Morgunblaðið - 05.01.2007, Blaðsíða 60
ÁSKRIFT-AFGREIÐSLA 569 1100 FÖSTUDAGUR 5. JANÚAR 5. DAGUR ÁRSINS 2007 VERÐ Í LAUSASÖLU 220 KR. MEÐ VSK.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
S 3–8 m/s. Létt-
skýjað norðan- og
austanlands og
hiti nálægt frost-
marki en skúrir eða slydduél
sunnan- og vestanlands. » 8
Heitast Kaldast
5°C -2°C
ÁN ÞESS að oftúlka titilinn á fyrstu sóló-
plötu sinni segir tónlistarmaðurinn Jónas
Sigurðsson hann tákna þrá til að komast frá
hinum efnislega heimi. Platan nefnist Þar
sem malbikið svífur mun ég dansa og kom út
fyrir jólin. Hún hefur hlotið nokkra athygli
og fékk m.a fjórar stjörnur hjá gagnrýnanda
Morgunblaðsins.
Þrátt fyrir að vera nýliði á tónlistarsviðinu
sem einyrki er Jónas enginn nýliði í tónlist-
arbransanum almennt. Á yngri árum var
hann trommari í þungarokkshljómsveitinni
Trössunum en líklega er hann þekktari fyrir
að vera söngvarinn í hinum fornfrægu Sól-
strandargæjum sem urðu landsfrægir fyrir
slagarann „Rangur maður“.
Í viðtali við Morgunblaðið í dag segir Jón-
as að hann hafi hálfpartinn kviðið fyrir því að
leggja þetta sólóefni fram, sérstaklega þar
sem hann ákvað að gera heiðarlega og ein-
læga plötu sem endurspeglaði líf hans. | 48
Gamall Sólstrand-
argæi gefur út
ÞAÐ fór vel á með þeim Thor
Vilhjálmssyni og Kristjáni Dav-
íðssyni í Alþingishúsinu í gær.
Tilefnið var að þrír listamenn
bættust í hóp þeirra þrjátíu sem
Alþingi veitir árlega heiðurslaun
fyrir framúrskarandi framlag til
íslenskrar menningar.
Þeir Thor og Kristján eru báð-
ir í hópi heiðurslistamanna Al-
þingis og voru viðstaddir mót-
tökuna ásamt fleiri kollegum
sínum.
Þrír nýliðar
Nýliðarnir eru þau Guðmunda
Elíasdóttir, söngkona og söng-
kennari, Guðmundur Jónsson
söngvari og Magnús Pálsson
myndlistarmaður.
Heiðurslaun eru veitt hverjum
listamanni til æviloka en með
þeim vill Alþingi „sýna sínum
bestu listamönnum sóma“, eins
og meðal annars kom fram í
máli Sólveigar Pétursdóttur, for-
seta Alþingis í gær. | 48Morgunblaðið/Sverrir
Gaman hjá
Kristjáni
og Thor
Eftir Sunnu Ósk Logadóttur
sunna@mbl.is
GERT er ráð fyrir að kostnaður við S-merkt lyf
á Landspítala – háskólasjúkrahúsi verði að
minnsta kosti um tveir milljarðar á þessu ári en
samkvæmt rekstraráætlun verða lagðar 280
miljónir króna aukalega í þennan þátt spítal-
arekstursins. Á síðasta ári gerði rekstraráætlun
spítalans ráð fyrir að kostnaður við S-merkt lyf
yrði um 1,7 milljarðar króna á verðlagi ársins
2007 en samkvæmt áætluðum rekstrarniður-
stöðum ársins mun kostnaður við lyfin nema
rúmum 1,9 milljörðum króna. Skýrist þetta af
miklum fjölda nýrra tegunda lyfja sem eru að
ryðja sér til rúms á markaðnum, t.d. öflugra
krabbameinslyfja og lyfja við ýmsum ónæmis-
sjúkdómum. „Lyfin eru hrikalega dýr,“ segir
Jóhannes M. Gunnarsson, framkvæmdastjóri
lækninga á LSH, en bendir á að mörg þeirra
auki verulega lífsgæði sjúklinga og sum geti
jafnvel læknað alvarlega sjúkdóma. „Það bíða
núna lyf til afgreiðslu sem munu valda 350 millj-
óna króna kostnaðarauka til viðbótar við áætl-
anir okkar,“ segir Jóhannes. Auðveldlega geti
kostnaðaraukningin numið rúmum 600 milljón-
um, verði öll lyf sem bíða afgreiðslu samþykkt.
Anna Lilja Gunnarsdóttir, framkvæmdastjóri
fjárreiðna og upplýsinga LSH, segist eiga von á
því að kostnaðaraukningin verði meiri en gert
hafi verið ráð fyrir í rekstraráætlun ársins.
Tekist hafi að halda nokkuð aftur af kostn-
aðaraukningunni, en hún sé hins vegar langt
umfram verðlagsþróun.
Jóhannes líkir þróuninni nú við stökkbreyt-
ingu. „Við áttum von á þessari holskeflu,“ segir
hann, „núna er hún orðin að veruleika.“
Mönnun í endurskoðun | Miðopna
Holskefla nýrra og dýrra
sjúkrahúslyfja á LSH
Gert er ráð fyrir 280 milljónum króna aukalega í rekstraráætlunum Land-
spítalans og ný lyf sem kosta um 350 milljónir króna bíða enn samþykktar
Eftir Silju Björk Huldudóttur
silja@mbl.is
BETUR fór en á horfðist þegar
bifreið Arnars Geirdals Guð-
mundssonar og Rutar B. Ásgeirs-
dóttur lenti á hálkubletti um
kvöldmatarleytið á miðvikudag
skammt frá golfvellinum í Borg-
arnesi með þeim afleiðingum að
bíllinn, fjórhjóladrifinn Hyundai
Starex, lenti utan vegar eftir að
hafa farið tvær veltur.
„Sennilega hefur það bjargað
okkur að við vorum bæði í beltum,
því nær allar rúðurnar í bílnum
brotnuðu og bíllinn er gjörónýtur
að sögn lögreglu,“ segir Rut, sem
þakkar forsjóninni að ekki fór
verr. Þau hjónin sluppu ótrúlega
vel og án allra meiðsla.
„Við vorum að koma að norðan
þegar við skyndilega lentum á
svakalegum hálkubletti og bíllinn
fór að dansa á veginum,“ segir
Rut og tekur fram að allnokkur
umferð hafi verið á veginum á
þessum tíma. Segir hún mikla
mildi að þau hafi ekki lent framan
á bílum sem komu á móti.
Að sögn Rutar finnst henni þó-
nokkuð umhugsunarvert að eng-
um þeirra bílstjóra, sem vitni
urðu að óhappinu eða keyrðu
framhjá bílnum þeirra, þar sem
hann var úti í móa með ljósin enn
kveikt, fannst ástæða til þess að
stoppa og athuga hvort farþegar
væru ómeiddir. „Mér finnst alveg
ótrúlegt að enginn skyldi stoppa
til að athuga hvort það væri í lagi
með okkur,“ segir Rut, en að sögn
lögreglu var það bílstjóri í bíl sem
var á undan bíl Rutar sem sá hvað
gerðist í baksýnisspeglinum og
hringdi á lögregluna.
„Lögreglan var greinilega
skammt undan og var komin á
staðinn nánast um hæl. Stuttu
seinna kom einnig sjúkrabíll. Við
vorum reyndar búin að biðja um
að hann yrði afpantaður þar sem
okkur fannst allt í lagi með okkur,
en þeir hafa greinilega viljað
skoða okkur og ganga úr skugga
um að allt væri í lagi,“ segir Rut
og vildi koma sérstökum þökkum
til lögreglu- og sjúkraflutnings-
manna fyrir góða aðhlynningu og
hlýlegt viðmót.
Segir bílbeltin hafa bjargað þeim
Fjöldi bílstjóra keyrði framhjá slysstað án þess að stoppa eða athuga með líðan farþeganna
Morgunblaðið/Kristinn
„SAMKVÆMT umferðarlögum ber vegfar-
endum skylda til að stoppa, aðstoða fólk í
neyð og láta vita af óhappi,“ segir Theodór
Kr. Þórðarson, yfirlögregluþjónn í Borgar-
nesi. „Það er af sem áður var þegar vanda-
málið var frekar hversu margir stoppuðu og
vildu leggja fólki í neyð lið,“ segir Theodór
sem talar af 30 ára reynslu sem lögreglu-
maður. Hann segir mögulegt að sumir stoppi
ekki þegar þeir sjái bíl utan vegar þar sem
þeir dragi þá ályktun að bíllinn sé yfirgefinn.
Til að bregðast við þessu segir hann lögregl-
una í Borgarnesi ávallt merkja slysstaði með
gulum lögregluborðum. „Sjái fólk borða er
því óhætt að aka framhjá án viðbragða því
borðinn þýðir að búið sé að sinna málinu. Sé
enginn borði er það hins vegar til merkis um
að um nýtt óhapp sé að ræða.“
Bílstjórum ber að
stoppa og láta vita
STÆRSTI banki heims, Citygroup, mælir
með kaupum á bréfum Kaupþings banka í
nýju verðmati sínu, sem er hið fyrsta sem
Citygroup gerir á íslenskum banka.
Telja sérfræðingar Citygroup virði
Kaupþings banka vera á bilinu eitt þúsund
til 1.036 krónur á hlut, en gengi bréfa Kaup-
þings var um fimmtungi lægra þegar matið
var gert 2. janúar sl. eða 841 króna á hlut.
Bréf Kaupþings hækkuðu í gær um 2,8% í
883 krónur á hlut. Fleiri fjármálafyrirtæki
munu birta greiningar á Kaupþingi á næst-
unni. | 16
Mælir með
Kaupþingi
♦♦♦