Morgunblaðið - 30.07.2007, Qupperneq 29

MORGUNBLAÐIÐ MÁNUDAGUR 30. JÚLÍ 2007 29
hlutavelta
ritstjorn@mbl.is
Félagsstarf
Aflagrandi 40 | Vinnustofan opin frá kl. 9-16.30.
Hjúkrunarfræðingur með viðtalstíma frá kl. 9-11.
Boccia kl. 10. Félagsvist kl. 14.
Árskógar 4 | Bað kl. 8-16. Handav. kl. 9-12. Smíði/
útskurður kl. 9-16.30, Félagsvist kl. 13.30.Kl. 10-16
Púttvöllurinn. Sumarferð um Reykjanesið, Grinda-
vík, Krísuvík og Strandakirkju verður farin 8. ágúst
kl. 10. Upplýsingar í s. 535-2700.
Dalbraut 18-20 | Brids alla mánudaga í sumar frá
kl. 13 í félagsmiðstöðinni að Dalbraut 18-20.
Félag eldri borgara í Kópavogi | Skrifstofa FEBK
Gullsmára 9 og Gjábakka verður lokuð vegna sum-
arleyfa 1.-31. júlí. Hægt er að hafa samband ef þörf
krefur, við Kristjönu í 897-4566, Guðmund í 848-
5426 og Kristmund í 895-0200. Félagsvist er spil-
uð í Gullsmára á mánud. kl. 20.30, en í Gjábakka á
miðvikud. kl. 13 og á föstud. kl. 20.30.
Félag eldri borgara Kópavogi, ferðanefnd | Ferð
um Fjallabaksleið nyrðri og Lakagíga 10. og 11.
ágúst. Gist á Hótel Klaustri, Geirlandi. Dagur 1:
Landmannalaugar-Eldgjá-Skaftártunga að Geir-
landi. Dagur 2: Fjaðrárgljúfur-Fagrifoss og Lakagíg-
ar. Brottför Gullsmára kl. 8, Gjábakka kl. 8.15. Listar
og nánari upplýsingar í félagsmiðstöðvunum.
Félagsheimilið Gjábakki | Handavinnustofan opin.
Hádegisverður kl. 11.40. Heitt á könnunni til kl. 16. Í
Gjábakka er hægt að lesa dagblöðin, taka í spil eða
spjalla. Allir velkomnir.
Félagsheimilið Gullsmára 13 | Kl. 10 postulíns-
málun og ganga. Kl. 11.40 hádegisverður. Kl. 13
handavinna. Kl. 20.30 félagsvist.
Félagstarfið Langahlíð 3 | Handverks- og bóka-
stofa opin. Kl. 10.30 sögustund. Kl. 14.30 kaffiveit-
ingar. Kl. 15 söng og samverustund.
Hraunbær 105 | Kl. 9 kaffi, spjall og dagblöðin, kl.
10 bænastund, kl. 12 hádegismatur, kl. 15 kaffi.
Hraunbær 105 | Kl. 9 kaffi, spjall og dagblöðin, kl.
10 bænastund, kl. 12 matur, kl. 15 kaffi.
Vesturgata 7 | Kl. 9-16 hárgreiðsla og fótaaðgerðir.
Kl. 9.15-15.30 handavinna. Kl. 9-10 boccia, Sigurrós
(júní). Kl. 11-12 leikfimi, Janick (júní-ágúst). Kl. 11.45-
12.45 hádegisverður. Kl. 14.30-15.45 kaffiveitingar.
Vitatorg, félagsmiðstöð | Handavinnustofan opin í
dag, hárgreiðslu- og fótaaðgerðarstofur opnar,
frjáls spilamennska frá kl. 13-16.
Kirkjustarf
Vídalínskirkja Garðasókn | Á morgun þriðjudaginn
31. júlí fer Opið hús Vídalínskirkju í vettvangsferð.
Lagt af stað frá Vídalínskirkju kl. 13. Ekið um
Reykjavík og kaffi drukkið í Perlunni. Heimkoma
áætluð um kl. 16. Þeir sem óska að koma með láti
vita í síma 895-0169. Allir velkomnir.
Hlutavelta | Þessar duglegu stúlkur Ásgerður Hlín Þrastardóttir og
Magnea Dís Owen, héldu tombólu við 10-11 verslunina á Holti í Hafn-
arfirði og færðu Rauða krossinum ágóðann, 2.630 krónur.
dagbók
Í dag er mánudagur 30. júlí, 211. dagur ársins 2007
Orð dagsins: Þú hefur breytt eftir mér í kenningu, hegðun, ásetningi, trú, langlyndi, kærleika, þolgæði. (Tím. 3, 10.)
Ánæstu vikum má vænta þessað geitungarnir fari á stjá,með tilheyrandi ónæði. Ólaf-ur Sigurðsson mein-
dýraeyðir og geitungabani segir ekki
stafa mikla hættu af geitungunum
þótt stungan geti verið sár: „Geitung-
arnir voru frekar seint á ferðinni í ár
og má gera ráð fyrir að búin byrji að
flosna upp um miðjan ágústmánuð. Þá
fljúga úr hverju búi hundruð drottn-
inga sem svo leggjast í dvala inni á
loftum eða í gróðri þar sem þær hafa
skjól, og bíða næsta sumars,“ útskýrir
Ólafur. „Þegar engin drottning er eft-
ir hætta vinnuflugurnar að sinna bú-
störfum og í öllu iðjuleysinu fara þær
á ráp áður en þær drepast.“
Ólafur segir geitungana hins vegar
ekki árásargjarna nema ef þeim þykir
búinu ógnað: „Þá getur verið nóg að
labba fram hjá búinu, eða ef bolti
skekur tréð eða vegginn þar sem geit-
ungarnir hafa komið sér fyrir.“
Í flestum tilvikum má koma auga á
búin og þannig vita hvaða svæði geit-
ungarnir eru líklegir til að verja:
„Trjágeitungurinn er algengastur og
byggir sér bú sem líkist grárri kúlu í
trjám eða utan á húsum. Erfiðara get-
ur verið að koma auga á búið ef geit-
ungarnir hafa komið sér fyrir undir
þakklæðningu, og að sama skapi
vandasamt að uppræta slík bú ef af
þeim hlýst mikið ónæði,“ segir Ólafur.
Að sögn Ólafs geta einföld húsráð
dugað við flestum stungum: „Það er
andstyggð að vera stunginn og sár-
vont í nokkrar klukkustundir á eftir.
Einfalt ráð er að kreista til blóðs úr
stungunni sem allra fyrst, til að ná
eitrinu út, en það getur dregið nokkuð
úr sársaukanum,“ segir Ólafur. „Ef
fólk hins vegar kennir einhverra of-
næmiseinkenna, s.s. útbrota, bjúgs á
vörum, erfiðleika við öndun eða al-
mennrar vanlíðanar og ógleði þarf
strax að leita til læknis. Ofnæm-
isviðbrögð eru sjaldgæf, en geta í
sumum tilvikum verið lífshættuleg.“
Ólafur segir erfitt að fyrirbyggja
fjölgun geitunga: „Helst má ráðleggja
fólki, ef það sér til stórra flugna á
vori, að reyna að ná þeim því þar er
drottning á ferð að leita að hentugum
stað fyrir bú. Einnig þurfa húsbyggj-
endur hér á landi að setja skordýr-
anet í þakkanta líkt og gert er á
Norðurlöndunum, svo geitungurinn og
önnur skordýr geti ekki komið sér þar
fyrir.“
Heilsa | Geitungarnir fara á stjá í ágúst en eru sjaldan hættulegir
Best að forðast búin
 Ólafur Sigurðs-
son fæddist í Hafn-
arfirði 1953. Hann
lauk BS í mat-
vælafræði frá HÍ.
Hann starfaði hjá
Iðntæknistofnun,
var gæðastjóri í
fiskiðnaði á Hjalt-
landseyjum um
skeið og síðar gæðastjóri hjá Hag-
kaupum og því næst hjá Kaupási.
Ólafur hefur starfað við mein-
dýravarnir í hartnær áratugi. Eig-
inkona Ólafs er Anna Bergsteinsdóttir
læknaritari og eiga þau tvær dætur.
RÚSSNESKUR hermaður lemur í sundur múrsteina með
hamri á maga félaga síns. Þessi óvenjulega skemmtun var
hluti af hátíðardagskrá rússneska sjóhersins sem fram fór í
borginni Vladivostok í austurhluta Rússlands nú um
helgina. Ekki fylgir sögunni hvort einhverjum hafi orðið
meint af en menn hljóta að spyrja sig hvað rússneski sjó-
herinn geri við óvini sína fyrst þetta eru blíðuhótin sem
þeir veita vinum sínum.
Reuters
Helgargaman rússneskra sjóliða
FRÉTTIR
MEÐAL þeirra sem koma fram á
Síldarhátíðinni á Siglufirði í ár
eru: Páll Óskar, Jógvan, sigur-
vegari X-Factor, og Hara systur,
sem urðu í öðru sæti í X-Factor.
Hljómsveitin Bermúda kemur
fram auk hljómsveitarinnar
Karma með Labba í Mánum
fremstan í flokki.
Gylfi Víðisson, sem margir
kannast við úr X-Factor, og Lísa
Hauksdóttir, Idol-stjarna úr Idol
stjörnuleit 2005. Geirmundur
Valtýsson og hljómsveit og
hljómsveitin Tröllaskagahrað-
lestin.
Á staðnum verður tívolí á veg-
um Sprell-leiktækja. Atriði verð-
ur flutt úr Abbababb, trúðarnir
Búri og Bína leika sér og andlits-
málun verður fyrir börnin. Dorg-
veiðikeppni, söngvarakeppni fyr-
ir börnin, síldarsaltanir og
bryggjuböll, sjóstangveiðimót og
sæþotuleiga er meðal þess sem
hægt verður að dunda sér við.
Margt fleira verður í boði en
dagskrá og aðrar upplýsingar um
hátíðina má finna á slóðinni
www.siglo.is.
Morgunblaðið/Skapti Hallgrímsson
Söltun Síld kemur við sögu á
Siglufirði um verslunarmanna-
helgina.
Dagskrá Síldar-
ævintýris á Siglufirði

 
  

    

 

 

  




 
AUGLÝSINGADEILD
netfang: augl@mbl.is eða sími 569 1111
Myndlist
Ráðhús Reykjavíkur | Reynir Þorgrímsson opnar sýn-
inguna „Skartgripir fjallkonunnar“ kl. 14. Hún stendur til 12.
ágúst.
Morgunblaðið/Sverrir
BARÐSNESHLAUP verður
venju samkvæmt haldið í Nes-
kaupstað um verslunarmanna-
helgina, laugardaginn 4. ágúst.
Raunar er nú um tvö hlaup að
ræða, þ.e. hið hefðbundna 27
km Barðsneshlaup og hið 13 km
Hellisfjarðarhlaup, sem er eig-
inlega hálft Barðsneshlaup þar
sem hlaupinn er síðari leggur
þess hlaups.
Skipuleggjendur hlaupsins
leggja mikið upp úr því að sem
flestir taki þátt, hvort sem þeir
kjósa að hlaupa, skokka eða
ganga.
Þetta sumarið eru 10 ár síðan
stofnað var til Barðsneshlaups-
ins og verður nú hlaupið í 11.
skipti. Barðsneshlaup er 27 km
víðavangshlaup sem hlaupið er
frá Barðsnesi sunnan Norð-
fjarðarflóa til Neskaupstaðar
um firðina þrjá er ganga inn úr
flóanum – Viðfjörð, Hellisfjörð
og Norðfjörð.
Síðustu árin hefur ungur
Norðfirðingur, Þorbergur Jóns-
son, sigrað í Barðsneshlaupinu
með töluverðum yfirburðum. Á
þeim árum sem Þorbergur hef-
ur hlaupið hefur hann bætt
tíma sinn mikið og er nú kom-
inn fast að tveimur tímum með
tímann 2:00:29. Unnið er að
gerð heimildarmyndar um
Barðsneshlaup og náttúru
Norðfjarðarflóa og verður
hlaupið og undirbúningur þess
kvikmyndaður.
Barðsneshlaup í ellefta skipti