Morgunblaðið - 06.06.2007, Page 51
MORGUNBLAÐIÐ MIÐVIKUDAGUR 6. JÚNÍ 2007 51
SAMÚEL Jón Samúelsson heldur ásamt stórsveit tónleika
í Edinborgarhúsinu á Ísafirði næstkomandi laugardag.
Samúel sendi nýverið frá sér breiðskífuna Fnyk og nú þyk-
ir tími til kominn að Ísfirðingar fái smjörþefinn af henni.
„Tónleikarnir eru vonandi einungis upphafið að frekari
spilamennsku á landsvísu,“ segir Samúel, en eins og gefur
að skilja getur verið erfitt að smala saman öllum þeim
hljóðfæraleikurum sem stórsveitina skipa.
Þegar hann er spurður út í nýútkomna plötu sína segir
hann að upptökur hafi gengið vonum framar. „Við fleygð-
um bara í kjötsúpu og létum svo malla yfir helgi. Eft-
irvinnslan tók síðan um tvær vikur.“
Gunnar Örn Tynes í Múm stjórnaði upptökum og ein-
vala lið hljóðfæraleikara strýkur strengi, lemur húðir og
þenur lúðra.
Samúel er með fleiri járn í eldinum en ný plata með
fönkbandinu Jagúar er væntanleg í lok sumars.
Stuttir upphitunartónleikar Samúels og stórsveitar hans
verða haldnir í kjallara Skífunnar á Laugavegi 26 föstu-
daginn næstkomandi. Þeir hefjast á slaginu 17:00 og eru
allir að sjálfsögðu velkomnir.
Fnykur berst til Ísafjarðar
Morgunblaðið/Golli
Einbeittir Það er iðulega mikið fjör á tónleikum með
Samma og félögum, sem spila á Ísafirði á laugardag.
NÝ plata áströlsku söngkonunnar
Kylie Minogue hefur lekið út á int-
ernetið. Platan er enn á vinnslustigi,
en hægt er að komast yfir „demó“-
útgáfur af 10 lögum á Netinu. Lögin
bera titla á borð við „Stars“, „Fall
for You“ og „Sensitized“.
Sumir tónlistarspekúlantar halda
því fram að plötufyrirtæki söngkon-
unnar hafi vísvitandi sent lögin inn á
Netið. Þetta sé hluti af nýjustu
markaðsbrellum plötufyrirtækj-
anna. „Allir þurfa eins mikla umfjöll-
un og frekast er unnt,“ segja þeir.
Talsmenn Kylie þvertaka fyrir
slíkar ásakanir, en platan er ekki
væntanleg á markað fyrr en eftir
nokkra mánuði.
Ný plata með
Kylie Minogue
Reuters
Vinsæl Aðdáendur Kylie taka nýj-
um lögum fagnandi, og stela þeim.
MIKIÐ fjölmiðlafár hefur verið
vegna fangelsisvistar hótelerfingj-
ans skemmtanaglaða Paris Hilton.
Hilton hóf afplánun síðastliðinn
sunnudag.
Rauðgulur fangasamfestingur
sem Hilton á að hafa brugðið sér í og
nærbuxur í stíl voru til sölu um
stund á uppboðsvefnum eBay í gær.
Varninginn var hvergi að finna þeg-
ar þetta var skrifað.
Hilton er ein í klefa öryggis síns
vegna í fangelsi í Los Angeles. Hún
hefur lítið unnið sér til frægðar ann-
að en frægðina sjálfa. Á ljós-
myndavef Reuters mátti í gær finna
myndir af fangaklefa sambærilegum
þeim sem Hilton dvelur í og ku hafa
það nokkuð bærilegt.
Vaxmyndasafn Madame Tussaud
í New York sá ástæðu til að bregða á
leik í ljósi fangelsisvistarinnar og
klæddi vaxmynd af Hilton í rönd-
óttan og svarthvítan fangasamfest-
ing.
Það er því ljóst að Hilton fær ekki
að sitja inni í friði. Hún var dæmd til
fangelsisvistar fyrir að rjúfa skilorð.
Hún hlaut skilorðsbundinn dóm fyr-
ir ölvunarakstur.
Þess má að lokum geta að hljóm-
sveitin UB40 hefur lögsótt Hilton og
útgáfufyrirtæki hennar fyrir höf-
undarréttarbrot. Hljómsveitinni
þykir lagið „Stars Are Blind“, fyrsta
smáskífulag hótelerfingjans, fulllíkt
„Kingston Town“, sem er eitt þekkt-
asta lag sveitarinnar.
Röndótt mær Vaxmynd af Paris
Hilton í Madame Tussauds í New
York. Aðdáandi stendur hjá.
Reuters
Lítil þægindi Fangaklefi í Century
Regional Detention Facility í Kali-
forníu, þar sem Hilton dvelur nú.
Eins og sjá má er það ekkert Hil-
ton-hótel.
Fangasam-
festingur Hil-
ton á eBay