Morgunblaðið - 10.11.2007, Qupperneq 16

16 LAUGARDAGUR 10. NÓVEMBER 2007 MORGUNBLAÐIÐ
ERLENT
RÍKISSTJÓRNIN í Finnlandi
hyggst herða lög um byssueign eft-
ir að átján ára nemi, Pekka-Eric
Auvinen, varð átta manns að bana í
skotárás í skóla í bænum Tuusula á
miðvikudaginn var.
Stjórnin hyggst beita sér fyrir
því að ungmennum undir átján ára
aldri verði bannað að kaupa byssur
en leyft að nota þær undir eftirliti
fullorðinna.
Samkvæmt núgildandi lögum
geta fimmtán ára unglingar keypt
byssur í Finnlandi ef foreldrar
þeirra leyfa það. Skotfimi og skot-
veiðar njóta mikilla vinsælda í land-
inu og finnsk stjórnvöld hafa hing-
að til verið treg til að taka upp
sömu reglur um byssueign og gilda
í öðrum aðild-
arlöndum Evr-
ópusambandsins,
að því er fram
kom á fréttavef
BBC.
Finnland er í
þriðja sæti á eftir
Bandaríkjunum
og Jemen á lista
yfir lönd þar sem
byssueign er hlutfallslega mest,
samkvæmt alþjóðlegri skýrslu. Um
56 af hverjum 100 Finnum eiga
byssur.
Skotárásir eru þó tiltölulega
sjaldgæfar í Finnlandi og byssur
eru notaðar í 14% morða sem fram-
in eru í landinu.
Finnska ríkisstjórnin hyggst
herða lög um byssueign
Auvinen
59 BÖRN og fimm kennarar þeirra
biðu bana í sjálfsvígsárásinni í Afg-
anistan á þriðjudaginn var, að sögn
afganska menntamálaráðuneytisins
í gær. Alls létu 75 manns lífið í árás-
inni, þeirra á meðal sex þingmenn
og fimm lífverðir þeirra.
Nær hundrað börn særðust. Börn-
in höfðu safnast saman til að fagna
þingmönnunum sem voru í skoð-
unarferð um sykurverksmiðju.
Afganskir talibanar neituðu því
að þeir hefðu staðið fyrir tilræðinu
en sögðust ætla að herða árásir sín-
ar í norðurhluta landsins þar sem norskur hermaður beið bana í sprengju-
tilræði uppreisnarmanna í fyrradag.
Sorg Frá útför eins fórnarlamba
sprengjutilræðisins í Afganistan.
AP
Nær 60 börn létu lífið í
sprengjutilræði í Afganistan
AUNG San Suu Kyi, leiðtogi stjórn-
arandstöðunnar í Búrma, átti fund
með fjórum flokksbræðrum sínum í
gær og er þetta í fyrsta skipti í þrjú
ár sem herforingjastjórnin heimilar
að hún ræði við flokksfélaga sína.
Suu Kyi er mjög bjartsýn á gang
viðræðna Sameinuðu þjóðanna og
herforingjastjórnarinnar í Búrma,
að sögn talsmanns flokks hennar.
Herforingjastjórnin heimilaði
fundinn degi eftir að sendifulltrúi
Sameinuðu þjóðanna, Ibrahim
Gambari, lauk sex daga heimsókn
til Búrma. Hann vinnur að því að
koma á viðræðum milli herforingja-
stjórnarinnar og Suu Kyi.
Leyft að ræða
við flokksfélaga
Reuters
Heilsast Suu Kyi og Ibrahim Gambari.
BERNARD Kerik, fyrrverandi lögreglustjóri í New York, var í gær form-
lega ákærður fyrir spillingu, undanskot á skatti og rangan framburð. Ker-
ik lýsti sig saklausan af öllum ákærum er hann kom fyrir dómara. Grannt
er fylgst með máli Keriks því talið er hugsanlegt að það geti skaðað for-
setaframboð Rudys Giuliani en það var Giuliani sem skipaði Kerik lög-
reglustjóra er hann var borgarstjóri í New York. Það var einnig Giuliani
sem hvatti George W. Bush Bandaríkjaforseta til að útnefna Kerik ráð-
herra heimavarnarmála árið 2004 en Kerik varð fljótlega að draga sig í hlé
þegar upp komst að hann hafði gerst brotlegur við skattalög.
Kerik lýsir sig saklausan
Íslamabad. AP, AFP. | Lögreglan í
Pakistan setti Benazir Bhutto, fyrr-
verandi forsætisráðherra landsins, í
stofufangelsi og kom upp gaddavírs-
girðingu í kringum hús hennar í Ísl-
amabad í gær til að koma í veg fyrir
að hún gæti tekið þátt í mótmælum
gegn neyðarlögum sem Pervez Mus-
harraf forseti setti. Fregnir hermdu
að lögreglan hefði handtekið þús-
undir stuðningsmanna Bhutto og
annarra stjórnarandstæðinga til að
hindra fjöldamótmæli.
Bhutto reyndi tvisvar sinnum að
komast framhjá tugum lögreglu-
manna sem umkringdu hús hennar.
„Leggið ekki hendur á konu. Þið er-
uð múslímar. Þetta samræmist ekki
íslam,“ sagði Bhutto en lög-
reglumennirnir svöruðu með því að
leggja brynvörðum bíl fyrir framan
bifreið hennar. Bhutto hafði ætlað
að efna til mótmæla í nálægri borg,
Rawalpindi, þrátt fyrir bann Mus-
harrafs við fjöldasamkomum. Um
6.000 lögreglumenn voru á götum
Rawalpindi til að koma í veg fyrir
mótmælin og beittu táragasi og kylf-
um til að flæma burt hundruð stuðn-
ingsmanna Bhutto.
Seint í gærkvöldi tilkynnti innan-
ríkisráðherra Pakistans, Kamal
Shah, hins vegar að Bhutto væri
frjáls ferða sinna á ný.
Fjórir féllu í tilræði
Spennan í landinu magnaðist enn í
gær þegar sjálfsvígsárás var gerð
við hús ráðherra í borginni Peshaw-
ar í norðvestanverðu landinu. Að
minnsta kosti fjórir lágu í valnum.
Talið er að íslamskir öfgamenn
hafi staðið fyrir sprengjutilræðinu
og öðru hryðjuverki sem kostaði 145
manns lífið og beindist að Benazir
Bhutto þegar hún sneri heim úr átta
ára útlegð í síðasta mánuði.
Musharraf skírskotaði til hætt-
unnar sem Pakistan stafaði af ísl-
ömskum öfgamönnum þegar hann
réttlætti þá ákvörðun sína að setja
neyðarlög á laugardaginn var. Flest-
ir þeirra sem hafa verið handteknir
frá því að neyðarlögin voru sett eru
þó úr röðum hófsamra stjórnarand-
stæðinga og lýðræðissinna – lög-
fræðinga og félaga í flokkum á borð
við flokk Bhutto. Fjöldahandtök-
urnar hafa því kynt undir gagnrýni á
neyðarlögin og ásökunum um að for-
setinn hafi sett þau í þeim tilgangi
einum að reyna að halda völdunum.
Harkalegar aðgerðir yfirvalda til
að koma í veg fyrir mótmæli sýna að
Musharraf hyggst hvergi hvika í
baráttunni við pólitíska andstæðinga
sína þótt hann hafi lýst því yfir dag-
inn áður að þingkosningar ættu að
fara fram fyrir 15. febrúar.
Flokkur Bhutto sagði að 5.000
stuðningsmenn hans hefðu verið
handteknir síðustu þrjá daga.
Reuters
Stöðvuð Benazir Bhutto ávarpar stuðningsmenn sína við gaddavír sem lögreglan setti upp við hús hennar í Ísl-
amabad til að koma í veg fyrir að hún gæti tekið þátt í mótmælum sem hún hafði boðað í borginni Rawalpindi.
Bhutto í stofufangelsi
Pakistanska lögreglan sögð hafa handtekið þúsundir
manna til að koma í veg fyrir fjölmenn götumótmæli
Tbilisi. AFP, AP. | Stjórnmálaskýrend-
ur telja að sú ákvörðun Mikhails
Saakashvilis, forseta Georgíu, að
flýta forsetakosningum auðveldi
honum að verjast ásökunum um
mannréttindabrot. Þeir segja að
hann sé mjög líklegur til að ná end-
urkjöri.
Ákvörðunin kom mörgum á óvart
og þótti í samræmi við upplag forset-
ans, en hann hefur getið sér orð fyrir
að taka oft áhættu og koma andstæð-
ingum sínum í opna skjöldu.
Áður en Saakashvili tilkynnti að
kosningunum yrði flýtt setti hann
neyðarlög til að kveða niður götu-
mótmæli stjórnarandstæðinga sem
saka hann um spillingu, einræðistil-
burði og mannréttindabrot. Stjórn-
málaskýrendur sögðu að harkalegar
aðgerðir yfirvalda til að brjóta mót-
mælin á bak aftur flekkuðu ímynd
hans sem lýðræðissinna.
Saakashvili tilkynnti síðan í sjón-
varpsávarpi í fyrradag að forseta-
kosningar, sem áttu að fara fram
næsta haust, yrðu haldnar 5. janúar.
Þar með varð hann við einni af kröf-
um stjórnarandstöðunnar sem
krafðist einnig þess að þingkosning-
um yrði flýtt. Forsetinn boðaði þjóð-
aratkvæðagreiðslu 5. janúar um
hvort flýta bæri þingkosningunum
og sagði að neyðarlögin yrðu afnum-
in bráðlega.
Sneri stöðunni sér í vil
Stjórnarandstaðan í Georgíu, sem
hafði skipulagt sex daga fjöldamót-
mæli til að krefjast þess að Saakas-
hvili léti af embætti, lýsti yfir sigri og
spáði því að Saakashvili myndi bíða
ósigur í kosningunum í janúar.
Stjórnmálaskýrendur sögðu á
hinn bóginn að með því að flýta kosn-
ingunum hefði Saakashvili slegið
vopnin úr höndum stjórnarandstöð-
unnar og snúið vörn í sókn. Líklegt
væri að kjósendur myndu líta á hann
sem sanngjarnan stjórnmálamann
eftir rimmuna við stjórnarandstöð-
una.
„Þetta var mjög snjall leikur.
Hann sneri stöðunni sér í vil,“ sagði
stjórnmálaskýrandinn Alexander
Rondeli, sem var um tíma ráðgjafi
Eduards Shevardnadze, fyrrverandi
forseta Georgíu. „Ég tel að hann hafi
sýnt að hann hræðist ekki andstæð-
inga sína og sé viss um að ná endur-
kjöri.“
Stjórnmálaskýrendurnir telja að
stjórnarandstaðan hafi ekki burði til
að veita Saakashvili mikla keppni í
kosningunum.
Sló vopnin úr hönd-
um andstæðinganna
Saakashvili tefldi á tvær hættur en er talinn mjög líklegur
til að ná endurkjöri eftir að hafa flýtt kosningum í Georgíu
AP
Sigurstranglegur Mikhail Saakas-
hvili, forseti Georgíu.
Í HNOTSKURN
» Saakashvili forseti sakaðiRússa um að hafa staðið fyrir
mótmælunum í Georgíu og vék
þremur rússneskum stjórnarer-
indrekum úr landi.
» Rússnesk stjórnvöld neituðuþessari ásökun og svöruðu í
sömu mynt.
» Stjórn Bandaríkjanna fagn-aði þeirri ákvörðun Saakas-
hvilis að flýta kosningunum en
hvatti hann til að aflétta neyð-
arlögunum.