Morgunblaðið - 02.04.2007, Síða 6

6 MÁNUDAGUR 2. APRÍL 2007 MORGUNBLAÐIÐ
FRÉTTIR
ÞRÍR ökumenn voru teknir fyrir
ölvunarakstur á höfuðborgarsvæð-
inu á laugardagskvöld og í fyrri-
nótt. Tveir voru stöðvaðir í mið-
borginni, fyrst kona á sextugsaldri
en hún var tekin skömmu fyrir mið-
nætti og klukkan að ganga þrjú var
karlmaður á fertugsaldri stöðvaður
fyrir sömu sakir. Þriðji ökumað-
urinn var svo tekinn í Kópavogi um
fimmleytið en sá er karlmaður á
fimmtugsaldri. Hinn sami má líka
búast við sekt fyrir hraðakstur. Til
viðbótar stöðvaði lögreglan ungan
ökumann sem hefur aldrei öðlast
ökuréttindi. Sá er 16 ára og vantar
enn nokkra mánuði upp á að fá bíl-
próf.
Átján umferðaróhöpp voru til-
kynnt lögreglunni á höfuðborg-
arsvæðinu á síðasta sólarhring, nær
öll minniháttar.
Teknir fyrir
ölvunarakstur
í miðbænum
VINNUSLYS varð um borð í flutn-
ingaskipinu Kársnesi í Hafnarfjarð-
arhöfn, þegar maður féll af gámi
sem verið var að hífa á skipinu. Til-
kynnt var um slysið um kl. 18 á
laugardagskvöld.
Að sögn lögreglu stóð maðurinn
ofan á gámnum og þegar byrjað var
að hífa hann upp kom slinkur á
gáminn. Maðurinn missti jafnvægið
og féll 2,8 metra niður á skipsgólfið
Hann kenndi sér eymsla í báðum
handleggjum, hægri fótlegg og
andliti og var fluttur á slysadeild en
hann var með meðvitund þegar
sjúkraflutningamenn komu.
Féll nærri 3
metra í skipi
Eftir Elvu Björk Sverrisdóttur
elva@mbl.is
ÞEKKINGARMIÐSTÖÐ sem
þjónar blindum og sjónskertum
námsmönnum á öllum skólastigum
þarf að komast á laggirnar hér á
landi sem allra fyrst. Þetta segir
Halldór Sævar Guðbergsson, for-
maður Blindrafélagsins. Hann
bindur vonir við að nýstofnaður
framkvæmdahópur á vegum
menntamálaráðuneytisins geti
unnið hratt, en um 130 börn á
aldrinum 0-18 ára hafa 30% sjón
eða minna en það. Halldór segir
stöðu mála hér á landi alvarlega
og mikið skorti á að námsskilyrði
blindra barna og unglinga séu full-
nægjandi.
Halldór heimsótti nýlega Má
Gunnarsson, sex ára blindan dreng
og fjölskyldu hans, sem nú eru bú-
sett í Lúxemborg. Þangað fluttist
fjölskyldan svo Már litli gæti notið
fullnægjandi kennslu.
Í Lúxemborg kynnti Halldór sér
þekkingarmiðstöð sem þar hefur
verið komið á laggirnar og leist
mjög vel á. Hann segir oft erfitt
fyrir Íslendinga að bera sig saman
við það sem gerist í útlöndum enda
séum við fámenn þjóð. Í Lúxem-
borg búi um 450.000 manns en
þrátt fyrir það sé mjög góð þjón-
usta veitt í þekkingarmiðstöðinni
við 93 börn sem þurfa á henni að
halda. Íslendingar ættu að geta
fylgt í þessi fótspor.
Nemendurnir öðlist sjálfstæði
Starf þekkingarmiðstöðvarinnar
sé byggt þannig upp að hverjum
og einum nemanda sé veitt þjón-
usta í sínum skóla allt frá einum
og upp í tuttugu tíma á viku, eftir
getu einstaklinganna. Í þekking-
armiðstöðinni vinni saman teymi
sálfræðinga, sjónþjálfa, umferlis-
kennara, kennara og annars fag-
fólks. „Lykilsetning hjá þeim er að
þau reyni að gera sig óþörf, að
nemendurnir verði það sjálfstæðir
að tímunum sé smátt og smátt
fækkað. Það er mælikvarðinn á
gæði þjónustunnar,“ segir Halldór.
Már hóf skólagöngu í Lúxemborg í
haust en hann fær 20 tíma kennslu
í blindraletri á viku. Már kunni
ekkert í letrinu þegar hann hóf
námið, enda hafði hann ekki fengið
kennslu í því á Íslandi. „Það var
virkilega gaman að sjá hvað Má
hefur farið mikið fram á stuttum
tíma. Hann er alveg á fleygiferð
með að læra blindraletur og annað
en slíka kennslu fékk hann ekki á
Íslandi. Ég skil núna svo vel, eftir
að hafa heimsótt foreldrana og
hann sjálfan, að þau hafi tekið
þessa ákvörðun eftir að þau voru
búin að skoða aðstæðurnar úti,“
segir Halldór. Hann viti nokkur
dæmi þess að fólk hafi flust úr
landi með blind börn sín svo þau
geti notið betri kennslu en hluti
þess hóps vilji gjarnan snúa aftur
verði gerð bragarbót á kennslu-
málunum hér.
Eitt af því sem vakti athygli
Halldórs í þekkingarmiðstöðinni í
Lúxemborg er að þar vinna saman
á sama stað kennararnir og þeir
sem búa til námsefnið. „Það voru
sex starfsmenn í að búa til og að-
laga námsefni fyrir blinda og sjón-
skerta.“ Á Íslandi sjái Blindra-
bókasafnið um að útbúa námsefni
á blindraletri og stækkuðu letri og
einn til tveir starfsmenn safnsins
sinni því.
„Þetta sannaði fyrir mér að það
er hægt að byggja upp öfluga og
góða þjónustu þó að við séum fá-
menn. Ég er enn sannfærðari um
að þekkingarmiðstöð er það sem
við þurfum.“
Fagþekking fljót að tapast
Spurður um hvers vegna slíkri
miðstöð hafi ekki verið komið á fót
nú þegar segir Halldór að senni-
lega skýri það margir samverkandi
þættir. Árið 2004 hafi komið út
skýrsla á vegum menntamálaráðu-
neytisins þar sem fram hafi komið
að stofna ætti þekkingarmiðstöð.
„Síðan hefur ósköp lítið gerst og
þjónustan hefur versnað,“ segir
Halldór. Blindradeild Álftamýrar-
skóla, þar sem blind og sjónskert
börn fengu menntun, var lögð nið-
ur árið 2004 og ekkert hefur komið
í staðinn. „Það sem gerist er að
fagþekkingin glutrast niður á mjög
skömmum tíma,“ segir Halldór.
Hann bætir við að Blindrafélagið
og Blindravinafélagið hafi óskað
eftir samstarfi við Kennaraháskóla
Íslands um stofnun sjóðs sem eigi
að mennta kennara og annað fag-
fólk. „Við erum að vinna að stofn-
un sjóðsins sem verður innan tíðar
en stofnframlagið er 20 milljónir
króna.“ Blindrafélagið hafi mestar
áhyggjur af þeim hópi barna sem
sjá 10% eða minna. „Við viljum að
sjálfsögðu að öllum þessum börn-
um sé sinnt og þau fái aðgang að
öllum hjálpartækjum og kennslu
og fái námsefni á því formi sem
hentar þeim.“
Halldór segist vonast til þess að
þekkingarmiðstöð komist á fót hér
innan skamms tíma. „Það má ekki
bíða í mörg ár meðan menn rífast
um það hver á að borga og hver á
að veita þjónustuna. Það verður
einhver að taka af skarið og
menntamálaráðherra hefur gert
það með stofnun framkvæmda-
hópsins.“
Þarf þekkingarmiðstöð
Formaður Blindrafélagsins kynnti sér starf þekkingarmiðstöðvar í Lúxemborg
þar sem öflug þjónusta við blinda er veitt í 450 þúsund manna samfélagi
Blindrastafir Halldór Sævar og Már, sex ára, bera saman stafina sína.
NOKKUR erill var hjá lögreglunni
á höfuðborgarsvæðinu í fyrrakvöld
og fyrrinótt. Margar kvartanir bár-
ust vegna hávaða í heimahúsum og
ekki fóru öll samkvæmin vel fram.
Ástandið í miðborginni var hins
vegar skárra en oft áður en þar
voru ekki mjög margir á ferli.
Að sögn lögreglu var samt eitt-
hvað um pústra og einn gestur
skemmtistaðar fór nefbrotinn
heim. Þá sló 18 ára piltur tvo lög-
reglumenn í andlitið og var hand-
tekinn á staðnum.
Erilsamt hjá
lögreglunni
Eftir Einar Fal Ingólfsson
efi@mbl.is
„HANN tók bláa flugu – bláa
drottningu!“ kallaði Kristinn H.
Þorsteinsson til félaganna sem voru
að veiða með honum á Bökkunum
við Vatnamótin í Skaftá í gærmorg-
un, þegar hann setti í fyrsta fiskinn.
Klukkan var rétt rúmlega níu og
þetta var fyrsti sjóbirtingur morg-
unsins, á fyrsta stangveiðidegi árs-
ins. „Þetta er ekkert aprílgabb,“
sagði Kristinn þegar hann landaði
átta punda fiski fimmtán mínútum
síðar.
Veðrið lék við veiðimenn sem
tóku að egna fyrir birtinginn í Vest-
ur-Skaftafellssýslu í gærmorgun;
hægur suðvestanandvari, hlýtt og
bjart í kjölfar regnvotrar nætur.
Veiðimönnum sem óðu langt út á
vatnasvæði Vatnamótanna, og leit-
uðu að fiski í skilum ferskvatns og
jökulvatns, gekk vel. Á fyrstu
tveimur tímunum settu þeir í og
lönduðu hátt í tug birtinga.
Þegar heilsað var upp á veiði-
menn í Tungulæk, vestan við
Skaftá, voru allir með kengbognar
stangir við veiðistaðinn Holuna,
næst jökulánni. Þeir voru búnir að
landa á þriðja tug fiska fyrir há-
degi. Mikið af geldfiski á bilinu 45
til 50 cm en inn á milli voru langir
niðurgöngufiskar, allt að 80 cm. Jó-
hannes Sturlaugsson fiskifræð-
ingur var veiðimönnunum til að-
stoðar og skráði aflann. Hann
leitaði einnig að einhverjum þeirra
200 birtinga sem hann merkti í
Tungulæk í vor. Einn var kominn í
leitirnar.
Þórarinn Kristinsson, eigandi
lækjarins, var ánægður með morg-
uninn en bjóst við örum tökum að
nýju undir kvöld. Og það gekk eftir,
í gærkvöldi voru 89 komnir á land.
Nokkru vestar, í Tungufljóti í
Skaftártungum, veiddu Valgarður
Ragnarsson og félagar hans 15 birt-
inga í gærmorgun. „Aðstæðurnar
hafa verið erfiðar, það er mjög mik-
ið vatn og skolað,“ sagði Valgarður
þar sem hann kastaði flugunni á
Fitjarbakka. Hann bætti við að fisk-
arnir hefðu verið smærri en síðustu
tvö ár, mikið um sex pund.
Veiðimenn sem opnuðu Minni-
vallalæk í Landsveit í gærmorgun
veiddu 12 urriða, alla í Stöðvarhyl.
Seinnipartinn tóku Jónmundur
Guðmarsson bæjarstjóri og tveir fé-
lagar hans við, þeir voru fljótlega
komnir með átta, einnig úr Stöðv-
arhyl. „Við vorum allir með fisk á í
einu áðan, en svo datt takan niður,“
sagði Jónmundur.
Víða voru vatnavextir og skolað
vatn að gera veiðimönnum erfitt
fyrir. Erfitt var um vik í Geirlandsá
og í Varmá/Þorleifslæk, þótt ein-
hverjir fiskar hafi veiðst þar. Þá
var Sogið skolað.
Á Vesturlandi voru Hítará og
Grímsá óveiðandi og meira að segja
Hraunsfjörður var skolaður. Hins
vegar var góð veiði í opnun Litluár
í Kelduhverfi, sjö birtingar komu
þar á land í blíðunni í gærmorgun.
Áttatíu og níu
úr Tungulæk
Morgunblaðið/Einar Falur
Sá fyrsti Hjalti Magnússon snarar fyrsta birtingi dagsins á land í Vatnamótunum, fyrir Kristin H. Þorsteinsson.
STANGVEIÐI