Morgunblaðið - 06.06.2007, Blaðsíða 9

MORGUNBLAÐIÐ MIÐVIKUDAGUR 6. JÚNÍ 2007 9
FRÉTTIR
Opið virka daga kl. 10-18 laugardaga kl. 10-16
• Engjateigur 5
• Sími 581 2141
Léttar sumarúlpur
Kringlan • Sími 533 4533
Smáralind • Sími 554 3960
Vertu velkomin á eftirtaldar kynningar
milli kl. 13-17 báða dagana:
Fimmtud. 7. júní í Hygea Kringlunni
Föstud. 8. júní í Hygea Smáralind
CELLULAR RADIANCE CONCENTRATE
PURE GOLD
La Prairie kynnir nýtt öflugt 24 karata Gull-Serum
TAX-FREE
dagar
One golden drop...
one De-Aging minute ...
one glowing face
Nýbýlavegi 12, Kóp. • Sími 554 4433
Opið virka daga kl. 10-18,
laugard. kl. 10-16
Sumarbolir og toppar
í úrvali
Fáðu fréttirnar
sendar í símann þinn
Eftir Önund Pál Ragnarsson
onundur@mbl.is
„ÞAÐ vitum við öll sem erum hér
inni að gott orðspor er verðmætasta
landkynningin, og hér hefur vel tek-
ist til,“ sagði Vilhjálmur Þ. Vil-
hjálmsson borgarstjóri í gær þegar
tilkynnt var að skráning í Reykjavík-
urmaraþonið, sem fram fer í ágúst,
væri hafin. Hann kvaðst afar ánægð-
ur með það hvernig staðið hefði verið
að hlaupinu á undanförnum árum og
lofaði að klára sjálfur skemmtiskokk-
ið. Hann sagði hróður Reykjavík-
urmaraþonsins hafa borist um lönd
og álfur sem væri jákvætt fyrir
hlaupið og ekki síður fyrir Reykja-
víkurborg og landið allt.
Maraþonið fer fram að morgni
Menningarnætur í Reykjavík laug-
ardaginn 18. ágúst, sem einnig er af-
mælisdagur Reykjavíkurborgar.
Gera betur en í fyrra
Í fyrra hét Glitnir á starfsmenn
sína í hlaupinu og söfnuðust þá 23
milljónir króna sem runnu til 55 góð-
gerðarfélaga. Nú er ætlunin að gera
betur. Auk þess að heita 3.000 krón-
um á hvern kílómetra sem starfs-
menn hlaupa heitir bankinn 500
krónum á hvern kílómetra sem við-
skiptavinir hans hlaupa. Hjálpfúsir
hlaupahópar geta því tekið sig saman
um að afla stórra upphæða fyrir góð-
gerðarfélög að eigin vali.
Margir keppendur hafa þegar sett
sér markmið, en þær Anna Björg
Stefánsdóttir, Hrönn Bergþórs-
dóttir, Inga Margrét Skúladóttir og
Sigurbjörg Eðvarðsdóttir, sem allar
eru viðskiptavinir bankans, munu
samanlagt hlaupa 94 kílómetra til
styrktar góðum málefnum og þannig
afla 47.000 króna í góðgerðarstarf.
Þær hyggjast styrkja Félag aðstand-
enda Alzheimers-sjúklinga, Um-
hyggju, ADHD-samtökin og Einstök
börn.
Þýðingarmikið fyrir bankann
Lárus Welding, forstjóri Glitnis,
segir maraþonið hafa mikla þýðingu
fyrir sitt fólk.
„Við höfum náttúrlega þessa sam-
félagslegu ábyrgð sem eitt stærsta
fyrirtæki á Íslandi að gefa til baka til
samfélagsins, að gefa til góðgerð-
armála. Þetta er mjög skemmtileg
leið til þess að gera það. Við sam-
tvinnum verkefni þar sem starfs-
menn okkar og viðskiptavinir sam-
mælast bæði um að rækta sína eigin
heilsu og að styrkja gott málefni,“
sagði Lárus sem sjálfur ætlar að
leggja 10 kílómetra að baki til styrkt-
ar Umhyggju, stuðningsfélagi lang-
veikra barna.
Öll met eru í hættu
Reykjavíkurmaraþon er fram-
kvæmt í samstarfi við Íþrótta-
bandalag Reykjavíkur. Frímann Ari
Ferdinandsson er framkvæmdastjóri
maraþonsins. Hann er bjartsýnn á að
þátttökumetið frá í fyrra verði slegið
í ár, en þá tóku 10.200 manns þátt,
enda sjáist fólk nú hlaupa og æfa sig
víða um borgina. Einnig er hann
þakklátur fyrir að áheitasöfnunin
skuli vera orðin að veruleika. Slíkar
safnanir eru víða einkenni viðburða
af þessu tagi, til dæmis í London,
New York og Berlín. Með þessu móti
líkist Reykjavíkurmaraþonið slíkum
stórviðburðum meira, þó að þar séu
reyndar fleiri þátttakendur. Mara-
þon og hálfmaraþon hefjast klukkan
níu að morgni 18. ágúst og styttri
vegalengdir síðar um daginn.
Glitnir heitir á
viðskiptavini sína
 Reykjavíkurmaraþon Glitnis fer fram á afmæli
borgarinnar 18. ágúst.  Búist er við metþátttöku.
Morgunblaðið/ÞÖK
Allir sigra! Borgarstjóri og forstöðumenn Reykjavíkurmaraþons, ásamt
fjórum viðskiptavinum bankans sem hyggjast hlaupa tæplega 100 kíló-
metra samanlagt til styrktar góðum málefnum.
Í HNOTSKURN
»Opnað hefur verið fyrirskráningu í hlaupið á vef-
síðunni marathon.is.
»Boðið verður upp á keppnií maraþoni (42 km), hálf-
maraþoni og 10 kílómetrum
auk 3 kílómetra skemmti-
skokks.
»Latabæjarmaraþonið sló ígegn hjá yngstu kynslóð-
inni í fyrra og verður end-
urtekið í ár.
HÉRAÐSDÓMUR Reykjaness hef-
ur dæmt tvo fyrrverandi ritstjóra
DV, þá Pál Baldvin Baldvinsson og
Björgvin Guðmundsson, til að greiða
Geir Ericssyni 500 þúsund krónur í
miskabætur fyrir ummæli sem höfð
voru um hann í frétt í blaðinu á síð-
asta ári þar sem hann var bendlaður
við umfangsmikla afbrotastarfsemi.
Þá eru ummælin einnig dæmd dauð
og ómerk.
Samkvæmt stefnu í málinu voru
málsatvik með þeim hætti að 7. apríl
2006 birtist frétt í DV með aðalfyr-
irsögninni „Brasilískar mellur og
dóp í hóruhúsi í Ármúla“.
Undir millifyrirsögninni „Góð-
kunningjar lögreglunnar“ var haft
eftir ónafngreindum vitnum að „alls
kyns óþjóðalýður“ hefði vanið komur
sínar í húsnæðið í Ármúlanum.
Þeirra á meðal „athafnamaðurinn
Geir Ericsson“.
Að mati dómsins varð ekki annað
séð en að sterklega væri ýjað að því
að Geir ætti þátt í þeirri brotastarf-
semi sem lýst var. Engin gögn hefðu
verið lögð fram af hálfu blaðamanna
og ritstjóra DV sem sönnuðu það og
fleira og dugði þeim ekki að vísa ein-
ungis til nafnlausra heimildarmanna.
Hafa bæri í huga að um væri að ræða
grafalvarlegar ásakanir á hendur
nafngreindum manni. Var það því
mat dómsins að ummæli DV fælu í
sér ærumeiðandi aðdróttun þótt ekki
yrði sýnt að ummælin hefðu verið
höfð uppi gegn betri vitund þannig
að háttsemin bryti gegn almennum
hegningarlögum.
Halldór Björnsson, settur héraðs-
dómari, dæmdi málið.
Ritstjórar DV bótaskyld-
ir vegna aðdróttana