Morgunblaðið - 11.12.2007, Blaðsíða 8
MÁLÞING um forvarnir og að-
gerðir gegn einelti og kynferðis-
legri áreitni á vinnustöðum var ný-
verið haldið á vegum
Vinnueftirlitsins. Fór það fram í
kjölfar þriggja undirbúningsfunda
sem haldnir voru með stéttarfélög-
um, þjónustuaðilum á sviði sál-
félagslegra vinnuumhverfisþátta
og þolendum eineltis.
Í undirbúningsferlinu kom m.a.
fram á fundum með stéttarfélögum
að þolendur eineltis og kynferðis-
legrar áreitni á vinnustöðum koma
mjög seint til stéttarfélaganna.
Nauðsynlegt sé að skýra aðkomu
félaganna að málunum og að verk-
lagsreglur verði að vera á öllum
vinnustöðum, sem hægt sé að
fylgja þegar slík mál komi upp.
Þjónustuaðilar á sviði sálfélags-
legra vinnuumhverfisþátta vildu
m.a. leggja áherslu á að auka lög-
fræðilega ráðgjöf frá Vinnueftirlit-
inu og faglega umræðu um sál-
félagslegt vinnuumhverfi, auk þess
sem fagaðilar þurfi skýrar verk-
lagsreglur til að geta sinnt ráðgjöf
í eineltismálum.
Á fundi með þolendum vildu þeir
að stjórnvöld og ráðuneyti öxluðu
meiri ábyrgð. Skjótari viðbrögð
þyrfti við kvörtunum sem fram
kæmu og að óviðunandi væri að
gerendur héldu áfram á vinnustað
en þolendur hrökkluðust burt.
Stjórnendur sem beittu einelti
ættu ekki að hafa mannaforráð.
Á málþinginu fjallaði Þórkatla
Aðalsteinsdóttir sálfræðingur um
einelti frá sjónarhorni meðferðar-
og þjónustuaðila í vinnuvernd. Hún
lagði áherslu á alvarlegar heilsu-
farslegar afleiðingar eineltis, sem
iðulega fylgdu veikindafjarvistir og
loks uppsagnir.
Loks fjallaði Lára V. Júlíusdóttir
hrl. um lögfræðilegt sjónarhorn
eineltis. Vandinn fælist í huglægri
afstöðu þolanda, þar sem henni
fylgdu erfiðleikar við öflun sann-
ana á neikvæðu atferli gerenda.
Unnið verður úr niðurstöðum
undirbúningsfundanna og mál-
þingsins og þær kynntar stjórn
Vinnueftirlitsins og félagsmála-
ráðuneytinu.
Móta úrlausnir vegna
eineltis á vinnustöðum
Stjórnvöld og ráðuneyti axli meiri ábyrgð
Eftir Elvu Björk Sverrisdóttur
elva@mbl.is
„ÞAÐ er endanlega ljóst og hafið yf-
ir allan vafa að Kosovo og Serbía
geta ekki lifað saman innan eins rík-
is í friði. Fyrir því höfum við þegar
fengið nægar
sannanir. Sá sem
ætlar að synja
Kosovo um sjálf-
stæði er þá í raun
og veru að þvinga
þá í ríkjasambúð
sem byggist á of-
beldi. Þess vegna
ber að viður-
kenna sjálfstæði
Kosovo.“ Þetta
segir Jón Baldvin
Hannibalsson, fyrrverandi utanrík-
isráðherra, spurður hvort hann telji
rétt að Íslendingar viðurkenni sjálf-
stæði Kosovo eftir að Kosovo-Alb-
anar lýsa yfir sjálfstæði eins og lík-
legt er talið að þeir geri.
Spurður um þau ummæli Árna
Páls Árnasonar, varaformanns ut-
anríkismálanefndar, að alþjóðasam-
félagið eigi að taka á málinu enda
séu aðstæður í Kosovo það flóknar
og erfiðar að menn ættu ekki að
nota það til þess að slá sig til riddara
á Íslandi, segir Jón Baldvin, að
vissulega séu aðstæður erfiðar.
„Aðildarríki gömlu Júgóslavíu
lentu í einhverri grimmilegustu og
blóðugustu borgarastyrjöld sem um
getur, sérstaklega á tímabilinu
1991-1995 og reyndar lengur. Þá
stóðum við frammi fyrir þeirri
spurningu hvort við ættum að bíða
eftir því að deiluaðilar útkljáðu mál
sín á vígvellinum,“ segir Jón Bald-
vin, en árið 1991 viðurkenndu Ís-
lendingar sjálfstæði Króatíu og
Slóveníu sem þá lýstu sjálfstæði og
sögðu sig úr lögum við gömlu Júgó-
slavíu.
Jón Baldvin segir að á þessum
tíma hafi menn þurft að spyrja sig
hvort ætti að láta serbneska hernum
það eftir að úrskurða hvort Króatía
fengi sjálfstæði eða ekki, eða hvort
viðurkenna ætti staðreyndir.
„Nefnilega þær að Króatía átti full-
an rétt á sjálfstæði og það var ekki
hægt að halda þessum ríkjum sam-
an nema með ofbeldi,“ segir hann.
„Við tókum þá, þá afstöðu að taka
af skarið fyrstir þjóða, bæði að því
er varðaði Slóveníu og Króatíu og
viðurkenndum sjálfstæði þeirra.
Hafi menn haft efasemdir um það
fyrirfram þá var það rétt stefna. Um
það efast enginn lengur,“ segir Jón
Baldvin.
„Ber að viðurkenna
sjálfstæði Kosovo“
Rétt á sínum tíma
að viðurkenna
sjálfstæði Króatíu
og Slóveníu
Reuters
Við öllu búnir NATO hefur sextán þúsund manna herafla í Kosovo.
Jón Baldvin
Hannibalsson
Í HNOTSKURN
»Jón Baldvin Hannibalssonvar utanríkisráðherra 1988-
1995.
»Á þeim tíma studdu Íslend-ingar sjálfstæðisyfirlýsingar
Eystrasaltsríkjanna árið 1990 og
Króatíu og Slóveníu sem lýstu
sjálfstæði árið 1991.
»Fulltrúar allra stjórn-málaflokka í utanrík-
ismálanefnd Alþingis vilja stíga
varlega til jarðar í Kosovo-
málinu.
8 ÞRIÐJUDAGUR 11. DESEMBER 2007 MORGUNBLAÐIÐ
FRÉTTIR
FÉLAG íslenskra gullsmiða og ABC
barnahjálp hafa undirritað samn-
ing. Hálsmenið Kærleikur, sem
hlaut fyrstu verðlaun í samkeppni
um skírnargjöf sem FÍG og Samtök
iðnaðarins stóðu fyrir, verður selt í
völdum verslunum til styrktar ABC
barnahjálp. ABC fær að lágmarki
1000 kr. fyrir hvert selt hálsmen.
Í fyrravetur efndu FÍG og SI til
samkeppni meðal gullsmiða og gull-
smíðanema um hönnun og smíði
skírnargjafar eða gjafar í tilefni
nafngiftar og hlaut Kærleikur 1.
verðlaun. Hönnun og smíði gripsins
var í höndum Sólborgar S. Sigurð-
ardóttur og Svövu Bjarkar Jóns-
dóttur hjá Gulli og Silfri ehf.
Hlutur ABC af hálsmenunum fer
óskiptur í „Móðir-barn á lífi verk-
efnið“ í N-Úganda, sem miðar að
því að hjálpa ungum barnshafandi
stúlkum og mæðrum á unglings-
aldri að halda áfram námi ásamt
því að hugsa um börnin sín. Verk-
efnið er stutt með sölu hálsmena, en
auk þess er hægt er að leggja fram-
lög til verkefnisins inn á reikning
1155-15-41416, kt. 690688-1589.
Sölustaðir eru: GÞ Skartgripir og
úr, Bankastræti 12; Gullkistan
skrautgripaverslun, Frakkastíg 10;
Gullkúnst Helgu, Laugavegi 13;
Gull og silfursmiðjan Erna, Skip-
holti 3; Tímadjásn skartgripaversl-
un, Grímsbæ; Axel Eiríksson Gull-
úrið, Álfabakka 16; Gullsmiðja Óla,
Smáralind; Gullsmiðjan, Lækj-
argötu 34C; Nonni Gull, Strandgötu
37; J.B. ehf. Úr og Skart, Kaup-
vangsstræti 4; Carat, Smáralind og
um borð í vélum Iceland Express.
Morgunblaðið/Brynjar Gauti
Kærleikur Guðrún Margrét Pálsdóttir, formaður ABC, Sólborg S. Sigurð-
ardóttir, annar hönnuða Kærleiks, og Haukur Valdimarsson, formaður FÍG.
ABC barnahjálp fær tekjur
af sölu á kærleikshálsmeni
NÝR leikskóli hefur verið opnaður í
Kópavogi. Leikskólinn, sem hlotið
hefur nafnið Baugur, stendur við
Baugakór. Í Kópavogsbæ eru nú 22
leikskólar, þar af þrír einkareknir.
Gunnar I. Birgisson bæjarstjóri
færði starfsfólki leikskólans, leik-
skólabörnunum og foreldrum
þeirra hamingjuóskir. Húsið var
svo blessað af sr. Guðmundi Karli
Brynjarssyni. Dögg Gunnarsdóttir,
formaður foreldrafélagsins á
Baugi, afhenti leikskólanum mynd
að gjöf sem táknar nafn skólans og
einkunnarorð, en hún er samsett úr
teikningum eftir leikskólabörnin.
Sex deildir verða í Baugi, þar af ein
sem er sérstaklega hönnuð til að
taka við allra yngstu leikskólabörn-
unum. Alls munu 120 börn dvelja á
leikskólanum. Hugmyndafræði
skólans tekur mið af starfsaðferð
sem kennd er við Reggio Emilia á
Ítalíu. Einkunnarorð leikskólans
eru skynjun, uppgötvun og þekk-
ing. Leikskólastjóri er Margrét
Magnúsdóttir.
Morgunblaðið/Ómar
Vígsla Thelma Rós Héðinsdóttir og
Hákon Gunnarsson, bæði 5 ára,
opna nýja leikskólann formlega.
Baugur opn-
aður í Kópavogi
SAMKVÆMT skoðanakönnun sem Capacent Gallup gerði fyrir Náttúru-
verndarsamtök Íslands á tímabilinu 31. október til 11. nóvember sl. telja
78% aðspurðra í könnuninni að stjórnvöld geri lítið til að draga úr út-
streymi mengandi efna sem valda gróðurhúsaáhrifum og loftslagsbreyt-
ingum. Rúm 13% aðspurðra töldu að stjórnvöld geri mikið og tæp 9% tóku
ekki afstöðu. „Þessi niðurstaða bendir til að ríkisstjórn Samfylkingar og
Sjálfstæðisflokks hafi ekki tekist að sannfæra almenning um stjórnvöld
taki loftslagsvandann alvarlega. Fyrir liggja markmið stjórnvalda um 50-
75% nettósamdrátt fyrir 2050 en aðgerðaáætlun um hvernig skuli dregið
úr útstreymi gróðurhúsalofttegunda á Íslandi bíður vorsins. Til að öðlast
tiltrú almennings verður ríkisstjórn Íslands að sýna í verki að hún hyggist
fylgja eftir heima fyrir að samningsmarkmið hennar á vettvangi Samein-
uðu þjóðanna – að iðnríki dragi úr útstreymi gróðurhúsalofttegunda um
25-40% fyrir 2020 í því augnamiði að meðalhitnun andrúmsloftsins verði
haldið undir en 2°C. Jafnframt er brýnt að stjórnvöld upplýsi almenning
um loftslagsbreytingar,“ segir í frétt frá Náttúruverndarsamtökunum.
Stjórnvöld gera ekki nóg
NÝTT sjókort af Austfjörðum er
komið út. Kortið, sem gert er eftir
nýjum mælingum, leysir af hólmi
eldra kort sem gefið var út í Kaup-
mannahöfn árið 1944 og byggði að
mestu á mælingum frá árinu 1897.
Útkoma kortsins er mikilsverður
atburður fyrir sjófarendur við Ís-
land sem fá nú í hendur kort sem
byggir á nýjustu upplýsingum um
svæðið. Nýja kortið er byggt á
dýptarmælingum sem gerðar voru
á mælingabátnum Baldri á árunum
2003 og 2004.
Nýtt sjókort
SAMEIGINLEGUR aðventufundur
KFUM og KFUK verður í kvöld,
þriðjudagskvöldið 11. desember, kl.
20. Dr. Sigurbjörn Einarsson bisk-
up er sérstakur gestur kvöldsins og
flytur hann hugvekju kvöldsins.
Upphafsbæn hefur Kristín M. Möll-
er. Kvartett flytur tónlistaratriði
og Ragnheiður Sverrisdóttir stjórn-
ar samverunni. Kaffiveitingar eftir
fundinn. Fundurinn fer fram í fé-
lagshúsinu á Holtavegi 28. Allir eru
hjartanlega velkomnir.
Aðventufundur
38% bifreiða í Reykjavík reyndust
vera á negldum hjólbörðum þriðju-
daginn 4. desember sl. Á sama tíma
í fyrra voru 40% ökutækja á nagla-
dekkjum. Árleg talning var gerð í
49. viku ársins og skiptist hlutfallið
þannig að 38% ökutækja voru á
negldum dekkjum og 62% á öðrum
dekkjum. Hlutfall negldra dekkja
hefur tilhneigingu til að hækka eft-
ir því sem líður á veturinn en það
hefur hækkað verulega frá því um
miðjan nóvember því þá voru 25%
ökutækja á negldum dekkjum.
Fleiri á nöglum
Pristina. AFP. | Nokkur þúsund ung-
menni komu saman í miðborg
Pristina í gær til að þrýsta á póli-
tíska leiðtoga Kosovo-Albana um að
standa við fyrirheit sín um að lýsa yf-
ir sjálfstæði Kosovo, nú þegar við-
ræður við Serba um samkomulag um
framtíð héraðsins eru runnar út í
sandinn. Utanríkisráðherrar Evr-
ópusambandsins ræddu málið á
fundi í Brussel í gær en svo virðist
sem öll aðildarríkin nema eitt séu
komin á þá skoðun að rétt sé að ESB
viðurkenni sjálfstæði Kosovo.
Skender Hyseni, sem sæti átti í
samninganefnd Kosovo-Albana,
sagði ráðamenn í Pristina nú ætla að
ræða við bandamenn sína á Vestur-
löndum um framhaldið, en ljóst þyk-
ir að Albanar, sem eru um 90% íbúa
Kosovo, hyggist lýsa yfir sjálfstæði.
Albanar segja að ekki þurfi að bíða
lengi eftir slíkri yfirlýsingu en þó
vilja þeir bíða þess að grænt ljós frá
ESB liggi endanlega fyrir. Banda-
ríkin hafa þegar lýst því yfir að þau
muni styðja sjálfstæði Kosovo og
Carl Bildt, utanríkisráðherra Sví-
þjóðar, sagði í Brussel í gær að sam-
staða ríkti því sem næst meðal ESB-
ríkjanna 27, aðeins eitt ríki gæti ekki
fallist á að ESB styddi sjálfstæði til
handa Kosovo í nokkrum skrefum.
Stendur Kýpurstjórn hörð á því að
hún muni ekki viðurkenna einhliða
yfirlýsingu Kosovo-Albana.
Eitt ESB-ríki á móti
ESB-ríkin eru nú næstum öll reiðubúin að viðurkenna
sjálfstæði Kosovo Aðeins Kýpverjar malda enn í móinn