Morgunblaðið - 30.07.2007, Side 12
12 MÁNUDAGUR 30. JÚLÍ 2007 MORGUNBLAÐIÐ
ÞETTA HELST ...
● HAGNAÐUR fréttaveitunnar Reut-
ers á fyrri hluta ársins nam 114
milljónum punda sem er 19% aukn-
ing frá sama tímabili í fyrra. Veiking
dollarans gagnvart pundinu hafði
áhrif á afkomuna en tekjur Reuters á
tímabilinu drógust saman um 0,7%.
Nú er ókyrrð á mörkuðum sem eykur
fréttaeftirspurn.
Ráðamenn Reuters búast því
væntanlega við líflegum viðskiptum
á næstunni.
Óróinn eykur viðskipti
● HAGNAÐUR
evrópska flug-
vélaframleiðand-
ans EADS, sem
framleiðir Airbus-
flugvélarnar, á
fyrri helmingi
þessa árs var
78% lægri en á
sama tímabili í
fyrra.
Nam hagnaður-
inn 367 milljónum evra í ár, eða um
30 milljörðum króna. Í tilkynningu
frá félaginu segir að sterk evra gagn-
vart dollara og seinkun á afhendingu
flugvéla frá verksmiðjunum eigi
stærstan þátt í minni hagnaði, en af-
hending A380 risaþotunnar til við-
skiptavina hefur að margra mati
dregist úr hófi fram. Sala EADS á
fyrri hluta þessa árs nam 9,5 millj-
örðum evra, sem er um 4% minni
sala en á sama tímabili í fyrra.
Franska ríkið á 15% í EADS og
franska samsteypan Lagardere á
7,5% hlut. Þýska ríkið á ekki beinan
eignarhlut í EADS en þýska fyr-
irtækið DaimlerChrysler og þýskir
bankar eiga 22,5% hlut.
Minni hagnaður hjá
móðurfélagi Airbus
Þotur Fjórar A380
risaþotur á flugi.
Í FRÉTT á heimasíðu Neytenda-
samtakanna er farið þungum orðum
um þá aukningu sem orðið hefur á
gengisbundnum útlánum. Eins og
fram hefur komið í Morgunblaðinu
eru gengisbundin lán nú 12% af
heildarskuldum heimilanna.
„Þróunin er sláandi í ljósi þess að
þrjár af fjórum spám gengisvísitölu
krónunnar spá veikingu upp á 12-
17% og 14,6% að meðaltali,“ segir í
frétt samtakanna.
Samkvæmt 4,8% meðalverðbólgu-
spá til ársloka 2008 má því ætla að
höfuðstóll gengistryggðs láns muni
vaxa 10% umfram höfuðstól verð-
tryggðs láns á sömu vöxtum.
Neytendasamtökin segjast ekki
geta mælt með töku gengistryggðra
lána og mæla einnig með að þau séu
greidd upp eins og kostur er á meðan
gengi íslensku krónunnar er eins
sterkt og nú því von sé á mikilli veik-
ingu. Stýrivextir stjórni gengi krón-
unnar vegna þess að möguleikar á að
ávaxta íslenskar krónur í ríkis-
skuldabréfum auka eftirspurn eftir
íslenskum krónum og almennt sé bú-
ist við að Seðlabankinn lækki vexti
og þar með muni gengi krónu lækka.
Morgunblaðið/Golli
Lán Neytendasamtökin mæla með greiðslu gengistryggðra lána sem fyrst.
Áhyggjur af gengis-
bundnum útlánum
til starfa hjá félaginu skömmu eftir
stofnun þess. Félagið var stofnað á
árinu 1970 og var Eyjólfur þá sigl-
ingafræðingur hjá Loftleiðum.
Flugvöllurinn í Saarbrücken er
svipaður á stærð og Reykjavíkur-
flugvöllur með um tvö þúsund metra
flugbraut. Um hálf milljón farþega
fer um flugvöllinn á ári en þaðan er
aðallega flogið til og frá flugvöllum
innan Þýskalands og nágrannaland-
anna. Saarbrücken er í suðvestur-
hluta Þýskalands, skammt frá landa-
mærunum að Frakklandi. Þar búa
um 180 þúsund manns.
Ráðinn flugvallar-
stjóri í Þýskalandi
Eyjólfur Hauksson fer frá Cargolux til Saarbrücken
Morgunblaðið/Frikki
Flugvallarstjórinn Eyjólfur Hauksson tekur við nýja starfinu í næstu viku,
en hann hefur starfað hjá Cargolux í rúm 36 ár.
EYJÓLFUR Hauksson, flugmaður
og flugrekstrarstjóri hjá Cargolux í
Lúxemborg, hefur verið ráðinn flug-
vallarstjóri í Saarbrücken, höfuð-
borg Saarlands í Þýskalandi. Hann
tekur við starfinu hinn 1. ágúst nk.
Hann segir að það leggist vel í sig
að taka við hinu nýja starfi. „Ég
ákvað reyndar fyrir nokkrum árum
að hætta að fljúga um sextugt og
fara þá á eftirlaun, en ég varð ein-
mitt sextugur í febrúarmánuði síð-
astliðnum. Stjórnvöld í Saarlandi,
sem sjá nú um rekstur flugvallarins,
höfðu hins vegar samband við mig
fyrir nokkru og báðu mig um að taka
að mér þetta starf í að minnsta kosti
eitt ár. Mér leist ágætlega á það og
ákvað því að slá til.“
Fyrsti flugvöllurinn
Eyjólfur segir að aðstaðan á flug-
vellinum sé mjög góð og hann sé ein-
ungis í rúmlega 100 kílómetra fjar-
lægð frá heimaslóðum hans í
Lúxemborg.
„Svo skemmtilega vill til að Saar-
brücken er fyrsti flugvöllurinn sem
Cargolux flaug til eftir að fyrirtækið
var stofnað. Dagfinnur Stefánsson
var flugstjóri í þeirri ferð, en verk-
efnið var að sækja varahluti fyrir
Ford-bílaverksmiðjurnar sem eru
við Saarbrücken og fljúga með þá til
Englands.“
Eyjólfur hefur starfað í rúm 36 ár
hjá Cargolux en hann var fyrsti að-
stoðarflugmaðurinn sem ráðinn var
Í HNOTSKURN
» Í Saarbrücken búa180.000 manns en á höfuð-
borgarsvæðinu öllu býr rúm
milljón manna.
» Saarland var lengi mikiðkola- og iðnaðarhérað og
þar var unnið járn og stál.
» Nú hefur frægðarsól hér-aðsins hnigið að þessu
leyti með minnkandi mikil-
vægi kola í iðnaði.
Eftir Grétar Júníus Guðmundsson
gretar@mbl.is
FASTEIGNAVERÐ er tekið að
lækka í sumum nágrannalöndum
okkar og seljendur eiga orðið erfið-
ara með að losna við íbúðir en verið
hefur í nokkurn tíma. Þetta á til að
mynda við í Danmörku, á Bretlandi
og í Bandaríkjunum. Þessu er öfugt
farið hér á landi því verðið hefur víð-
ast hvar haldið áfram að hækka og
umsvifin hafa að stærstum hluta
haldist mikil.
Fyrst fór að bera á miklum erf-
iðleikum á fasteignamarkaði í
Bandaríkjunum síðastliðið vor. Í
marsmánuði voru birtar upplýsingar
um að vanskil af íbúðalánum hefðu
aukist mikið og að þau væru meiri en
þau hefðu verið frá því mælingar
hófust. Vanskilin hafa aukist síðan.
Vandinn í Bandaríkjunum var og
er mestur í tengslum við auknar lán-
veitingar fjármálafyrirtækja sem
gerðu ekki jafn stífar kröfur til lán-
takenda um greiðslugetu og áður
hafði verið gert. Þessi lánafyrirtæki
tóku því meiri áhættu, en það hefur
með afgerandi hætti komið í bakið á
þeim.
Aukin vanskil lántakenda í Banda-
ríkjunum eru að stórum hluta til
komin vegna hækkunar á vöxtum
þar í landi, auk þess sem hækkun ol-
íuverðs hefur haft sín áhrif.
Nýjustu upplýsingar frá Banda-
ríkjunum eru ekki uppörvandi fyrir
fasteignamarkaðinn þar í landi, en
sala á nýjum íbúðum dróst saman
um 6,6% í júnímánuði síðastliðnum.
Það er töluvert meiri samdráttur en
sérfræðingar höfðu spáð. Þá lækkaði
verð um 2,2%. Sala á notuðum íbúð-
um vestanhafs hefur einnig dregist
saman. Í frétt á fréttavef BBC-
fréttastofunnar er haft eftir sérfræð-
ingum að þessar upplýsingar bendi
til þess að lægðin á fasteignamark-
aðinum í Bandaríkjunum sé jafnvel
enn dýpri en áður hafi verið talið.
Daufari sala í Danmörku
Í frétt á fréttavef danska blaðsins
Berlingske Tidende segir að töluvert
erfiðara sé fyrir byggingaraðila að
selja nýjar íbúðir. Þetta eigi til að
mynda við um lúxusíbúðir á hafnar-
svæðinu í Kaupmannahöfn. Um
1.700 þeirra standi nú auðar, og þær
sé ekki einu sinni hægt að leigja út.
Þá segir í frétt blaðsins að vandinn
sé einnig farinn að dreifast út fyrir
borgarmörk Kaupmannahafnar, og
ástæðan sé að stórum hluta hækkun
vaxta þar í landi að undanförnu.
Í frétt Berlingske er haft eftir
Christian Heinig, sérfræðingi hjá
Danske Bank, að tempóið í bygging-
ariðnaðinum í Danmörku sé greini-
lega á niðurleið.
Kaupendur bíða á Bretlandi
Staðan á Bretlandi er ekki ósvipuð
því sem er í Danmörku, nema hvað
þar er ekki einvörðungu dræmari
sala á nýjum íbúðum. Erfiðara er
einnig að selja notaðar íbúðir en ver-
ið hefur lengi.
Á fréttavef Independent er haft
eftir fasteignasölum að þeir séu farn-
ir að óttast að fasteignamarkaðurinn
muni ekki ná sér aftur á strik á næst-
unni. Margir hafi neyðst til að setja
íbúðir sínar í sölu, eftir vaxtahækk-
anirnar að undanförnu. En á sama
tíma ákveði fleiri og fleiri nýir vænt-
anlegir íbúðakaupendur að fresta
kaupum þar til ljóst verði að vaxta-
hækkunum sé lokið.
Í frétt Guardian segir að sérfræð-
ingar séu farnir að spá því að árið
2008 verði líklega það slakasta á fast-
eignamarkaðinum á Bretlandi í ára-
tug. Þá kemur fram að samtök
breskra bankastarfsmanna og sam-
tök byggingaraðila hafi sagt að
vaxtahækkanir Englandsbanka, sem
hefur hækkað stýrivexti sína fimm
sinnum á innan við ári, séu sannar-
lega farnar að bíta.
Breytingar á markaði
Íbúðaverð er farið að lækka í sumum nágrannalöndum
Morgunblaðið/Brynjar Gauti
Íbúðir Mun erfiðara er fyrir byggingaraðila að selja nýjar íbúðir í Dan-
mörku, en fasteignaverð fer lækkandi í mörgum nágrannalanda okkar.
HAGNAÐUR
þýska bílafram-
leiðandans
Volkswagen
jókst um 42% á
öðrum ársfjórð-
ungi samanborið
við sama tímabil
í fyrra og nam
1,22 milljörðum
evra. Á öðrum ársfjórðungi í fyrra
nam hagnaður félagsins 859 millj-
ónum evra. Sala VW jókst um 6,2%
í fjórðungnum, nam 28,21 milljarði
evra samanborið við 26,56 millj-
arða evra árið á undan.
Hagnaður VW á fyrstu sex mán-
uðum ársins nam 1,96 milljörðum
evra sem er 65% aukning frá fyrri
hluta ársins 2006 er hagnaðurinn
var 1,2 milljarðar evra.
Lækkun á markaði
Á fyrri hluta ársins námu tekjur
VW 54,8 milljörðum evra sem er
5,7% aukning frá sama tímabili í
fyrra er tekjurnar námu 51,8 millj-
örðum evra. Skýrast auknar tekjur
einkum af aukinni sölu í Evrópu og
Asíu. Hlutabréf Volkswagen hækk-
uðu um 2,1% í kauphöllinni í Frank-
furt í gærmorgun eftir að afkoma
félagsins var kynnt.
Aukning hagnaðar kemur í kjöl-
far mikillar hagræðingar í rekstri
félagsins. Hefur starfsmönnum í
Þýskalandi verið fækkað um 20%
og samkvæmt nýjum samningum
við starfsmenn vinna þeir 4,2
klukkustundir til viðbótar á viku án
þess að fá greitt aukalega fyrir
það.
Hagnaðar-
aukning hjá
Volkswagen
SAMKEPPNISYFIRVÖLD innan
Evrópusambandsins hafa kært
bandaríska örgjörvafyrirtækið Intel
fyrir að hafa misnotað markaðsráð-
andi stöðu sína með því að hindra að-
gengi samkeppnisfyrirtækisins Adv-
anced Micro Devices að
viðskiptavinum.
Í ákærunni er Intel sakað um að
hafa veitt tölvuframleiðendum um-
talsverðan afslátt af vörum sínum ef
þeir hættu við að panta vörur frá
Advanced Micro Devices eða frest-
uðu því að setja tölvur á markað sem
nota örgjörva frá Advanced Micro
Devices. Intel er jafnframt ásakað
um að hafa selt ákveðnum viðskipta-
vinum örgjörva undir kostnaðar-
verði til þess að hindra að þeir létu
setja örgjörva frá Advanced Micro
Devices í vélar sínar.
Intel, sem er með höfuðstöðvar
sínar í Santa Clara í Kaliforníu, er
stærsti örgjörvaframleiðandi í
heimi.
Hefur fyrirtækið tíu vikur til að
svara ásökunum ESB. Rannsókn
ESB á Intel hefur staðið yfir frá
árinu 2001. Byggist rannsóknin á
kvörtunum frá AMD og tölvufram-
leiðendum sem hafa ásakað Intel um
að útiloka samkeppni á markaði fyr-
ir örgjörva sem byggjast á Microsoft
hugbúnaði.
Evrópsk samkeppnis-
yfirvöld gegn Intel
VIÐSKIPTI/ATHAFNALÍF