Morgunblaðið - 30.07.2007, Side 15
MORGUNBLAÐIÐ MÁNUDAGUR 30. JÚLÍ 2007 15
MENNING
KATALÓNSKI sirkusinn Lice
de Luxe frá Barcelona
skemmtir gestum og gangandi
á Ingólfstorgi í dag kl. 17.
Götusirkus þessi er í heims-
reisu og næst á eftir Íslandi í
röðinni eru Ítalía og Perú.
Þetta er með minni sirkusum
enda ekki nema þrír sem
skemmta, en þeir hafa einnig
unnið með sænska sirkusnum
Cirkus Cirkör sem margir Ís-
lendingar kannast við. Atriðið er upphitun fyrir
Reyfi-hátíðina sem haldin verður á vegum nor-
ræna hússins, en hún hefst hinn 18. ágúst og
stendur til 28. ágúst.
Götulist
Frá Ingólfstorgi
til Perú
Kona úr sirkusnum
tekur fáein spor.
ANNAÐ kvöld kl. 20.30 heldur
Guðrún Dalía Salómonsdóttir
píanóleikari tónleika í Lista-
safni Sigurjóns Ólafssonar.
Þar flytur hún verk eftir Jo-
hann Sebastian Bach, Wolf-
gang Amadeus Mozart, Claude
Debussy, Frederic Chopin, Ro-
bert Schumann og Snorra Sig-
fús Birgisson. Þetta eru fyrstu
einleikstónleikar Guðrúnar
Dalíu hérlendis að loknu námi
við Tónlistarháskólann í Stuttgart.
Aðgangseyrir á tónleikana er 1.500 krónur en
Listasafn Sigurjóns Ólafssonar er til húsa á Laug-
arnestanga 70.
Tónlist
Píanótónleikar
Guðrúnar Dalíu
Guðrún Dalía
Salómonsdóttir
Í NÝJASTA tölublaði enska
tónlistartímaritsins Early
Music Today er grein um Ís-
land og ýmsa íslenska tónlist-
armenn sem leika forntónlist.
Höfundur greinarinnar er Jer-
emy Barlow en hann lék sjálfur
með Sinfóníuhljómsveit Ís-
lands árið 1963.
Í greininni tekur hann viðtal
við þá Arngeir Heiðar Hauks-
son, Árna Heimi Ingólfsson og
Sigurð Halldórsson og segir frá helstu viðburðum
og tónlistarhópum tengdum forntónlist á Íslandi
og hvar helst er hægt að nálgast hjóðritanir af
slíku efni.
Tónlist
Íslensk forntónlist
í bresku tímariti
Árni Heimir
Ingólfsson
Eftir Sverri Norland
sverrirn@mbl.is
Haft var eftir Chopin aðekkert væri yndislegraen að hlusta á klassískangítar – nema þá kannski
að hlýða á samleik tveggja gítara. Ís-
lendingum gefst svo sannarlega kost-
ur á að sannreyna þessar hugleið-
ingar meistarans helgina 10.-12.
ágúst næstkomandi, en þá verða hinir
árlegu Kammertónleikar á Kirkju-
bæjarklaustri haldnir sextánda sinni.
Klassísku gítarleikararnir Francisco
Javier Jáuregui og Robert Bright-
more hyggjast hleypa þar fimum
fingrum um strengi, en auk þeirra
koma fram fiðlungurinn Elena Jáu-
regui og píanóleikarinn Víkingur
Heiðar Ólafsson. Hinn síðarnefndi
hlaut einmitt Íslensku tónlist-
arverðlaunin árið 2006 sem besti
flytjandinn í flokki sígildrar tónlistar,
meðal annars fyrir leik sinn á Kamm-
ertónleikunum í fyrra. Loks syngur
hin margverðlaunaða Guðrún Jó-
hanna Ólafsdóttir messósópr-
ansöngkona. Allir flytjendurnir eru
búsettir erlendis, svo að Íslendingum
býðst hér ljómandi tækifæri til þess
að bergja af list þeirra.
Syngur réttu orðin
Guðrún Jóhanna Ólafsdóttir hitar
raunar ekki einungis upp raddböndin
fyrir hátíðina. „Þetta er annað árið í
röð sem ég er listrænn stjórnandi,“
segir hún. „Í ár verður hljóð-
færaskipan með nokkuð breyttu
sniði; í fyrra vorum við með tvo
söngvara, fiðlu, horn, píanó og gítar.“
Þetta árið verður dagskráin líka sér-
lega litskrúðug, „allt frá klassíska
tímabilinu, Haydn og Beethoven, og
fram til dagsins í dag.“ Fjölmörg tón-
skáld verða á borð borin: til að mynda
spænsk tónskáld og tuttugustu aldar
tónsmiðir.
„Þá verður nýtt verk frumflutt.
Hugi Guðmundsson var beðinn sér-
staklega um að semja það – en ekki
var þó einungis fenginn tónsmiður
heldur einnig skáld. Kristján Þórður
Hrafnsson skrifaði mónólóg eða ein-
tal, „Réttu orðin“.“ Síðan sneið Hugi
tónverk við orðin, fyrir messósópran,
fiðlu og tvo gítara. „Þetta er svolítið
leikrænt verk, svona eins og lítil
sena,“ útskýrir Guðrún.
En hvernig verður dagskránni svo
háttað? „Ég reyni að láta alla koma
fram á öllum tónleikum. Þetta verður
mjög blönduð dagskrá. Allir hljóð-
færaleikararnir spila einleik og einn-
ig með öðrum – það er sem sólistar og
kammertónlistarmenn. Kannski
mætti segja að laugardagstónleik-
arnir verði sérstaklega spænskir og á
sunnudaginn verði nýrri tónlist í önd-
vegi, það er frá 20. og 21. öldinni. Á
fyrstu tónleikunum hljómar svo eldri
tónlist og klassískari.“
Hvað fylgir svo í kjölfarið?
„Ég söng nýlega með Philharm-
onia Orchestra í Royal Festival Hall í
London, verk eftir George Benjamin;
svo frumflutti ég einnig nýlega verk
eftir Huga Guðmundsson í Hollandi.
Eftir Kammertónleikana syng ég í
Íslensku óperunni, tónskáldið í Ari-
adne auf Naxos eftir Richard
Strauss, og einnig með Sinfóníunni í
nóvember.“
Íslendingum gefst því gnótt tæki-
færa til að hlýða á söngkonuna á síð-
ari hluta þessa árs og er um að gera
að nýta þau, því síðan heldur söng-
konan í tónleikaferðalag um Kóreu
og Kína með spænskri kammersveit.
Hún hefur mikið unnið með þeirri
sveit og meðal annars ferðast til
Búlgaríu, Svíþjóðar og Finnlands.
Spennandi og fjölskrúðug dagskrá
Morgunblaðið/ÞÖK
Guðrún Jóhanna Vinsælt er hjá
tónlistarunnendum að gista í ná-
grenni Kirkjubæjarklausturs og
njóta náttúrufegurðar og tónlistar.
Hinir árlegu Kammertónleikar á
Kirkjubæjarklaustri haldnir helgina
10.-12. ágúst, nú í sextánda sinn
KALDA stríðið
er löngu búið og
nú skiptast Rúss-
ar og Banda-
ríkjamenn á
listasýningum
frekar en kjarn-
orkuáætlunum.
Fyrir tveimur ár-
um var listasýn-
ingin Russia!
haldin í New
York og nú
þakka Rússarnir fyrir sig með sýn-
ingunni Art in America: 300 Years
of Innovation. Mótorhjól eru í stóru
hlutverki, enda var Dennis Hopper
fenginn til þess að opna sýninguna,
ásamt raunar breska leikaranum
Jeremy Irons sem viðurkenndi að
hann væri ekkert sérstaklega hrif-
inn af bandarískri list – en sú list
þrífst þó að mörgu leyti á því að
Evrópubúar fyrirlíti hana um leið
og þeir innbyrða hana oft af meiri
áfergju en sína eigin list.
Meira en 100 myndir eru á sýn-
ingunni sem sýna hvernig Banda-
ríkin hafa breyst úr litlu nýlend-
uríki yfir í stórveldi á aðeins 300
árum. Moscow Times greindi frá.
Stórveldi
skiptast
á list
Ingrid Verk Andy
Warhol af Ingrid
Bergman með hatt.
Í UPPHAFI
þessa mánaðar
voru hundrað ár
liðin frá fæðingu
mexíkönsku bylt-
ingarkonunnar
og listmálarans
Fridu Kahlo. Af
því tilefni er nú í
gangi fyrsta
stóra yfirlitssýn-
ingin á verkum
hennar sem haldin er í Mexíkóborg,
nánar tiltekið í menningarhúsinu
Palacio de Bellas Artes. Verkin eru
fengin að láni frá listasöfnum víða
um heim og auk þess eru til sýnis
ljósmyndir, heimildarmyndir,
einkabréf og fleira tengt listakon-
unni, margt áður óbirt.
Frida Kahlo lifði erfiðu lífi og
málverk hennar tjá sársauka henn-
ar, líkamlegan sem og andlegan.
Ung að árum lenti hún í alvarlegu
bílslysi sem hún jafnaði sig í raun-
inni aldrei á. Hjónaband hennar og
kommúnistans og málarans Diego
Rivera var stormasamt og bæði
héldu þau reglulega framhjá, Frida
átti meðal annars í frægu sambandi
við byltingarleiðtogann fyrrver-
andi Trotsky eftir að hann flúði til
Mexíkó frá ógnarstjórn Stalíns.
Frida Kahlo
sýnd í Mexíkó
Hluti sjálfsmyndar
Fridu Kahlo.
ÍSLENSKI listamaðurinn Hreinn
Friðfinnsson fékk afar lofsam-
legan dóm í sunnudagsútgáfu The
Observer fyrir sýningu sína í
Serpentine Gallery.
Gagnrýnandinn Laura Cumm-
ing er afskaplega hrifinn af því
hvernig Hreinn nær að leiða
áhorfandann aftur til vetrarnætur
á íslenskri strönd fyrir 36 árum
þar sem hann byggði hvít hlið sem
aðeins sunnanvindurinn gat opn-
að. Þetta barnabókalega stef er
um leið goðsagnakennt og 14 ljós-
myndir Hreins frá þessum tíma
má sjá á sýningunni.
Hún lýsir Hreini sem ekki síðra
skáldi en ljósmyndara og skúlp-
túrlistamanni og er hrifin af því
hve óhræddur listamaðurinn er
við það að vera rómantískur og
nefnir það þegar hann gerir til-
raun til þess að grípa regnbogann
með höndunum. Þá sé hann spar á
alla stæla og sanni svo sannarlega
að lítið sé oft meira.
Þá þykir Lauru hann ná með
eftirminnilegum hætti að end-
urvekja minningar sem ásækja
huga okkar, um horfna staði,
gleymdar tilfinningar og týnda
vini.
Hún lýsir Hreini sem helsta
listamanni Íslendinga og telur
einnig til hinn hálfíslenska Ólaf
Elíasson og Steingrím Eyfjörð,
sem hún segir yndislega glettinn.
Fyrir áhugasama gesti Lund-
únaborgar stendur sýningin til 2.
september.
Hreinn fær frábæra
dóma í Observer
Lundúnir sigraðar Hreinn Frið-
finnsson þykir lunkinn við að
kveikja á sameiginlegum minn-
ingum listunnenda.
♦♦♦
Kammertónleikar á Kirkju-
bæjarklaustri 2007:
Föstudagur 10. ágúst kl.
21.00.
Einkum leikin gömul, klassísk
tónlist, svo sem verk eftir
meistara á borð við Haydn og
Beethoven.
Laugardagur 11. ágúst kl.
17.00.
Spænsk tónlist í fyrirrúmi.
Sunnudagur 12. ágúst kl.
15.00.
Tónlist frá 20. og 21. öld áber-
andi.
Flytjendur:
Guðrún Jóhanna Ólafsdóttir,
messósópran og listrænn
stjórnandi.
Víkingur Heiðar Ólafsson, pí-
anó.
Francisco Javier Jáuregui,
klassískur gítar.
Robert Brightmore, klassískur
gítar.
Elena Jáuregui, fiðla.
Dagskráin
AUGLÝSINGADEILD
netfang: augl@mbl.is eða sími 569 1111