Morgunblaðið - 15.11.2007, Side 19

MORGUNBLAÐIÐ FIMMTUDAGUR 15. NÓVEMBER 2007 19
NORSKI ljósmyndarinn Ove Aalo
fékk norskan styrk til dvalar á
Skriðuklaustri árið 2006. Hann sýnir
nú afrakstur dvalar sinnar í Nor-
ræna húsinu en sýningin var einnig
sett upp í Galleríi Klaustri á Skriðu-
klaustri. Aalo er þekktastur heima
fyrir sem portrettljósmyndari, nokk-
uð sem einnig kemur fram á sýning-
unni hér þótt í óvenjulegu formi sé.
Aalo myndar íslenskt landslag líkt
og fleiri gestir, hann tekur eftir
óvenjulegum litbrigðum húsa og
byggir myndir sínar markvisst upp.
Viðfangsefnið er þekkt og erfitt að
koma með nýtt sjónarhorn á t.d.
Dyrhólaey, en yfir myndunum hvílir
ákveðin dulúð sem bendir til að ljós-
myndarinn hafi hrifist af viðfangs-
efni sínu. Aðal sýningarinnar er þó
frumleg og sterk myndröð af kind-
um, hér stekkur portrettlistamaður-
inn fram með fína takta, hann nær
svipbrigðum og andlitsfalli kindanna
á þann máta að loks um síðir fær
maður skilið hvernig bændur geta
þekkt hundruð kinda með nafni. Það
er ánægjulegt að sjá óvænt sjónar-
horn á það sem kunnuglegt er og hér
tekst Ove Aalo ágætlega upp.
Norræna húsið hefur staðið að
ágætum sýningum á árinu þótt lítið
fari fyrir þeim en ekki ríkti mikið líf í
sýningarsalnum þegar ég skoðaði
sýningu Aalo, það er spurning hvort
hér mætti eitthvað lífga upp á starf
og kynningu.
Andlitsfall
íslenskra
kinda
MYNDLIST
Norræna húsið
Til 25. nóvember. Opið þri. til sun.
frá kl. 12-17. Aðgangur ókeypis.
Ljósmyndir, Ove Aalo
Ragna Sigurðardóttir
Kind Ljósmyndar svipbrigði kinda.
KRISTÍN Scheving er ef til vill
þekktust hérlendis fyrir menningar-
framtak sitt á Austurlandi þar sem
hún rekur menningarsetrið Slátur-
hús, en hefur einnig verið fram-
kvæmdastjóri Menningarmiðstöðvar
Austurlands og stjórnandi kvik-
mynda- og myndbandahátíðar sömu-
leiðis á Austurlandi. Hún er lærð í
myndbandslist, hljóðlist og kvik-
myndalist og hefur bæði sýnt verk sín
og starfað sem sýningarstjóri og
kennari.
Í anddyri Norræna hússins hefur
Kristín sett upp sýningu á ljósmynda-
verkum, sett fram áprentuð í formi lít-
illa málverka sem raðað er á vegginn í
þyrpingum. Verkið býður upp á línu-
legan lestur en einnig er hægt að
nálgast það óskipulega. Hér koma
saman nokkrir þræðir; bernskuleikir í
ljósi og skugga, barnamálverk, gömul
kona við störf í sveit, litir og ljós. Ung
kona við tölvu eða í borgarumhverfi
tekur á sig ímynd sögumanns en í sýn-
ingarskrá skrifar Kristín um að í
verkinu horfi hún til baka. Önnur mó-
tíf eru ljós, birta og litir og síðan reipi
og hringir, eins og til að undirstrika
tengslin við upprunann sem aldrei
rofna. Svarthvítt myndband undir-
strikar margrætt eðli heimþrár, þar
sem kona hleypur í snjó en reipi held-
ur henni fastri svo hún hleypur í
sömu sporum – römm er sú taug.
Ljósmyndir Kristínar eru í frá-
sagnarstíl og lestur verksins byggist
á að skoða eina af annarri, þó í hvaða
röð sem verða vill. Hver áhorfandi
skapar sína sögu, en frásögn Krist-
ínar nær að fanga mann líkt og kvik-
mynd þar sem framvindan byggist á
hinu ósagða og henni tekst ágætlega
að skapa sammannlegan sannleik úr
persónulegri reynslu.
Frásögn í myndum
MYNDLIST
Anddyri Norræna hússins
Til 30. nóv. Sýningar í anddyri opnar virka
daga 8-17 og 12-17 um helgar. Aðgangur
ókeypis.
Rythmi – Kristín Scheving
Ragna Sigurðardóttir
Morgunblaðið/Ómar
Frásögn „Ljósmyndir Kristínar eru í frásagnarstíl og lestur verksins bygg-
ist á að skoða eina af annarri, þó í hvaða röð sem verða vill. “