Morgunblaðið - 05.01.2007, Blaðsíða 28
Eftir Þuríði Magnúsínu Björnsdóttur
thuridur@mbl.is
ÍSLENSKA ullin hefur hlýjað land-
anum frá örófi alda, hún hefur þó
varla þótt tískufyrirbæri en á síð-
ustu árum hefur sköpunarkraftur
nútímans hafið hana til vegs og virð-
ingar. Ingibjörg Hanna Pétursdóttir
hefur tekið ástfóstri við íslensku
lambsullina en í síðastliðnum
desembermánuði opnaði hún versl-
unina HANNA í miðbæ Reykjavíkur
og selur þar sérhannaðan og fágaðan
kvenfatnað úr þæfðri íslenskri
lambsull og fleiru – allt undir merk-
inu HANNA.
„Útskriftarverkefnið mitt var
þæfð ullartískulína sem er nátt-
úrlega miklu þykkari en það sem ég
er með hér,“ segir Ingibjörg Hanna
spurð um hvernig ullaráhuginn hafi
vaknað. „Ég hafði prófað mig áfram
hjá Ístex og féll fyrir slæðunni af ull-
inni sem kemur úr vélunum hjá þeim
og fór að hugsa hvað ég gæti gert við
þetta. Þá byrjaði ég að þæfa og fór
til Finnlands þar sem ég lærði vel að
handþæfa. Eftir útskrift leitaði ég að
einhverju hér á Íslandi til þess að
koma framleiðslu af stað. Það er
draumur minn að koma því áleiðis að
hægt sé að nýta íslenska lambsull
meira og betur í vefnað en gert hefur
verið. Ég nota eingöngu lambsull en
hún er mjög fín og miklu mýkri ull
og þægilegri en þessi hefðbundna,“
lýsir Ingibjörg Hanna en frá lokum
ársins 2001 hefur hún unnið með
Ullarvinnslu frú Láru á Seyð-
isfirði við að þróa efnið.
„Það þurfti að finna út hvaða
efni og aðferð kæmi best út,
þau fyrir austan hafa líka þró-
að band úr lambsull sem er
mjög mjúkt.“ Hún leggur ein-
mitt áherslu á að fatnaður
hennar sé í senn þægilegur og
glæsilegur – jakkar, kápur,
pils og peysur – en vörulínan
er gerð úr þæfðri ull í bómull,
þykkari ull er í jökkunum og
meiri bómull en ull í peys-
unum svo dæmi séu nefnd, að
auki má finna bómullar- og
silkivörur inni á milli.
HANNA hönnun
I. Hönnu
Ingibjörg Hanna hóf að fram-
leiða vörur fyrir alvöru upp úr
2002 undir eigin merki og hafa
HANNA-vörurnar verið seldar í
Hollandi, þar sem hún var í námi,
í Frakklandi, Bretlandi og Japan
en hún segir nokkuð mismunandi
eftir löndum hvaða vörur seljist,
ullin aðallega í Bretlandi en
meira af bómullarvörum í París
– lambsullin veki þó alltaf eft-
irtekt án þess að hún leggi sér-
staka áherslu á íslenskan upp-
runann, vörurnar kynni sig
sjálfar.
Eftir þrettán ár í Hollandi ákvað
hún að flytja til Íslands sl. sumar
ásamt fjölskyldu sinni, þó ekki í
búðarhugleiðingum. „Ég byrjaði á
því að koma mér upp vinnustofu en
svo fyrir einum og hálfum mánuði
var ég á gangi hérna niðri í bæ og sá
þetta húsnæði, síðan hefur hraðinn
verið mikill en allt vel þess virði. Það
er eitthvað við þetta hús sem ég féll
strax fyrir.“
Húsið sem hún féll fyrir er Lauga-
vegur 20b og svo virðist sem vegfar-
endur hafi fallið fyrir því sem er inni
í búðinni: „Viðtökurnar hafa farið
fram úr björtustu vonum, ég átti
heldur ekki von á því að svona margt
fólk kæmi bara inn af götunni. Mað-
ur tekur vissa áhættu við að opna
svona búð og nú ver ég mestum tíma
mínum hér. Ég fer svo aftur af stað í
febrúar/mars að kynna línuna á sýn-
ingum,“ segir hönnuðurinn Ingi-
björg Hanna.
Ofið úr lambsullinni
Morgunblaðið/Kristinn
Lambsull á Laugaveg Ingibjörg Hanna Pétursdóttir féll fyrir slæðunni af ullinni sem kom úr vélunum hjá Ístex.
Vekur eftirtekt HANNA-
vörurnar eru í senn glæsi-
legar og þægilegar.
Mjúkt Þæfð íslensk lambsull er undirstaða hönnunar Ingibjargar Hönnu.
tíska
28 FÖSTUDAGUR 5. JANÚAR 2007 MORGUNBLAÐIÐ
Treystið aldrei alfarið á
kertaslökkvara
Munið að slökkva
á kertunum
i l
Slökkvilið Höfuðborgar-
svæðisins