Morgunblaðið - 08.08.2007, Page 15
MORGUNBLAÐIÐ MIÐVIKUDAGUR 8. ÁGÚST 2007 15
MENNING
ER BRUNAVIÐVÖRUNARKERFI
Í FYRIRTÆKINU ÞÍNU
TENGT SECURITAS?
BRUNAVIÐVÖRUNARKERFI SECURITAS
TONY Blair kann að vera hættur
sem forsætisráðherra en Bretar eru
greinilega ekki tilbúnir að gleyma
honum strax. Á
Edinborgarhátíð-
inni keppa tveir
söngleikir um at-
hygli áhorfenda,
annar heitir
Tony! The Blair
Musical og hinn
heitir Tony Blair
- the Musical.
Chris Bush er
höfundur fyrr-
nefnda söngleiksins og segir glam-
úrinn sem einkenndi valdatíð Blair
henta söngleik vel, hann hafi meira
að segja spilað í hljómsveit. Blair er
eini forsætisráðherrann sem höf-
undurinn þekkir almennilega enda
var Bush ekki nema ellefu ára þegar
hann var kosinn. Í verkinu bregður
meðal annars fyrir rakarastofu-
kvartett leiðtoga Íhaldsflokksins.
James Lark er höfundur keppi-
nautarins, Tony Blair - The Musical,
og leikur sjálfur Gordon Brown, arf-
taka Blairs, í uppfærslunni. Hann
segir að Blair hafi alltaf virst vera að
leika og væri því tilvalið efni í söng-
leik. Verkið fjallar um síðustu daga
Blairs sem hann líkir við Macbeth og
Júlíus Sesar.
Tony
gegn Blair
Tony Blair
HREINN Friðfinnsson heldur
áfram að fá frábæra dóma fyrir sýn-
ingu sína í Gallery Serpentine í
London. Áður
hefur verið greint
frá jákvæðum
dómi í The Ob-
server en nú hafa
dagblöðin The
Guardian og The
Independent
ásamt tímarit-
unum This is
London og Le
Cool bæst í hóp-
inn.
Gagnrýnendunum er tíðrætt um
hve verk Hreins eru draumkennd og
Adrian Searle hjá The Guardian lík-
ir honum bæði við franska lista-
manninn Marcel Duchamp og portú-
galska skáldið José Saramago, en
margir gagnrýnendur hafa einmitt
minnst á að Hreinn sé litlu síðra
skáld en myndlistarmaður. Sýningin
í Serpentine-safninu stendur til 2.
september næstkomandi.
Bretar lofa
Hrein
Hreinn
Friðfinnsson
DÚÓIÐ Para-Dís spratt upp
úr skapandi sumarstörfum
Hins hússins en þau Hafdís
Vigfúsdóttir flautuleikari og
Kristján Karl Bragason hafa
verið dugleg að spila áfram eft-
ir það. Á fimmtudaginn halda
þau tónleika í Stykkishólms-
kirkju kl. 20.30. Tónleikarnir
eru um klukkustund að lengd
og er aðgangseyrir 1.000 krón-
ur og 500 krónur fyrir eldri
borgara.
Á dagskrá eru sumarlegir franskir tónar tón-
skáldanna Sancan, Messiaen, Chopin, Widor og
Gaubert.
Tónlist
Para-Dís í
Stykkishólmi
Hafdís Vigfúsdóttir
flautuleikari.
Á MORGUN mun Hafdís
Huld loks halda tónleika hér á
landi eftir að hafa haldið um
80 tónleika víðsvegar um Evr-
ópu. Tilefnið er útgáfa plöt-
unnar Dirty Paper Cup, en
Hafdís segir þetta síðbúna út-
gáfutónleika plötunnar sem
var valin poppplata ársins
2006 á Íslensku tónlist-
arverðlaununum. Það eru
bresku tónlistarmennirnir
Alisdair Wright, Sarah Croft og Steve Ling sem
leika undir hjá GusGus-söngkonunni fyrrverandi.
Tónleikarnir eru í Salnum í Kópavogi og hefjast
kl. 20.30.
Tónlist
Hafdís Huld
syngur í Salnum
Söngkonan
Hafdís Huld.
Á LAUGARDAGINN verður
opnuð sýning Álfheiðar Ólafs-
dóttur, Líf framundan. Sýn-
ingin er framhald af sýningu
hennar Álfar og tröll sem lauk
nýverið í Bæjar- og bókasafni
Selfossbæjar. Í Lífi framundan
fetar hún áfram veginn í heimi
álfa og huldufólks og mun Álf-
heiður vera íklædd álfabúningi
við opnunina. Álfheiður hefur
fengist við myndlist í 17 ár og
meðal annars gefið út barnabókina Grímur og sæ-
kýrnar. Sýningin verður opnuð í Listasetrinu
Kirkjuhvoli á Akranesi klukkan 14 á laugardag og
stendur til 21. ágúst.
Myndlist
Framhaldslíf
álfa Álfheiðar
Álfheiður
Ólafsdóttir
Eftir Sverri Norland
sverrirn@mbl.is
DAGSKRÁ menningarnætur var
kynnt í gær í afslöppuðu og notalegu
umhverfi, gestir gæddu sér á rjóma-
vöfflum og hreiðruðu margir hverjir
um sig í hægindastólum. Var það vel
við hæfi; nokkrir íbúar Þingholtanna
hyggjast hafa opið hús á menning-
arnótt og bjóða upp á nýbakaðar
vöfflur og rjúkandi kaffi. Þykir téð
„Vöfflukaffi“ einkar skemmtileg ný-
lunda á hátíðinni, og endurspegla
þær frjálslegu og heimilislegu
áherslur sem reynt er að hafa í for-
grunni.
Hvarvetna brugðið á leik
Menningarnótt í miðborginni
verður haldin tólfta sinni í ár, laug-
ardaginn 18. ágúst næstkomandi. Að
þessu sinni verða á fjórða hundrað
atriða og viðburða á borðum mið-
bæjargesta, jafnt innan- sem utan-
dyra, úti á götum, í görðum, á torg-
um, söfnum, kaffihúsum, í galleríum,
kirkjum, verslunum, á veitinga-
húsum, og guð má vita hvar! - sjón
sennilega sögu ríkari, dagskráin
enda aldrei verið veglegri, svo að
gripið sé til gamallar klisju.
Venjan hefur verið sú að dag-
skráin miðist einkum við miðbæj-
arkjarnann, en nú stendur til að
leggja nokkra áherslu á jaðarsvæði
hátíðarmarkanna, líkt og stórkons-
ert sem haldinn verður á Klambrat-
úni er til marks um. Þá hefur jafnan
tíðkast að bjóða vissum sveit-
arfélögum að vera sérlegir gestir
hverrar hátíðar, en í hittiðfyrra var
reyndar brugðið út af vananum og
Kaupmannahöfn boðuð til leiks. Nú
er aftur seilst út fyrir landsteinana, -
íbúar Þórshafnar í Færeyjum verða
sérstakir gestir í ár: vísnasöngvari,
poppsöngkona, vikivakadans- og
sönghópur og myndlistarmenn
leggja til að mynda leið sína á Frón-
ið.
Nokkur áhersla verður lögð á
þátttöku hátíðargesta í hinum ýmsu
viðburðum, hvort sem um ræðir hóp-
söng, sögustundir eða listasmiðjur
fyrir börn. Raunar ætti yngsta kyn-
slóðin að uppgötva fjölmargt sér til
skemmtunar, og má til dæmis nefna
heilmikla brúðusýningu í Heilsu-
verndarstöðinni við Barónsstíg, þar
sem fjölmargar fjörugar fígúrur
stíga á svið.
Svokölluð Mannréttindavakt
menningarnætur lætur sitt ekki eft-
ir liggja, en ýmis félög og stofnanir
munu kynna starfsemi sína, baráttu-
mál og keppikefli. UNIFEM býður
gestum á framandi kvennaslóðir í
Langtíburtuistan, Landsamband
æskulýðsfélaga stendur fyrir lifandi
bókasafni í tjaldi á Austurvelli, eig-
endur Harley-Davidson-vélhjóla
safna fyrir langveik börn og Am-
nesty International skemmta og
vekja athygli á þörfum málefnum.
Göngugörpum býðst svo að taka
þátt í skipulögðum spássitúrum und-
ir handleiðslu valinkunnra og fróðra
manna, og ýmsar fræðastofnanir
verða jafnframt með dagskrá.
Menningin fræðir því og skemmtir
mönnum í ár.
Vöfflur, rjómi og menning
Fjölbreytt, fræðandi og feikifjörug dagskrá menningarnætur var kynnt í gær
Morgunblaðið/Sverrir
Veisla Haukur Leósson, stjórnarformaður Orkuveitunnar, fær sér vöfflu
með borgarstjóra og húsráðendum á Lokastíg 28, þar sem fundað var.
Í HNOTSKURN
»Menningarnótt í Reykjavíkverður haldin í tólfta sinn í
ár, hinn 18. ágúst næstkom-
andi.
»Framreiddir verða ótalviðburðir, skemmtiatriði,
uppákomur og sýningar, sam-
tals á fjórða hundrað.
»Dagskránni mun að venjuljúka með stórglæsilegri
flugeldasýningu í boði Orku-
veitu Reykjavíkur. Verður lit-
ríkum skrautflugum skotið úr
varðskipinu Ægi, sem liggja
mun við akkeri rétt utan við
Sæbraut.
Dagskrá menningarnætur má
nálgast á heimasíðunni
www.menningarnott.is frá og með
10. ágúst, og einnig á ensku á slóð-
inni www.visitreykjavik.is.
Eftir Helga Snæ Sigurðsson
helgisnaer@mbl.is
Í GÆR var sagt frá vel lukkuðum
flutningi Fífilbrekkuhópsins, í Ís-
lendingabyggðum í Kanada, á lög-
um sem Atli Heimir Sveinsson
samdi við ljóð Jónasar Hallgríms-
sonar. Þar kom fram að Davíð
nokkur Gíslason, 65 ára bóndi í
Árborg í Manitoba og áhugamaður
um Jónas, kynnti ljóðin á ensku
fyrir tónleikagesti. Heiðlóarkvæði,
Ferðalok og Ásta voru m.a. flutt.
Davíð hefur þýtt nokkur ljóða
Jónasar á ensku en hefur þó ekki
gefið út þýðingar sínar.
Blaðamann fýsti að vita meira
um þennan Vestur-Íslending og
sló því á þráðinn til Davíðs, sem
staddur var í brakandi blíðu við
bakka Winnipeg-vatns með Fíf-
ilbrekkuhópnum. Davíð talar
prýðilega íslensku, vart hægt að
heyra á máli hans að hann sé
fæddur og uppalinn í Kanada.
„Hér í dag er blankandi logn og
sólskin, vatnið blátt og slétt sem
spegill,“ segir Davíð við blaða-
mann, sem horfir bitur út um
gluggann á gráan himin yfir hálf-
tómu Rauðavatni. En hvers vegna
þekkir Davíð svo vel til ljóða Jón-
asar?
„Ég hef lesið þó nokkuð af ljóð-
unum og um hann í vetur þannig
að ég hef betri skilning á honum
en áður,“ segir Davíð. Doktor
Birna Bjarnadóttir, prófessor í ís-
lensku við Manitoba-háskóla, hafi
einnig glætt hjá honum áhuga á
ljóðum Jónasar í fyrrahaust.
Flutti Heiðlóarkvæði á ensku
Guðni Ágústsson kemur einnig
við sögu. „Ég held það hafi verið
landbúnaðarráðherra fyrrverandi,
Guðni Ágústsson, sem benti mér á
að ljóðið Ferðalok væri gjarnan
talið landsins fegursta ljóð,“ segir
Davíð. „Ég fór þá að skoða það
betur og þýddi í vetur og flutti
það í Gimli um daginn, á þessari
Jónasarhátíð.“
Davíð segist gera það að gamni
sínu að þýða ljóð Jónasar og flytja
á ensku við tækifæri. Síðastliðinn
mánudag hafi hann flutt enska
þýðingu sína á Heiðlóarkvæði.
„Ég geri þetta mest fyrir sjálfan
mig og Vestur-Íslendinga hér sem
hafa gaman af að sjá hvað í þess-
um ljóðum liggur,“ segir Davíð og
vill lítið gera úr því góða starfi, að
vekja athygli á ljóðum Jónasar.
Þýðir og flytur ljóð Jónasar
Morgunblaðið/Kristinn
Jónasarmaður Davíð Gíslason,
bóndi í Árborg í Manitoba.
♦♦♦