Morgunblaðið - 30.07.2007, Qupperneq 2

2 MÁNUDAGUR 30. JÚLÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
GEIR H. Haarde forsætisráðherra
segir að fylkin á austurströnd Kan-
ada horfi mikið til austurs og vilji
gjarnan efla tengslin yfir Atlantshaf-
ið. Í gær var fyrsti dagur heimsókn-
ar forsætisráðherrahjónanna og
föruneytis þeirra til Kanada og hófst
hún í Nova Scotia.
„Ég held að hér séu mjög mikil
tækifæri í öllum viðskiptum og að
loftferðasamningurinn [milli Íslands
og Kanada] og samningurinn sem
búið er að gera milli EFTA og Kan-
ada um fríverslun eigi eftir að hjálpa
mikið til í þessu öllu,“ sagði Geir í
samtali við Morgunblaðið í gær-
kvöldi.
Dagurinn hófst með heimsókn í
Markland í Nova Scotia þar sem er
minnismerki um íslenska landnema
á 19. öld. Minnismerkið var afhjúpað
árið 2000. Þau hittu fulltrúa félags
áhugamanna um þá sögu og eins full-
trúa þess sem kalla má norræna fé-
lagið á svæðinu. Þá var heimsótt safn
í Halifax, kennt við hafnargarð 21
(Pier 21) sem er til minningar um
innflytjendur sem komu þar um
langt árabil og þykir merkilegt
kennileiti í Kanada. Geir átti einnig
viðræður við ferðamálaráðherra
Nova Scotia. „Þeir eru mjög ánægðir
með að Icelandair skuli vera byrjað
aftur að fljúga hingað og að við skul-
um hafa náð að ljúka loftferðasamn-
ingnum sem hefur verið lengi í deigl-
unni. Það eru miklir hagsmunir hjá
þeim líkt og hjá okkur að þetta flug
komist á reglulegan ársgrundvöll,“
sagði Geir. Hann sagði menn m.a.
telja mikla möguleika felast í aukn-
um ferðamannastraumi og ýmsum
viðskiptum milli landanna þegar
samgöngur verða greiðari.
Einnig voru starfsstöðvar Eim-
skips og Landsbankans heimsóttar í
gær. Geir þótti athyglisvert að sjá
hvernig þessi fyrirtæki hafa og eru
að hasla sér völl í viðskiptalífinu.
Eimskip hefur starfað þar um árabil.
Í dag liggur leiðin til Nýfundna-
lands og þar mun Geir eiga fundi
með forsætisráðherra, ríkisstjóra og
ýmsum ráðherrum fylkisins.
Geir sagði heimsókn þessa undir-
strika mikilvægi aukinna samskipta
Íslands og Kanada og hve mikla
áherslu Íslendingar leggja á þau.
Mikil viðskiptatækifæri
á austurströnd Kanada
Ljósmynd/Halldór Árnason
Minnismerkið Íslendingar fluttu til Marklands 1875-1882. F.v.: Marshall
Burgess ritari og Dolly Bellmore, forseti Icelandic Memorial Society of
Nova Scotia, Inga Jóna Þórðardóttir og Geir H. Haarde forsætisráðherra.
KNATTSPYRNULIÐ Aftureld-
ingar í 3. og 4. flokki kvenna hlutu
háttvísiverðlaun Mastercard og
KSÍ á Rey Cup-mótinu sem haldið
var um helgina. Michel Platini, for-
seti Knattspyrnusambands Evrópu,
afhenti verðlaunin og þær Sóldís
Guðbjörg Ólafsdóttir (t.v.) og Svan-
dís Ösp Long (t.h.) tóku við þeim
fyrir hönd Aftureldingarstúlkna.
Háttvísiverðlaunin þykja eftirsókn-
arverð og eru veitt fyrir háttvísi
innan vallar sem utan.
Michel Platini var jafnframt við-
staddur vígslu á nýjum húsakynn-
um Knattspyrnusambandsins í
Laugardal. Vígði hann bygginguna
formlega ásamt Geir Þorsteinssyni
formanni KSÍ. Platini hefur áður
komið hingað til lands, bæði sem
leikmaður og þjálfari.
| Íþróttir Morgunblaðið/Frikki
Platini
heiðraði
háttvísar
stúlkur
Stykkishólmur | Ásgeir Árnason, vitavörður í
Elliðaey á Breiðafirði, hefur umsjón með vit-
anum og nytjar eyjuna og sinnir því starfi af
miklum áhuga. Fósturfaðir Ásgeirs var Eggert
Björnsson skipstjóri og gegndi hann vitavarð-
arstarfi á undan honum. Því hefur Ásgeir verið
tengdur Elliðaey frá því að hann man eftir sér.
Hann segir að stór hluti af hans lífi tengist eyj-
unum.
12 ára gamall fór Ásgeir einn út í Elliðaey á
vélbát með lélegri vél og 10 ára gamall reri hann
á bát ásamt þremur drengjum á líkum aldri og
lögðu þeir haukalóð við Skoreyjar. Á lóðina
fengu þeir 60 kg lúðu sem þeir náðu að innbyrða
og komu stoltir í land með fenginn. „Ég lærði að
treysta á sjálfan mig, meta aðstæður rétt og fara
varlega þegar ég var ungur að þvælast á trillum
hér fyrir utan,“ segir Ásgeir.
Nú stendur lundavertíðin yfir hjá Ásgeiri í
Elliðaey. „Lundinn er mjög feitur og vel á sig
kominn. Hann ber síli, en ekki eins mikið og þeg-
ar mest er. Ég háfa á milli 1.000 og 2.000 lunda í
Elliðaey á sumrin, mest á sama stað. Það gerir
bara gott að grisja lundann. Það hafa ekki verið
miklar sveiflur í stofninum, en nú hefur hann
dreift sér um alla eyjuna. Ég veiði samt á sama
svæðinu,“ segir Ásgeir og bætir við. „Ég háfaði
minn fyrsta lunda 6 ára gamall og hef stundað
lundaveiðar öll árin síðan; í 43 ár. Ég væri
ómögulegur maður ef ég missti úr sumar, ég sé
það ekki fyrir mér,“ segir hann.
Ásgeir hefur meiri áhyggjur af ritunni og krí-
unni en lundanum. „Ritan hefur ekki mikið verpt
síðustu 3-4 ár. Hún situr í bjarginu á tómum
hreiðrum. Eins er það með kríuna,“ segir hann.
„Ég var að fylgjast með henni um daginn. Hún
lá á hreiðri, en það voru engin egg í hreiðrunum.
Þetta er breyting frá fyrri árum.“
Hvönnin veður yfir eyjarnar
„Þegar ég var ungur strákur fór ég oft út í
Elliðaey með Eggerti, fóstra mínum, og Jónasi
afa. Við vorum með fjárbúskap á þessum árum,
vorum mest með 50 kindur. Að rúningi loknum
var farið með kindurnar í Höskuldsey og Þor-
móðsey og eyjan hvíld fram á haust. Í haust fékk
ég mér 10 kindur til að hafa úti í Elliðaey. Helsta
ástæðan fyrir því er að við höfum átt í vandræð-
um með hvönnina. Hún veður um eyjarnar, þek-
ur heilu svæðin og kæfir allan gróður. Besta ráð-
ið hingað til er að hafa kindur í eyjunum, þær
halda henni niðri,“ segir Ásgeir.
Minkaleit sleppt í vor
Þó að Elliðaey sé 2 sjómílur frá öðrum eyjum
hefur minkur komið í land þar í sumar. „Það er
ótrúlegt hvað þetta kvikindi getur synt á milli
eyja þó að oft sé þar mikill straumur,“ segir Ás-
geir. „Hér áður fyrr flæktist minkur stundum
með ís sem myndaðist á Breiðafirði, en nú er
enginn ís og því hlýtur hann að synda á milli. Af
hverju hann leggur í svo langa sjóferð er erfitt
að segja til um. Nú gerir minkurinn mikinn usla,
drepur lunda, lundakofu og fýlsunga.“
Í gangi er verkefni sem gengur út á það að út-
rýma mink í Snæfellsnessýslu. „Venjan er að
minkaleit fari fram á vorin í eyjunum. Nú bregð-
ur svo við að nokkrum eyjum var sleppt í vor í
byrjun verkefnis. Ég hef heyrt að ástæðan fyrir
því sé sú að stjórnendur verkefnisins hafi ekki
talið þörf á að leita þessar eyjar því þar hefur
ekki verið minkur í nokkur ár. Ég skil ekki
svona stjórnun og spurningin er hver árangur
verkefnisins verður ef til eru fleiri svona dæmi.
Allavega tók minkurinn ekki mark á þessu og
staðreynd er að minkur er í Elliðaey og greni
var í Fagurey og kannski leynist hann líka í ná-
lægum eyjum,“ segir Ásgeir.
Hann er mikill eyjamaður og segir að
skemmtilegasti tíminn sé á vorin er fuglinn sé að
koma upp. „Að vera einn eða í góðum hópi úti í
eyju er upplifun sem maður sækist eftir, þar er
friðurinn og kyrrðin,“ segir Ásgeir að lokum.
Ásgeir Árnason, vitavörður í Elliðaey á Breiðafirði, háfaði sinn fyrsta lunda 6 ára gamall
Lundinn vel á sig kominn á Breiðafirði
Morgunblaðið/Gunnlaugur Árnason
Lundi Ásgeir nýkominn úr veiði. Hann háfar
milli 1.000-2.000 lunda í Elliðaey á sumrin.
SENN líður að uppgjörsdegi liðins
skattárs en í dag kl. 16.00 verður
mögulegt að nálgast álagningarseðla
á þjónustuvef Ríkisskattstjórans.
Rafræn stjórnsýsla á vegum Rík-
isskattstjóra hefur verið efld til
muna á síðustu árum og í tilkynn-
ingu frá embættinu segir að hægt
verði að nálgast seðlana á vefslóðinni
www.skattur.is og þarf að skrá inn
bæði kennitölu og veflykil svokallað-
an til að fá aðgang að álagningarseðl-
inum. Þeir sem ekki hafa veflykil
geta nálgast hann á áðurnefndri vef-
síðu en einnig má nálgast allar aðrar
upplýsingar á upplýsingavef Ríkis-
skattstjóra, www.rsk.is.
Seðlar bornir út á þriðjudag
Álagningarseðlar verða þó bornir
út þriðjudaginn 31. júlí til þeirra sem
ekki afþökkuðu álagningarseðla á
pappír, segir einnig í tilkynningunni.
Inneignir verða síðan lagðar inn á
bankareikning hvers og eins á mið-
vikudag eða greiddar út með ávís-
unum. Samkvæmt tilkynningunni
mun innheimtumaður í hverju um-
dæmi fyrir sig veita upplýsingar ef
inneign verður tilgreind á álagning-
arseðli en ekki getið um útborgun
hennar á seðlinum.
Álagning-
arseðlar
á leiðinni
ÖKUMAÐUR bifhjóls beið bana á
laugardag er hann féll af hjóli sínu
í árekstri við jeppa á
Biskupstungnabraut í Grímsnesi.
Samkvæmt upplýsingum frá lög-
reglunni á Selfossi lenti bifhjóla-
maðurinn á hægra afturhorni
jeppabifreiðar sem kom á móti.
Jeppabifreiðin var að beygja í átt
að versluninni Minni-Borg og fór
fyrir bifhjólið. Bifhjólamaðurinn ók
til suðvesturs og var hann í sam-
floti með öðrum bifhjólamönnum.
Ökumaður bifhjólsins var fluttur
með sjúkrabifreið á slysadeild LSH
en var úrskurðaður látinn við kom-
una þangað. Ekki er hægt að gefa
upp nafn hins látna að svo stöddu.
Ökumaður
bifhjóls
beið bana
♦♦♦