Morgunblaðið - 26.02.2007, Blaðsíða 17
menntun
MORGUNBLAÐIÐ MÁNUDAGUR 26. FEBRÚAR 2007 17
V e r ð l æ k k a n i r 1 . m a r s 2 0 0 7
Miklar breytingar eru í vændum á skattlagningu matvara. Verð á flestum
matvörum á að lækka um 6,1% og í nokkrum tilvikum um 14,1% við
lækkun virðisaukaskatts. Neytendastofa hvetur alla til að vera vakandi
og fylgjast með því hvort verð lækkar ekki örugglega 1. mars. Með
því að geyma kassakvittanir úr verslunum og bera saman eftir 1. mars
má greina verðbreytingarnar á einfaldan hátt. Leitið skýringa í verslun
ef verð lækkar ekki.
Á heimasíðu Neytendastofu, www.neytendastofa.is, hefur verið
opnuð vefgátt undir heitinu Verðlagsábendingar – láttu vita! Þar er
með skjótvirkum hætti hægt að koma á framfæri ábendingum um það
hvort lækkanir á vöruverði hafi ekki skilað sér. Á síðunni eru einnig
aðgengilegar upplýsingar um þær matvörur sem eiga að lækka í verði
sem og aðra þá þætti sem lækkunin tekur til, s.s. veitingaþjónustu,
hótelgistingu og fleira.
Neytendur – stöndum vaktina saman!
Fylgist með – og látið vita
Borgartúni 21 • 105 Reykjavík • Sími 510 1100 • www.neytendastofa.is
Neytendastofa
SAUÐUR í stærðfræði? Því má breyta. Ný rannsókn bendir
nefnilega til þess að nemendur sem trúa því að gáfur geti
þróast upplifa að einmitt það gerist hjá þeim.
Það hefur aldrei verið vísindalega sannað að trúin flytji
fjöll en nú hafa bandarískir vísindamenn fundið vísbendingar
um að hún geti í það minnsta breytt stærðfræðieinkunninni.
Forskning.no greinir frá rannsókn fræðimanna við Col-
umbia- og Stanford- háskólana í Bandaríkjunum þar sem 373
tólf ára börnum var fylgt eftir í tvö ár. Markmiðið var að sjá
hvaða áhrif viðhorf krakkanna hefðu á stærðfræðieinkunn
þeirra. Allir nemendurnir höfðu svipaðar einkunnir þegar
rannsóknin hófst en viðhorf þeirra voru nokkuð ólík.
Í ljós kom að þeir nemendur sem töldu mögulegt að þróa
með sér meiri gáfur fóru smám saman að standa sig betur en
þeir sem töldu að þeir yrðu að sætta sig við þær gáfur sem
forsjónin lét þeim í té þeim í upphafi. Eftir því sem tíminn
leið jókst munurinn á þessum tveimur hópum.
Trúin flytur fjöll og breytir einkunnum
Morgunblaðið/ÞÖK
Gáfnakenning Þeir nemendur sem töldu mögulegt að þróa
með sér meiri gáfur fóru smám saman að standa sig betur.
Sneru við blaðinu eftir fræðslu
Til að rannsaka málið ítarlegar tóku vísindamennirnir rúm-
lega 90 krakka sérstaklega til athugunar en börnin áttu það
sameiginlegt að stærðfræðieinkunnir þeirra höfðu versnað.
Nemendunum var skipt í tvo hópa sem báðir fengu að sitja
námskeið sem fjallaði um listina að læra. Öðrum hópnum
voru kynntar kenningar um hæfileika heilans til að þróa með
sér meiri gáfur en hinum ekki og niðurstöðurnar voru slá-
andi.
Nemendurnir sem fræddust um gáfnakenninguna sneru við
blaðinu og fengu mun betri einkunnir í stærðfræði en nem-
endurnir í hinum hópnum. Hjá þeim héldu einkunnirnar hins
vegar áfram að lækka.
Knús er
hollt
ALMENNILEGT faðmlag getur
dregið úr hættu á hjartasjúkdómum,
að því er ný bandarísk rannsókn sýn-
ir.
Berlingske tidende greinir frá því
að vísindamenn við Háskólann í
Norður-Karólínu hafi skipt 38 pörum
upp í tvo hópa. Helmingur paranna
fékk þau fyrirmæli að setjast niður og
rifja upp góðar stundir sem þau hefðu
upplifað saman, horfa í fimm mínútur
á rómantíska kvikmynd og að lokum
faðma hvort annað í 20 sekúndur.
Í hinum hópnum sat fólkið eitt síns
liðs og hugsaði um hvað það myndi
gera ef það hefði daginn alveg fyrir
sig sjálft. Eftir það stóð það á fætur
og var þannig í tuttugu sekúndur án
þess að fá knús.
Að því loknu átti fólkið í báðum
hópunum að greina frá upplifun sem
leiddi til þess að það varð stressað
eða reitt. Meðan á því stóð var blóð-
þrýstingur og púls fólksins mældur. Í
ljós kom að þau pör sem höfðu faðm-
ast mældust með miklu lægri tölur en
hinir. Að auki var minna magn af
streituhormóninu cortisól hjá þeim
sem höfðu knúsast.
Hár blóðþrýstingur og hraður púls
eru dæmigerð einkenni streitu. Vís-
indamennirnir líta því á niðurstöð-
urnar sem vísbendingu um að pör
sem faðmast mikið séu minna mót-
tækileg fyrir streitu og séu þar með í
minni hættu á að fá hjartasjúkdóma.
AP
Hollusta Sennilega stuðlar bæði
knúsið og fótboltinn að langlífi
þessara tveggja.