Morgunblaðið - 14.06.2007, Blaðsíða 27

daglegt líf
MORGUNBLAÐIÐ FIMMTUDAGUR 14. JÚNÍ 2007 27
Hér á Akureyri hefur verið rjómablíða síðustu
daga. Fólk fjölmennir í Sundlaug Akureyrar
og Kjarnaskóg og kælir sig niður með Brynju-
ís. Hitinn um og yfir 15 gráður, að manni virð-
ist. Sjálfur verður maður minnst var við það
þar sem maður situr allan daginn inni við tölv-
una og skrifar og stiknar úr hita. Nánast.
  
Þau tíðindi bárust úr bænum (les: Reykjavík)
að fjórir framhaldsskólar vísi samtals 400 fyrr-
verandi grunnskólanemendum frá, þegar þeir
sækja um skólavist. Ég bar þessi tíðindi undir
mann úr öðrum framhaldsskólanum hér í bæ.
Hann sagði skólann ekki beita þessari taktík
enda gerðist þess ekki þörf; skólinn fengi með
öflugri kynningu til sín fólk sem stæði sig það
vel að því þyrfti ekki að vísa frá.
  
Annars er það helst að frétta að nú fer fram
útskrift um hverja helgi. Háskólinn útskrifaði
um síðustu helgi og Menntaskólinn um næstu
helgi. Af þeim sökum hafa óvenju margir júbíl-
antar verið hér á flækingi. Þessir einkennilegu
farfuglar sjást nú í ýmsum aldursflokkum á
vappi um bæinn og virðast allmargir þeirra
ætla staldra við um helgina.
  
Nágrannaslagurinn milli KA og Þórs um dag-
inn bauð ekki upp á mörg færi. Svo fór að
Þórsarar potuðu inn marki og slógu þar með
KA-menn úr VISA bikarnum. Liðin leika bæði
í 1. deildinni og því gefast KA-mönnum að
minnsta kosti tvö tækifæri til að ná hefndum.
Miðað við stöðu liðanna í deildinni, er hins veg-
ar alls óvíst hvort það nær að ganga eftir, en
Þór er nú í öðru sæti á meðan KA þarf að láta
sér sjöunda sætið lynda.
  
Á útvarpsrásinni Voice 987 hefur undanfarna
morgna verið hægt að hlusta á þá Andra Frey
Viðarsson og Búa Bendtsen sem stýra út-
varpsþættinum Capone frá Reykjavík FM.
Þetta er vel til fundið, og mun áreiðanlega falla
vel í kramið í bænum. Enda nýlega búið að
skíra krána Oddvitann í höfuðið á þættinum.
  
Og það er á dagskránni hjá siglingafélaginu
Nökkva á Akureyri að koma seglbrettum í
tísku. Þau ku vera í mikilli sókn erlendis, og
vonast menn eftir að snjóbrettafólkið sem
dvelur langtímum í Hlíðarfjalli á veturna fari
að reyna fyrir sér á seglbrettum í sumar. Það
gæti endað með nýju tískuæði að skella sér á
seglbretti á Pollinum í sumar.
Morgunblaðið/Skapti Hallgrímsson
Í blíðunni síðustu daga er fjölmennt í sundi.
ÚR BÆJARLÍFINU
Eftir Hjálmar Stefán Brynjólfsson
Óhræsið eftir Jónas Hallgríms-son er kvæði sem flestir
þekkja, en fyrsta erindið er
svohljóðandi:
Ein er upp til fjalla,
yli húsa fjær,
út um hamrahjalla,
hvít með loðnar tær,
brýst í bjargarleysi,
ber því hyggju gljúpa,
á sér ekkert hreysi
útibarin rjúpa.
Nýverið var fjallað hér um
tildrög kvæðisins sótt í Árbók
Þingeyinga 1977 að undir tvítugt
hafi Sigurjón á Einarsstöðum í
Reykjadal verið fylgdarmaður
Jónasar Hallgrímssonar, sagt
honum söguna af Láfsgerðis-
húsfreyju og síðar hafi Jónas ort
kvæðið út frá því.
Ragnar Árnason sendi hins vegar
umsjónarmanni minnisblað þar sem
hann segir að samkvæmt Hrólfi
Ásvaldssyni hafi Jónas verið á ferð
um Þingeyjarsýslur 1839, en þá
hafi Sigurjón verið 14 ára. Og ekki
sé rétt að Jónas hafi farið um
Reykjadal í fylgd Sigurjóns á leið
sinni til Reykjahlíðar, þó að það
komi engan veginn í veg fyrir að
þeir hafi fundist. Það megi til
dæmis ráða af frásögn Páls
Valssonar að Jónas gæti hafa farið
oft yfir Fljótsheiði sumarið 1839,
m.a. fór hann til Skagafjarðar.
Á minnisblaði Ragnars kemur
fram að Garðar, sonarsonur
Sigurjóns, hafi sagt sér að Sigurjón
hafi fylgt Jónasi yfir Fljótsheiði og
einmitt þar eigi sagan heima, en
ekki í Reykjadal, þar sem Láfsgerði
sé ofan við brún og sjáist óvíða. En
á Fljótsheiði, t.d. á leiðinni í
Fljótsbakka, sé það um stund næsta
mannabyggð í landslaginu.
Ennfremur segir á minnisblaðinu
að kvæðið Óhræsið hafi fyrst verið
lesið upp á Fjölnisfundi 26. október
1844 og birtist í tímaritinu árið
eftir, að því er fram komi hjá
Hannesi Péturssyni. Það hafi síðan
verið prentað í fyrstu útgáfu
ljóðmæla Jónasar 1847 án
athugasemda, enda virðist
handritið glatað. Í annarri útgáfu,
sem Hannes Hafstein hafi séð um,
sé þess hins vegar getið í
athugasemdum að þetta sé „sönn
saga að austan“.
Að lokum skrifar Ragnar:
„Hannes Pétursson hefur bent á, að
orðalagið „að austan“ bendi til
Austurlands, en þar var Jónas á
ferð 1842. Þetta þarf þó eigi svo að
vera, því áttatáknanir voru ekki
alltaf notaðar rökrétt. Frá
bæjardyrum Hannesar Hafsteins,
sem alinn er upp í Eyjafirði, er
Þingeyjarsýsla í austur. Benda má
á, að Skagfirðingurinn Jón
Steingrímsson notar í ævisögu
„austur“ og „fyrir austan“ um
Mýrdalinn. Þá er og kunnugt, að
Suðurnesjamenn og Sunnlendingar
hafi um skeið (og e.t.v. enn) talað
um að fara „suður“, þegar þeir fóru
til Reykjavíkur.“
VÍSNAHORNIÐ
Af uppruna
og Óhræsi
pebl@mbl.is