Morgunblaðið - 26.06.2007, Blaðsíða 17

MORGUNBLAÐIÐ ÞRIÐJUDAGUR 26. JÚNÍ 2007 17
AKUREYRI
Eftir Gunnar Gunnarsson
Egilsstaðir | Gallerí Bláskjár og Te
& kaffi stóðu fyrir lautarferð í
Tjarnargarðinum á Egilsstöðum á
Jónsmessunni. Er þetta nýbreytni í
bæjarlífinu á Egilsstöðum og þótti
takast vel.
Í garðinum var boðið upp á and-
litsmálun, söguhorn, léttar veit-
ingar og myndlistarsamkeppni, svo
nokkur atriði séu nefnd til sög-
unnar. Þá var gönguferð um Egils-
staði með leiðsögn á sunnudags-
kvöldið.
Ekki var annað að sjá en gestir
kynnu vel að meta þessa nýbreytni.
„Mjór er mikils vísir og ég held að
þetta sé komið til að vera,“ sagði
Jón Gunnar Axelsson, kennari og
áhugaleikari, sem þátt tók í laut-
arferðinni.
Rosabaugur myndaðist utan um
sólina yfir svæðinu. „Það er dul-
úðarveður. Ég held ég hafi einu
sinni áður séð svona baug hérna,
það var þegar við sýndum Draum á
Jónsmessunótt í Selskógi,“ sagði
Jón Gunnar.
Garðurinn of lítið notaður
Svandís Egilsdóttir frá Galleríi
Bláskjá kvaðst hafa viljað nota
garðinn meira. „Mér finnst garð-
urinn rosalega fínn og of lítið not-
aður. Ég vona að þetta opni augu
fólks fyrir því. Við eigum að nota
þau tækifæri sem við höfum til að
gera lífið skemmtilegra og þurfum
ekki alltaf að fara langt eða gera
mikið til þess,“ sagði Svanhvít, og
var ánægð með daginn.
Eigum að nota tækifærin
Morgunblaðið/Gunnar Gunnarsson
Lautarferð Sögulundur var vinsæll áfangastaður hjá þeim íbúum sem fóru í lautarferð í Tjarnargarðinum.
Förðun Andlitsmálun virðist vera ómissandi liður á öllum hátíðum sem börn taka þátt í.
Skemmtu sér í
lautarferð í
Tjarnargarðinum
Morgunblaðið/Skapti Hallgrímsson
Tekur bærinn við rekstri vallarins?
LENGI hefur verið rætt um að lengja flugbrautina á Akureyrarflugvelli og
í umræðum bæjarstjórn á dögunum kom fram að bærinn hefði áhuga á að
taka að sér rekstur vallarins af Flugstoðum, ef brautin yrði lengd og að-
stæður bættar. Þetta myndi bærinn gera til þess að efla starfsemina og
markaðssetja völlinn enn frekar erlendis en gert hefur verið til þessa, í því
skyni að fjölga ferðamönnum og efla ferðaþjónustu á svæðinu almennt.
BEINU flugi Iceland Express frá
Akureyri til Kaupmannahafnar í vor
hefur verið mjög vel tekið meðal Ak-
ureyringa og nærsveitunga, skv.
upplýsingum frá Iceland Express.
Félagið hóf beint flug milli þess-
ara staða í fyrrasumar og nú hefur
þráðurinn verið tekinn upp að nýju.
Flogið er tvisvar í viku, á mánudög-
um og miðvikudögum, frá júníbyrjun
til ágústloka. Þegar er orðið uppselt í
sex ferðir og í 15 til viðbótar hafa
90% sæta þegar verið seld. Nú er svo
komið að einungis á eftir að selja um
fjórðung allra miða í sumar, skv.
upplýsingum fyrirtækisins.
Töluverð söluaukning er milli ára,
þrátt fyrir að sætanýting hafi verið
góð síðastliðið sumar. Mest er aukn-
ingin í júlí, þar sem nær fjórðungs
aukning er í seldum sætum milli ára.
Seldum sætum í ágúst hefur einnig
fjölgað umtalsvert frá því í fyrra, eða
um rúm 14%.
Enn sem komið er eru Íslendingar
í meirihluta þeirra sem ferðast á
þessari leið en þó hefur erlendum
ferðamönnum sem nýta sér þennan
möguleika farið ört fjölgandi. Sem
dæmi má nefna að þegar hafa vel á
annað þúsund Danir ferðast með
Iceland Express til Akureyrar eða
pantað sér miða á flugleiðinni í sum-
ar. Skv. upplýsingum Iceland Ex-
press hefur félagið ráðist í umfangs-
mikla kynningu á Akureyri og
Norðurlandi almennt í Danmörku að
undanförnu sem virðist hafa skilað
sér í auknum áhuga á þessum nýja
valkosti í ferðaþjónustu þar í landi.
„Það er afar ánægjulegt að sjá
hvernig Akureyrarflugið er að festa
sig í sessi. Viðtökurnar voru góðar
síðasta sumar og enn betri í ár, sem
sýnir að Norðlendingar kunna vel að
meta þjónustu okkar. Það hefur ver-
ið keppikefli Iceland Express frá
upphafi að gera öllum Íslendingum
fært að ferðast til útlanda óháð efna-
hag og búsetu og það er okkur því
sönn ánægja að geta eflt þjónustu
okkar við íbúa Norðurlands með því
að halda áfram Kaupmannahafnar-
fluginu frá Akureyri nú í sumar. Við
vonum jafnframt að bein tenging
fjórðungsins við útlönd verði mikil
lyftistöng fyrir ferðaþjónustu á
svæðinu og munum leggja mikla
áherslu á kynningu erlendis á því
sem Norðurland hefur upp á að
bjóða,“ segir Matthías Imsland, for-
stjóri Iceland Express.
Kartan Lárusson, framkvæmda-
stjóri Markaðsskrifstofu ferðamála á
Norðurlandi, segir beina flugið hafa
mikla þýðingu fyrir ferðaþjónustuna
á Norðurlandi. „Það er ekki síður
mikilvægt fyrir mannlífið hér sem
verður miklu margbreytilegra. Það
að Iceland Express flýgur nú einnig
beint milli Egilsstaða og Kaup-
mannahafnar styrkir mjög Akureyr-
arflugið – og það er nú þegar orðið
mjög vinsælt að fljúga frá Kaup-
mannahöfn til Egilsstaða, ferðast
um Austur- og Norðurland og fljúga
svo út frá Akureyri,“ segir Kjartan.
Margir nýta sér flugið
til Kaupmannahafnar
Í HNOTSKURN
»Flugfélagið Iceland Ex-press var stofnað árið 2003
og flýgur nú frá Íslandi til 13
borga víðsvegar í Evrópu frá
Keflavík, en er einnig með
áætlunarflug í sumar frá
Akureyri og Egilsstöðum til
Kaupmannahafnar.
SIGURPÁLL Geir Sveinsson, GKJ,
fyrrverandi Íslandsmeistari, sigr-
aði í karlaflokki án forgjafar á Arc-
tic Open-mótinu í golfi á Akureyri
um helgina, og Halla Berglind Arn-
arsdóttir, GA, í kvennaflokki.
Gamla knattspyrnukempan Ásgeir
Sigurvinsson, sem jafnan sveiflaði
vinstri fætinum með góðum árangri
í eina tíð, sigraði í keppni með for-
gjöf og varð Arctic-meistari.
Ein milljón króna safnaðist á
mótinu og rennur féð til útivistar-
klúbbsins Klakanna sem er sam-
starfsverkefni Sjálfsbjargar og
Íþróttafélagsins Akurs á Akureyri.
Héðan í frá verður árlega safnað fé
til góðs málefnis meðan á mótinu
stendur.
Fjáröflunin fór þannig fram að á
18. braut vallarins gafst kepp-
endum tækifæri til að leggja 1.000
kr. til verkefnisins, sem langflestir
gerðu. Þeir slógu síðan af teig og
freistuðu þess að hitta inn í hring
sem markaður var á flötinni við
klúbbhúsið. Samstarfsfyrirtæki GA
tífölduðu upphæðina í hvert skipti
sem þetta tókst. Engum tókst að
fara holu í höggi á 18. braut, en við
það hefði ein milljón króna bæst í
sjóðinn.
Morgunblaðið/Skapti Hallgrímsson
Sjá roðann í norðri Keppandi á Arctic Open-mótinu slær af 18. teig að-
faranótt laugardagsins. Sólar naut ekki lengi seinni nóttina að þessu sinni.
Söfnuðu einni
milljón króna
AUSTURLAND
Egilsstaðir | Jasshátíð Egilsstaða á
Austurlandi, JEA 2007, hefst á morg-
un, miðvikudag. Í tilefni af tuttugu
ára afmæli hátíðarinnar verður enn
meira lagt í dagskrána en fyrr.
Jasshátíðin er
haldin á Egils-
stöðum, í Nes-
kaupstað og á
Seyðisfirði og að
þessu sinni bætist
við dagskrá á
Eskifirði.
Jasshátíðin
hefst með tónleik-
um á Hótel Hér-
aði á Egilsstöðum
annað kvöld.
Næstu tónleikar verða á Hótel Eg-
ilsbúð í Neskaupstað á fimmtudags-
kvöld. Stórtónleikar verða í Herðu-
breið á Seyðisfirði á föstudagskvöld.
Þar koma fram James Carter saxó-
fónleikari, Deitra Farr blússöngkona
og The Riot. Deitra Farr kemur einn-
ig fram á tónleikum í kirkju- og
menningarmiðstöðinni á Eskifirði á
laugardag kl. 14 ásamt Andreu Gylfa-
dóttur, The Riot og Gospelkór
Fjarðabyggðar.
Frumkvöðull heiðraður
Afmælistónleikar JEA 2007 verða
á Egilsstöðum á laugardag, fyrir utan
verslun Kaupfélags Héraðsbúa, og
hefjast klukkan 14. Þar verður Árni
Ísleifsson, frumkvöðull hátíðarinnar,
heiðraður og fjöldi listamanna kemur
fram. Reynt verður að ná upp karni-
valstemningu í kringum hátíðina á
Egilsstöðum. Stuðbandið Jagúar
heldur svo uppi fjörinu um kvöldið.
Auk fjölda þekktra gesta munu
tónlistarmenn af Austurlandi skipa
veglegan sess í dagskrá hátíðarinnar,
meðal annars undir merkjum Djass-
smiðju Austurlands.
Jasshátíð
haldin í fjórum
þorpum
Blúsdrottningin
Deitra Farr.