Morgunblaðið - 05.01.2007, Blaðsíða 52

52 FÖSTUDAGUR 5. JANÚAR 2007 MORGUNBLAÐIÐ
fólk
Grettir
Smáfólk
Kalvin & Hobbes
Hrólfur hræðilegi
Gæsamamma og Grímur
Úthverfið
Kóngulóarmaðurinn
AAHHH
TJÚÚÚ! SNIFF
HANN HNERRAÐI
AFTUR Í
SESAMFRÆIN
ÞAÐ LÍTUR
ÚT FYRIR AÐ
ÞAÐ FARI AÐ
RIGNA
HVAÐ ÁTTU VIÐ, ÞAÐ ER
EKKI SKÝ Á HIMNI
HELDUR
ÞÚ AÐ
ÞAÐ FARI
EKKI AÐ
RIGNA?
NEI, HÆTTU ÞESSUM
KJÁNASKAP
HEFUR ÞÚ HEYRT UM
ORÐATILTÆKIÐ, „ALDREI GIFTAST
SKEGGJUÐUM KARLMANNI?“ NEI,
HVER
SAGÐI
ÞAÐ?
ÉG
ROP!
ELSKAN,
ÉG VANN Í
LOTTÓ!!
HÉRNA
ELSKAN TAKK
KÆRLEGA
HAMINGJA ER, AÐ SITJA Á STRÖND
OG KONAN ÞÍN RÉTTIR ÞÉR BJÓR ÁN
ÞESS AÐ ÞÚ ÞURFIR AÐ BIÐJA HANA
UM ÞAÐ
Á MEÐAN BÍLAÞJÓFARNIR REYNA AÐ
FLÝJA UNDAN KÓNGULÓARMANNINUM
ÞAÐ ER
EINHVER AÐ FARA
YFIR GÖTUNA
ÞAÐ ER
HANS
VANDAMÁL
SVONA!
Starfsmaður uppboðsskrifstofu Í Edinborg heldur á landakorti af Skot-
landi. Kortið er talið vera það elsta sinnar tegundar sem sýnir nákvæm
landamæri landsins og var gert að beiðni James V Skotakonungs árið 1540
þegar hann sigldi umhverfis ríki sitt. Kortið verður boðið upp í næstu viku
og vonast eigandinn til að fá um 3 milljónir króna fyrir það.
Reuters
Út úr korti?
Siðfræðistofnun Háskóla Ís-lands og Háskólaútgáfanhafa endurútgefið bókinaLeitin að tilgangi lífsins eftir
Viktor E. Frankl. Af því tilefni verður
efnt til dagskrár um bókina í Nor-
ræna húsinu í dag, föstudag, kl. 15.30.
Salvör Nordal er forstöðumaður
Siðfræðistofnunar: „Bókin kom fyrst
út á íslensku fyrir 10 árum í þýðingu
Hólmfríðar K. Gunnarsdóttur. Bók-
inni var strax mjög vel tekið og hún
hefur verið uppseld um allnokkurt
skeið og verið saknað á markaði,“
segir Salvör.
„Viktor E. Frankl var austurrískur
geðlæknir og rekur í bókinni fræga
kenningu sína um tilgangsmeðferð,
eða það sem hefur verið kallað þriðji
Vínarskólinn í sállækningum og kem-
ur m.a. í kjölfar Freuds og Jungs í
þeim fræðum,“ segir Salvör. „Í riti
Frankls gætir hins vegar hversdags-
legri skilnings á lífinu en hjá fyrr-
nefndum kollegum hans, en Frankl
rannsakar hvað gefur lífi mannsins
tilgang og lítur þannig til framtíðar
en ekki fortíðar eins og t.d. Freud.“
Viktor E. Frankl fæddist árið 1905,
lærði læknisfræði við Háskólann í
Vínarborg og stýrði taugafræðideild
Rothschild-spítalans. Árið 1944 var
hann handtekinn og fluttur í fanga-
búðir nasista í Auschwitz og síðar
Kaufering og Türkheim, og hann var
svo frelsaður í apríl 1945 af banda-
rískum hermönnum: „Fyrri hluti
bókarinnar fjallar um aðstæður í
fangabúðunum, á mjög sérstakan
hátt, sem er ólíkur því sem finna má í
öðrum verkum um helförina,“ segir
Salvör. „Frankl segir frá því hvernig
fólk bregst við, og lifir af, í ömurleg-
um aðstæðum fangabúðanna, og not-
ar kenningar sínar um tilgangs-
meðferð til skýringar. Lýsingin
verkar mjög sterkt á lesandann, en í
seinni hluta bókarinnar fer Frankl
nánar yfir atriði kenningar sinnar,
sem hann kallar lógóþerapíu.“
Bókin kom fyrst út 1946 og vakti
strax mikil viðbrögð. Hún hefur verið
þýdd á fjölda tungumála, og verið
kölluð eitt af höfuðritum sálfræð-
innar: „Bókin á síst minna erindi við
lesendur í dag en þegar hún var fyrst
gefin út,“ segir Salvör. „Frankl ræðir
stöðu mannsins í tómhyggju nú-
tímans, en í hnotskurn gengur kenn-
ing hans út á nauðsyn okkar til að
finna lífinu tilgang í viðfangsefnum
okkar. Það getur verið í hvort heldur
persónulegum samböndum, þjáningu
eða faglegum viðfangsefnum, s.s. í
vinnu eða list.“
Róbert H. Haraldsson, dósent við
heimspekiskor, mun flytja erindi sem
hann kallar Leitin að tilgangi lífsins
andspænis hinu illa. „Hann mun fjalla
um hvað einkennir þann samtíma
sem bókin talar til og setur efni bók-
arinnar í samhengi við vanda nútíma-
mannsins, þar sem fólk virðist oft
leggja meiri áherslu á hagsmuni en
mannhelgi,“ útskýrir Salvör. „Við
sama tækifæri munum við veita við-
urkenningu og peningastyrk, en sam-
kvæmt ákvæðum í útgáfusamningi
sem gerður var við Frankl vegna út-
gáfunnar 1997 skulu höfundarlaun
hans renna til góðgerðarmála. Ákveð-
ið var að styrkja aðila hér á landi sem
vinna að málefnum barna, og vonandi
kemur stuðningurinn í góðar þarfir.“
Siðfræði | Dagskrá í tilefni endurútgáfu bók-
arinnar Leitin að tilgangi lífsins í dag kl. 15.30
Tómhyggja og
tilgangur
 Salvör Nordal
fæddist í Reykja-
vík 1962. Hún
lauk stúdents-
prófi frá MS, BA-
prófi í heimspeki
frá HÍ og
M.Phil.-prófi frá
Sterling-háskóla
í Skotlandi. Sal-
vör hefur m.a. starfað sem fram-
kv.stj. Listahátíðar í Reykjavík,
framkv.stj. Íslenska dansflokksins
og sem blaðamaður. Hún hefur ver-
ið stundakennari við HÍ frá 1988 og
forstöðumaður Siðfræðistofnunar
HÍ frá 2001. Salvör er gift Eggerti
Pálssyni tónlistarmanni og eiga þau
samanlagt fjögur börn.