Morgunblaðið - 26.02.2007, Blaðsíða 19

gæludýr
MORGUNBLAÐIÐ MÁNUDAGUR 26. FEBRÚAR 2007 19
Yamaha píanó.
Yamaha píanó og flyglar
með og án SILENT búnaðar.
Veldu gæði – veldu Yamaha!
Samick píanó.
Mest seldu píanó á Íslandi!
Fáanleg í svörtu, hnotu og mahoný.
Verð frá 357.000 kr.
Goodway píanó.
Fáanleg í svörtu, hnotu og mahoný.
Verð frá 238.000 kr.
15 mán. Vaxtalausar greiðslur.
Estonia flyglar.
Handsmíðuð gæðahljóðfæri.
Steinway & Sons
Fyrir þá sem vilja aðeins það besta.
Til sýnis í verslun okkar.
H L J Ó Ð F Æ R A H Ú S I Ð
Suðurlandsbraut 32 • 108 Reykjavík • 591 5350

  




  






 
  ! "#$%& '(
' )*+%&
,-& ./ 0''
111!23+22!&
4

4
5
Eftir Jóhönnu Ingvarsdóttur
join@mbl.is
Hún Sigríður Dagbjarts-dóttir var að taka á mótivörum og afgreiða þærfrá sér í afgreiðslu Eim-
skipafélags Íslands þegar hún allt í
einu sá skel hanga á einu trébrett-
inu sem vörurnar koma á með skip-
unum frá útlöndum. Sigríður tók
skelina upp og sá þá að eitthvað lif-
andi barðist þarna um á hæl og
hnakka. Þegar betur var að gáð var
þar snigill á ferðinni sem hefur
gengið undir nafninu snigillinn
Skúli æ síðan honum var bjargað úr
prísundinni í alls ókunnu landi fyrir
hálfu öðru ári.
Finnst gúrkan algjört sælgæti
„Ég fór með Skúla litla heim, bjó
til bráðabirgðabúr fyrir hann úr
skál, sem ég setti plast yfir, og fór
að troða káli í litla dýrið. Hann
braggaðist vel og lifir nú eins og
blómi í eggi á eldhúsborðinu mínu, í
búri sem ég bjó til með því að kaupa
plastílát með loki, boraði göt á og
setti mold og mosa í botninn. Ég
passa að úða vatni reglulega í botn-
inn til að halda mosanum og mold-
inni rakri því að Skúla virðist líka
rakinn vel,“ segir Sigríður, sem býr
ein ásamt Skúla og kettinum
Skugga, sem er norskur dags-
farsprúður skógarkisi og fékk
þetta heiti þar sem hann elti eig-
anda sinn eins og skuggi um allt
eftir komuna til Íslands. Skuggi,
sem er bröndóttur að lit, er ekki
ólöglegur innflytjandi, þó norskur
sé, enda kom hann löglega til lands-
ins árið 2002 og fór í gegnum ein-
angrunarstöðina í Hrísey í þokka-
bót. Skuggi og Skúli eru þó engir
perluvinir og hefur húsmóðirin
helst kosið að hafa þá ekki nálægt
hvor öðrum, af ótta við hugsan-
legar afleiðingar ef Skuggi héldi til
dæmis að Skúli væri sunnudags-
steikin.
Skúli, sem er um 10 sentimetra
langur snigill, hefur oft týnst ef lok-
ið hefur ekki verið nógu þétt á
búrinu hans, en þá hefur Sigríður
bara elt slímslóðina og fundið Skúla
á vísum stað. Hans helsta fæða er
kál og gúrka, en honum finnst
gúrkan algjört sælgæti. Og svo hef-
ur hann verpt eggjum í moldina
þrisvar sinnum á hálfu öðru ári,
mismörgum þó í einu. „Sniglar eru
nefnilega tvíkynja og geta því fjölg-
að sjálfum sér, en öll afkvæmin
hans Skúla litla hafa dáið og engin
þeirra komist á legg. Ég held að
litlu sniglarnir hafi dáið vegna míns
klaufaskapar því að ég gætti ekki
að því að hafa moldina nógu raka.
Ég hef svo sem engan áhuga á því
að koma mér upp sniglafjölskyldu
og þaðan af síður hef ég hug á því
að láta afkvæmin frá mér, eins og
ég hef reyndar verið beðin um
nokkrum sinnum, því ef sniglarnir
sleppa út geta þeir fjölgað sér eins
og kanínur. Og þá gætu þeir farið
að éta sig í gegnum blóm og
garða,“ segir Sigríður.
Afskaplega rólegt gæludýr
Eftir að Sigríður hafði fundið
Skúla og borið hann heim fór hún á
Netið til að leita sér upplýsinga.
Hún komst í samband við snigla-
fræðing í útlöndum, sendi mynd af
nýja nýbúanum og komst að því að
Skúli væri landsnigill og kæmist
hraðast af sniglategundunum í
heiminum.
„Skúli er líka afskaplega rólegt
gæludýr og þarf lítið fyrir honum
að hafa, svo fremi sem hann fær
kálbitann sinn og gúrkubitann. Ég
hef líka af og til verið að gefa hon-
um eggjaskurn því mér er sagt að
kalkið í eggjaskurn sé gott fyrir
skelina hans Skúla litla.“
Kattavinur Sigríður Dagbjartsdóttir átti fyrir noska skógarköttinn
Skugga sem, ólíkt Skúla, kom löglegu leiðina til landsins.
Morgunblaðið/Golli
Innflytjandinn Snigillinn Skúli er ólöglegur innflytjandi og finnst gott að borða gúrku og kál.
Snigillinn Skúli er
ólöglegur innflytjandi