Morgunblaðið - 05.01.2007, Blaðsíða 18
18 FÖSTUDAGUR 5. JANÚAR 2007 MORGUNBLAÐIÐ
ERLENT
Eftir Boga Þór Arason
bogi@mbl.is
LOUISE Arbour, mannréttinda-
fulltrúi Sameinuðu þjóðanna, skor-
aði í gær á stjórnvöld í Írak að
taka ekki tvo gamla samstarfs-
menn Saddams Husseins af lífi.
Arbour sagði að efasemdir væru
um að réttur sakborninganna til
sanngjarnra og óhlutdrægra rétt-
arhalda hefði verið virtur. Sam-
kvæmt þjóðarétti ættu þeir einnig
rétt á tækifæri til að sækja um
náðun eða mildari dóm.
Taka átti mennina tvo af lífi í
gær en því var frestað „vegna al-
þjóðlegs þrýstings“, að sögn emb-
ættismanns í forsætisráðuneyti
Íraks.
Breska ríkisútvarpið, BBC, hafði
á hinn bóginn eftir háttsettum
embættismanni í Írak að þarlendir
ráðamenn gætu ekki mildað dauða-
dómana. Alþjóðlegur þrýstingur
gæti því ekki komið í veg fyrir af-
töku mannanna.
Þingmenn úr röðum sjíta sögðu
að mennirnir yrðu teknir af lífi eft-
ir að trúarhátíð múslíma, Eid al-
Adha, lyki á morgun.
Mennirnir tveir – Ibrahim al-
Tikriti, hálfbróðir Saddams Huss-
eins og fyrrverandi yfirmaður
írösku leyniþjónustunnar, og Awad
Ahmed al-Bandar, fyrrverandi yf-
irdómari – voru dæmdir til dauða
fyrir sömu sakir og Saddam, morð
á 148 sjítum í þorpinu Dujail árið
1982.
Talsmaður Bans Ki-moons, nýs
framkvæmdastjóra Sameinuðu
þjóðanna, sagði hann styðja áskor-
un mannréttindafulltrúans um að
taka ekki mennina af lífi.
Philip Alston, sérfræðingur
mannréttindaráðs Sameinuðu þjóð-
anna, sagði að yfirvöld í Írak hefðu
misst af tækifæri til að sýna að
hægt væri að koma á réttarríki þar
sem fyllsta réttlætis væri gætt
„jafnvel í máli eins af mestu glæpa-
mönnum okkar tíma“. Hann hvatti
stjórn Íraks til að koma á víð-
tækum umbótum til að sýna að
henni væri full alvara með að upp-
ræta óréttlætið frá valdatíma
Saddams og afnema dómskerfi sem
byggðist á geðþóttaákvörðunum og
fyrirfram ákveðnum niðurstöðum.
Embættismenn SÞ skora á
Íraka að hætta við aftökur
Aftöku tveggja samverkamanna Saddams frestað fram yfir trúarhátíð múslíma
Reuters
Fögnuður Sjítar fögnuðu aftöku Saddams Husseins í Basra-borg í Suður-
Írak í gær. Sjítarnir notuðu eftirmynd Saddams til að líkja eftir aftökunni.
Í HNOTSKURN
» Talsmaður Bans Ki-moons, framkvæmdastjóra
SÞ, sagði í gær að hann vildi
að aðildarríki samtakanna
legðu niður dauðarefsingar.
» Ki-moon lenti í vandræð-um á fyrsta starfsdegi sín-
um á þriðjudag þegar hann lét
hjá líða að árétta andstöðu SÞ
við dauðarefsingar og sagði að
einstök ríki hefðu rétt til að
heimila dauðadóma.
Ramallah. AFP, AP. | Að minnsta
kosti fjórir menn biðu bana og yfir
20 særðust þegar ísraelskt herlið
réðst inn í borgina Ramallah á
Vesturbakkanum í gær.
Herliðið notaði á annan tug
jeppa, nokkrar ýtur og tvær þyrlur
í árásinni. Hermennirnir réðust inn
á Manara-torg í miðborg Ramallah.
Talsmaður hersins sagði að
markmiðið með árásinni hefði verið
að handtaka eftirlýsta Palestínu-
menn og fjórir hefðu verið teknir til
fanga. Talsmaðurinn vildi ekki veita
frekari upplýsingar um árásina.
Árásin tók um klukkustund og
jarðýtur voru notaðar til að ýta
burt bílum á nálægum götum og
sölubásum á torginu. Harður skot-
bardagi blossaði upp og miklar
sprengingar urðu. Íbúar nálægra
húsa og viðskiptavinir verslana
forðuðu sér í ofboði af torginu.
Ungmenni köstuðu grjóti, stáltunn-
um og steypustykkjum á hermenn-
ina af húsþökum.
Saeb Erekat, samningamaður
palestínsku heimastjórnarinnar,
sagði að með árásinni hefðu Ísrael-
ar svikið loforð Ehuds Olmerts for-
sætisráðherra um að greiða fyrir
friðarviðræðum.
Með árásinni í gær hafa 5.620
manns látið lífið í palestínsku upp-
reisninni sem hófst í september
2000, langflestir þeirra úr röðum
Palestínumanna.
Mannfall
í Ramallah
„Það getur verið pínu fyndið að fylgjast
með nágrönnunum í hálkunni. “
J
Ó
N
S
S
O
N
&
L
E
’M
A
C
K
S
•
jl
.i
s
•
S
ÍA
www.subaru.is