Morgunblaðið - 15.11.2007, Síða 4

4 FIMMTUDAGUR 15. NÓVEMBER 2007 MORGUNBLAÐIÐ
FRÉTTIR
Eftir Gísla Árnason
gisliar@mbl.is
JÓHANNA Sigurðardóttir félagsmálaráðherra
kynnti á blaðamannafundi í gær úrbætur á lög-
um um málefni langveikra barna, sem sett voru
árið 2006. Úrbótunum er ætlað að koma betur til
móts við aðstæður foreldra langveikra barna, en
meðal breytinga er tekjutenging greiðslna til
foreldra á vinnumarkaði og að foreldrar lang-
veikra barna geti fengið aðstoð óháð atvinnu-
þátttöku.
Jóhanna sagði að eftir að lögin voru sett á síð-
asta ári hefðu komið í ljós ýmsir gallar á þeim.
Hópi langveikra bauðst ekki fjárhagsaðstoð, m.a.
foreldrum barna sem greindust með langvinnan
sjúkdóm áður en lögin voru sett. Greiðslur þóttu
lágar, 95.700 krónur á mánuði, og takmörk voru
á því hve lengi foreldrar áttu rétt á þeim.
Í frumvarpinu er gert ráð fyrir tvískiptu kerfi,
annars vegar vinnumarkaðstengdu og svo fé-
lagslegu. Vinnumarkaðstengda kerfið er hannað
með hliðsjón af lögum um fæðingarorlof og nema
greiðslur 80% af launum en hámarksfjárhæð er
648.250 krónur. Foreldri sem verið hefur á
vinnumarkaði í þrjá mánuði á rétt á tekjutengd-
um greiðslum í þrjá mánuði og er sá tími fram-
lengjanlegur um þrjá mánuði í alvarlegum til-
fellum.
Í félagslega hluta kerfisins er lagt til að
greiðslur til fólks sem ekki hefur af einhverjum
ástæðum tekið þátt í atvinnulífinu verði hækk-
aðar, og verða afnumin takmörk á því hve lengi
foreldrar langveikra barna geta fengið greiðslur.
Gert er ráð fyrir að grunngreiðslur hækki úr
95.700 í 130.000 krónur á mánuði en við bætast
greiðslur vegna barna yngri en átján ára og sér-
stakar barnagreiðslur fyrir einstæða foreldra.
Þannig getur einstætt foreldri langveiks barns
með þrjú börn á framfæri undir átján ára aldri
átt rétt á allt að 198.698 krónum á mánuði.
Sigur fyrir fjölskyldur langveikra barna
Ragna Marinósdóttir, framkvæmdastjóri Um-
hyggju, félags til stuðnings langveikum börnum,
sagðist á blaðamannafundinum fagna frumvarp-
inu og það væri mikill sigur fyrir fjölskyldur
langveikra barna sem margar hverjar lentu í
fjárhagsvandræðum þegar launaumslögin hættu
að berast. Sagði hún breytingarnar marka tíma-
mót í tíu ára baráttu félagsins fyrir réttindum.
Litið er á greiðslurnar sem ígildi atvinnutekna
og eru þær því skattskyldar. Þær koma hins veg-
ar til viðbótar öðrum greiðslum sem fjölskyldur
langveikra barna fá, t.d. frá stéttarfélögum og úr
sjúkrasjóði og skerðast ekki þótt foreldri fái aðr-
ar greiðslur vegna veikindanna.
Úrbætur vegna gallaðra laga
Komið til móts við
aðstæður foreldra
langveikra barna
Morgunblaðið/Árni Sæberg
Veik Mörg langveik börn og fjölskyldur þeirra
þurfa að dveljast á Barnaspítala Hringsins.
Morgunblaðið/Ómar
Útför Guðmundar
Jónssonar
ÚTFÖR Guðmundar Jónssonar
söngvara var gerð frá Fríkirkjunni
í Reykjavík í gær. Séra Cecil Har-
aldsson jarðsöng, Óperukórinn
söng sem og Karlakór Reykjavíkur
en Diddú söng einsöng með honum
og Jón Stefánsson lék undir. Þá lék
Gunnar Kvaran á selló. Kistuna
báru úr kirkju Haraldur og Jón Þór
Þorvarðarsynir, Jón Axel Pét-
ursson, Njörður P. Njarðvík, Guð-
laugur Kristinn Óttarsson, Björg-
ólfur Þorsteinsson, Guðmundur
Kristjánsson og Loftur Erlingsson.
LÖGREGLURANNSÓKN er hafin á heimasíðunni skapari.com þar sem
rekinn er áróður fyrir kynþáttastefnu og vegið að æru nafngreinds fólks.
Íslensku forsetahjónin eru meðal þeirra sem síðuhaldari ræðst á með
grófum hætti.
Lögreglan á höfuðborgarsvæðinu fékk nýlega tilkynningu um síðuna
og hóf þá rannsókn. Er sjónum meðal annars beint að þeim sem bera
ábyrgð á síðunni og vista hana. Verið er að rannsaka hvort efni síðunnar
kunni að varða við hegningarlög þar sem fangelsisrefsing liggur við æru-
meiðingum og því að smána fólk á grundvelli kynþáttar þess og lit-
arháttar.
Á umræddri síðu er hakakross nasista birtur ítrekað og honum skeytt
inn á mynd af íslenska þjóðfánanum.
Lögregla rannsakar
vef kynþáttahatara
Vegið að æru forsetahjónanna og fleiri
HÉRAÐSDÓMUR Reykjavíkur
hefur dæmt mann á þrítugsaldri í
9 mánaða fangelsi fyrir að hóta
lögreglumanni líkamsmeiðingum
og kýla hann. Fram kemur í dómn-
um að maðurinn var árið 2005
dæmdur í skilorðsbundið fangelsi
fyrir líkamsárás og rauf hann skil-
orð þess dóms með brotinu.
Maðurinn var farþegi í bíl sem
lögreglan stöðvaði við eftirlit í
Reykjavík í ágúst 2005. Fram kem-
ur í dómnum að ökumaður bílsins
hafi verið mjög æstur og í ann-
arlegu ástandi og því hafi lög-
reglumennirnir ákveðið að færa
hann í handjárn.
Farþeginn hafi þá orðið enn
æstari og farið út úr bílnum og að
lögreglubílnum. Einn lög-
reglumaður hafi reynt að róa
manninn niður en án árangurs.
Sannað þótti að ákærði hefði sleg-
ið lögreglumanninn í vanga og
eyra. Litið var til alvöru brotsins
og þess að ákærði hafði áður verið
sakfelldur af ákæru fyrir stór-
fellda líkamsárás.
Símon Sigvaldason héraðsdóm-
ari dæmdi málið.
Dæmdur fyrir
ofbeldi gegn
lögreglu
GANGANDI vegfarandinn sem
varð fyrir bíl á Nýbýlavegi á mánu-
dagskvöld liggur mikið slasaður á
gjörgæsludeild Landspíta að sögn
læknis en er þó ekki hafður í önd-
unarvél. Jeppi skall á manninum á
mótum Valahjalla og Nýbýlavegar
með þeim afleiðingum að maðurinn
kastaðist tugi metra.
Þá liggur annar maður enn á
gjörgæsludeild eftir bílslys á Suð-
urlandsvegi á laugardag. Hefur
hann gengist undir aðgerðir á spít-
alanum og er í öndunarvél. Líðan
hans er óbreytt.
Á gjörgæslu
eftir bílslys
GENGIÐ hefur verið frá nýju sam-
komulagi um norsk-íslenzku síldina
fyrir árið 2008 á fundi strandríkj-
anna sem nú fer fram í London.
Samkvæmt samkomulaginu verður
heildarkvótinn 1.518.000 tonn, en í
hlut Íslands munu koma 220.262
tonn. Eftir samkomulag aðild-
arþjóðanna um veiðarnar hefur
kvóti Íslands aldrei verið meiri.
Þessi niðurstaða um heildarafla
byggist á stofnmati Alþjóða-
hafrannsóknaráðsins (ICES) og
langtíma nýtingarstefnu sem
strandríkin gerðu samkomulag um
árið 1999. Norsk-íslenzki síld-
arstofninn er í góðu ástandi og er
áætlað að stærð hrygningarstofns
sé um 12 milljónir tonna. Fisk-
veiðiráðgjafarnefnd ICES skilaði
ráðgjöf í október síðastliðnum og
samkvæmt þeirri ráðgjöf hefði
heildaraflinn orðið 1.266.000 tonn.
Strandríkin funduðu síðar í mán-
uðinum og skiptu með sér þessum
ráðlagða afla. Síðar kom í ljós að
útreikningarnir sem ráðgjöfin
byggðist á voru rangir. Útreikning-
arnir hafa nú verið leiðréttir og
byggist samkomulagið á leiðréttu
niðurstöðunni.
Aukinn
síldarkvóti
JÓN Sen fiðluleikari
lést að kvöldi 4. nóvem-
ber síðastliðins á Vífils-
stöðum, 83 ára að aldri.
Jón fæddist á eyjunni
Amoy í Kína 9. febrúar
1924 og ólst þar upp til
þrettán ára aldurs.
Hann er sonur Kwei-
Ting Sen (1894-1949),
rektors við háskólann í
Amoy og síðar prófess-
ors við háskólann í
Shanghai, og Oddnýjar
Erlendsdóttur Sen
(1889-1963) frá Álftanesi, síðar kenn-
ara í Reykjavík.
Jón fluttist með móður sinni og
systur til Íslands árið 1937 eftir inn-
rás Japana í Kína og hóf nám við
Menntaskólann í Reykjavík og Tón-
listarskólann í Reykjavík, en þaðan
útskrifaðist hann árið 1945. Hann
vann fyrir sér með því að taka ljós-
myndir og tók meðal annars myndir
á lýðveldishátíðinni á Þingvöllum ár-
ið 1944. Hann fór í framhaldsnám í
fiðluleik við The Royal Academy of
Music í London og settist að í
Reykjavík að loknu námi. Hann var í
strengjakvartett Björns Ólafssonar
fiðluleikara og síðar í Íslensk-amer-
íska kvartettinum en
með honum fór hann í
tónleikaför um landið
árið 1958. Ári síðar fór
hann í tónleikaför
ásamt kvartettinum til
Bandaríkjanna.
Jón spilaði í Út-
varpshljómsveitinni
sem síðar varð Sinfón-
íuhljómsveit Íslands
og starfaði þar allan
sinn starfsaldur. Hann
gegndi starfi konsert-
meistara um tveggja
ára skeið og var annar konsertmeist-
ari þar til hann lét af störfum fyrir
aldurs sakir árið 1984. Hann kenndi
jafnframt fiðluleik í Tónlistarskólan-
um í Reykjavík um árabil.
Jón starfaði sem rafeindavirki
samhliða starfi sínu í Sinfóníuhljóm-
sveit Íslands og framleiddi fyrstur
Íslendinga þrjú þúsund sjónvarps-
tæki sem nefndust SEN-tæki á ár-
unum 1960-1970. Hann rak fyrirtæki
með fjarskiptabúnað sem hét Raf-
eindatæki til ársins 2002.
Eftirlifandi eiginkona Jóns er
Björg Jónasdóttir. Þau eiga fjögur
börn, Þóru Sen, Oddnýju Sen, Jónas
Sen og Jón Hai Hwa Sen.
Jón Sen
Andlát
SKIPULAGSRÁÐ Reykjavíkur-
borgar samþykkti í gær breytingar á
innra fyrirkomulagi hins nýja Apó-
teks bars í Austurstræti 16 sem nú
hefur verið breytt úr veitingastað í
skemmtistað.
Fulltrúar Sjálfstæðisflokksins í
skipulagsráði sátu hjá við afgreiðslu
málsins og telja þá breytingu sem
þarna er að eiga sér stað „á einu mik-
ilvægasta horni miðborgarinnar ekki
farsæla,“ segir í bókun þeirra. „Starf-
semi og þjónusta sem hefði tryggt að
húsið væri opið almenningi á daginn
hefði verið mun æskilegri í þessu
merka húsi í hjarta Reykjavíkur.
Borgaryfirvöld virðast hins vegar
ekki hafa lagalegar forsendur til að
synja umsókn um rekstur nætur-
klúbbs á þessum stað og í ljósi þess
sitja fulltrúar Sjálfstæðisflokksins hjá
við afgreiðslu málsins.“
Lögreglustjórinn á höfuðborgar-
svæðinu bíður enn eftir umsögnum
ýmissa lögbundinna umsagnaraðila
vegna útgáfu rekstrarleyfis fyrir
staðinn en Garðar Kjartansson,
rekstraraðili Apóteks, segist samt
vera með rekstrarleyfi. Það sé rekstr-
arleyfið sem fylgdi staðnum þegar
hann tók við honum. Greitt sé fyrir
leyfi fyrir eitt ár í senn og verði eig-
endaskipti á miðju tímabili, gangi nýr
eigandi inn í gildandi rekstrarleyfi og
sæki um nýtt þegar tími er kominn til.
Staðurinn var opnaður um síðustu
helgi og segir Garðar að fjarlægðar
hafi verið filmur úr glugga að beiðni
borgaryfirvalda.
Apótek fær
blessun borgar
Í HNOTSKURN
»Sjálfstæðismenn í skipulags-ráði eru ekki hrifnir af næt-
urklúbbi þar sem áður var veit-
ingastaðurinn Apótekið. Telja
þeir að æskilegra væri að þar
væri starfsemi sem opin væri al-
menningi á daginn.
»Húsið teiknaði Guðjón Sam-úelsson húsameistari og var
það meðal fyrstu bygginga sem
hann teiknaði hérlendis. Var það
reist á árunum 1916-1917 og flutti
Reykjavíkurapótek í það 1930.