og víðar.
Morgunblaðið/G.Rúnar
Gamlárskvöld Flugeldar lýstu upp himininn og að vanda náði ljósadýrðin hámarki á miðnætti síðasta dag ársins.
6 ÞRIÐJUDAGUR 2. JANÚAR 2007 MORGUNBLAÐIÐ
FRÉTTIR
ÓVENJUMIKIL ljósadýrð var á himni um
áramótin um allt land þegar gamla árið var
kvatt. Áramótin fóru víðast hvar vel fram á
landsbyggðinni og í góðu veðri. Nýársnótt
var víða eins og aðfaranótt sunnudags um ró-
lega helgi, samkvæmt upplýsingum frá lög-
reglu. Þó voru nokkrar undantekningar frá
því.
Fjölmenni var á dansleik í félagsheimilinu á
Blönduósi, mikið af ungu fólki en aldurs-
takmark var sextán ár. Gestir komu víða að,
meðal annars frá Sauðárkróki, Skagaströnd
og Hvammstanga. Einhver ólæti urðu fyrir
utan samkomuhúsið og tók lögreglan tvennt í
sína vörslu eftir dansleikinn.
Á Akureyri voru þrír teknir grunaðir um
ölvun við akstur eftir að skemmtistöðum var
lokað klukkan sex að morgni nýársdags. Þótt
margt væri um manninn á götum bæjarins um
morguninn þurfti lögreglan lítil afskipti að
hafa af fólki, önnur en vegna ölvunaraksturs.
Akureyringar voru með mikla flugeldasýn-
ingu á miðnætti, eins og fleiri landsmenn.
Lögreglan á Suðurnesjum tók einn öku-
mann grunaðan um ölvun í gærmorgun. Þá
var maður handtekinn í kjölfar tilkynningar
um heimilisofbeldi.
Friðsæl áramót en mikið skotið
Morgunblaðið/Halldór Sveinbjörnsson
Speglun Flugeldarnir spegluðust fallega í
sjónum þegar Ísfirðingar kvöddu gamla árið.
METSALA var hjá flugelda-
sölum fyrir áramótin. Áætla
má að landsmenn hafa sprengt
og skotið fyrir mörg hundruð
milljónir kr. að þessu sinni.
„Salan gekk vonum fram-
ar,“ sagði Jón Gunnarsson,
framkvæmdastjóri Slysa-
varnafélagsins Landsbjargar,
en björgunarsveitirnar selja
stóran hluta flugeldanna sem
notaðir eru um áramót. Jón
taldi að töluverð aukning hefði
orðið frá árinu áður sem þó var
algert metár.
Jón áætlaði að flutt hefðu
verið inn alls um 900 tonn af
flugeldum og skyldum vörum
fyrir áramótin. Er það umtals-
vert meira en ári fyrr þegar
flutt voru inn 600 til 700 tonn.
Þá seldust birgðir nánast upp
þannig að innflutningurinn í ár
átti að vera ríflegur.
20% aukning
Jón taldi að aukningin í sölu
hjá björgunarsveitum Lands-
bjargar hefði að jafnaði verið
um 20% milli ára. Sagðist hann
hafa á tilfinningunni að fólk
hefði viljað styðja starf björg-
unarsveitanna og að þær hefðu
aukið hlut sinn eitthvað í heild-
arsölunni. Hagnaður af flug-
eldasölu stendur undir miklum
hluta af kostnaði björgunar-
sveitanna í landinu og kvaðst
Jón afar þakklátur fyrir þann
stuðning sem fólk hefði sýnt.
Lúðvík Georgsson, hjá KR-
flugeldum, sagði sömuleiðis að
metár hefði verið í flugelda-
innflutningi félagsins. Knatt-
spyrnudeild KR og ýmis
íþróttafélög selja flugelda og
sagðist Lúðvík hafa heyrt að
salan hefði gengið vel allstað-
ar.
Ekki er hægt að fá yfirlit um
heildarsöluandvirði flugeld-
anna þar sem fjöldi björgunar-
sveita og íþróttafélaga annast
söluna auk einkaaðila. Jón
Gunnarsson telur að innflutn-
ingsverðmæti flugeldanna geti
verið nálægt 200 milljónum kr.
Það þýðir að söluverð hefur
numið hálfum milljarði kr. eða
jafnvel meira.
Flugeldar seldust hérlendis sem aldrei fyrr
Sprengt fyrir mörg
hundruð milljónir kr.