Morgunblaðið - 05.01.2007, Qupperneq 48

|föstudagur|5. 1. 2007| mbl.is
staðurstund
Starfsmenn Super Club kepp-
ast um að verða „starfsmaður
mánaðarins“ til að komast á
stefnumót með Amy. » 55
frumsýning
Ingveldur Geirsdóttir fjallar um
fjölbreytt úrval bóka sem vænt-
anlegar eru í bókabúðir hér-
lendis á árinu 2007. » 49
af listum
Fjórða þáttaröðin af O.C. verður
jafnframt sú síðasta en áhorf
hefur dalað síðustu ár, þrátt
fyrir dramatík í þáttunum. » 50
sjónvarp
Liðsmenn hljómsveitarinnar
Pops hafa engu gleymt þrátt
fyrir að lífaldur sveitarinnar nái
bráðum 40 árum. » 50
tónlist
Aðalskona vikunnar elskar allan
kjúkling til matar og vill vita
hvernig nærbuxum næsti að-
alsmaður klæðist. » 51
aðall
Eftir Ingveldi Geirsdóttur
ingveldur@mbl.is
„ÞAR sem malbikið svífur mun ég
dansa“ kom bara til mín sem merki-
legur frasi og án þess að túlka þetta
of mikið finnst mér hann tákna þrá
eftir frelsi frá hinum efnislega
heimi,“ segir Jónas Sigurðsson sem
gaf út sína fyrstu sólóplötu, Þar sem
malbikið svífur mun ég dansa, fyrir
jólin.
Platan kom í búðir í nóvemberlok
og Jónas spilaði um svipað leyti á
þrennum tónleikum hér heima en
hann hefur búið í Danmörku síðustu
ár þar sem hann starfar sem forrit-
ari hjá Microsoft. Ekki er von á hon-
um aftur til Íslands til tónleikahalds
á næstunni.
Heiðarleg og einlæg plata
Jónas gefur plötuna út sjálfur og
var í tvö ár að dunda sér við að taka
hana upp meðfram vinnu. „Ég var
búinn að hugsa lengi hvað mig lang-
aði að gera við það efni sem ég átti
og ég ákvað, í staðinn fyrir að hugsa
svona mikið, að byrja bara að taka
upp og ég var búinn með plötuna áð-
ur en ég vissi af. Ég átti fullt af efni
og ný lög voru alltaf að fæðast svo á
endanum varð ég að gera eitthvað
við þessa sköpunarþörf.“
Þrátt fyrir að vera nýliði á tónlist-
arsviðinu sem einyrki er Jónas eng-
inn nýliði í tónlistarbransanum al-
mennt. Á yngri árum var hann
trommari í þungarokkshljómsveit-
inni Trössunum en líklega er hann
þekktari fyrir að vera söngvarinn í
hinum fornfrægu Sólstrandargæjum
sem urðu landsfrægir fyrir slag-
arann „Rangur maður“.
Jónas segist hafa verið með stór-
an hnút í maganum vegna útgáfu
fyrstu sólóplötunnar. „Hnúturinn
þvældist mikið fyrir mér og út af því
tók þetta lengri tíma en ella, ég
kveið hálfpartinn fyrir því að leggja
þetta efni fram sérstaklega þar sem
ég ákvað að gera alveg rosalega
heiðarlega og einlæga plötu.“
Andlegt ferðalag
Textasmíð Jónasar hefur vakið
nokkra athygli. „Ég vil hafa innihald
í textunum og þegar ég sem lag
finnst mér það ekki komið í gang
fyrr en ég er kominn með efnislega
innihaldið og búinn að finna tilgang
lagsins. Ég þarf ekki að predika en
ég vil að það sé innihald. Textarnir á
Þar sem malbikið svífur mun ég
dansa endurspegla mjög mikið það
sem ég hef verið að ganga í gegnum
persónulega og það er kannski hluti
af ástæðu þess að það var erfitt að
koma með þessa plötu því þeir end-
urspegla mikið mitt líf, eins fárán-
legt og það kann að hljóma, því þeir
eru oft mjög skrítnir.
Það má segja að platan sé andlegt
ferðalag, sem byrjar í þunglyndi og
vonleysi, fer inn í þrá og reiði og svo
kemur von í endann. Vegurinn á
plötuumslaginu táknar svo þetta
andlega ferðalag,“ segir Jónas mjög
hugsi.
Jónas hefur fengið mjög góða
dóma fyrir þessa fyrstu sólóafurð
sína. „Mér finnst mjög gaman að
gefa út plötu og halda tónleika en
mér finnst ekki mikið atriði hvort
það eru einhverjir landvinningar og
næsta plata kemur út þegar mig
langar. Ég finn að ég á eftir að vinna
meira með þemað sem er í gangi á
þessari plötu og ég þarf eiginlega að
gera aðra plötu til að hreinsa þetta
út, þetta andlega uppgjör eða hvað
ég á að kalla það.“Ferðalangur „Það má segja að platan sé andlegt ferðalag, sem byrjar í þunglyndi ...og svo kemur von í endann.“
Dansar þar
sem mal-
bikið svífur
Í GÆR bættust þrír listamenn í hóp
þeirra 30 sem hljóta heiðurslaun
Alþingis ár hvert. Það eru þau Guð-
munda Elíasdóttir, söngkona og
söngkennari, Guðmundur Jónsson
söngvari og Magnús Pálsson mynd-
listarmaður.
Allir hljóta listamennirnir heið-
urslaun til æviloka sem staðfest-
ingu á framúrskarandi framlagi til
íslenskrar menningar, var meðal
þess sem fram kom í tölu Sólveigar
Pétursdóttur, forseta Alþingis, við
móttöku í Alþingishúsinu í gær.
Erfitt val
Það er menntamálanefnd Alþing-
is sem kemur með tillögur til þings-
ins en það val er ekki auðvelt, að
sögn Sigurðar Kára Kristjáns-
sonar, formanns nefndarinnar.
„Við fáum fjölda ábendinga og
áskorana frá fólki ár hvert,“ sagði
hann í samtali við Morgunblaðið.
Margir heiðurslistamannanna
voru viðstaddir móttökuna í gær en
í hópnum eru, auk nýliðanna, Atli
Heimir Sveinsson, Ásgerður Búa-
dóttir, Erró, Fríða Á. Sigurðar-
dóttir, Guðbergur Bergsson, Gunn-
ar Eyjólfsson, Hannes Pétursson,
Herdís Þorvaldsdóttir, Jóhann
Hjálmarsson, Jón Nordal, Jón Sig-
urbjörnsson, Jón Þórarinsson, Jón-
as Ingimundarson, Jórunn Viðar,
Kristbjörg Kjeld, Kristinn Hallsson,
Kristján Davíðsson, Matthías Jo-
hannessen, Megas, Róbert Arn-
finnsson, Thor Vilhjálmsson, Vigdís
Grímsdóttir, Vilborg Dagbjarts-
dóttir, Þorbjörg Höskuldsdóttir,
Þorsteinn frá Hamri og Þráinn
Bertelsson.
Listir | Alþingi heiðrar árlega 30
listamenn fyrir æviframlag þeirra
Fyrir framúrskarandi
framlag til menningar
Heiðursfólk Viðstaddir heiðursverðlaunahafar stilltu sér upp ásamt Sólveigu Pétursdóttur við athöfnina í gær.
Morgunblaðið/Sverrir