Morgunblaðið - 05.01.2007, Blaðsíða 26
Bragðmikið Indverskt tómatsalat.
Þegar eldað er á indverska vísu skiptirkryddið auðvitað miklu máli enda erindverskur matur að hætti Indverjavel sterkur fyrir Vesturlandabúa.
Þegar ég elda indverskan mat fyrir Íslendinga
dreg ég því svolítið úr kryddnotkuninni svo að
menn komi sæmilega heilir út úr veislunum
mínum,“ segir matgæðingurinn Mahesh Aron
Kale, sem oftar en ekki stendur yfir pottum í
eldhúsinu sínu því honum finnst bæði gaman að
bjóða til veislu og elda fyrir vini og kunningja.
Mahesh hefur verið búsettur á Íslandi meira
og minna undanfarin tuttugu ár. Hann er fædd-
ur og uppalinn í Poona í Maharashtra-fylki á
Indlandi, en bjó í nokkur ár í Bandaríkjunum
áður en hann settist að á Íslandi.
Hann starfar nú sem vagnstjóri hjá Stræt-
isvögnum Reykjavíkur. Daglegt líf lenti í veislu
að hætti Mahesh og falaðist að vonum eftir ind-
verskum uppskriftum í lokin. „Ég fer svo sem
ekki mikið eftir uppskriftum, heldur smakka
bara og prófa mig áfram þangað til ég er
ánægður. Ég skal þó reyna að búa til upp-
skriftir að matnum mínum ef fólk hefur áhuga á
að prófa heima. Þegar ég kom fyrst til Íslands
var ekki hægt að fá allt þetta krydd og sumt
hráefni, sem er svo nauðsynlegt í indverska
matargerð, en nú er öldin allt önnur,“ segir Ma-
hesh, sem að lokum nestaði blaðamann með
uppskriftum að indverskum spínatkjúklingi,
grænmetisrétti, djúpsteiktum kartöflubollum,
grænni gúrkusósu, tómatsalati og púrí, djúp-
steiktu brauði, sem Indverjar nota með flestum
réttum.
Indverskur spínatkjúklingur
2 laukar, skornir
1 msk. tómatpuré
6 meðalstórar kartöflur, skornar í bita
1 kg kjúklingabringur, skornar í bita
300 g spínat
1 msk. madras curry paste
1 msk. garam masala
¼ bolli rjómi
1 bolli jógúrt
handfylli af mozzarella-osti
4 msk. grænmetis- eða kornolía
Svitið laukinn í olíunni. Bætið tómatpuré
saman við og látið malla saman þar til olían fer
að skilja sig frá. Bætið þá skornum kartöflum
og kjúklingabringu og látið malla í nokkrar
Matgæðingurinn Mahesh Aron Kale hefur gaman að því að bjóða vinum og kunningjum upp á indverskan mat af heimaslóðum.
Austurlenskur krydd-
keimur liggur í loftinu
Púrí Indverskt flatbrauð sem er mikið borðað.
Litríkt Grænmetisréttur að hætti Mahesar.
Freistandi Djúpsteiktar kartöflubollur.Frískleg Græn gúrkusósa.
Ljúffengur Indverskur spínatkjúklingaréttur.
mælt með . . .
26 FÖSTUDAGUR 5. JANÚAR 2007 MORGUNBLAÐIÐ
Smákökurestar
Nú er kjörið tækifæri til að taka hús á þeim
frændum og frænkum sem ekki komust í jóla-
veislurnar um hátíðirnar. Eins má bjóða vinum
og ættingjum í kaffi og restar af smákökum.
Nýárstónleikar
Upplagt er að skella sér á Vínartónleika um
helgina, til að mynda hjá Tónlistarfélagi Ak-
ureyrar sem stendur fyrir Vínardansleik á
laugardagskvöld í Ketilhúsinu eða hjá Kamm-
ersveitinni Ísafold og Íslensku óperunni í
DUUS-húsum á laugardagskvöld og Íslensku
óperunni á sunnudagskvöld.
Þrettándabrenna
Víða verður tendrað bál í tilefni þrettándans
á laugardagskvöld og má búast við að rekast á
álfa, huldufólk og aðrar vættir við logana.
Meðal annars verða þrettándabrennur í
Fagralundi í Kópavogi, á Ásvöllum í Hafn-
arfirði, á Valhúsahæð á Seltjarnarnesi, við
Ægisíðu, við gamla Gufunesbæinn, við skátas-
kálann Vífilsbúð í Heiðmörk, neðan Holta-
hverfis í Reykjavík og á fleiri stöðum um land
allt. Þá má ekki gleyma brennunni í Leirvogi í
Mosfellsbæ þar sem álfakóngur, álfadrottning,
Grýla, Leppalúði og þeirra hyski munu taka
þátt í fögnuðinum.
Vatni fagnað
Grábrókarveita, sem er ný vatnsveita Orku-
veitu Reykjavíkur í Borgarfirði, verður form-
lega tekin í notkun í dag og verða hátíðahöld af
því tilefni í Skallagrímsgarði í Borgarnesi kl.
17 ef veðurguðirnir leyfa. Að öðrum kosti verð-
ur fagnaðurinn færður í íþróttahúsið í Borg-
arnesi. Þar munu Snorri Hjálmarsson tenór og
Páll á Húsafelli troða upp, sömuleiðis Bjarni
töframaður, Gísli Einarsson flytur vatns-
hugvekju og hljómsveitin Á móti sól með
Magna Ásgeirsson í broddi fylkingar mun
skemmta. Hátíðinni lýkur með flugeldasýn-
ingu á íþróttavallarsvæðinu.
Myndlistarsýning
Tilvalið er að lyfta upp andanum með því að
njóta fagurrar sjónlistar en myndlistarsýning
Jóhanns Torfasonar og Hlyns Helgasonar
verður opnuð kl. 15 í listasafni ASÍ á morgun.
Opið verður frá kl. 13 til 17 laugardag og
sunnudag.
Gamlir og góðir
Þeir sem enn hafa ekki fyllt skemmtana-
kvótann eftir gamlárs- og nýársfagnaði síðustu
helgar geta skellt sér á Kringlukrána og rifjað
upp gamla takta með Pops og Eiríki Hauks-
syni sem þar troða upp á föstudags- og laug-
ardagskvöld. Tjúttið stendur yfir frá kl. 23 til
03 bæði kvöldin.
Morgunblaðið/Sverrir
Morgunblaðið/Theodór Þórðarson
Morgunblaðið/Árni Sæberg
matur