Morgunblaðið - 15.11.2007, Qupperneq 8
8 FIMMTUDAGUR 15. NÓVEMBER 2007 MORGUNBLAÐIÐ
FRÉTTIR
BORGARSTJÓRI, Dagur B. Egg-
ertsson, opnaði á þriðjudag form-
lega nýtt húsnæði leikskólans
Álftaborgar. Nýi leikskólinn, sem
reistur var á lóð þess gamla, er 659
fermetra hús þar sem 88 börn
dvelja á fjórum deildum. Álftaborg
tók til starfa fyrir tæpum fjórum
áratugum og er einn elsti leikskóli
borgarinnar. Sterkur þáttur í starfi
Álftaborgar er söguhefðin, en þar
hefur alla tíð verið lögð rík áhersla
á frásagnarlist og bóklestur.
Við opnunina flutti borgarstjóri
ávarp, svo og Sigrún E. Smáradótt-
ir, formaður leikskólaráðs, og
Bergur Óskarsson, formaður fram-
kvæmdaráðs. Börnin voru þó í aðal-
hlutverki og sungu fyrir gesti og
sýndu þeim leikskólann sinn.
Morgunblaðið/Sverrir
Klippt Borgarstjóri fær aðstoð við
opnun nýs húsnæðis Álftaborgar.
Ný Álftaborg
VEL gekk að
grafa Héðins-
fjarðargöng
Siglufjarðar-
megin í síð-
ustu viku en
treglega
Ólafsfjarð-
armegin þar sem þétta þurfti berg-
ið þeim megin. Frá Siglufirði voru
sprengdir um 79 m og er lengd
ganga þeim megin nú um 2.759 m.
Ólafsfjarðarmegin gekk fremur
hægt þar sem enn er unnið við
bergþéttingar en 11 metrar voru
sprengdir í göngum þessa vikuna
og er lengd ganga þeim megin því
nú um 1.833 m.
Samanlögð lengd ganga er nú um
4.592 m sem er 43,4% af heildar-
lengd.
Bergþéttingar
tefja gröftinn
ÁKVEÐIÐ hefur verið að halda
samkeppni um götuheiti á mið-
svæði Álftaness í kjölfar auglýs-
ingar á tillögu að deiliskipulagi
svæðisins. Öllum íbúum Álftaness
er heimil þátttaka. Skipulags- og
byggingarnefnd mun fara yfir til-
lögurnar og velja úr þeim. Veitt
verða peningaverðlaun fyrir þá til-
lögu sem ber sigur úr býtum.
Götuheiti óskast
BROT 128 öku-
manna voru
mynduð á Víkur-
vegi í Grafarvogi
í fyrradag.
Fylgst var með
ökutækjum sem
var ekið Víkur-
veg í átt að Halls-
vegi. Á einni
klukkustund, fyrir hádegi, fóru 232
ökutæki þessa akstursleið og því ók
meirihluti ökumanna, eða 55%, of
hratt.
Meðalhraði hinna brotlegu var 68
km/klst en þarna er 50 km há-
markshraði. Tuttugu og tveir óku á
70 kílómetra hraða eða meira en sá
sem hraðast ók var mældur á 101
kílómetra hraða, samkvæmt upp-
lýsingum frá lögreglu.
Hraðakstur
á Víkurvegi
Eftir Sunnu Ósk Logadóttur
sunna@mbl.is
ORKUSÖLUSAMNINGUR Orku-
veitu Reykjavíkur (OR) og Alcan er
bundinn við stækkun álversins í
Straumsvík. Ekki hefur verið rætt
hvort hann taki einnig til afhend-
ingar orku vegna tæknibreytinga í
núverandi álveri sem kalli á aukna
orku, segir Hjörleifur B. Kvaran,
forstjóri OR. Í tilkynningu frá Hjör-
leifi í gær kom fram að hann teldi
forsendur samningsins brostnar.
Rannveig Rist, forstjóri Alcan, sagði
hins vegar í Morgunblaðinu í gær að
Alcan hefði fullan hug á að nýta þá
orku sem samið hafði verið um.
Hjörleifur og Rannveig munu funda
vegna málsins eftir helgi.
Samkvæmt samningnum tekur
OR að sér að virkja og útvega 200
MW vegna nýrrar verksmiðju í
Straumsvík fyrir árslok 2010. Hjör-
leifur segir að eftir niðurstöðu kosn-
inga um deiliskipulag álversins í
Straumsvík í Hafnarfirði í vor, þar
sem bæjarbúar höfnuðu stækkun,
„hafi verið ljóst að samningurinn var
orðinn nokkuð tæpur“. Hins vegar
hefur Alcan verið að skoða aðra kosti
innan lóðar sinnar í Straumsvík.
Breytir engu með Bitru
Á félagsfundi vinstri grænna í
Reykjavík á þriðjudagskvöldið, sem
um fimmtíu félagsmenn sóttu, voru
fulltrúar flokksins í borgarstjórn
hvattir til að setja Bitruvirkjun á ís
og skoða Hengilssvæðið heildstætt.
Heimir Janusarson, formaður félags
VG í Reykjavík, segir að meginlínan
á fundinum hafi verið sú að staldra
við og ná yfirsýn. Haft var eftir
Svandísi Svavarsdóttur, borgarfull-
trúa VG, í RÚV í gær að full efni
væru til að taka athugasemdir um
virkjanaáformin alvarlega.
Bitruvirkjun og Hverahlíðar-
virkjun, sem OR fyrirhugar að
byggja á Hengilssvæðinu, voru m.a.
hugsaðar til að mæta auknum orku-
þörfum Alcan.
En séu forsendur orkusölusamn-
ings OR og Alcan brostnar, er þá
ástæða til að fara í Bitruvirkjun
strax?
„Það er alltaf spurning og okkar
stjórnar og eigenda að skoða það,“
segir Hjörleifur og bendir á að
virkjanirnar séu enn í umhverfis-
mati og „mörg þrep eftir þar til hin
eiginlega virkjun fer af stað“.
Hjörleifur telur enga hættu á því
að verði ekki af sölu raforku til Alc-
an sitji OR uppi með orku úr nýju
virkjununum. Margir aðilar hafi lýst
áhuga á viðræðum um orkukaup.
Ekki verði farið af stað með tug
milljarða fjárfestingar nema að hafa
samið við kaupendur af orkunni.
„Það mun aldrei gerast,“ segir
Hjörleifur.
Tvær nýjar virkjanir
Framkvæmdasvæði Bitruvirkj-
unar er í sveitarfélögunum Ölfusi og
Grímsnes- og Grafningshreppi.
Áætlað er að jarðhitavinnsla þar
nægi til allt að 135 MWe rafmagns-
framleiðslu. Framkvæmdasvæði
Hverahlíðarvirkjunar er í sveitarfé-
laginu Ölfusi og er áætlað að fram-
leiða þar 90 MWe.
Gert er ráð fyrir að raforkufram-
leiðsla fyrsta áfanga Bitruvirkjunar
hefjist árið 2010, segir í frummats-
skýrslu OR vegna virkjunarinnar.
Framkvæmdasvæðið er á Hengils-
svæðinu, nánar tiltekið í Bitru,
svæðis sem liggur austur af Hengl-
inum. Við upphaf matsvinnunnar
var talað um svæðið sem Ölkeldu-
háls og var fyrirhuguð virkjun
kennd við hann. Í þeim áætlunum
var gert ráð fyrir að borað yrði við
Tjarnarhnúk og náði framkvæmda-
svæðið mun lengra til austurs. Af
umhverfisástæðum var horfið frá
því.
Í frummatsskýrslunni segir að
það sé mat framkvæmdaraðila að
áhrif Bitruvirkjunar á landslag séu
talsverð. Samlegðaráhrif Bitruvirkj-
unar, Hverahlíðarvirkjunar, Hellis-
heiðarvirkjunar, Nesjavallavirkj-
unar og tengdra háspennulína á
Hengilssvæðið á landslag, séu hins
vegar talin talsverð til veruleg þar
sem þrengir að ósnortnum svæðum.
Samlegðaráhrif fyrirhugaðra fram-
kvæmda með þeim mannvirkjum
sem komin eru á Hengilssvæðið eru
talin talsverð til veruleg þar sem
gildi Hengilssvæðisins sem útivist-
arsvæðis mun rýrna og lítt snortn-
um svæðum fækkar talsvert.
Í umsögn Umhverfisstofnunar
um Bitruvirkjun, sem birt var í síð-
ustu viku, segir að ef tekið verði til-
lit til athugasemda stofnunarinnar
séu ekki líkur á að heildaráhrif
vegna framkvæmdanna verði um-
talsverð.
Margar athugasemdir
Aldrei hafa jafn margar athuga-
semdar verið gerðar við virkjana-
áform hér á landi, og gerðar voru
við Bitruvirkjun en Skipulags-
stofnun bárust vel á sjöunda hundr-
að athugasemda í vikunni sem leið.
Skipulags- og bygginganefnd
Hveragerðis leggst t.d. alfarið gegn
virkjuninni, og segir Bitruvirkjun
framkvæmd sem muni hafa veruleg
skaðleg áhrif á möguleika Hvera-
gerðis og nágrennis sem íbúða- og
ferðamannasvæðis.
Ólafur Áki Ragnarsson, sveitar-
stjóri Ölfuss, segir allt til alls í sveit-
arfélaginu til orkufrekrar starfsemi.
Viðræður standi nú yfir við fyr-
irtæki um að reisa þar kísilhreins-
unarverksmiðju. Hann segir að
vandað hafi verið til verks við und-
irbúning Bitruvirkjunar. „Það yrðu
vonbrigði fyrir þjóðina í heild sinni
ef horfið yrði frá Bitruvirkjun,“ seg-
ir Ólafur Áki. „Við erum mjög með-
vituð um verðmæti þessa svæðis og
skipulagsvinnan hefur tekið mið af
því.“
Margir vilja orkuna úr Bitru
fari hún ekki til Straumsvíkur
Í HNOTSKURN
»Gert er ráð fyrir að boraþurfi um 27 vinnsluholur
vegna Bitruvirkjunar og að
holurnar verði 2.000- 4.000 m
djúpar.
»Borun á Bitrusvæðinuverður áfangaskipt og er
stefnt á að bora 1 holu árið
2007, átta holur árið 2008, sjö
holur árið 2009 og níu holur
vegna síðari áfanga.
*
1!2
3!
4
!
"
*
+
#,
-,+
#,
*
+
#,
$
+
#,